| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. д̇ад̇ияаассаад̣̇асуд̇д̇ам̣
7. Tatiyaassādasuttaṃ
28. саавад̇т̇инид̣̇аанам̣. ‘‘но жзд̣̇ам̣, бхигкавз, руубасса ассаад̣̇о абхависса наяид̣̇ам̣ сад̇д̇аа руубасмим̣ саараж̇ж̇зяяум̣. яасмаа жа ко, бхигкавз, ад̇т̇и руубасса ассаад̣̇о, д̇асмаа сад̇д̇аа руубасмим̣ саараж̇ж̇анд̇и. но жзд̣̇ам̣, бхигкавз, руубасса аад̣̇ийнаво абхависса наяид̣̇ам̣ сад̇д̇аа руубасмим̣ ниб̣б̣инд̣̇зяяум̣. яасмаа жа ко, бхигкавз, ад̇т̇и руубасса аад̣̇ийнаво, д̇асмаа сад̇д̇аа руубасмим̣ ниб̣б̣инд̣̇анд̇и. но жзд̣̇ам̣, бхигкавз, руубасса ниссаран̣ам̣ абхависса наяид̣̇ам̣ сад̇д̇аа руубасмаа ниссарзяяум̣. яасмаа жа ко, бхигкавз, ад̇т̇и руубасса ниссаран̣ам̣, д̇асмаа сад̇д̇аа руубасмаа ниссаранд̇и. но жзд̣̇ам̣, бхигкавз, взд̣̇анааяа…бз… но жзд̣̇ам̣, бхигкавз, сан̃н̃ааяа… но жзд̣̇ам̣, бхигкавз, сан̇каараанам̣ ниссаран̣ам̣ абхависса , наяид̣̇ам̣ сад̇д̇аа сан̇каарзхи ниссарзяяум̣. яасмаа жа ко, бхигкавз, ад̇т̇и сан̇каараанам̣ ниссаран̣ам̣, д̇асмаа сад̇д̇аа сан̇каарзхи ниссаранд̇и. но жзд̣̇ам̣, бхигкавз, вин̃н̃аан̣асса ассаад̣̇о абхависса, наяид̣̇ам̣ сад̇д̇аа вин̃н̃аан̣асмим̣ саараж̇ж̇зяяум̣. яасмаа жа ко, бхигкавз, ад̇т̇и вин̃н̃аан̣асса ассаад̣̇о, д̇асмаа сад̇д̇аа вин̃н̃аан̣асмим̣ саараж̇ж̇анд̇и. но жзд̣̇ам̣, бхигкавз, вин̃н̃аан̣асса аад̣̇ийнаво абхависса, наяид̣̇ам̣ сад̇д̇аа вин̃н̃аан̣асмим̣ ниб̣б̣инд̣̇зяяум̣. яасмаа жа ко, бхигкавз, ад̇т̇и вин̃н̃аан̣асса аад̣̇ийнаво, д̇асмаа сад̇д̇аа вин̃н̃аан̣асмим̣ ниб̣б̣инд̣̇анд̇и. но жзд̣̇ам̣, бхигкавз, вин̃н̃аан̣асса ниссаран̣ам̣ абхависса, наяид̣̇ам̣ сад̇д̇аа вин̃н̃аан̣асмаа ниссарзяяум̣ . яасмаа жа ко, бхигкавз, ад̇т̇и вин̃н̃аан̣асса ниссаран̣ам̣, д̇асмаа сад̇д̇аа вин̃н̃аан̣асмаа ниссаранд̇и.
