| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
3. д̇ад̇ияаб̣од̇хисуд̇д̇аван̣н̣анаа
3. Tatiyabodhisuttavaṇṇanā
3. д̇ад̇ияз ануломабадиломанд̇и ануломан̃жа бадиломан̃жа, яат̇аавуд̇д̇аануломавасзна жзва бадиломавасзна жаад̇и ад̇т̇о. нану жа буб̣б̣зби ануломавасзна бадиломавасзна жа бадижжасамуббаад̣̇з манасигаараббавад̇д̇и суд̇д̇ад̣̇ваяз вуд̇д̇аа, ид̇ха гасмаа бунаби д̇ад̣̇убхаяавасзна манасигаараббавад̇д̇и вужжад̇ийд̇и? д̇ад̣̇убхаяавасзна д̇ад̇ияаваарам̣ д̇ад̇т̇а манасигаарасса бавад̇д̇ид̇ад̇д̇аа. гат̇ам̣ бана д̇ад̣̇убхаяавасзна манасигааро бавад̇д̇ид̇о? на хи саггаа абуб̣б̣ам̣ ажаримам̣ ануломабадиломам̣ бадижжасамуббаад̣̇асса манасигаарам̣ бавад̇д̇зд̇унд̇и? на ко банзд̇ам̣ звам̣ д̣̇адтаб̣б̣ам̣ ‘‘д̇ад̣̇убхаяам̣ згаж̇жхам̣ манасаагаасий’’д̇и, ат̇а ко ваарзна. бхаг̇аваа хи батамам̣ ануломавасзна бадижжасамуббаад̣̇ам̣ манаси гарид̇ваа д̇ад̣̇ануруубам̣ батамам̣ уд̣̇аанам̣ уд̣̇аанзси. д̣̇уд̇ияамби бадиломавасзна д̇ам̣ манаси гарид̇ваа д̇ад̣̇ануруубамзва уд̣̇аанам̣ уд̣̇аанзси. д̇ад̇ияаваарз бана гаалзна ануломам̣ гаалзна бадиломам̣ манасигаран̣авасзна ануломабадиломам̣ манаси агааси. д̇зна вуд̇д̇ам̣ – ‘‘ануломабадиломанд̇и ануломан̃жа бадиломан̃жа, яат̇аавуд̇д̇аануломавасзна жзва бадиломавасзна жаа’’д̇и. иминаа манасигаарасса баг̇ун̣аб̣алавабхааво жа васийбхааво жа багаасид̇о ход̇и. зд̇т̇а жа ‘‘ануломам̣ манаси гариссаами, бадиломам̣ манаси гариссаами, ануломабадиломам̣ манаси гариссаамий’’д̇и звам̣ бавад̇д̇аанам̣ буб̣б̣аабхог̇аанам̣ васзна нзсам̣ вибхааг̇о взд̣̇ид̇аб̣б̣о.
3. Tatiye anulomapaṭilomanti anulomañca paṭilomañca, yathāvuttaanulomavasena ceva paṭilomavasena cāti attho. Nanu ca pubbepi anulomavasena paṭilomavasena ca paṭiccasamuppāde manasikārappavatti suttadvaye vuttā, idha kasmā punapi tadubhayavasena manasikārappavatti vuccatīti? Tadubhayavasena tatiyavāraṃ tattha manasikārassa pavattitattā. Kathaṃ pana tadubhayavasena manasikāro pavattito? Na hi sakkā apubbaṃ acarimaṃ anulomapaṭilomaṃ paṭiccasamuppādassa manasikāraṃ pavattetunti? Na kho panetaṃ evaṃ daṭṭhabbaṃ ‘‘tadubhayaṃ ekajjhaṃ manasākāsī’’ti, atha kho vārena. Bhagavā hi paṭhamaṃ anulomavasena paṭiccasamuppādaṃ manasi karitvā tadanurūpaṃ paṭhamaṃ udānaṃ udānesi. Dutiyampi paṭilomavasena taṃ manasi karitvā tadanurūpameva udānaṃ udānesi. Tatiyavāre pana kālena anulomaṃ kālena paṭilomaṃ manasikaraṇavasena anulomapaṭilomaṃ manasi akāsi. Tena vuttaṃ – ‘‘anulomapaṭilomanti anulomañca paṭilomañca, yathāvuttaanulomavasena ceva paṭilomavasena cā’’ti. Iminā manasikārassa paguṇabalavabhāvo ca vasībhāvo ca pakāsito hoti. Ettha ca ‘‘anulomaṃ manasi karissāmi, paṭilomaṃ manasi karissāmi, anulomapaṭilomaṃ manasi karissāmī’’ti evaṃ pavattānaṃ pubbābhogānaṃ vasena nesaṃ vibhāgo veditabbo.
