| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
10. තතියචෙතනාසුත්‌තවණ්‌ණනා
10. Tatiyacetanāsuttavaṇṇanā
40. රූපාදීසු ඡසු ආරම්‌මණෙසු. තෙන චෙත්‌ථ භවත්‌තයං සඞ්‌ගණ්‌හාති ඡළාරම්‌මණපරියාපන්‌නත්‌තා. තස්‌සෙව භවත්‌තයස්‌ස පත්‌ථනා පණිධානාදිවසෙන නති නාම. ආගතිම්‌හි ගතීති පච්‌චුපට්‌ඨානවසෙන අභිමුඛං ගති පවත්‌ති එතස්‌මාති ආගති, කම්‌මාදිනිමිත්‌තං. තස්‌මිං පටිසන්‌ධිවිඤ්‌ඤාණස්‌ස ගති පවත්‌ති නිබ්‌බත්‌ති හොති. තෙනාහ ‘‘ආගතෙ’’තිආදි. චුතූපපාතොති චවනං චුති, මරණං. උපපජ්‌ජනං නිබ්‌බත්‌ති, උපපාතො. චුතිතො උපපාතො පුනරුප්‌පාදො. තෙනාහ ‘‘එවං විඤ්‌ඤාණස්‌සා’’තිආදි. ඉතොති නිබ්‌බත්‌තභවතො. තත්‌ථාති පුනබ්‌භවසඞ්‌ඛාතෙ ආයතිභවෙ. එකොව සන්‌ධීති එකො හෙතුඵලසන්‌ධි එව කථිතො.
40.Rūpādīsu chasu ārammaṇesu. Tena cettha bhavattayaṃ saṅgaṇhāti chaḷārammaṇapariyāpannattā. Tasseva bhavattayassa patthanā paṇidhānādivasena nati nāma. Āgatimhi gatīti paccupaṭṭhānavasena abhimukhaṃ gati pavatti etasmāti āgati, kammādinimittaṃ. Tasmiṃ paṭisandhiviññāṇassa gati pavatti nibbatti hoti. Tenāha ‘‘āgate’’tiādi. Cutūpapātoti cavanaṃ cuti, maraṇaṃ. Upapajjanaṃ nibbatti, upapāto. Cutito upapāto punaruppādo. Tenāha ‘‘evaṃ viññāṇassā’’tiādi. Itoti nibbattabhavato. Tatthāti punabbhavasaṅkhāte āyatibhave. Ekova sandhīti eko hetuphalasandhi eva kathito.
තතියචෙතනාසුත්‌තවණ්‌ණනා නිට්‌ඨිතා.
Tatiyacetanāsuttavaṇṇanā niṭṭhitā.
කළාරඛත්‌තියවග්‌ගවණ්‌ණනා නිට්‌ඨිතා.
Kaḷārakhattiyavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 10. තතියචෙතනාසුත්‌තං • 10. Tatiyacetanāsuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 10. තතියචෙතනාසුත්‌තවණ්‌ණනා • 10. Tatiyacetanāsuttavaṇṇanā
