| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
д̇ад̇ияаж̇жхаанагат̇аа
Tatiyajjhānakathā
вираж̇ж̇анам̣ вирааг̇о. д̇ам̣ бана вираж̇ж̇анам̣ ниб̣б̣инд̣̇анамукзна хийл̣анам̣ ваа д̇аббадиб̣ад̣̇д̇харааг̇аббахаанам̣ ваад̇и д̣̇ассзд̇ум̣ ‘‘д̇ассаа бийд̇ияаа ж̇иг̇ужчанам̣ ваа самад̇иггамо ваа’’д̇и вуд̇д̇ам̣. убхиннаманд̇араад̇и бийд̇ияаа вирааг̇аад̇и имзсам̣ д̣̇виннам̣ бад̣̇аанам̣ анд̇араа, маж̇жхзд̇и ад̇т̇о. самбин̣д̣анам̣ самужжаяо. маг̇г̇од̇и убааяо. д̣̇уд̇ияаж̇жхаанасса хи бадилаабхам̣ винаа д̇ад̇ияаж̇жхаанасса ад̇хиг̇амо на ход̇ийд̇и вид̇аггавижаараанам̣ вуубасамо д̇ад̇ияаж̇жхаанаад̇хиг̇амасса убааяо. д̇ад̣̇ад̇хиг̇амааяаад̇и д̇ад̇ияамаг̇г̇аад̇хиг̇амааяа.
Virajjanaṃ virāgo. Taṃ pana virajjanaṃ nibbindanamukhena hīḷanaṃ vā tappaṭibaddharāgappahānaṃ vāti dassetuṃ ‘‘tassā pītiyā jigucchanaṃ vā samatikkamo vā’’ti vuttaṃ. Ubhinnamantarāti pītiyā virāgāti imesaṃ dvinnaṃ padānaṃ antarā, majjheti attho. Sampiṇḍanaṃ samuccayo. Maggoti upāyo. Dutiyajjhānassa hi paṭilābhaṃ vinā tatiyajjhānassa adhigamo na hotīti vitakkavicārānaṃ vūpasamo tatiyajjhānādhigamassa upāyo. Tadadhigamāyāti tatiyamaggādhigamāya.
убабад̇д̇ид̇од̇и самаваахид̇абхаавзна бад̇ируубад̇о жхаанубзгкааби самаваахид̇амзва анд̇онийд̇ам̣ гад̇ваа бавад̇д̇ад̇ийд̇и ааха ‘‘самам̣ бассад̇ий’’д̇и. висад̣̇ааяаад̇и сам̣гилзсавиг̇амзна бариб̣яад̇д̇ааяа. вибулааяаад̇и саад̇исаяам̣ махаг̇г̇ад̇абхааваббад̇д̇ид̇о махад̇ияаа. т̇аамаг̇ад̇ааяаад̇и бийд̇ивиг̇амзна т̇ирабхааваббад̇д̇ааяа. нану жзд̇т̇а убзгкаавзд̣̇анаава на самбхавад̇и, д̇асмаа гат̇амаяам̣ д̇ад̇ияаж̇жхаанасаман̇г̇ий убзгкааяа саманнааг̇ад̇ад̇д̇аа ‘‘убзгкаго’’д̇и вужжад̇ийд̇и жз? на гзвалам̣ взд̣̇анубзгкаава убзгкаад̇и вужжад̇и, ат̇а ко ан̃н̃ааби убзгкаа виж̇ж̇анд̇ийд̇и д̣̇ассзнд̇о ааха ‘‘убзгкаа бана д̣̇асавид̇хаа ход̇ий’’д̇иаад̣̇и. д̇ад̇т̇а (д̇ха. са. адта. 163; висуд̣̇д̇хи. 1.84) ‘‘ид̇ха, бхигкавз, бхигку жагкунаа руубам̣ д̣̇исваа нзва сумано ход̇и на д̣̇уммано, убзгкаго вихарад̇и сад̇о самбаж̇аано’’д̇и (а. ни. 6.1) звамааг̇ад̇аа кийн̣аасавасса часу д̣̇ваарзсу идтаанидтачал̣аарамман̣аабаат̇з барисуд̣̇д̇хабагад̇ибхааваавиж̇аханаагаарабхууд̇аа убзгкаа чал̣ан̇г̇убзгкаа наама.
Upapattitoti samavāhitabhāvena patirūpato jhānupekkhāpi samavāhitameva antonītaṃ katvā pavattatīti āha ‘‘samaṃ passatī’’ti. Visadāyāti saṃkilesavigamena paribyattāya. Vipulāyāti sātisayaṃ mahaggatabhāvappattito mahatiyā. Thāmagatāyāti pītivigamena thirabhāvappattāya. Nanu cettha upekkhāvedanāva na sambhavati, tasmā kathamayaṃ tatiyajjhānasamaṅgī upekkhāya samannāgatattā ‘‘upekkhako’’ti vuccatīti ce? Na kevalaṃ vedanupekkhāva upekkhāti vuccati, atha kho aññāpi upekkhā vijjantīti dassento āha ‘‘upekkhā pana dasavidhā hotī’’tiādi. Tattha (dha. sa. aṭṭha. 163; visuddhi. 1.84) ‘‘idha, bhikkhave, bhikkhu cakkhunā rūpaṃ disvā neva sumano hoti na dummano, upekkhako viharati sato sampajāno’’ti (a. ni. 6.1) evamāgatā khīṇāsavassa chasu dvāresu iṭṭhāniṭṭhachaḷārammaṇāpāthe parisuddhapakatibhāvāvijahanākārabhūtā upekkhā chaḷaṅgupekkhā nāma.
яаа бана ‘‘убзгкаасахаг̇ад̇зна жзд̇асаа згам̣ д̣̇исам̣ парид̇ваа вихарад̇ий’’д̇и (д̣̇ий. ни. 3.308) звамааг̇ад̇аа сад̇д̇зсу маж̇жхад̇д̇аагаарабхууд̇аа убзгкаа, аяам̣ б̣рахмавихаарубзгкаа наама.
Yā pana ‘‘upekkhāsahagatena cetasā ekaṃ disaṃ pharitvā viharatī’’ti (dī. ni. 3.308) evamāgatā sattesu majjhattākārabhūtā upekkhā, ayaṃ brahmavihārupekkhā nāma.
яаа ‘‘убзгкаасамб̣ож̇жхан̇г̇ам̣ бхаавзд̇и вивзганиссид̇а’’нд̇и (ма. ни. 1.27; сам̣. ни. 5.182, 190-191) звамааг̇ад̇аа сахаж̇аад̇ад̇хаммаанам̣ маж̇жхад̇д̇аагаарабхууд̇аа убзгкаа, аяам̣ б̣ож̇жхан̇г̇убзгкаа наама.
Yā ‘‘upekkhāsambojjhaṅgaṃ bhāveti vivekanissita’’nti (ma. ni. 1.27; saṃ. ni. 5.182, 190-191) evamāgatā sahajātadhammānaṃ majjhattākārabhūtā upekkhā, ayaṃ bojjhaṅgupekkhā nāma.
