| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៩. តតិយអនាគតភយសុត្តវណ្ណនា
9. Tatiyaanāgatabhayasuttavaṇṇanā
៧៩. នវមេ ធម្មសន្ទោសា វិនយសន្ទោសោតិ ធម្មសន្ទោសេន វិនយសន្ទោសោ ហោតិ។ កថំ បន ធម្មស្មិំ ទុស្សន្តេ វិនយោ ទុស្សតិ នាម? សមថវិបស្សនាធម្មេសុ គព្ភំ អគ្គណ្ហន្តេសុ បញ្ចវិធោ វិនយោ ន ហោតិ , ឯវំ ធម្មេ ទុស្សន្តេ វិនយោ ទុស្សតិ។ ទុស្សីលស្ស បន សំវរវិនយោ នាម ន ហោតិ, តស្មិំ អសតិ សមថវិបស្សនា គព្ភំ ន គណ្ហាតិ។ ឯវំ វិនយសន្ទោសេនបិ ធម្មសន្ទោសោ វេទិតព្ពោ។ អភិធម្មកថន្តិ សីលាទិឧត្តមធម្មកថំ។ វេទល្លកថន្តិ វេទបដិសំយុត្តំ ញាណមិស្សកកថំ។ កណ្ហធម្មំ ឱក្កមមានាតិ រន្ធគវេសិតាយ ឧបារម្ភបរិយេសនវសេន កាឡកធម្មំ ឱក្កមមានា។ អបិច ទុដ្ឋចិត្តេន បុគ្គលំ ឃដ្ដេន្តាបិ តំ កណ្ហធម្មំ អត្តនោ ទហន្តាបិ លាភសក្ការត្ថំ កថេន្តាបិ កណ្ហធម្មំ ឱក្កមន្តិយេវ។
79. Navame dhammasandosā vinayasandosoti dhammasandosena vinayasandoso hoti. Kathaṃ pana dhammasmiṃ dussante vinayo dussati nāma? Samathavipassanādhammesu gabbhaṃ aggaṇhantesu pañcavidho vinayo na hoti , evaṃ dhamme dussante vinayo dussati. Dussīlassa pana saṃvaravinayo nāma na hoti, tasmiṃ asati samathavipassanā gabbhaṃ na gaṇhāti. Evaṃ vinayasandosenapi dhammasandoso veditabbo. Abhidhammakathanti sīlādiuttamadhammakathaṃ. Vedallakathanti vedapaṭisaṃyuttaṃ ñāṇamissakakathaṃ. Kaṇhadhammaṃ okkamamānāti randhagavesitāya upārambhapariyesanavasena kāḷakadhammaṃ okkamamānā. Apica duṭṭhacittena puggalaṃ ghaṭṭentāpi taṃ kaṇhadhammaṃ attano dahantāpi lābhasakkāratthaṃ kathentāpi kaṇhadhammaṃ okkamantiyeva.
គម្ភីរាតិ បាឡិគម្ភីរា។ គម្ភីរត្ថាតិ អត្ថគម្ភីរា។ លោកុត្តរាតិ លោកុត្តរធម្មទីបកា។ សុញ្ញតាបដិសំយុត្តាតិ ខន្ធធាតុអាយតនបច្ចយាការបដិសំយុត្តា។ ន អញ្ញា ចិត្តំ ឧបដ្ឋបេស្សន្តីតិ ជាននត្ថាយ ចិត្តំ ន ឋបេស្សន្តិ។ ឧគ្គហេតព្ពំ បរិយាបុណិតព្ពន្តិ ឧគ្គហេតព្ពេ ច វឡញ្ជេតព្ពេ ច។ កវិតាតិ សិលោកាទិពន្ធនវសេន កវីហិ កតា។ កាវេយ្យាតិ តស្សេវ វេវចនំ។ ពាហិរកាតិ សាសនតោ ពហិទ្ធា ឋិតា។ សាវកភាសិតាតិ ពាហិរសាវកេហិ ភាសិតា។ សេសមេត្ថ ហេដ្ឋា វុត្តនយត្តា សុវិញ្ញេយ្យត្តា ច ឧត្តានត្ថមេវ។
Gambhīrāti pāḷigambhīrā. Gambhīratthāti atthagambhīrā. Lokuttarāti lokuttaradhammadīpakā. Suññatāpaṭisaṃyuttāti khandhadhātuāyatanapaccayākārapaṭisaṃyuttā. Na aññā cittaṃ upaṭṭhapessantīti jānanatthāya cittaṃ na ṭhapessanti. Uggahetabbaṃ pariyāpuṇitabbanti uggahetabbe ca vaḷañjetabbe ca. Kavitāti silokādibandhanavasena kavīhi katā. Kāveyyāti tasseva vevacanaṃ. Bāhirakāti sāsanato bahiddhā ṭhitā. Sāvakabhāsitāti bāhirasāvakehi bhāsitā. Sesamettha heṭṭhā vuttanayattā suviññeyyattā ca uttānatthameva.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៩. តតិយអនាគតភយសុត្តំ • 9. Tatiyaanāgatabhayasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៩. តតិយអនាគតភយសុត្តវណ្ណនា • 9. Tatiyaanāgatabhayasuttavaṇṇanā
