| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੯. ਤਤਿਯਅਨਾਗਤਭਯਸੁਤ੍ਤવਣ੍ਣਨਾ
9. Tatiyaanāgatabhayasuttavaṇṇanā
੭੯. ਨવਮੇ ਧਮ੍ਮਸਨ੍ਦੋਸਾ વਿਨਯਸਨ੍ਦੋਸੋਤਿ ਧਮ੍ਮਸਨ੍ਦੋਸੇਨ વਿਨਯਸਨ੍ਦੋਸੋ ਹੋਤਿ। ਕਥਂ ਪਨ ਧਮ੍ਮਸ੍ਮਿਂ ਦੁਸ੍ਸਨ੍ਤੇ વਿਨਯੋ ਦੁਸ੍ਸਤਿ ਨਾਮ? ਸਮਥવਿਪਸ੍ਸਨਾਧਮ੍ਮੇਸੁ ਗਬ੍ਭਂ ਅਗ੍ਗਣ੍ਹਨ੍ਤੇਸੁ ਪਞ੍ਚવਿਧੋ વਿਨਯੋ ਨ ਹੋਤਿ , ਏવਂ ਧਮ੍ਮੇ ਦੁਸ੍ਸਨ੍ਤੇ વਿਨਯੋ ਦੁਸ੍ਸਤਿ। ਦੁਸ੍ਸੀਲਸ੍ਸ ਪਨ ਸਂવਰવਿਨਯੋ ਨਾਮ ਨ ਹੋਤਿ, ਤਸ੍ਮਿਂ ਅਸਤਿ ਸਮਥવਿਪਸ੍ਸਨਾ ਗਬ੍ਭਂ ਨ ਗਣ੍ਹਾਤਿ। ਏવਂ વਿਨਯਸਨ੍ਦੋਸੇਨਪਿ ਧਮ੍ਮਸਨ੍ਦੋਸੋ વੇਦਿਤਬ੍ਬੋ। ਅਭਿਧਮ੍ਮਕਥਨ੍ਤਿ ਸੀਲਾਦਿਉਤ੍ਤਮਧਮ੍ਮਕਥਂ। વੇਦਲ੍ਲਕਥਨ੍ਤਿ વੇਦਪਟਿਸਂਯੁਤ੍ਤਂ ਞਾਣਮਿਸ੍ਸਕਕਥਂ। ਕਣ੍ਹਧਮ੍ਮਂ ਓਕ੍ਕਮਮਾਨਾਤਿ ਰਨ੍ਧਗવੇਸਿਤਾਯ ਉਪਾਰਮ੍ਭਪਰਿਯੇਸਨવਸੇਨ ਕਾਲ਼ਕਧਮ੍ਮਂ ਓਕ੍ਕਮਮਾਨਾ। ਅਪਿਚ ਦੁਟ੍ਠਚਿਤ੍ਤੇਨ ਪੁਗ੍ਗਲਂ ਘਟ੍ਟੇਨ੍ਤਾਪਿ ਤਂ ਕਣ੍ਹਧਮ੍ਮਂ ਅਤ੍ਤਨੋ ਦਹਨ੍ਤਾਪਿ ਲਾਭਸਕ੍ਕਾਰਤ੍ਥਂ ਕਥੇਨ੍ਤਾਪਿ ਕਣ੍ਹਧਮ੍ਮਂ ਓਕ੍ਕਮਨ੍ਤਿਯੇવ।
79. Navame dhammasandosā vinayasandosoti dhammasandosena vinayasandoso hoti. Kathaṃ pana dhammasmiṃ dussante vinayo dussati nāma? Samathavipassanādhammesu gabbhaṃ aggaṇhantesu pañcavidho vinayo na hoti , evaṃ dhamme dussante vinayo dussati. Dussīlassa pana saṃvaravinayo nāma na hoti, tasmiṃ asati samathavipassanā gabbhaṃ na gaṇhāti. Evaṃ vinayasandosenapi dhammasandoso veditabbo. Abhidhammakathanti sīlādiuttamadhammakathaṃ. Vedallakathanti vedapaṭisaṃyuttaṃ ñāṇamissakakathaṃ. Kaṇhadhammaṃ okkamamānāti randhagavesitāya upārambhapariyesanavasena kāḷakadhammaṃ okkamamānā. Apica duṭṭhacittena puggalaṃ ghaṭṭentāpi taṃ kaṇhadhammaṃ attano dahantāpi lābhasakkāratthaṃ kathentāpi kaṇhadhammaṃ okkamantiyeva.
