| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੦. ਤਤਿਯਚੇਤਨਾਸੁਤ੍ਤવਣ੍ਣਨਾ
10. Tatiyacetanāsuttavaṇṇanā
੪੦. ਦਸਮੇ ਨਤੀਤਿ ਤਣ੍ਹਾ। ਸਾ ਹਿ ਪਿਯਰੂਪੇਸੁ ਰੂਪਾਦੀਸੁ ਨਮਨਟ੍ਠੇਨ ‘‘ਨਤੀ’’ਤਿ વੁਚ੍ਚਤਿ। ਆਗਤਿ ਗਤਿ ਹੋਤੀਤਿ ਆਗਤਿਮ੍ਹਿ ਗਤਿ ਹੋਤਿ, ਆਗਤੇ ਪਚ੍ਚੁਪਟ੍ਠਿਤੇ ਕਮ੍ਮੇ વਾ ਕਮ੍ਮਨਿਮਿਤ੍ਤੇ વਾ ਗਹਿਨਿਮਿਤ੍ਤੇ વਾ ਪਟਿਸਨ੍ਧਿવਸੇਨ વਿਞ੍ਞਾਣਸ੍ਸ ਗਤਿ ਹੋਤਿ। ਚੁਤੂਪਪਾਤੋਤਿ ਏવਂ વਿਞ੍ਞਾਣਸ੍ਸ ਆਗਤੇ ਪਟਿਸਨ੍ਧਿવਿਸਯੇ ਗਤਿਯਾ ਸਤਿ ਇਤੋ ਚવਨਸਙ੍ਖਾਤਾ ਚੁਤਿ, ਤਤ੍ਥੂਪਪਤ੍ਤਿਸਙ੍ਖਾਤੋ ਉਪਪਾਤੋਤਿ ਅਯਂ ਚੁਤੂਪਪਾਤੋ ਨਾਮ ਹੋਤਿ। ਏવਂ ਇਮਸ੍ਮਿਂ ਸੁਤ੍ਤੇ ਨਤਿਯਾ ਚ ਆਗਤਿਗਤਿਯਾ ਚ ਅਨ੍ਤਰੇ ਏਕੋવ ਸਨ੍ਧਿ ਕਥਿਤੋਤਿ। ਦਸਮਂ।
40. Dasame natīti taṇhā. Sā hi piyarūpesu rūpādīsu namanaṭṭhena ‘‘natī’’ti vuccati. Āgati gati hotīti āgatimhi gati hoti, āgate paccupaṭṭhite kamme vā kammanimitte vā gahinimitte vā paṭisandhivasena viññāṇassa gati hoti. Cutūpapātoti evaṃ viññāṇassa āgate paṭisandhivisaye gatiyā sati ito cavanasaṅkhātā cuti, tatthūpapattisaṅkhāto upapātoti ayaṃ cutūpapāto nāma hoti. Evaṃ imasmiṃ sutte natiyā ca āgatigatiyā ca antare ekova sandhi kathitoti. Dasamaṃ.
ਕਲ਼ਾਰਖਤ੍ਤਿਯવਗ੍ਗੋ ਚਤੁਤ੍ਥੋ।
Kaḷārakhattiyavaggo catuttho.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਤਤਿਯਚੇਤਨਾਸੁਤ੍ਤਂ • 10. Tatiyacetanāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. ਤਤਿਯਚੇਤਨਾਸੁਤ੍ਤવਣ੍ਣਨਾ • 10. Tatiyacetanāsuttavaṇṇanā
