| Library / Tipiṭaka / තිපිටක • Tipiṭaka / ධම්‌මසඞ්‌ගණි-අට්‌ඨකථා • Dhammasaṅgaṇi-aṭṭhakathā |
තතියචතුත්‌ථමග්‌ගා
Tatiyacatutthamaggā
362. තතියෙ අනවසෙසප්‌පහානායාති තෙසංයෙව සකදාගාමිමග්‌ගෙන තනුභූතානං සංයොජනානං නිස්‌සෙසපජහනත්‌ථාය.
362. Tatiye anavasesappahānāyāti tesaṃyeva sakadāgāmimaggena tanubhūtānaṃ saṃyojanānaṃ nissesapajahanatthāya.
චතුත්‌ථෙ රූපරාගඅරූපරාගමානඋද්‌ධච්‌චඅවිජ්‌ජාය අනවසෙසප්‌පහානායාති එතෙසං පඤ්‌චන්‌නං උද්‌ධම්‌භාගියසංයොජනානං නිස්‌සෙසපජහනත්‌ථාය. තත්‌ථ රූපරාගොති රූපභවෙ ඡන්‌දරාගො. අරූපරාගොති අරූපභවෙ ඡන්‌දරාගො. මානොති අරහත්‌තමග්‌ගවජ්‌ඣකො මානො එව. තථා උද්‌ධච්‌චාවිජ්‌ජා. ඉමෙසුපි ද්‌වීසු මග්‌ගෙසු නවමං අඤ්‌ඤින්‌ද්‍රියමෙව හොති.
Catutthe rūparāgaarūparāgamānauddhaccaavijjāya anavasesappahānāyāti etesaṃ pañcannaṃ uddhambhāgiyasaṃyojanānaṃ nissesapajahanatthāya. Tattha rūparāgoti rūpabhave chandarāgo. Arūparāgoti arūpabhave chandarāgo. Mānoti arahattamaggavajjhako māno eva. Tathā uddhaccāvijjā. Imesupi dvīsu maggesu navamaṃ aññindriyameva hoti.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / ධම්‌මසඞ්‌ගණීපාළි • Dhammasaṅgaṇīpāḷi / ලොකුත්‌තරකුසලං • Lokuttarakusalaṃ
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / ධම්‌මසඞ්‌ගණී-මූලටීකා • Dhammasaṅgaṇī-mūlaṭīkā / තතියචතුත්‌ථමග්‌ගවණ්‌ණනා • Tatiyacatutthamaggavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / ධම්‌මසඞ්‌ගණී-අනුටීකා • Dhammasaṅgaṇī-anuṭīkā / චතුමග්‌ගනයසහස්‌සවණ්‌ණනා • Catumagganayasahassavaṇṇanā