28. Sāvatthinidānaṃ. ‘‘No cedaṃ, bhikkhave, rūpassa assādo abhavissa nayidaṃ sattā rūpasmiṃ sārajjeyyuṃ. Yasmā ca kho, bhikkhave, atthi rūpassa assādo, tasmā sattā rūpasmiṃ sārajjanti. No cedaṃ, bhikkhave, rūpassa ādīnavo abhavissa nayidaṃ sattā rūpasmiṃ nibbindeyyuṃ. Yasmā ca kho, bhikkhave, atthi rūpassa ādīnavo, tasmā sattā rūpasmiṃ nibbindanti. No cedaṃ, bhikkhave, rūpassa nissaraṇaṃ abhavissa nayidaṃ sattā rūpasmā nissareyyuṃ. Yasmā ca kho, bhikkhave, atthi rūpassa nissaraṇaṃ, tasmā sattā rūpasmā nissaranti. No cedaṃ, bhikkhave, vedanāya…pe… no cedaṃ, bhikkhave, saññāya… no cedaṃ, bhikkhave, saṅkhārānaṃ nissaraṇaṃ abhavissa , nayidaṃ sattā saṅkhārehi nissareyyuṃ. Yasmā ca kho, bhikkhave, atthi saṅkhārānaṃ nissaraṇaṃ, tasmā sattā saṅkhārehi nissaranti. No cedaṃ, bhikkhave, viññāṇassa assādo abhavissa, nayidaṃ sattā viññāṇasmiṃ sārajjeyyuṃ. Yasmā ca kho, bhikkhave, atthi viññāṇassa assādo, tasmā sattā viññāṇasmiṃ sārajjanti. No cedaṃ, bhikkhave, viññāṇassa ādīnavo abhavissa, nayidaṃ sattā viññāṇasmiṃ nibbindeyyuṃ. Yasmā ca kho, bhikkhave, atthi viññāṇassa ādīnavo, tasmā sattā viññāṇasmiṃ nibbindanti. No cedaṃ, bhikkhave, viññāṇassa nissaraṇaṃ abhavissa, nayidaṃ sattā viññāṇasmā nissareyyuṃ . Yasmā ca kho, bhikkhave, atthi viññāṇassa nissaraṇaṃ, tasmā sattā viññāṇasmā nissaranti.
‘‘яаавагийван̃жа, бхигкавз, сад̇д̇аа имзсам̣ бан̃жаннам̣ убаад̣̇аанагканд̇хаанам̣ ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ нааб̣бхан̃н̃ам̣су 1; нзва д̇аава, бхигкавз, сад̇д̇аа сад̣̇звагаа логаа самаарагаа саб̣рахмагаа сассаман̣аб̣раахман̣ияаа баж̇ааяа сад̣̇звамануссааяа ниссадаа висам̣яуд̇д̇аа виббамуд̇д̇аа вимарияаад̣̇ийгад̇зна жзд̇асаа вихарим̣су. яад̇о жа ко, бхигкавз, сад̇д̇аа имзсам̣ бан̃жаннам̣ убаад̣̇аанагканд̇хаанам̣ ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ аб̣бхан̃н̃ам̣су; ат̇а, бхигкавз, сад̇д̇аа сад̣̇звагаа логаа самаарагаа саб̣рахмагаа сассаман̣аб̣раахман̣ияаа баж̇ааяа сад̣̇звамануссааяа ниссадаа висам̣яуд̇д̇аа виббамуд̇д̇аа вимарияаад̣̇ийгад̇зна жзд̇асаа вихаранд̇и’’. сад̇д̇амам̣.
‘‘Yāvakīvañca, bhikkhave, sattā imesaṃ pañcannaṃ upādānakkhandhānaṃ assādañca assādato ādīnavañca ādīnavato nissaraṇañca nissaraṇato yathābhūtaṃ nābbhaññaṃsu 2; neva tāva, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṃyuttā vippamuttā vimariyādīkatena cetasā vihariṃsu. Yato ca kho, bhikkhave, sattā imesaṃ pañcannaṃ upādānakkhandhānaṃ assādañca assādato ādīnavañca ādīnavato nissaraṇañca nissaraṇato yathābhūtaṃ abbhaññaṃsu; atha, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṃyuttā vippamuttā vimariyādīkatena cetasā viharanti’’. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4-9. чанд̣̇арааг̇асуд̇д̇аад̣̇иван̣н̣анаа • 4-9. Chandarāgasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4-9. чанд̣̇арааг̇асуд̇д̇аад̣̇иван̣н̣анаа • 4-9. Chandarāgasuttādivaṇṇanā