яаа бана ‘‘гаалзна гаалам̣ убзгкаанимид̇д̇ам̣ манаси гарод̇ий’’д̇и (а. ни. 3.103) звамааг̇ад̇аа анажжаарад̣̇д̇ханаад̇исит̇илавийрияасан̇каад̇аа убзгкаа, аяам̣ вийрияубзгкаа наама.
Yā pana ‘‘kālena kālaṃ upekkhānimittaṃ manasi karotī’’ti (a. ni. 3.103) evamāgatā anaccāraddhanātisithilavīriyasaṅkhātā upekkhā, ayaṃ vīriyupekkhā nāma.
яаа –
Yā –
‘‘гад̇и сан̇каарубзгкаа самат̇авасзна уббаж̇ж̇анд̇и, гад̇и сан̇каарубзгкаа вибассанаавасзна уббаж̇ж̇анд̇и? адта сан̇каарубзгкаа самат̇авасзна уббаж̇ж̇анд̇и, д̣̇аса сан̇каарубзгкаа вибассанаавасзна уббаж̇ж̇анд̇и.
‘‘Kati saṅkhārupekkhā samathavasena uppajjanti, kati saṅkhārupekkhā vipassanāvasena uppajjanti? Aṭṭha saṅkhārupekkhā samathavasena uppajjanti, dasa saṅkhārupekkhā vipassanāvasena uppajjanti.
‘‘гад̇амаа адта сан̇каарубзгкаа самат̇авасзна уббаж̇ж̇анд̇и? батамаж̇жхаанабадилаабхад̇т̇ааяа нийваран̣з бадисан̇каа санд̇идтанаа бан̃н̃аа сан̇каарубзгкаасу н̃аан̣ам̣, д̣̇уд̇ияаж̇жхаанабадилаабхад̇т̇ааяа вид̇аггавижаарз бадисан̇каа санд̇идтанаа бан̃н̃аа сан̇каарубзгкаасу н̃аан̣ам̣, д̇ад̇ияаж̇жхаанабадилаабхад̇т̇ааяа бийд̇им̣ бадисан̇каа санд̇идтанаа бан̃н̃аа сан̇каарубзгкаасу н̃аан̣ам̣, жад̇уд̇т̇аж̇жхаанабадилаабхад̇т̇ааяа сукад̣̇угкз бадисан̇каа санд̇идтанаа бан̃н̃аа сан̇каарубзгкаасу н̃аан̣ам̣, аагаасаанан̃жааяад̇анасамаабад̇д̇ибадилаабхад̇т̇ааяа руубасан̃н̃ам̣ бадигхасан̃н̃ам̣ наанад̇д̇асан̃н̃ам̣ бадисан̇каа санд̇идтанаа бан̃н̃аа сан̇каарубзгкаасу н̃аан̣ам̣, вин̃н̃аан̣ан̃жааяад̇анасамаабад̇д̇ибадилаабхад̇т̇ааяа аагаасаанан̃жааяад̇анасан̃н̃ам̣ бадисан̇каа санд̇идтанаа бан̃н̃аа сан̇каарубзгкаасу н̃аан̣ам̣, аагин̃жан̃н̃ааяад̇анасамаабад̇д̇ибадилаабхад̇т̇ааяа вин̃н̃аан̣ан̃жааяад̇анасан̃н̃ам̣ бадисан̇каа санд̇идтанаа бан̃н̃аа сан̇каарубзгкаасу н̃аан̣ам̣, нзвасан̃н̃аанаасан̃н̃ааяад̇анасамаабад̇д̇ибадилаабхад̇т̇ааяа аагин̃жан̃н̃ааяад̇анасан̃н̃ам̣ бадисан̇каа санд̇идтанаа бан̃н̃аа сан̇каарубзгкаасу н̃аан̣ам̣, имаа адта сан̇каарубзгкаа самат̇авасзна уббаж̇ж̇анд̇и.
‘‘Katamā aṭṭha saṅkhārupekkhā samathavasena uppajjanti? Paṭhamajjhānapaṭilābhatthāya nīvaraṇe paṭisaṅkhā santiṭṭhanā paññā saṅkhārupekkhāsu ñāṇaṃ, dutiyajjhānapaṭilābhatthāya vitakkavicāre paṭisaṅkhā santiṭṭhanā paññā saṅkhārupekkhāsu ñāṇaṃ, tatiyajjhānapaṭilābhatthāya pītiṃ paṭisaṅkhā santiṭṭhanā paññā saṅkhārupekkhāsu ñāṇaṃ, catutthajjhānapaṭilābhatthāya sukhadukkhe paṭisaṅkhā santiṭṭhanā paññā saṅkhārupekkhāsu ñāṇaṃ, ākāsānañcāyatanasamāpattipaṭilābhatthāya rūpasaññaṃ paṭighasaññaṃ nānattasaññaṃ paṭisaṅkhā santiṭṭhanā paññā saṅkhārupekkhāsu ñāṇaṃ, viññāṇañcāyatanasamāpattipaṭilābhatthāya ākāsānañcāyatanasaññaṃ paṭisaṅkhā santiṭṭhanā paññā saṅkhārupekkhāsu ñāṇaṃ, ākiñcaññāyatanasamāpattipaṭilābhatthāya viññāṇañcāyatanasaññaṃ paṭisaṅkhā santiṭṭhanā paññā saṅkhārupekkhāsu ñāṇaṃ, nevasaññānāsaññāyatanasamāpattipaṭilābhatthāya ākiñcaññāyatanasaññaṃ paṭisaṅkhā santiṭṭhanā paññā saṅkhārupekkhāsu ñāṇaṃ, imā aṭṭha saṅkhārupekkhā samathavasena uppajjanti.
