| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
9. д̇ад̇ияаанааг̇ад̇абхаяасуд̇д̇аван̣н̣анаа
9. Tatiyaanāgatabhayasuttavaṇṇanā
79. навамз баал̣иг̇амбхийраад̇и (сам̣. ни. дий. 2.2.229) баал̣ивасзна г̇амбхийраа аг̇аад̇хаа д̣̇угког̇аахаа салласуд̇д̇асад̣̇исаа. салласуд̇д̇ан̃хи (су. ни. 579) ‘‘анимид̇д̇аманан̃н̃аад̇а’’нд̇иаад̣̇инаа баал̣ивасзна г̇амбхийрам̣, на ад̇т̇аг̇амбхийрам̣. д̇ат̇аа хи д̇ад̇т̇а д̇аа д̇аа г̇аат̇аа д̣̇увин̃н̃зяяаруубаа д̇идтанд̇и. д̣̇увин̃н̃зяяан̃хи н̃аан̣зна д̣̇угког̇ааханд̇и гад̇ваа ‘‘г̇амбхийра’’нд̇и вужжад̇и. буб̣б̣аабарам̣бзд̇т̇а гаасан̃жи г̇аат̇аанам̣ д̣̇увин̃н̃зяяад̇ааяа д̣̇угког̇аахамзва, д̇асмаа баал̣ивасзна г̇амбхийрам̣. ад̇т̇аг̇амбхийраад̇и ад̇т̇авасзна г̇амбхийраа махаавзд̣̇алласуд̇д̇асад̣̇исаа, махаавзд̣̇алласуд̇д̇асса (ма. ни. 1.449 аад̣̇аяо) ад̇т̇авасзна г̇амбхийрад̇аа баагадааязва. логам̣ уд̇д̇арад̇ийд̇и логуд̇д̇аро, со ад̇т̇абхууд̇о зд̇зсам̣ ад̇т̇ийд̇и логуд̇д̇араа. д̇знааха – ‘‘логуд̇д̇арад̇хаммад̣̇ийбагаа’’д̇и. сун̃н̃ад̇аабадисам̣яуд̇д̇аад̇и сад̇д̇асун̃н̃ад̇хаммаббагаасагаа . д̇знааха ‘‘канд̇хад̇хаад̇уааяад̇анабажжаяаагаараббадисам̣яуд̇д̇аа’’д̇и. уг̇г̇ахзд̇аб̣б̣ам̣ барияаабун̣ид̇аб̣б̣анд̇и жа лин̇г̇аважанавибаллаасзна вуд̇д̇анд̇и ааха ‘‘уг̇г̇ахзд̇аб̣б̣з жзва вал̣ан̃ж̇зд̇аб̣б̣з жаа’’д̇и. гавино гаммам̣ гавид̇аа. яасса бана яам̣ гаммам̣, д̇ам̣ д̇зна гад̇анд̇и вужжад̇ийд̇и ааха ‘‘гавид̇аад̇и гавийхи гад̇аа’’д̇и. гаавзяяанд̇и габ̣яам̣, габ̣яанд̇и жа гавинаа вуд̇д̇анд̇и ад̇т̇о. д̇знааха ‘‘д̇ассзва взважана’’нд̇и. жид̇д̇агкараад̇и жид̇раагаараагкараа. ид̇арам̣ д̇ассзва взважанам̣. саасанад̇о б̣ахид̣̇д̇хаа тид̇аад̇и на саасанааважараа. б̣аахирагасаавагзхийд̇и ‘‘б̣уд̣̇д̇хаа’’д̇и аббан̃н̃аад̇аанам̣ язсам̣ гзсан̃жи саавагзхи. суссуусиссанд̇ийд̇и агкаражид̇д̇ад̇ааяа жзва сарасамбад̇д̇ияаа жа ад̇д̇аманаа худ̇ваа сааман̣зрад̣̇ахарабхигкумаад̇уг̇аамамахааг̇ахабад̇игаад̣̇аяо ‘‘зса д̇хаммагат̇иго’’д̇и саннибад̇ид̇ваа сод̇угаамаа бхависсанд̇и.
79. Navame pāḷigambhīrāti (saṃ. ni. ṭī. 2.2.229) pāḷivasena gambhīrā agādhā dukkhogāhā sallasuttasadisā. Sallasuttañhi (su. ni. 579) ‘‘animittamanaññāta’’ntiādinā pāḷivasena gambhīraṃ, na atthagambhīraṃ. Tathā hi tattha tā tā gāthā duviññeyyarūpā tiṭṭhanti. Duviññeyyañhi ñāṇena dukkhogāhanti katvā ‘‘gambhīra’’nti vuccati. Pubbāparaṃpettha kāsañci gāthānaṃ duviññeyyatāya dukkhogāhameva, tasmā pāḷivasena gambhīraṃ. Atthagambhīrāti atthavasena gambhīrā mahāvedallasuttasadisā, mahāvedallasuttassa (ma. ni. 1.449 ādayo) atthavasena gambhīratā pākaṭāyeva. Lokaṃ uttaratīti lokuttaro, so atthabhūto etesaṃ atthīti lokuttarā. Tenāha – ‘‘lokuttaradhammadīpakā’’ti. Suññatāpaṭisaṃyuttāti sattasuññadhammappakāsakā . Tenāha ‘‘khandhadhātuāyatanapaccayākārappaṭisaṃyuttā’’ti. Uggahetabbaṃ pariyāpuṇitabbanti ca liṅgavacanavipallāsena vuttanti āha ‘‘uggahetabbe ceva vaḷañjetabbe cā’’ti. Kavino kammaṃ kavitā. Yassa pana yaṃ kammaṃ, taṃ tena katanti vuccatīti āha ‘‘kavitāti kavīhi katā’’ti. Kāveyyanti kabyaṃ, kabyanti ca kavinā vuttanti attho. Tenāha ‘‘tasseva vevacana’’nti. Cittakkharāti citrākāraakkharā. Itaraṃ tasseva vevacanaṃ. Sāsanato bahiddhā ṭhitāti na sāsanāvacarā. Bāhirakasāvakehīti ‘‘buddhā’’ti appaññātānaṃ yesaṃ kesañci sāvakehi. Sussūsissantīti akkharacittatāya ceva sarasampattiyā ca attamanā hutvā sāmaṇeradaharabhikkhumātugāmamahāgahapatikādayo ‘‘esa dhammakathiko’’ti sannipatitvā sotukāmā bhavissanti.
д̇ад̇ияаанааг̇ад̇абхаяасуд̇д̇аван̣н̣анаа нидтид̇аа.
Tatiyaanāgatabhayasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. д̇ад̇ияаанааг̇ад̇абхаяасуд̇д̇ам̣ • 9. Tatiyaanāgatabhayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. д̇ад̇ияаанааг̇ад̇абхаяасуд̇д̇аван̣н̣анаа • 9. Tatiyaanāgatabhayasuttavaṇṇanā
