| Library / Tipiṭaka / তিপিটক • Tipiṭaka / ধম্মসঙ্গণী-মূলটীকা • Dhammasaṅgaṇī-mūlaṭīkā |
ততিযচতুত্থমগ্গৰণ্ণনা
Tatiyacatutthamaggavaṇṇanā
৩৬২. মগ্গঙ্গানি ন পূরেন্তি অকিচ্চকত্তা সম্মাদিট্ঠিযাতি অধিপ্পাযো। মারেন্তো গচ্ছতীতি হি মগ্গো, ন চেতায মারেতব্বং অত্থীতি। মানস্স দিট্ঠিসদিসা পৰত্তি অহমস্মীতি পৰত্তমানস্স দিট্ঠিট্ঠানে ঠানং। আলোকস্সেৰ পৰত্তিকালো ৰিযাতি চিরপ্পৰত্তিং সন্ধাযাহ। একদেসসামঞ্ঞেন হি যথাধিপ্পেতেন উপমা হোতীতি। খারে ৰাতি কট্ঠাদীনং খারচ্ছারিকাযং। সম্মদ্দিত্ৰাতি কিলেদেত্ৰা। ছন্দোতি তণ্হা। অনুসযোতি তণ্হা মানানুসযো চ। এতস্মিঞ্চ সুত্তে অসমূহতস্স গন্ধস্স সমুগ্ঘাটনং ৰিয অসমূহতমানাদিসমুগ্ঘাতং দস্সেন্তেন অঞ্ঞমঞ্ঞে কিলেসে পজহতীতি দস্সিতন্তি আনীতং, ন যথাৰুত্তনযেন উপমায ৰুত্তত্তাতি দট্ঠব্বং। নিরন্তরং পৰত্তমানে চিত্তে তস্স সংকিলেসৰোদানকরা সাৰজ্জানৰজ্জা চেতসিকা উপ্পজ্জমানা তস্সঙ্গভূতা অৰযৰা ৰিয হোন্তীতি ‘‘চিত্তঙ্গৰসেনা’’তি ৰুত্তং।
362. Maggaṅgāni na pūrenti akiccakattā sammādiṭṭhiyāti adhippāyo. Mārento gacchatīti hi maggo, na cetāya māretabbaṃ atthīti. Mānassa diṭṭhisadisā pavatti ahamasmīti pavattamānassa diṭṭhiṭṭhāne ṭhānaṃ. Ālokasseva pavattikālo viyāti cirappavattiṃ sandhāyāha. Ekadesasāmaññena hi yathādhippetena upamā hotīti. Khāre vāti kaṭṭhādīnaṃ khāracchārikāyaṃ. Sammadditvāti kiledetvā. Chandoti taṇhā. Anusayoti taṇhā mānānusayo ca. Etasmiñca sutte asamūhatassa gandhassa samugghāṭanaṃ viya asamūhatamānādisamugghātaṃ dassentena aññamaññe kilese pajahatīti dassitanti ānītaṃ, na yathāvuttanayena upamāya vuttattāti daṭṭhabbaṃ. Nirantaraṃ pavattamāne citte tassa saṃkilesavodānakarā sāvajjānavajjā cetasikā uppajjamānā tassaṅgabhūtā avayavā viya hontīti ‘‘cittaṅgavasenā’’ti vuttaṃ.
লোকুত্তরকুসলৰণ্ণনা নিট্ঠিতা।
Lokuttarakusalavaṇṇanā niṭṭhitā.
কুসলকথাৰণ্ণনা নিট্ঠিতা।
Kusalakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / ধম্মসঙ্গণীপাল়ি • Dhammasaṅgaṇīpāḷi / লোকুত্তরকুসলং • Lokuttarakusalaṃ
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / ধম্মসঙ্গণি-অট্ঠকথা • Dhammasaṅgaṇi-aṭṭhakathā / ততিযচতুত্থমগ্গা • Tatiyacatutthamaggā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / ধম্মসঙ্গণী-অনুটীকা • Dhammasaṅgaṇī-anuṭīkā / চতুমগ্গনযসহস্সৰণ্ণনা • Catumagganayasahassavaṇṇanā