‘‘гад̇амаа д̣̇аса сан̇каарубзгкаа вибассанаавасзна уббаж̇ж̇анд̇и? сод̇аабад̇д̇имаг̇г̇абадилаабхад̇т̇ааяа уббаад̣̇ам̣ бавад̇д̇ам̣ нимид̇д̇ам̣ ааяууханам̣ бадисанд̇хим̣ г̇ад̇им̣ ниб̣б̣ад̇д̇им̣ убабад̇д̇им̣ ж̇аад̇им̣ ж̇арам̣ б̣яаад̇хим̣ маран̣ам̣ согам̣ барид̣̇звам̣ убааяаасам̣ бадисан̇каа санд̇идтанаа бан̃н̃аа сан̇каарубзгкаасу н̃аан̣ам̣, сод̇аабад̇д̇ипаласамаабад̇д̇ад̇т̇ааяа уббаад̣̇ам̣ бавад̇д̇ам̣ нимид̇д̇ам̣ ааяууханам̣ бадисанд̇хим̣ бадисан̇каа санд̇идтанаа бан̃н̃аа сан̇каарубзгкаасу н̃аан̣ам̣, сагад̣̇ааг̇аамимаг̇г̇абаалаабхад̇т̇ааяа…бз… сагад̣̇ааг̇аамипаласамаабад̇д̇ад̇т̇ааяа…бз… анааг̇аамимаг̇г̇абадилаабхад̇т̇ааяа…бз… анааг̇аамипаласамаабад̇д̇ад̇т̇ааяа…бз… арахад̇д̇амаг̇г̇абадилаабхад̇т̇ааяа уббаад̣̇ам̣ бавад̇д̇ам̣ нимид̇д̇ам̣ ааяууханам̣ бадисанд̇хим̣ г̇ад̇им̣ ниб̣б̣ад̇д̇им̣ убабад̇д̇им̣ ж̇аад̇им̣ ж̇арам̣ б̣яаад̇хим̣ маран̣ам̣ согам̣ барид̣̇звам̣ убааяаасам̣ бадисан̇каа санд̇идтанаа бан̃н̃аа сан̇каарубзгкаасу н̃аан̣ам̣, арахад̇д̇апаласамаабад̇д̇ад̇т̇ааяа…бз… сун̃н̃ад̇авихаарасамаабад̇д̇ад̇т̇ааяа…бз… анимид̇д̇авихаарасамааабад̇д̇ад̇т̇ааяа уббаад̣̇ам̣ бавад̇д̇ам̣ нимид̇д̇ам̣ ааяууханам̣ бадисанд̇хим̣ бадисан̇каа санд̇идтанаа бан̃н̃аа сан̇каарубзгкаасу н̃аан̣ам̣, имаа д̣̇аса сан̇каарубзгкаа вибассанаавасзна уббаж̇ж̇анд̇ий’’д̇и (бади. ма. 1.57) –
‘‘Katamā dasa saṅkhārupekkhā vipassanāvasena uppajjanti? Sotāpattimaggapaṭilābhatthāya uppādaṃ pavattaṃ nimittaṃ āyūhanaṃ paṭisandhiṃ gatiṃ nibbattiṃ upapattiṃ jātiṃ jaraṃ byādhiṃ maraṇaṃ sokaṃ paridevaṃ upāyāsaṃ paṭisaṅkhā santiṭṭhanā paññā saṅkhārupekkhāsu ñāṇaṃ, sotāpattiphalasamāpattatthāya uppādaṃ pavattaṃ nimittaṃ āyūhanaṃ paṭisandhiṃ paṭisaṅkhā santiṭṭhanā paññā saṅkhārupekkhāsu ñāṇaṃ, sakadāgāmimaggapaalābhatthāya…pe… sakadāgāmiphalasamāpattatthāya…pe… anāgāmimaggapaṭilābhatthāya…pe… anāgāmiphalasamāpattatthāya…pe… arahattamaggapaṭilābhatthāya uppādaṃ pavattaṃ nimittaṃ āyūhanaṃ paṭisandhiṃ gatiṃ nibbattiṃ upapattiṃ jātiṃ jaraṃ byādhiṃ maraṇaṃ sokaṃ paridevaṃ upāyāsaṃ paṭisaṅkhā santiṭṭhanā paññā saṅkhārupekkhāsu ñāṇaṃ, arahattaphalasamāpattatthāya…pe… suññatavihārasamāpattatthāya…pe… animittavihārasamaāpattatthāya uppādaṃ pavattaṃ nimittaṃ āyūhanaṃ paṭisandhiṃ paṭisaṅkhā santiṭṭhanā paññā saṅkhārupekkhāsu ñāṇaṃ, imā dasa saṅkhārupekkhā vipassanāvasena uppajjantī’’ti (paṭi. ma. 1.57) –
звамааг̇ад̇аа нийваран̣аад̣̇ибадисан̇каасанд̇идтанаагаарабхууд̇аа убзгкаа, аяам̣ сан̇каарубзгкаа наама.
Evamāgatā nīvaraṇādipaṭisaṅkhāsantiṭṭhanākārabhūtā upekkhā, ayaṃ saṅkhārupekkhā nāma.
д̇ад̇т̇а нийваран̣з бадисан̇каад̇и бан̃жа нийваран̣аани бахаад̇аб̣б̣абхаавзна бадисан̇кааяа, бариг̇г̇ахзд̇ваад̇и ад̇т̇о. санд̇идтанаад̇и нийваран̣аанам̣ бахаанаабхимукийбхууд̇ад̇д̇аа д̇зсам̣ бахаанзби аб̣яаабаарабхаавуубаг̇аманзна маж̇жхад̇д̇ад̇ааяа санд̇идтанаа. сан̇каарубзгкаасууд̇и нийваран̣аббахаанз б̣яаабаараагаран̣зна нийваран̣асан̇каад̇аанам̣ сан̇каараанам̣ убзгканаасууд̇и ад̇т̇о. зса наяо вид̇аггавижаараад̣̇ийсу уббаад̣̇аад̣̇ийсу жа. д̇ад̇т̇а уббаад̣̇анд̇и буримагаммабажжаяаа канд̇хаанам̣ ид̇ха уббад̇д̇имааха. бавад̇д̇анд̇и д̇ат̇аауббаннасса бавад̇д̇им̣. нимид̇д̇анд̇и саб̣б̣амби д̇збхуумагам̣ сан̇каараг̇ад̇ам̣ нимид̇д̇абхаавзна убадтаанад̇о. ааяуухананд̇и ааяад̇им̣ бадисанд̇хихзд̇убхууд̇ам̣ гаммам̣. бадисанд̇хинд̇и ааяад̇им̣ убабад̇д̇им̣. г̇ад̇инд̇и яааяа г̇ад̇ияаа саа бадисанд̇хи ход̇и. ниб̣б̣ад̇д̇инд̇и канд̇хаанам̣ ниб̣б̣ад̇д̇анам̣. убабад̇д̇инд̇и вибаагаббавад̇д̇им̣. ж̇аад̇инд̇и ж̇араад̣̇ийнам̣ бажжаяабхууд̇ам̣ бхавабажжаяаа ж̇аад̇им̣. ж̇араамаран̣аад̣̇аяо баагадаа зва.
Tattha nīvaraṇe paṭisaṅkhāti pañca nīvaraṇāni pahātabbabhāvena paṭisaṅkhāya, pariggahetvāti attho. Santiṭṭhanāti nīvaraṇānaṃ pahānābhimukhībhūtattā tesaṃ pahānepi abyāpārabhāvūpagamanena majjhattatāya santiṭṭhanā. Saṅkhārupekkhāsūti nīvaraṇappahāne byāpārākaraṇena nīvaraṇasaṅkhātānaṃ saṅkhārānaṃ upekkhanāsūti attho. Esa nayo vitakkavicārādīsu uppādādīsu ca. Tattha uppādanti purimakammapaccayā khandhānaṃ idha uppattimāha. Pavattanti tathāuppannassa pavattiṃ. Nimittanti sabbampi tebhūmakaṃ saṅkhāragataṃ nimittabhāvena upaṭṭhānato. Āyūhananti āyatiṃ paṭisandhihetubhūtaṃ kammaṃ. Paṭisandhinti āyatiṃ upapattiṃ. Gatinti yāya gatiyā sā paṭisandhi hoti. Nibbattinti khandhānaṃ nibbattanaṃ. Upapattinti vipākappavattiṃ. Jātinti jarādīnaṃ paccayabhūtaṃ bhavapaccayā jātiṃ. Jarāmaraṇādayo pākaṭā eva.