д̇ад̇т̇а авиж̇ж̇ааяа д̇взваад̇и авиж̇ж̇ааяа д̇у зва. асзсавирааг̇анирод̇хаад̇и вирааг̇асан̇каад̇зна маг̇г̇зна асзсанирод̇хаа, аг̇г̇амаг̇г̇зна анавасзсаануббаад̣̇аббахаанаад̇и ад̇т̇о. сан̇кааранирод̇ход̇и саб̣б̣зсам̣ сан̇каараанам̣ анавасзсам̣ ануббаад̣̇анирод̇хо. хздтимзна хи маг̇г̇ад̇д̇аязна гзжи сан̇каараа нируж̇жханд̇и, гзжи на нируж̇жханд̇и авиж̇ж̇ааяа саавасзсанирод̇хаа. аг̇г̇амаг̇г̇зна банассаа анавасзсанирод̇хаа на гзжи сан̇каараа на нируж̇жханд̇ийд̇и.
Tattha avijjāya tvevāti avijjāya tu eva. Asesavirāganirodhāti virāgasaṅkhātena maggena asesanirodhā, aggamaggena anavasesaanuppādappahānāti attho. Saṅkhāranirodhoti sabbesaṃ saṅkhārānaṃ anavasesaṃ anuppādanirodho. Heṭṭhimena hi maggattayena keci saṅkhārā nirujjhanti, keci na nirujjhanti avijjāya sāvasesanirodhā. Aggamaggena panassā anavasesanirodhā na keci saṅkhārā na nirujjhantīti.
зд̇амад̇т̇ам̣ вид̣̇ид̇ваад̇и явааяам̣ авиж̇ж̇аад̣̇ивасзна сан̇каараад̣̇игасса д̣̇угкагканд̇хасса самуд̣̇аяо нирод̇хо жа авиж̇ж̇аад̣̇ийнам̣ самуд̣̇аяаа нирод̇хаа жа ход̇ийд̇и вуд̇д̇о, саб̣б̣аагаарзна зд̇амад̇т̇ам̣ вид̣̇ид̇ваа. имам̣ уд̣̇аанам̣ уд̣̇аанзсийд̇и ид̣̇ам̣ язна маг̇г̇зна яо д̣̇угкагканд̇хасса самуд̣̇аяанирод̇хасан̇каад̇о ад̇т̇о гижжавасзна аарамман̣агирияааяа жа вид̣̇ид̇о, д̇асса арияамаг̇г̇асса аанубхаавад̣̇ийбагам̣ вуд̇д̇аббагаарам̣ уд̣̇аанам̣ уд̣̇аанзсийд̇и ад̇т̇о.
Etamatthaṃviditvāti yvāyaṃ avijjādivasena saṅkhārādikassa dukkhakkhandhassa samudayo nirodho ca avijjādīnaṃ samudayā nirodhā ca hotīti vutto, sabbākārena etamatthaṃ viditvā. Imaṃ udānaṃ udānesīti idaṃ yena maggena yo dukkhakkhandhassa samudayanirodhasaṅkhāto attho kiccavasena ārammaṇakiriyāya ca vidito, tassa ariyamaggassa ānubhāvadīpakaṃ vuttappakāraṃ udānaṃ udānesīti attho.
