| Library / Tipiṭaka / ཏིཔིཊཀ • Tipiṭaka / དྷམྨསངྒཎཱི-མཱུལཊཱིཀཱ • Dhammasaṅgaṇī-mūlaṭīkā |
ཏཏིཡཙཏུཏྠམགྒཝཎྞནཱ
Tatiyacatutthamaggavaṇṇanā
༣༦༢. མགྒངྒཱནི ན པཱུརེནྟི ཨཀིཙྩཀཏྟཱ སམྨཱདིཊྛིཡཱཏི ཨདྷིཔྤཱཡོ། མཱརེནྟོ གཙྪཏཱིཏི ཧི མགྒོ, ན ཙེཏཱཡ མཱརེཏབྦཾ ཨཏྠཱིཏི། མཱནསྶ དིཊྛིསདིསཱ པཝཏྟི ཨཧམསྨཱིཏི པཝཏྟམཱནསྶ དིཊྛིཊྛཱནེ ཋཱནཾ། ཨཱལོཀསྶེཝ པཝཏྟིཀཱལོ ཝིཡཱཏི ཙིརཔྤཝཏྟིཾ སནྡྷཱཡཱཧ། ཨེཀདེསསཱམཉྙེན ཧི ཡཐཱདྷིཔྤེཏེན ཨུཔམཱ ཧོཏཱིཏི། ཁཱརེ ཝཱཏི ཀཊྛཱདཱིནཾ ཁཱརཙྪཱརིཀཱཡཾ། སམྨདྡིཏྭཱཏི ཀིལེདེཏྭཱ། ཚནྡོཏི ཏཎྷཱ། ཨནུསཡོཏི ཏཎྷཱ མཱནཱནུསཡོ ཙ། ཨེཏསྨིཉྩ སུཏྟེ ཨསམཱུཧཏསྶ གནྡྷསྶ སམུགྒྷཱཊནཾ ཝིཡ ཨསམཱུཧཏམཱནཱདིསམུགྒྷཱཏཾ དསྶེནྟེན ཨཉྙམཉྙེ ཀིལེསེ པཛཧཏཱིཏི དསྶིཏནྟི ཨཱནཱིཏཾ, ན ཡཐཱཝུཏྟནཡེན ཨུཔམཱཡ ཝུཏྟཏྟཱཏི དཊྛབྦཾ། ནིརནྟརཾ པཝཏྟམཱནེ ཙིཏྟེ ཏསྶ སཾཀིལེསཝོདཱནཀརཱ སཱཝཛྫཱནཝཛྫཱ ཙེཏསིཀཱ ཨུཔྤཛྫམཱནཱ ཏསྶངྒབྷཱུཏཱ ཨཝཡཝཱ ཝིཡ ཧོནྟཱིཏི ‘‘ཙིཏྟངྒཝསེནཱ’’ཏི ཝུཏྟཾ།
362. Maggaṅgāni na pūrenti akiccakattā sammādiṭṭhiyāti adhippāyo. Mārento gacchatīti hi maggo, na cetāya māretabbaṃ atthīti. Mānassa diṭṭhisadisā pavatti ahamasmīti pavattamānassa diṭṭhiṭṭhāne ṭhānaṃ. Ālokasseva pavattikālo viyāti cirappavattiṃ sandhāyāha. Ekadesasāmaññena hi yathādhippetena upamā hotīti. Khāre vāti kaṭṭhādīnaṃ khāracchārikāyaṃ. Sammadditvāti kiledetvā. Chandoti taṇhā. Anusayoti taṇhā mānānusayo ca. Etasmiñca sutte asamūhatassa gandhassa samugghāṭanaṃ viya asamūhatamānādisamugghātaṃ dassentena aññamaññe kilese pajahatīti dassitanti ānītaṃ, na yathāvuttanayena upamāya vuttattāti daṭṭhabbaṃ. Nirantaraṃ pavattamāne citte tassa saṃkilesavodānakarā sāvajjānavajjā cetasikā uppajjamānā tassaṅgabhūtā avayavā viya hontīti ‘‘cittaṅgavasenā’’ti vuttaṃ.
ལོཀུཏྟརཀུསལཝཎྞནཱ ནིཊྛིཏཱ།
Lokuttarakusalavaṇṇanā niṭṭhitā.
ཀུསལཀཐཱཝཎྞནཱ ནིཊྛིཏཱ།
Kusalakathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / དྷམྨསངྒཎཱིཔཱལི༹ • Dhammasaṅgaṇīpāḷi / ལོཀུཏྟརཀུསལཾ • Lokuttarakusalaṃ
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / དྷམྨསངྒཎི-ཨཊྛཀཐཱ • Dhammasaṅgaṇi-aṭṭhakathā / ཏཏིཡཙཏུཏྠམགྒཱ • Tatiyacatutthamaggā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / དྷམྨསངྒཎཱི-ཨནུཊཱིཀཱ • Dhammasaṅgaṇī-anuṭīkā / ཙཏུམགྒནཡསཧསྶཝཎྞནཱ • Catumagganayasahassavaṇṇanā