зд̇т̇а жа уббаад̣̇аад̣̇аяо бан̃жзва сан̇каарубзгкаан̃аан̣асса висаяавасзна вуд̇д̇аа, сзсаа д̇зсам̣ взважанавасзна. ниб̣б̣ад̇д̇и ж̇аад̇ийд̇и ид̣̇ан̃хи д̣̇ваяам̣ уббаад̣̇асса жзва бадисанд̇хияаа жа взважанам̣. г̇ад̇и убабад̇д̇и жаад̇и ид̣̇ам̣ д̣̇ваяам̣ бавад̇д̇асса, ж̇араад̣̇аяо нимид̇д̇ассаад̇и взд̣̇ид̇аб̣б̣ам̣. нану жзд̇т̇а жад̇уусу маг̇г̇аваарзсу ‘‘уббаад̣̇а’’нд̇иаад̣̇ийни бан̃жа муулабад̣̇аани, ‘‘г̇ад̇ий’’д̇иаад̣̇ийни д̣̇аса взважанабад̣̇аанийд̇и баннараса бад̣̇аани вуд̇д̇аани, часу бана паласамаабад̇д̇иваарзсу бан̃жа муулабад̣̇аанзва вуд̇д̇аани, д̇ам̣ гасмаад̇и жз? сан̇каарубзгкааяа д̇игкабхаавз сад̇и гилзсаббахаанасамад̇т̇асса маг̇г̇асса саб̣бхаавад̇о д̇ассаа д̇игкабхаавад̣̇ассанад̇т̇ам̣ взважанабад̣̇зхи саха д̣̇ал̣хам̣ гад̇ваа муулабад̣̇аани вуд̇д̇аани, паласса нируссаахабхаавзна санд̇асабхаавад̇д̇аа маг̇г̇ааяад̇д̇ад̇д̇аа жа манд̣̇абхууд̇ааби сан̇каарубзгкаа паласса бажжаяо ход̇ийд̇и д̣̇ассанад̇т̇ам̣ муулабад̣̇аанзва вуд̇д̇аанийд̇и взд̣̇ид̇аб̣б̣аани.
Ettha ca uppādādayo pañceva saṅkhārupekkhāñāṇassa visayavasena vuttā, sesā tesaṃ vevacanavasena. Nibbatti jātīti idañhi dvayaṃ uppādassa ceva paṭisandhiyā ca vevacanaṃ. Gati upapatti cāti idaṃ dvayaṃ pavattassa, jarādayo nimittassāti veditabbaṃ. Nanu cettha catūsu maggavāresu ‘‘uppāda’’ntiādīni pañca mūlapadāni, ‘‘gatī’’tiādīni dasa vevacanapadānīti pannarasa padāni vuttāni, chasu pana phalasamāpattivāresu pañca mūlapadāneva vuttāni, taṃ kasmāti ce? Saṅkhārupekkhāya tikkhabhāve sati kilesappahānasamatthassa maggassa sabbhāvato tassā tikkhabhāvadassanatthaṃ vevacanapadehi saha daḷhaṃ katvā mūlapadāni vuttāni, phalassa nirussāhabhāvena santasabhāvattā maggāyattattā ca mandabhūtāpi saṅkhārupekkhā phalassa paccayo hotīti dassanatthaṃ mūlapadāneva vuttānīti veditabbāni.
д̇ад̇т̇а ‘‘сод̇аабад̇д̇имаг̇г̇абадилаабхад̇т̇ааяаа’’д̇иаад̣̇ийсу жад̇уусу маг̇г̇аваарзсу сун̃н̃ад̇аанимид̇д̇аббан̣ихид̇амаг̇г̇аанам̣ ан̃н̃ад̇аро вуд̇д̇о. ‘‘сод̇аабад̇д̇ипаласамаабад̇д̇ад̇т̇ааяаа’’д̇иаад̣̇ийсу жад̇уусу палаваарзсу бана аббан̣ихид̇апаласамаабад̇д̇и взд̣̇ид̇аб̣б̣аа. гасмаа? сун̃н̃ад̇авихаарасамаабад̇д̇ад̇т̇ааяа анимид̇д̇авихаарасамаабад̇д̇ад̇т̇ааяаад̇и ид̇араасам̣ д̣̇виннам̣ паласамаабад̇д̇ийнам̣ висум̣ вуд̇д̇ад̇д̇аа. анижжаанубассанаавудтаанавасзна хи анимид̇д̇амаг̇г̇о, д̇ат̇зва паласамаабад̇д̇игаалз анимид̇д̇апаласамаабад̇д̇и, д̣̇угкаанубассанаавудтаанавасзна аббан̣ихид̇амаг̇г̇апаласамаабад̇д̇ияо, анад̇д̇аанубассанаавудтаанавасазна сун̃н̃ад̇амаг̇г̇апаласамаабад̇д̇ияо суд̇д̇анд̇анаязна взд̣̇ид̇аб̣б̣аа. зван̃жа гад̇ваа сун̃н̃ад̇аад̣̇ивимогкавасзна маг̇г̇уббад̇д̇ихзд̇убхууд̇аа жад̇ассо, д̇ат̇аа аббан̣ихид̇апаласамаабад̇д̇ияаа жад̇ассо, сун̃н̃ад̇авихаараанимид̇д̇авихааравасзна д̣̇взд̇и д̣̇аса сан̇каарубзгкаавибассанаабан̃н̃аа вуд̇д̇аа, самат̇асан̇каарубзгкаа бана аббанаавийт̇ияаа аасаннабуб̣б̣абхааг̇з б̣алаббад̇д̇ам̣ бхааванаамаяан̃аан̣ам̣.
Tattha ‘‘sotāpattimaggapaṭilābhatthāyā’’tiādīsu catūsu maggavāresu suññatānimittappaṇihitamaggānaṃ aññataro vutto. ‘‘Sotāpattiphalasamāpattatthāyā’’tiādīsu catūsu phalavāresu pana appaṇihitaphalasamāpatti veditabbā. Kasmā? Suññatavihārasamāpattatthāya animittavihārasamāpattatthāyāti itarāsaṃ dvinnaṃ phalasamāpattīnaṃ visuṃ vuttattā. Aniccānupassanāvuṭṭhānavasena hi animittamaggo, tatheva phalasamāpattikāle animittaphalasamāpatti, dukkhānupassanāvuṭṭhānavasena appaṇihitamaggaphalasamāpattiyo, anattānupassanāvuṭṭhānavasaena suññatamaggaphalasamāpattiyo suttantanayena veditabbā. Evañca katvā suññatādivimokkhavasena magguppattihetubhūtā catasso, tathā appaṇihitaphalasamāpattiyā catasso, suññatavihāraanimittavihāravasena dveti dasa saṅkhārupekkhāvipassanāpaññā vuttā, samathasaṅkhārupekkhā pana appanāvīthiyā āsannapubbabhāge balappattaṃ bhāvanāmayañāṇaṃ.
