| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੭. ਤਤਿਯਅਸ੍ਸਾਦਸੁਤ੍ਤਂ
7. Tatiyaassādasuttaṃ
੨੮. ਸਾવਤ੍ਥਿਨਿਦਾਨਂ। ‘‘ਨੋ ਚੇਦਂ, ਭਿਕ੍ਖવੇ, ਰੂਪਸ੍ਸ ਅਸ੍ਸਾਦੋ ਅਭવਿਸ੍ਸ ਨਯਿਦਂ ਸਤ੍ਤਾ ਰੂਪਸ੍ਮਿਂ ਸਾਰਜ੍ਜੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, ਅਤ੍ਥਿ ਰੂਪਸ੍ਸ ਅਸ੍ਸਾਦੋ, ਤਸ੍ਮਾ ਸਤ੍ਤਾ ਰੂਪਸ੍ਮਿਂ ਸਾਰਜ੍ਜਨ੍ਤਿ। ਨੋ ਚੇਦਂ, ਭਿਕ੍ਖવੇ, ਰੂਪਸ੍ਸ ਆਦੀਨવੋ ਅਭવਿਸ੍ਸ ਨਯਿਦਂ ਸਤ੍ਤਾ ਰੂਪਸ੍ਮਿਂ ਨਿਬ੍ਬਿਨ੍ਦੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, ਅਤ੍ਥਿ ਰੂਪਸ੍ਸ ਆਦੀਨવੋ, ਤਸ੍ਮਾ ਸਤ੍ਤਾ ਰੂਪਸ੍ਮਿਂ ਨਿਬ੍ਬਿਨ੍ਦਨ੍ਤਿ। ਨੋ ਚੇਦਂ, ਭਿਕ੍ਖવੇ, ਰੂਪਸ੍ਸ ਨਿਸ੍ਸਰਣਂ ਅਭવਿਸ੍ਸ ਨਯਿਦਂ ਸਤ੍ਤਾ ਰੂਪਸ੍ਮਾ ਨਿਸ੍ਸਰੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, ਅਤ੍ਥਿ ਰੂਪਸ੍ਸ ਨਿਸ੍ਸਰਣਂ, ਤਸ੍ਮਾ ਸਤ੍ਤਾ ਰੂਪਸ੍ਮਾ ਨਿਸ੍ਸਰਨ੍ਤਿ। ਨੋ ਚੇਦਂ, ਭਿਕ੍ਖવੇ, વੇਦਨਾਯ…ਪੇ॰… ਨੋ ਚੇਦਂ, ਭਿਕ੍ਖવੇ, ਸਞ੍ਞਾਯ… ਨੋ ਚੇਦਂ, ਭਿਕ੍ਖવੇ, ਸਙ੍ਖਾਰਾਨਂ ਨਿਸ੍ਸਰਣਂ ਅਭવਿਸ੍ਸ , ਨਯਿਦਂ ਸਤ੍ਤਾ ਸਙ੍ਖਾਰੇਹਿ ਨਿਸ੍ਸਰੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, ਅਤ੍ਥਿ ਸਙ੍ਖਾਰਾਨਂ ਨਿਸ੍ਸਰਣਂ, ਤਸ੍ਮਾ ਸਤ੍ਤਾ ਸਙ੍ਖਾਰੇਹਿ ਨਿਸ੍ਸਰਨ੍ਤਿ। ਨੋ ਚੇਦਂ, ਭਿਕ੍ਖવੇ, વਿਞ੍ਞਾਣਸ੍ਸ ਅਸ੍ਸਾਦੋ ਅਭવਿਸ੍ਸ, ਨਯਿਦਂ ਸਤ੍ਤਾ વਿਞ੍ਞਾਣਸ੍ਮਿਂ ਸਾਰਜ੍ਜੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, ਅਤ੍ਥਿ વਿਞ੍ਞਾਣਸ੍ਸ ਅਸ੍ਸਾਦੋ, ਤਸ੍ਮਾ ਸਤ੍ਤਾ વਿਞ੍ਞਾਣਸ੍ਮਿਂ ਸਾਰਜ੍ਜਨ੍ਤਿ। ਨੋ ਚੇਦਂ, ਭਿਕ੍ਖવੇ, વਿਞ੍ਞਾਣਸ੍ਸ ਆਦੀਨવੋ ਅਭવਿਸ੍ਸ, ਨਯਿਦਂ ਸਤ੍ਤਾ વਿਞ੍ਞਾਣਸ੍ਮਿਂ ਨਿਬ੍ਬਿਨ੍ਦੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, ਅਤ੍ਥਿ વਿਞ੍ਞਾਣਸ੍ਸ ਆਦੀਨવੋ, ਤਸ੍ਮਾ ਸਤ੍ਤਾ વਿਞ੍ਞਾਣਸ੍ਮਿਂ ਨਿਬ੍ਬਿਨ੍ਦਨ੍ਤਿ। ਨੋ ਚੇਦਂ, ਭਿਕ੍ਖવੇ, વਿਞ੍ਞਾਣਸ੍ਸ ਨਿਸ੍ਸਰਣਂ ਅਭવਿਸ੍ਸ, ਨਯਿਦਂ ਸਤ੍ਤਾ વਿਞ੍ਞਾਣਸ੍ਮਾ ਨਿਸ੍ਸਰੇਯ੍ਯੁਂ । ਯਸ੍ਮਾ ਚ ਖੋ, ਭਿਕ੍ਖવੇ, ਅਤ੍ਥਿ વਿਞ੍ਞਾਣਸ੍ਸ ਨਿਸ੍ਸਰਣਂ, ਤਸ੍ਮਾ ਸਤ੍ਤਾ વਿਞ੍ਞਾਣਸ੍ਮਾ ਨਿਸ੍ਸਰਨ੍ਤਿ।
