| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. д̇ад̇ияаг̇илаанасуд̇д̇ам̣
6. Tatiyagilānasuttaṃ
197. згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна бхаг̇аваа ааб̣аад̇хиго ход̇и д̣̇угкид̇о б̣аал̣хаг̇илаано. ат̇а ко ааяасмаа махаажунд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ махаажунд̣̇ам̣ бхаг̇аваа зд̇ад̣̇авожа – ‘‘бадибханд̇у д̇ам̣, жунд̣̇а, б̣ож̇жхан̇г̇аа’’д̇и.
197. Ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena bhagavā ābādhiko hoti dukkhito bāḷhagilāno. Atha kho āyasmā mahācundo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ mahācundaṃ bhagavā etadavoca – ‘‘paṭibhantu taṃ, cunda, bojjhaṅgā’’ti.
‘‘сад̇д̇имз, бханд̇з, б̣ож̇жхан̇г̇аа бхаг̇авад̇аа саммад̣̇агкаад̇аа бхаавид̇аа б̣ахулийгад̇аа абхин̃н̃ааяа самб̣од̇хааяа ниб̣б̣аанааяа сам̣вад̇д̇анд̇и. гад̇амз сад̇д̇а? сад̇исамб̣ож̇жхан̇г̇о ко, бханд̇з, бхаг̇авад̇аа саммад̣̇агкаад̇о бхаавид̇о б̣ахулийгад̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и…бз… убзгкаасамб̣ож̇жхан̇г̇о ко, бханд̇з, бхаг̇авад̇аа саммад̣̇агкаад̇о бхаавид̇о б̣ахулийгад̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и. имз ко, бханд̇з, сад̇д̇а б̣ож̇жхан̇г̇аа бхаг̇авад̇аа саммад̣̇агкаад̇аа бхаавид̇аа б̣ахулийгад̇аа абхин̃н̃ааяа самб̣од̇хааяа ниб̣б̣аанааяа сам̣вад̇д̇анд̇ий’’д̇и. ‘‘д̇аг̇гха , жунд̣̇а, б̣ож̇жхан̇г̇аа; д̇аг̇гха, жунд̣̇а, б̣ож̇жхан̇г̇аа’’д̇и.
‘‘Sattime, bhante, bojjhaṅgā bhagavatā sammadakkhātā bhāvitā bahulīkatā abhiññāya sambodhāya nibbānāya saṃvattanti. Katame satta? Satisambojjhaṅgo kho, bhante, bhagavatā sammadakkhāto bhāvito bahulīkato abhiññāya sambodhāya nibbānāya saṃvattati…pe… upekkhāsambojjhaṅgo kho, bhante, bhagavatā sammadakkhāto bhāvito bahulīkato abhiññāya sambodhāya nibbānāya saṃvattati. Ime kho, bhante, satta bojjhaṅgā bhagavatā sammadakkhātā bhāvitā bahulīkatā abhiññāya sambodhāya nibbānāya saṃvattantī’’ti. ‘‘Taggha , cunda, bojjhaṅgā; taggha, cunda, bojjhaṅgā’’ti.
ид̣̇амавожааяасмаа жунд̣̇о. саманун̃н̃о сад̇т̇аа ахоси. вудтахи жа бхаг̇аваа д̇амхаа ааб̣аад̇хаа. д̇ат̇аабахийно жа бхаг̇авад̇о со ааб̣аад̇хо ахосийд̇и. чадтам̣.
Idamavocāyasmā cundo. Samanuñño satthā ahosi. Vuṭṭhahi ca bhagavā tamhā ābādhā. Tathāpahīno ca bhagavato so ābādho ahosīti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4-10. батамаг̇илаанасуд̇д̇аад̣̇иван̣н̣анаа • 4-10. Paṭhamagilānasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4-10. батамаг̇илаанасуд̇д̇аад̣̇иван̣н̣анаа • 4-10. Paṭhamagilānasuttādivaṇṇanā