яаа бана ‘‘яасмим̣ самаяз гаамааважарам̣ гусалам̣ жид̇д̇ам̣ уббаннам̣ ход̇и убзгкаасахаг̇ад̇а’’нд̇и (д̇ха. са. 150) звамааг̇ад̇аа ад̣̇угкамасукасан̃н̃ид̇аа убзгкаа, аяам̣ взд̣̇анубзгкаа наама.
Yā pana ‘‘yasmiṃ samaye kāmāvacaraṃ kusalaṃ cittaṃ uppannaṃ hoti upekkhāsahagata’’nti (dha. sa. 150) evamāgatā adukkhamasukhasaññitā upekkhā, ayaṃ vedanupekkhā nāma.
яаа ‘‘яад̣̇ад̇т̇и яам̣ бхууд̇ам̣, д̇ам̣ баж̇ахад̇и, убзгкам̣ бадилабхад̇ий’’д̇и (ма. ни. 3.71; а. ни. 7.55) звамааг̇ад̇аа вижинанз маж̇жхад̇д̇абхууд̇аа убзгкаа, аяам̣ вибассанубзгкаа наама.
Yā ‘‘yadatthi yaṃ bhūtaṃ, taṃ pajahati, upekkhaṃ paṭilabhatī’’ti (ma. ni. 3.71; a. ni. 7.55) evamāgatā vicinane majjhattabhūtā upekkhā, ayaṃ vipassanupekkhā nāma.
д̇ад̇т̇а яад̣̇ад̇т̇и яам̣ бхууд̇анд̇и канд̇хабан̃жагам̣, д̇ам̣ мун̃жид̇угамяад̇аан̃аан̣зна баж̇ахад̇и. убзгкам̣ бадилабхад̇ийд̇и д̣̇идтасовад̇д̇игад̇д̇аяасса саббасса лагкан̣авижинанз вияа д̣̇идталагкан̣ад̇д̇аяасса канд̇хабан̃жагасса сан̇кааралагкан̣авижинанз убзгкам̣ бадилабхад̇ийд̇и ад̇т̇о.
Tattha yadatthi yaṃ bhūtanti khandhapañcakaṃ, taṃ muñcitukamyatāñāṇena pajahati. Upekkhaṃ paṭilabhatīti diṭṭhasovattikattayassa sappassa lakkhaṇavicinane viya diṭṭhalakkhaṇattayassa khandhapañcakassa saṅkhāralakkhaṇavicinane upekkhaṃ paṭilabhatīti attho.
яаа бана чанд̣̇аад̣̇ийсу язваабанагзсу ааг̇ад̇аа сахаж̇аад̇аанам̣ самаббавад̇д̇ихзд̇убхууд̇аа убзгкаа, аяам̣ д̇ад̇рамаж̇жхад̇д̇убзгкаа наама.
Yā pana chandādīsu yevāpanakesu āgatā sahajātānaṃ samappavattihetubhūtā upekkhā, ayaṃ tatramajjhattupekkhā nāma.
яаа ‘‘убзгкаго жа вихарад̇ий’’д̇и (д̣̇ий. ни. 1.230; д̇ха. са. 163) звамааг̇ад̇аа аг̇г̇асукзби д̇асмим̣ абагкабаад̇аж̇ананий убзгкаа, аяам̣ жхаанубзгкаа наама.
Yā ‘‘upekkhako ca viharatī’’ti (dī. ni. 1.230; dha. sa. 163) evamāgatā aggasukhepi tasmiṃ apakkhapātajananī upekkhā, ayaṃ jhānupekkhā nāma.
яаа бана ‘‘убзгкаасад̇ибаарисуд̣̇д̇хим̣ жад̇уд̇т̇ам̣ жхаана’’нд̇и (д̣̇ий. ни. 1.232; д̇ха. са. 165) звамааг̇ад̇аа саб̣б̣абажжанийгабарисуд̣̇д̇хаа бажжанийгавуубасаманзби аб̣яаабаарабхууд̇аа убзгкаа, аяам̣ баарисуд̣̇д̇хубзгкаа наама.
Yā pana ‘‘upekkhāsatipārisuddhiṃ catutthaṃ jhāna’’nti (dī. ni. 1.232; dha. sa. 165) evamāgatā sabbapaccanīkaparisuddhā paccanīkavūpasamanepi abyāpārabhūtā upekkhā, ayaṃ pārisuddhupekkhā nāma.
д̇ад̇т̇а чал̣ан̇г̇убзгкаа жа б̣рахмавихаарубзгкаа жа б̣ож̇жхан̇г̇убзгкаа жа д̇ад̇рамаж̇жхад̇д̇убзгкаа жа жхаанубзгкаа жа баарисуд̣̇д̇хубзгкаа жа ад̇т̇ад̇о згаа д̇ад̇рамаж̇жхад̇д̇убзгкаава ход̇и. д̇зна д̇зна авад̇т̇аабхзд̣̇зна банассаа аяам̣ бхзд̣̇о згассаби сад̇о сад̇д̇асса гумаараяуват̇зрасзнаабад̇ирааж̇аад̣̇ивасзна бхзд̣̇о вияа. д̇асмаа д̇аасу яад̇т̇а чал̣ан̇г̇убзгкаа, на д̇ад̇т̇а б̣ож̇жхан̇г̇убзгкаад̣̇аяо. яад̇т̇а ваа бана б̣ож̇жхан̇г̇убзгкаа, на д̇ад̇т̇а чал̣ан̇г̇убзгкаад̣̇аяо хонд̇ийд̇и взд̣̇ид̇аб̣б̣аа. яат̇аа жзд̇аасам̣ ад̇т̇ад̇о згийбхааво, звам̣ сан̇каарубзгкаавибассанубзгкаанамби. бан̃н̃аа зва хи саа гижжавасзна д̣̇вид̇хаа бхиннаа. яат̇аа хи бурисасса сааяам̣ г̇зхам̣ бавидтам̣ саббам̣ аж̇абад̣̇ад̣̇ан̣д̣ам̣ г̇ахзд̇ваа бариязсамаанасса д̇ам̣ т̇усагодтагз нибаннам̣ д̣̇исваа ‘‘саббо ну ко, но’’д̇и авалогзнд̇асса совад̇д̇игад̇д̇аяам̣ д̣̇исваа ниб̣б̣змад̇игасса ‘‘саббо, на саббо’’д̇и вижинанз маж̇жхад̇д̇ад̇аа ход̇и, звамзва яаа аарад̣̇д̇хавибассагасса вибассанаан̃аан̣зна лагкан̣ад̇д̇аяз д̣̇идтз сан̇каараанам̣ анижжабхааваад̣̇ивижинанз маж̇жхад̇д̇ад̇аа уббаж̇ж̇ад̇и, аяам̣ вибассанубзгкаа. яат̇аа бана д̇асса бурисасса аж̇абад̣̇зна д̣̇ан̣д̣зна г̇аал̣хам̣ саббам̣ г̇ахзд̇ваа ‘‘гинд̇аахам̣ имам̣ саббам̣ авихзтзнд̇о ад̇д̇аанан̃жа иминаа ад̣ам̣саабзнд̇о мун̃жзяяа’’нд̇и мун̃жанаагаарамзва бариязсад̇о г̇ахан̣з маж̇жхад̇д̇ад̇аа ход̇и, звамзва яаа лагкан̣ад̇д̇аяасса д̣̇идтад̇д̇аа аад̣̇ид̇д̇з вияа д̇аяо бхавз бассад̇о сан̇каараг̇г̇ахан̣з маж̇жхад̇д̇ад̇аа, аяам̣ сан̇каарубзгкаа. ид̇и вибассанубзгкааяа сид̣̇д̇хааяа сан̇каарубзгкааби сид̣̇д̇хаава ход̇и. иминаа банзсаа вижинанаг̇ахан̣зсу маж̇жхад̇д̇асан̇каад̇зна гижжзна д̣̇вид̇хаа бхиннаа. вийрияубзгкаа бана взд̣̇анубзгкаа жа ан̃н̃аман̃н̃ан̃жа авасзсаахи жа ад̇т̇ад̇о бхиннаа зваад̇и.
