| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
д̇ад̇ияажид̇д̇аван̣н̣анаа
Tatiyacittavaṇṇanā
400. ид̇ха маанзна сад̣̇д̇хим̣ бан̃жа абан̣н̣аган̇г̇аанийд̇и авираж̇жханаган̇г̇аани уббад̇д̇иарахан̇г̇аани хонд̇ийд̇и ад̇т̇о д̣̇адтаб̣б̣о. маанасса анияад̇ад̇д̇аа на нияад̇аязваабанагаад̇и . бадтаанз хи ‘‘сам̣яож̇анам̣ д̇хаммам̣ бадижжа сам̣яож̇ано д̇хаммо уббаж̇ж̇ад̇и хзд̇убажжаяаа’’д̇и (бадтаа. 3.4.1) зд̇т̇а ‘‘жад̇угкад̇д̇ум̣ гаамарааг̇зна д̇игкад̇д̇ум̣ бадигхзна жа маано вижигижчаа бхаварааг̇о д̇аяобзд̇з сагад̣̇ааг̇аамино сам̣яож̇анаанам̣ сам̣яож̇анзхи д̣̇асавид̇хаа яож̇анаа’’д̇и д̣̇ассид̇ааяа д̣̇асавид̇хааяа яож̇анааяа ‘‘гаамарааг̇асам̣яож̇анам̣ бадижжа маанасам̣яож̇анам̣ авиж̇ж̇аасам̣яож̇ана’’нд̇и вад̇ваа ‘‘гаамарааг̇асам̣яож̇анам̣ бадижжа авиж̇ж̇аасам̣яож̇ана’’нд̇и ‘‘маанасам̣яож̇анам̣ бадижжа бхаварааг̇асам̣яож̇анам̣ авиж̇ж̇аасам̣яож̇ана’’нд̇и жа вад̇ваа ‘‘бхаварааг̇асам̣яож̇анам̣ бадижжа авиж̇ж̇аасам̣яож̇ана’’нд̇и вуд̇д̇аахи яож̇анаахи маанасса анияад̇абхааво багаасид̇о, д̇ат̇аа гилзсад̣̇угзби. ид̇ха жа вагкад̇и ‘‘д̣̇асавид̇хаа сам̣яож̇анаанам̣ яож̇анаа, д̇ат̇аа д̣̇асавид̇хаа гилзсаана’’нд̇и жа. уннаманавасзнзва самбаг̇г̇ахарасо , на вийрияам̣ вияа д̇ам̣д̇ам̣гижжасаад̇ханз аб̣бхуссааханавасзна. омаанассаби ад̇д̇аанам̣ авам̣гад̇ваа г̇ахан̣ам̣ самбаг̇г̇аход̇и д̣̇адтаб̣б̣о.
400. Idha mānena saddhiṃ pañca apaṇṇakaṅgānīti avirajjhanakaṅgāni uppattiarahaṅgāni hontīti attho daṭṭhabbo. Mānassa aniyatattā na niyatayevāpanakāti . Paṭṭhāne hi ‘‘saṃyojanaṃ dhammaṃ paṭicca saṃyojano dhammo uppajjati hetupaccayā’’ti (paṭṭhā. 3.4.1) ettha ‘‘catukkhattuṃ kāmarāgena tikkhattuṃ paṭighena ca māno vicikicchā bhavarāgo tayopete sakadāgāmino saṃyojanānaṃ saṃyojanehi dasavidhā yojanā’’ti dassitāya dasavidhāya yojanāya ‘‘kāmarāgasaṃyojanaṃ paṭicca mānasaṃyojanaṃ avijjāsaṃyojana’’nti vatvā ‘‘kāmarāgasaṃyojanaṃ paṭicca avijjāsaṃyojana’’nti ‘‘mānasaṃyojanaṃ paṭicca bhavarāgasaṃyojanaṃ avijjāsaṃyojana’’nti ca vatvā ‘‘bhavarāgasaṃyojanaṃ paṭicca avijjāsaṃyojana’’nti vuttāhi yojanāhi mānassa aniyatabhāvo pakāsito, tathā kilesadukepi. Idha ca vakkhati ‘‘dasavidhā saṃyojanānaṃ yojanā, tathā dasavidhā kilesāna’’nti ca. Unnamanavaseneva sampaggaharaso, na vīriyaṃ viya taṃtaṃkiccasādhane abbhussāhanavasena. Omānassapi attānaṃ avaṃkatvā gahaṇaṃ sampaggahoti daṭṭhabbo.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̣̇ваад̣̇аса агусалаани • Dvādasa akusalāni
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / д̇ад̇ияажид̇д̇ам̣ • Tatiyacittaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / д̇ад̇ияажид̇д̇аван̣н̣анаа • Tatiyacittavaṇṇanā
