| Library / Tipiṭaka / திபிடக • Tipiṭaka / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā |
ததியசதுத்த²மக்³க³வண்ணனா
Tatiyacatutthamaggavaṇṇanā
362. மக்³க³ங்கா³னி ந பூரெந்தி அகிச்சகத்தா ஸம்மாதி³ட்டி²யாதி அதி⁴ப்பாயோ. மாரெந்தோ க³ச்ச²தீதி ஹி மக்³கோ³, ந சேதாய மாரேதப்³ப³ங் அத்தீ²தி. மானஸ்ஸ தி³ட்டி²ஸதி³ஸா பவத்தி அஹமஸ்மீதி பவத்தமானஸ்ஸ தி³ட்டி²ட்டா²னே டா²னங். ஆலோகஸ்ஸேவ பவத்திகாலோ வியாதி சிரப்பவத்திங் ஸந்தா⁴யாஹ. ஏகதே³ஸஸாமஞ்ஞேன ஹி யதா²தி⁴ப்பேதேன உபமா ஹோதீதி. கா²ரே வாதி கட்டா²தீ³னங் கா²ரச்சா²ரிகாயங். ஸம்மத்³தி³த்வாதி கிலேதெ³த்வா. ச²ந்தோ³தி தண்ஹா. அனுஸயோதி தண்ஹா மானானுஸயோ ச. ஏதஸ்மிஞ்ச ஸுத்தே அஸமூஹதஸ்ஸ க³ந்த⁴ஸ்ஸ ஸமுக்³கா⁴டனங் விய அஸமூஹதமானாதி³ஸமுக்³கா⁴தங் த³ஸ்ஸெந்தேன அஞ்ஞமஞ்ஞே கிலேஸே பஜஹதீதி த³ஸ்ஸிதந்தி ஆனீதங், ந யதா²வுத்தனயேன உபமாய வுத்தத்தாதி த³ட்ட²ப்³ப³ங். நிரந்தரங் பவத்தமானே சித்தே தஸ்ஸ ஸங்கிலேஸவோதா³னகரா ஸாவஜ்ஜானவஜ்ஜா சேதஸிகா உப்பஜ்ஜமானா தஸ்ஸங்க³பூ⁴தா அவயவா விய ஹொந்தீதி ‘‘சித்தங்க³வஸேனா’’தி வுத்தங்.
362. Maggaṅgāni na pūrenti akiccakattā sammādiṭṭhiyāti adhippāyo. Mārento gacchatīti hi maggo, na cetāya māretabbaṃ atthīti. Mānassa diṭṭhisadisā pavatti ahamasmīti pavattamānassa diṭṭhiṭṭhāne ṭhānaṃ. Ālokasseva pavattikālo viyāti cirappavattiṃ sandhāyāha. Ekadesasāmaññena hi yathādhippetena upamā hotīti. Khāre vāti kaṭṭhādīnaṃ khāracchārikāyaṃ. Sammadditvāti kiledetvā. Chandoti taṇhā. Anusayoti taṇhā mānānusayo ca. Etasmiñca sutte asamūhatassa gandhassa samugghāṭanaṃ viya asamūhatamānādisamugghātaṃ dassentena aññamaññe kilese pajahatīti dassitanti ānītaṃ, na yathāvuttanayena upamāya vuttattāti daṭṭhabbaṃ. Nirantaraṃ pavattamāne citte tassa saṃkilesavodānakarā sāvajjānavajjā cetasikā uppajjamānā tassaṅgabhūtā avayavā viya hontīti ‘‘cittaṅgavasenā’’ti vuttaṃ.
லோகுத்தரகுஸலவண்ணனா நிட்டி²தா.
Lokuttarakusalavaṇṇanā niṭṭhitā.
குஸலகதா²வண்ணனா நிட்டி²தா.
Kusalakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / லோகுத்தரகுஸலங் • Lokuttarakusalaṃ
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā / ததியசதுத்த²மக்³கா³ • Tatiyacatutthamaggā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-அனுடீகா • Dhammasaṅgaṇī-anuṭīkā / சதுமக்³க³னயஸஹஸ்ஸவண்ணனா • Catumagganayasahassavaṇṇanā