Tattha chaḷaṅgupekkhā ca brahmavihārupekkhā ca bojjhaṅgupekkhā ca tatramajjhattupekkhā ca jhānupekkhā ca pārisuddhupekkhā ca atthato ekā tatramajjhattupekkhāva hoti. Tena tena avatthābhedena panassā ayaṃ bhedo ekassapi sato sattassa kumārayuvatherasenāpatirājādivasena bhedo viya. Tasmā tāsu yattha chaḷaṅgupekkhā, na tattha bojjhaṅgupekkhādayo. Yattha vā pana bojjhaṅgupekkhā, na tattha chaḷaṅgupekkhādayo hontīti veditabbā. Yathā cetāsaṃ atthato ekībhāvo, evaṃ saṅkhārupekkhāvipassanupekkhānampi. Paññā eva hi sā kiccavasena dvidhā bhinnā. Yathā hi purisassa sāyaṃ gehaṃ paviṭṭhaṃ sappaṃ ajapadadaṇḍaṃ gahetvā pariyesamānassa taṃ thusakoṭṭhake nipannaṃ disvā ‘‘sappo nu kho, no’’ti avalokentassa sovattikattayaṃ disvā nibbematikassa ‘‘sappo, na sappo’’ti vicinane majjhattatā hoti, evameva yā āraddhavipassakassa vipassanāñāṇena lakkhaṇattaye diṭṭhe saṅkhārānaṃ aniccabhāvādivicinane majjhattatā uppajjati, ayaṃ vipassanupekkhā. Yathā pana tassa purisassa ajapadena daṇḍena gāḷhaṃ sappaṃ gahetvā ‘‘kintāhaṃ imaṃ sappaṃ aviheṭhento attānañca iminā aḍaṃsāpento muñceyya’’nti muñcanākārameva pariyesato gahaṇe majjhattatā hoti, evameva yā lakkhaṇattayassa diṭṭhattā āditte viya tayo bhave passato saṅkhāraggahaṇe majjhattatā, ayaṃ saṅkhārupekkhā. Iti vipassanupekkhāya siddhāya saṅkhārupekkhāpi siddhāva hoti. Iminā panesā vicinanagahaṇesu majjhattasaṅkhātena kiccena dvidhā bhinnā. Vīriyupekkhā pana vedanupekkhā ca aññamaññañca avasesāhi ca atthato bhinnā evāti.
имаасам̣ бана д̣̇асаннамби убзгкаанам̣ бхуумибуг̇г̇алаад̣̇ивасзна вибхааг̇о д̇ад̇т̇а д̇ад̇т̇а вуд̇д̇анаязнзва взд̣̇ид̇аб̣б̣од̇и д̣̇ассзнд̇о ааха ‘‘звамаяам̣ д̣̇асавид̇хаабий’’д̇иаад̣̇и. д̇ад̇т̇а бхуумибуг̇г̇алажид̇д̇аарамман̣ад̇од̇и ‘‘чал̣ан̇г̇убзгкаа гаамааважараа, б̣рахмавихаарубзгкаа руубааважараа’’д̇и звамаад̣̇инаа бхуумид̇о. ‘‘чал̣ан̇г̇убзгкаа кийн̣аасавассзва, б̣рахмавихаарубзгкаа д̇ин̣н̣амби бут̇уж̇ж̇анасзгкаасзгкаана’’нд̇и звамаад̣̇инаа буг̇г̇алад̇о. ‘‘чал̣ан̇г̇убзгкаа соманассубзгкаасахаг̇ад̇ажид̇д̇асамбаяуд̇д̇аа’’д̇иаад̣̇инаа жид̇д̇ад̇о. ‘‘чал̣ан̇г̇убзгкаа чал̣аарамман̣аа, б̣рахмавихаарубзгкаа д̇хаммаарамман̣аа’’д̇иаад̣̇инаа аарамман̣ад̇о. канд̇хасан̇г̇ахазгагкан̣агусалад̇д̇игасан̇кзбавасзнаад̇и ‘‘взд̣̇анубзгкаа взд̣̇анаагканд̇хзна сан̇г̇ахид̇аа, ид̇араа нава сан̇каарагканд̇хзнаа’’д̇и канд̇хасан̇г̇ахавасзна. чал̣ан̇г̇убзгкаа б̣рахмавихаараб̣ож̇жхан̇г̇ажхаанабаарисуд̣̇д̇хид̇ад̇рамаж̇жхад̇д̇убзгкаа жа ад̇т̇ад̇о згаа, д̇асмаа згагкан̣з д̇аасу згааяа сад̇и на ид̇араа, д̇ат̇аа сан̇каарубзгкаавибассанубзгкааби взд̣̇ид̇аб̣б̣аа, взд̣̇анаавийрияубзгкаанам̣ згагкан̣з сияаа уббад̇д̇ийд̇и звам̣ згагкан̣авасзна. чал̣ан̇г̇убзгкаа аб̣яаагад̇аа, б̣рахмавихаарубзгкаа гусалааб̣яаагад̇аа, д̇ат̇аа сзсаа, взд̣̇анубзгкаа бана сияаа агусалаабийд̇и звам̣ гусалад̇д̇игавасзна. д̣̇асабзд̇аа сан̇кзбад̇о жад̇д̇аарова д̇хаммаа вийрияавзд̣̇анаад̇ад̇рамаж̇жхад̇д̇ад̇аан̃аан̣авасзнаад̇и звам̣ сан̇кзбавасзна.