д̇ад̇рааяам̣ сан̇кзбад̇т̇о – яад̣̇аа хавз баад̇убхаванд̇и д̇хаммаа аад̇аабино жхааяад̇о б̣раахман̣асса, д̇ад̣̇аа со б̣раахман̣о д̇зхи уббаннзхи б̣од̇хибагкияад̇хаммзхи яасса ваа арияамаг̇г̇асса жад̇усажжад̇хаммаа баад̇убхууд̇аа , д̇зна арияамаг̇г̇зна вид̇хуубаяам̣ д̇идтад̇и маарасзнам̣, ‘‘гаамаа д̇з батамаа сзнаа’’д̇иаад̣̇инаа (су. ни. 438; махаани. 28; жуул̣ани. нанд̣̇амаан̣авабужчаанид̣̇д̣̇зса 47) наязна вуд̇д̇аббагаарам̣ маарасзнам̣ вид̇хуубаяанд̇о вид̇хамзнд̇о вид̣̇д̇хам̣сзнд̇о д̇идтад̇и. гат̇ам̣? суурияова обхаасаяаманд̇алигкам̣, яат̇аа суурияо аб̣бхуг̇г̇ад̇о ад̇д̇ано бабхааяа анд̇алигкам̣ обхаасзнд̇ова анд̇хагаарам̣ вид̇хамзнд̇о д̇идтад̇и, звам̣ соби кийн̣аасаваб̣раахман̣о д̇зхи д̇хаммзхи д̇зна ваа арияамаг̇г̇зна сажжаани бадивиж̇жханд̇ова маарасзнам̣ вид̇хуубаяанд̇о д̇идтад̇ийд̇и.
Tatrāyaṃ saṅkhepattho – yadā have pātubhavanti dhammā ātāpino jhāyato brāhmaṇassa, tadā so brāhmaṇo tehi uppannehi bodhipakkhiyadhammehi yassa vā ariyamaggassa catusaccadhammā pātubhūtā , tena ariyamaggena vidhūpayaṃ tiṭṭhati mārasenaṃ, ‘‘kāmā te paṭhamā senā’’tiādinā (su. ni. 438; mahāni. 28; cūḷani. nandamāṇavapucchāniddesa 47) nayena vuttappakāraṃ mārasenaṃ vidhūpayanto vidhamento viddhaṃsento tiṭṭhati. Kathaṃ? Sūriyova obhāsayamantalikkhaṃ, yathā sūriyo abbhuggato attano pabhāya antalikkhaṃ obhāsentova andhakāraṃ vidhamento tiṭṭhati, evaṃ sopi khīṇāsavabrāhmaṇo tehi dhammehi tena vā ariyamaggena saccāni paṭivijjhantova mārasenaṃ vidhūpayanto tiṭṭhatīti.
звам̣ бхаг̇авад̇аа батамам̣ бажжаяаагаарабаж̇аананасса, д̣̇уд̇ияам̣ бажжаяагкаяаад̇хиг̇амасса, д̇ад̇ияам̣ арияамаг̇г̇асса аанубхааваббагаасанаани имаани д̇ийн̣и уд̣̇аанаани д̇ийсу яаамзсу бхаасид̇аани. гад̇арааяа рад̇д̇ияаа? абхисамб̣од̇хид̇о сад̇д̇амааяа рад̇д̇ияаа. бхаг̇аваа хи висаакабун̣н̣амааяа рад̇д̇ияаа батамаяаамз буб̣б̣зниваасам̣ ануссарид̇ваа маж̇жхимаяаамз д̣̇иб̣б̣ажагкум̣ висод̇хзд̇ваа бажчимаяаамз бадижжасамуббаад̣̇з н̃аан̣ам̣ од̇аарзд̇ваа наанаанаязхи д̇збхуумагасан̇каарз саммасид̇ваа ‘‘ид̣̇аани арун̣о уг̇г̇амиссад̇ий’’д̇и саммаасамб̣од̇хим̣ баабун̣и, саб̣б̣ан̃н̃уд̇аббад̇д̇исамананд̇арамзва жа арун̣о уг̇г̇ажчийд̇и. д̇ад̇о д̇знзва баллан̇гзна б̣од̇хиругкамуулз сад̇д̇аахам̣ вийд̇инаамзнд̇о самбад̇д̇ааяа баадибад̣̇арад̇д̇ияаа д̇ийсу яаамзсу вуд̇д̇анаязна бадижжасамуббаад̣̇ам̣ манаси гарид̇ваа яат̇ааггамам̣ имаани уд̣̇аанаани уд̣̇аанзси.