ਗਮ੍ਭੀਰਾਤਿ ਪਾਲ਼ਿਗਮ੍ਭੀਰਾ। ਗਮ੍ਭੀਰਤ੍ਥਾਤਿ ਅਤ੍ਥਗਮ੍ਭੀਰਾ। ਲੋਕੁਤ੍ਤਰਾਤਿ ਲੋਕੁਤ੍ਤਰਧਮ੍ਮਦੀਪਕਾ। ਸੁਞ੍ਞਤਾਪਟਿਸਂਯੁਤ੍ਤਾਤਿ ਖਨ੍ਧਧਾਤੁਆਯਤਨਪਚ੍ਚਯਾਕਾਰਪਟਿਸਂਯੁਤ੍ਤਾ। ਨ ਅਞ੍ਞਾ ਚਿਤ੍ਤਂ ਉਪਟ੍ਠਪੇਸ੍ਸਨ੍ਤੀਤਿ ਜਾਨਨਤ੍ਥਾਯ ਚਿਤ੍ਤਂ ਨ ਠਪੇਸ੍ਸਨ੍ਤਿ। ਉਗ੍ਗਹੇਤਬ੍ਬਂ ਪਰਿਯਾਪੁਣਿਤਬ੍ਬਨ੍ਤਿ ਉਗ੍ਗਹੇਤਬ੍ਬੇ ਚ વਲ਼ਞ੍ਜੇਤਬ੍ਬੇ ਚ। ਕવਿਤਾਤਿ ਸਿਲੋਕਾਦਿਬਨ੍ਧਨવਸੇਨ ਕવੀਹਿ ਕਤਾ। ਕਾવੇਯ੍ਯਾਤਿ ਤਸ੍ਸੇવ વੇવਚਨਂ। ਬਾਹਿਰਕਾਤਿ ਸਾਸਨਤੋ ਬਹਿਦ੍ਧਾ ਠਿਤਾ। ਸਾવਕਭਾਸਿਤਾਤਿ ਬਾਹਿਰਸਾવਕੇਹਿ ਭਾਸਿਤਾ। ਸੇਸਮੇਤ੍ਥ ਹੇਟ੍ਠਾ વੁਤ੍ਤਨਯਤ੍ਤਾ ਸੁવਿਞ੍ਞੇਯ੍ਯਤ੍ਤਾ ਚ ਉਤ੍ਤਾਨਤ੍ਥਮੇવ।
Gambhīrāti pāḷigambhīrā. Gambhīratthāti atthagambhīrā. Lokuttarāti lokuttaradhammadīpakā. Suññatāpaṭisaṃyuttāti khandhadhātuāyatanapaccayākārapaṭisaṃyuttā. Na aññā cittaṃ upaṭṭhapessantīti jānanatthāya cittaṃ na ṭhapessanti. Uggahetabbaṃ pariyāpuṇitabbanti uggahetabbe ca vaḷañjetabbe ca. Kavitāti silokādibandhanavasena kavīhi katā. Kāveyyāti tasseva vevacanaṃ. Bāhirakāti sāsanato bahiddhā ṭhitā. Sāvakabhāsitāti bāhirasāvakehi bhāsitā. Sesamettha heṭṭhā vuttanayattā suviññeyyattā ca uttānatthameva.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਤਤਿਯਅਨਾਗਤਭਯਸੁਤ੍ਤਂ • 9. Tatiyaanāgatabhayasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੯. ਤਤਿਯਅਨਾਗਤਭਯਸੁਤ੍ਤવਣ੍ਣਨਾ • 9. Tatiyaanāgatabhayasuttavaṇṇanā