Imāsaṃ pana dasannampi upekkhānaṃ bhūmipuggalādivasena vibhāgo tattha tattha vuttanayeneva veditabboti dassento āha ‘‘evamayaṃ dasavidhāpī’’tiādi. Tattha bhūmipuggalacittārammaṇatoti ‘‘chaḷaṅgupekkhā kāmāvacarā, brahmavihārupekkhā rūpāvacarā’’ti evamādinā bhūmito. ‘‘Chaḷaṅgupekkhā khīṇāsavasseva, brahmavihārupekkhā tiṇṇampi puthujjanasekkhāsekkhāna’’nti evamādinā puggalato. ‘‘Chaḷaṅgupekkhā somanassupekkhāsahagatacittasampayuttā’’tiādinā cittato. ‘‘Chaḷaṅgupekkhā chaḷārammaṇā, brahmavihārupekkhā dhammārammaṇā’’tiādinā ārammaṇato. Khandhasaṅgahaekakkhaṇakusalattikasaṅkhepavasenāti ‘‘vedanupekkhā vedanākkhandhena saṅgahitā, itarā nava saṅkhārakkhandhenā’’ti khandhasaṅgahavasena. Chaḷaṅgupekkhā brahmavihārabojjhaṅgajhānapārisuddhitatramajjhattupekkhā ca atthato ekā, tasmā ekakkhaṇe tāsu ekāya sati na itarā, tathā saṅkhārupekkhāvipassanupekkhāpi veditabbā, vedanāvīriyupekkhānaṃ ekakkhaṇe siyā uppattīti evaṃ ekakkhaṇavasena. Chaḷaṅgupekkhā abyākatā, brahmavihārupekkhā kusalābyākatā, tathā sesā, vedanupekkhā pana siyā akusalāpīti evaṃ kusalattikavasena. Dasapetā saṅkhepato cattārova dhammā vīriyavedanātatramajjhattatāñāṇavasenāti evaṃ saṅkhepavasena.
ид̣̇аани ид̇хаад̇хиббзд̇ааяа жхаанубзгкааяа лагкан̣аад̣̇им̣ нид̣̇д̇хаарзд̇ваа д̣̇ассзнд̇о ааха ‘‘лагкан̣аад̣̇ид̇о банаа’’д̇иаад̣̇и. д̇ад̇т̇а анаабхог̇арасаад̇и бан̣ийд̇асукзби д̇асмим̣ аванад̇ибадибагкагижжаад̇и ад̇т̇о. аб̣яаабаарабажжубадтаанаад̇и сад̇иби сукабаарамиббад̇д̇ияам̣ д̇асмим̣ сукз аб̣яаавадаа худ̇ваа бажжубад̇идтад̇и, самбаяуд̇д̇аанам̣ ваа д̇ад̇т̇а аб̣яаабаарам̣ бажжубадтабзд̇ийд̇и ад̇т̇о. самбаяуд̇д̇ад̇хаммаанам̣ кобхам̣ уббилаван̃жа ааваханд̇зхи вид̇аггаад̣̇ийхи абхибхууд̇ад̇д̇аа абариб̣яад̇д̇ам̣ д̇ад̇т̇а д̇ад̇рамаж̇жхад̇д̇ад̇ааяа гижжам̣, д̇ад̣̇абхаавад̇о ид̇ха бариб̣яад̇д̇анд̇и ааха ‘‘абариб̣яад̇д̇агижжад̇о’’д̇и. д̇знзвааха ‘‘абариб̣яад̇д̇ам̣ хий’’д̇иаад̣̇и.
Idāni idhādhippetāya jhānupekkhāya lakkhaṇādiṃ niddhāretvā dassento āha ‘‘lakkhaṇādito panā’’tiādi. Tattha anābhogarasāti paṇītasukhepi tasmiṃ avanatipaṭipakkhakiccāti attho. Abyāpārapaccupaṭṭhānāti satipi sukhapāramippattiyaṃ tasmiṃ sukhe abyāvaṭā hutvā paccupatiṭṭhati, sampayuttānaṃ vā tattha abyāpāraṃ paccupaṭṭhapetīti attho. Sampayuttadhammānaṃ khobhaṃ uppilavañca āvahantehi vitakkādīhi abhibhūtattā aparibyattaṃ tattha tatramajjhattatāya kiccaṃ, tadabhāvato idha paribyattanti āha ‘‘aparibyattakiccato’’ti. Tenevāha ‘‘aparibyattaṃ hī’’tiādi.
ид̣̇аани сад̇о жа самбаж̇аанод̇и зд̇т̇а ‘‘вужжад̇ий’’д̇и аж̇жхаахарид̇аб̣б̣ам̣. сарад̇ийд̇и иминаа ‘‘сад̇о’’д̇и бад̣̇асса гад̇д̇усаад̇ханад̇амааха. самбаж̇аанаад̇ийд̇и саммад̣̇зва баж̇аанаад̇и. буг̇г̇алзнаад̇и буг̇г̇алаад̇хидтаанзна. саран̣ам̣ жинд̇анам̣ убадтаанам̣ лагкан̣амзд̇иссаад̇и саран̣алагкан̣аа. саммуссанабадибагко асаммуссанам̣ гижжам̣ зд̇иссаад̇и асаммуссанарасаа. гилзсзхи аарагкаа худ̇ваа бажжубад̇идтад̇и, д̇ад̇о ваа аарагкам̣ бажжубадтабзд̇ийд̇и аарагкабажжубадтаанаа. асаммуяханам̣ саммад̣̇зва баж̇аананам̣, саммохабадибагко ваа асаммохо лагкан̣амзд̇ассаад̇и асаммохалагкан̣ам̣. д̇ийран̣ам̣ гижжасса баараг̇аманам̣. бавижаяо виймам̣саа. гаамам̣ убажаараж̇жхаанаад̣̇им̣ убаад̣̇ааяа батамад̣̇уд̇ияаж̇жхаанааниби сукумаанзва, имам̣ бана убаримаж̇жхаанам̣ убаад̣̇ааяа ‘‘ол̣ааригад̇д̇аа бана д̇зсам̣ жхаанаана’’нд̇и вуд̇д̇ам̣, саа жа ол̣ааригад̇аа вид̇аггаад̣̇ит̇уулан̇г̇ад̇ааяа взд̣̇ид̇аб̣б̣аа. гзжи ‘‘б̣ахужзд̇асигад̇ааяаа’’д̇и жа вад̣̇анд̇и. бхуумияам̣ вияа бурисассаад̇и бурисасса бхуумияам̣ г̇ад̇и вияаад̇и вуд̇д̇ам̣ ход̇и. г̇ад̇и сукаа ход̇ийд̇и д̇зсу жхаанзсу г̇ад̇и сукаа ход̇и. аб̣яад̇д̇ам̣ д̇ад̇т̇а сад̇исамбаж̇ан̃н̃агижжанд̇и ‘‘ид̣̇ам̣ наама д̣̇уггарам̣ гарийяад̇ий’’д̇и вад̇д̇аб̣б̣асса абхаавад̇о вуд̇д̇ам̣. ол̣аариган̇г̇аббахаанзна бана сукумад̇д̇аад̇и аяамад̇т̇о гаамам̣ д̣̇уд̇ияаж̇жхаанзби самбхавад̇и, д̇ат̇ааби язбхуяязна авиббаяог̇ийбхаавзна вад̇д̇амаанзсу бийд̇исукзсу бийд̇исан̇каад̇асса ол̣аариган̇г̇асса бахаанзна сукумад̇ааяа ид̇ха саад̇исаяо сад̇ибан̃н̃ааб̣яаабаарод̇и вуд̇д̇ам̣ ‘‘бурисассаа’’д̇иаад̣̇и. д̇хзнум̣ бивад̇ийд̇и д̇хзнубаг̇о, д̇хзнуяаа кийрам̣ биванд̇од̇и вуд̇д̇ам̣ ход̇и. бунад̣̇зва бийд̇им̣ убаг̇ажчзяяаад̇и хаанабхааг̇ияам̣ жхаанам̣ сияаа , д̣̇уд̇ияаж̇жхаанамзва самбаж̇ж̇зяяаад̇и ад̇т̇о. д̇знааха ‘‘бийд̇исамбаяуд̇д̇амзва сияаа’’д̇и. ид̣̇ан̃жа ад̇имад̇хурам̣ суканд̇и д̇ад̇ияаж̇жхаанз сукам̣ санд̇хааяааха, ад̇имад̇хурад̇аа жасса бахаасод̣̇аг̇яасабхаавааяа бийд̇ияаа абхаавзнзва взд̣̇ид̇аб̣б̣аа. ид̣̇анд̇и ‘‘сад̇о самбаж̇аано’’д̇и бад̣̇ад̣̇ваяам̣.
