| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. д̇ад̇ияажзд̇анаасуд̇д̇аван̣н̣анаа
10. Tatiyacetanāsuttavaṇṇanā
40. руубаад̣̇ийсу часу аарамман̣зсу. д̇зна жзд̇т̇а бхавад̇д̇аяам̣ сан̇г̇ан̣хаад̇и чал̣аарамман̣абарияаабаннад̇д̇аа. д̇ассзва бхавад̇д̇аяасса бад̇т̇анаа бан̣ид̇хаанаад̣̇ивасзна над̇и наама. ааг̇ад̇имхи г̇ад̇ийд̇и бажжубадтаанавасзна абхимукам̣ г̇ад̇и бавад̇д̇и зд̇асмаад̇и ааг̇ад̇и, гаммаад̣̇инимид̇д̇ам̣. д̇асмим̣ бадисанд̇хивин̃н̃аан̣асса г̇ад̇и бавад̇д̇и ниб̣б̣ад̇д̇и ход̇и. д̇знааха ‘‘ааг̇ад̇з’’д̇иаад̣̇и. жуд̇уубабаад̇од̇и жаванам̣ жуд̇и, маран̣ам̣. убабаж̇ж̇анам̣ ниб̣б̣ад̇д̇и, убабаад̇о. жуд̇ид̇о убабаад̇о бунаруббаад̣̇о. д̇знааха ‘‘звам̣ вин̃н̃аан̣ассаа’’д̇иаад̣̇и. ид̇од̇и ниб̣б̣ад̇д̇абхавад̇о. д̇ад̇т̇аад̇и бунаб̣бхавасан̇каад̇з ааяад̇ибхавз. згова санд̇хийд̇и зго хзд̇упаласанд̇хи зва гат̇ид̇о.
40.Rūpādīsu chasu ārammaṇesu. Tena cettha bhavattayaṃ saṅgaṇhāti chaḷārammaṇapariyāpannattā. Tasseva bhavattayassa patthanā paṇidhānādivasena nati nāma. Āgatimhi gatīti paccupaṭṭhānavasena abhimukhaṃ gati pavatti etasmāti āgati, kammādinimittaṃ. Tasmiṃ paṭisandhiviññāṇassa gati pavatti nibbatti hoti. Tenāha ‘‘āgate’’tiādi. Cutūpapātoti cavanaṃ cuti, maraṇaṃ. Upapajjanaṃ nibbatti, upapāto. Cutito upapāto punaruppādo. Tenāha ‘‘evaṃ viññāṇassā’’tiādi. Itoti nibbattabhavato. Tatthāti punabbhavasaṅkhāte āyatibhave. Ekova sandhīti eko hetuphalasandhi eva kathito.
д̇ад̇ияажзд̇анаасуд̇д̇аван̣н̣анаа нидтид̇аа.
Tatiyacetanāsuttavaṇṇanā niṭṭhitā.
гал̣ааракад̇д̇ияаваг̇г̇аван̣н̣анаа нидтид̇аа.
Kaḷārakhattiyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. д̇ад̇ияажзд̇анаасуд̇д̇ам̣ • 10. Tatiyacetanāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. д̇ад̇ияажзд̇анаасуд̇д̇аван̣н̣анаа • 10. Tatiyacetanāsuttavaṇṇanā