Evaṃ bhagavatā paṭhamaṃ paccayākārapajānanassa, dutiyaṃ paccayakkhayādhigamassa, tatiyaṃ ariyamaggassa ānubhāvappakāsanāni imāni tīṇi udānāni tīsu yāmesu bhāsitāni. Katarāya rattiyā? Abhisambodhito sattamāya rattiyā. Bhagavā hi visākhapuṇṇamāya rattiyā paṭhamayāme pubbenivāsaṃ anussaritvā majjhimayāme dibbacakkhuṃ visodhetvā pacchimayāme paṭiccasamuppāde ñāṇaṃ otāretvā nānānayehi tebhūmakasaṅkhāre sammasitvā ‘‘idāni aruṇo uggamissatī’’ti sammāsambodhiṃ pāpuṇi, sabbaññutappattisamanantarameva ca aruṇo uggacchīti. Tato teneva pallaṅkena bodhirukkhamūle sattāhaṃ vītināmento sampattāya pāṭipadarattiyā tīsu yāmesu vuttanayena paṭiccasamuppādaṃ manasi karitvā yathākkamaṃ imāni udānāni udānesi.
канд̇хагз бана д̇ийсуби ваарзсу ‘‘бадижжасамуббаад̣̇ам̣ ануломабадиломам̣ манасаагаасий’’д̇и (махаава. 1) ааг̇ад̇ад̇д̇аа канд̇хагадтагат̇ааяам̣ ‘‘д̇ийсуби яаамзсу звам̣ манаси гад̇ваа батамам̣ уд̣̇аанам̣ бажжаяаагаарабажжавзгкан̣авасзна, д̣̇уд̇ияам̣ ниб̣б̣аанабажжавзгкан̣авасзна, д̇ад̇ияам̣ маг̇г̇абажжавзгкан̣авасзнаад̇и звам̣ имаани бхаг̇аваа уд̣̇аанаани уд̣̇аанзсий’’д̇и вуд̇д̇ам̣, д̇амби на вируж̇жхад̇и. бхаг̇аваа хи табзд̇ваа рад̇анагхарасад̇д̇аахам̣ сзсзсу часу сад̇д̇аахзсу анд̇аранд̇араа д̇хаммам̣ бажжавзгкид̇ваа язбхуяязна вимуд̇д̇исукабадисам̣взд̣̇ий вихааси, рад̇анагхарасад̇д̇аахз бана абхид̇хаммабарижаяавасзнзва вихаасийд̇и.
Khandhake pana tīsupi vāresu ‘‘paṭiccasamuppādaṃ anulomapaṭilomaṃ manasākāsī’’ti (mahāva. 1) āgatattā khandhakaṭṭhakathāyaṃ ‘‘tīsupi yāmesu evaṃ manasi katvā paṭhamaṃ udānaṃ paccayākārapaccavekkhaṇavasena, dutiyaṃ nibbānapaccavekkhaṇavasena, tatiyaṃ maggapaccavekkhaṇavasenāti evaṃ imāni bhagavā udānāni udānesī’’ti vuttaṃ, tampi na virujjhati. Bhagavā hi ṭhapetvā ratanagharasattāhaṃ sesesu chasu sattāhesu antarantarā dhammaṃ paccavekkhitvā yebhuyyena vimuttisukhapaṭisaṃvedī vihāsi, ratanagharasattāhe pana abhidhammaparicayavaseneva vihāsīti.
д̇ад̇ияаб̣од̇хисуд̇д̇аван̣н̣анаа нидтид̇аа.
Tatiyabodhisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 3. д̇ад̇ияаб̣од̇хисуд̇д̇ам̣ • 3. Tatiyabodhisuttaṃ