28. Sāvatthinidānaṃ. ‘‘No cedaṃ, bhikkhave, rūpassa assādo abhavissa nayidaṃ sattā rūpasmiṃ sārajjeyyuṃ. Yasmā ca kho, bhikkhave, atthi rūpassa assādo, tasmā sattā rūpasmiṃ sārajjanti. No cedaṃ, bhikkhave, rūpassa ādīnavo abhavissa nayidaṃ sattā rūpasmiṃ nibbindeyyuṃ. Yasmā ca kho, bhikkhave, atthi rūpassa ādīnavo, tasmā sattā rūpasmiṃ nibbindanti. No cedaṃ, bhikkhave, rūpassa nissaraṇaṃ abhavissa nayidaṃ sattā rūpasmā nissareyyuṃ. Yasmā ca kho, bhikkhave, atthi rūpassa nissaraṇaṃ, tasmā sattā rūpasmā nissaranti. No cedaṃ, bhikkhave, vedanāya…pe… no cedaṃ, bhikkhave, saññāya… no cedaṃ, bhikkhave, saṅkhārānaṃ nissaraṇaṃ abhavissa , nayidaṃ sattā saṅkhārehi nissareyyuṃ. Yasmā ca kho, bhikkhave, atthi saṅkhārānaṃ nissaraṇaṃ, tasmā sattā saṅkhārehi nissaranti. No cedaṃ, bhikkhave, viññāṇassa assādo abhavissa, nayidaṃ sattā viññāṇasmiṃ sārajjeyyuṃ. Yasmā ca kho, bhikkhave, atthi viññāṇassa assādo, tasmā sattā viññāṇasmiṃ sārajjanti. No cedaṃ, bhikkhave, viññāṇassa ādīnavo abhavissa, nayidaṃ sattā viññāṇasmiṃ nibbindeyyuṃ. Yasmā ca kho, bhikkhave, atthi viññāṇassa ādīnavo, tasmā sattā viññāṇasmiṃ nibbindanti. No cedaṃ, bhikkhave, viññāṇassa nissaraṇaṃ abhavissa, nayidaṃ sattā viññāṇasmā nissareyyuṃ . Yasmā ca kho, bhikkhave, atthi viññāṇassa nissaraṇaṃ, tasmā sattā viññāṇasmā nissaranti.
‘‘ਯਾવਕੀવਞ੍ਚ, ਭਿਕ੍ਖવੇ, ਸਤ੍ਤਾ ਇਮੇਸਂ ਪਞ੍ਚਨ੍ਨਂ ਉਪਾਦਾਨਕ੍ਖਨ੍ਧਾਨਂ ਅਸ੍ਸਾਦਞ੍ਚ ਅਸ੍ਸਾਦਤੋ ਆਦੀਨવਞ੍ਚ ਆਦੀਨવਤੋ ਨਿਸ੍ਸਰਣਞ੍ਚ ਨਿਸ੍ਸਰਣਤੋ ਯਥਾਭੂਤਂ ਨਾਬ੍ਭਞ੍ਞਂਸੁ 1; ਨੇવ ਤਾવ, ਭਿਕ੍ਖવੇ, ਸਤ੍ਤਾ ਸਦੇવਕਾ ਲੋਕਾ ਸਮਾਰਕਾ ਸਬ੍ਰਹ੍ਮਕਾ ਸਸ੍ਸਮਣਬ੍ਰਾਹ੍ਮਣਿਯਾ ਪਜਾਯ ਸਦੇવਮਨੁਸ੍ਸਾਯ ਨਿਸ੍ਸਟਾ વਿਸਂਯੁਤ੍ਤਾ વਿਪ੍ਪਮੁਤ੍ਤਾ વਿਮਰਿਯਾਦੀਕਤੇਨ ਚੇਤਸਾ વਿਹਰਿਂਸੁ। ਯਤੋ ਚ ਖੋ, ਭਿਕ੍ਖવੇ, ਸਤ੍ਤਾ ਇਮੇਸਂ ਪਞ੍ਚਨ੍ਨਂ ਉਪਾਦਾਨਕ੍ਖਨ੍ਧਾਨਂ ਅਸ੍ਸਾਦਞ੍ਚ ਅਸ੍ਸਾਦਤੋ ਆਦੀਨવਞ੍ਚ ਆਦੀਨવਤੋ ਨਿਸ੍ਸਰਣਞ੍ਚ ਨਿਸ੍ਸਰਣਤੋ ਯਥਾਭੂਤਂ ਅਬ੍ਭਞ੍ਞਂਸੁ; ਅਥ, ਭਿਕ੍ਖવੇ, ਸਤ੍ਤਾ ਸਦੇવਕਾ ਲੋਕਾ ਸਮਾਰਕਾ ਸਬ੍ਰਹ੍ਮਕਾ ਸਸ੍ਸਮਣਬ੍ਰਾਹ੍ਮਣਿਯਾ ਪਜਾਯ ਸਦੇવਮਨੁਸ੍ਸਾਯ ਨਿਸ੍ਸਟਾ વਿਸਂਯੁਤ੍ਤਾ વਿਪ੍ਪਮੁਤ੍ਤਾ વਿਮਰਿਯਾਦੀਕਤੇਨ ਚੇਤਸਾ વਿਹਰਨ੍ਤਿ’’। ਸਤ੍ਤਮਂ।
‘‘Yāvakīvañca, bhikkhave, sattā imesaṃ pañcannaṃ upādānakkhandhānaṃ assādañca assādato ādīnavañca ādīnavato nissaraṇañca nissaraṇato yathābhūtaṃ nābbhaññaṃsu 2; neva tāva, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṃyuttā vippamuttā vimariyādīkatena cetasā vihariṃsu. Yato ca kho, bhikkhave, sattā imesaṃ pañcannaṃ upādānakkhandhānaṃ assādañca assādato ādīnavañca ādīnavato nissaraṇañca nissaraṇato yathābhūtaṃ abbhaññaṃsu; atha, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṃyuttā vippamuttā vimariyādīkatena cetasā viharanti’’. Sattamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪-੯. ਛਨ੍ਦਰਾਗਸੁਤ੍ਤਾਦਿવਣ੍ਣਨਾ • 4-9. Chandarāgasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪-੯. ਛਨ੍ਦਰਾਗਸੁਤ੍ਤਾਦਿવਣ੍ਣਨਾ • 4-9. Chandarāgasuttādivaṇṇanā