Idānisato ca sampajānoti ettha ‘‘vuccatī’’ti ajjhāharitabbaṃ. Saratīti iminā ‘‘sato’’ti padassa kattusādhanatamāha. Sampajānātīti sammadeva pajānāti. Puggalenāti puggalādhiṭṭhānena. Saraṇaṃ cintanaṃ upaṭṭhānaṃ lakkhaṇametissāti saraṇalakkhaṇā. Sammussanapaṭipakkho asammussanaṃ kiccaṃ etissāti asammussanarasā. Kilesehi ārakkhā hutvā paccupatiṭṭhati, tato vā ārakkhaṃ paccupaṭṭhapetīti ārakkhapaccupaṭṭhānā. Asammuyhanaṃ sammadeva pajānanaṃ, sammohapaṭipakkho vā asammoho lakkhaṇametassāti asammohalakkhaṇaṃ. Tīraṇaṃ kiccassa pāragamanaṃ. Pavicayo vīmaṃsā. Kāmaṃ upacārajjhānādiṃ upādāya paṭhamadutiyajjhānānipi sukhumāneva, imaṃ pana uparimajjhānaṃ upādāya ‘‘oḷārikattā pana tesaṃ jhānāna’’nti vuttaṃ, sā ca oḷārikatā vitakkādithūlaṅgatāya veditabbā. Keci ‘‘bahucetasikatāyā’’ti ca vadanti. Bhūmiyaṃ viya purisassāti purisassa bhūmiyaṃ gati viyāti vuttaṃ hoti. Gati sukhā hotīti tesu jhānesu gati sukhā hoti. Abyattaṃ tattha satisampajaññakiccanti ‘‘idaṃ nāma dukkaraṃ karīyatī’’ti vattabbassa abhāvato vuttaṃ. Oḷārikaṅgappahānena pana sukhumattāti ayamattho kāmaṃ dutiyajjhānepi sambhavati, tathāpi yebhuyyena avippayogībhāvena vattamānesu pītisukhesu pītisaṅkhātassa oḷārikaṅgassa pahānena sukhumatāya idha sātisayo satipaññābyāpāroti vuttaṃ ‘‘purisassā’’tiādi. Dhenuṃ pivatīti dhenupago, dhenuyā khīraṃ pivantoti vuttaṃ hoti. Punadeva pītiṃ upagaccheyyāti hānabhāgiyaṃ jhānaṃ siyā , dutiyajjhānameva sampajjeyyāti attho. Tenāha ‘‘pītisampayuttameva siyā’’ti. Idañca atimadhuraṃ sukhanti tatiyajjhāne sukhaṃ sandhāyāha, atimadhuratā cassa pahāsodagyasabhāvāya pītiyā abhāveneva veditabbā. Idanti ‘‘sato sampajāno’’ti padadvayaṃ.
сукан̃жа гааязна бадисам̣взд̣̇зсинд̇и зд̇т̇а гат̇амаабхог̇зна винаа сукабадисам̣взд̣̇анаад̇и ааха ‘‘гин̃жаабий’’д̇иаад̣̇и. яасмаа д̇асса наамагааязна самбаяуд̇д̇ам̣ сукам̣, д̇асмаа зд̇амад̇т̇ам̣ д̣̇ассзнд̇о ‘‘сукан̃жа гааязна бадисам̣взд̣̇зси’’нд̇и аахаад̇и яож̇зд̇аб̣б̣ам̣. аяам̣ банзд̇т̇а сан̇кзбад̇т̇о – ‘‘сукам̣ взд̣̇аяаамий’’д̇и звамаабхог̇з асад̇иби наамагааязна жзд̇асигасукам̣, гааяигасукахзд̇уруубасамудтаабанзна гааяигасукан̃жа жхаанасаман̇г̇ий бадисам̣взд̣̇зд̇ийд̇и вужжад̇ийд̇и. д̇ассаад̇и жхаанасаман̇г̇ино. яам̣ ваа д̇анд̇и яам̣ ваа д̇ам̣ яат̇аавуд̇д̇ам̣ наамагааяасамбаяуд̇д̇ам̣ сукам̣. д̇ам̣самудтаанзнаад̇и д̇ад̇о самудтид̇зна ад̇ибан̣ийд̇зна руубзна асса жхаанасаман̇г̇ино руубагааяо яасмаа пудо, д̇асмаа зд̇амад̇т̇ам̣ д̣̇ассзнд̇од̇и самб̣анд̇хид̇аб̣б̣ам̣. яассаад̇и руубагааяасса. пудад̇д̇аад̇и б̣яаабид̇ад̇д̇аад̇и ад̇т̇о. яат̇аа хи уд̣̇агзна пудтасарийрасса д̇аад̣̇исз подтаб̣б̣з пудтз сукам̣ уббаж̇ж̇ад̇и, звам̣ зд̇зхи жхаанажид̇д̇асамудтид̇зхи руубзхи пудтасарийрасса. жхаанаа вудтид̇обийд̇и жхаанамхаа вудтид̇оби. сукам̣ бадисам̣взд̣̇зяяаад̇и жид̇д̇асамудтид̇аруубзхи авасзсад̇исамудтид̇аруубасан̇гхадданзна уббаннагааяавин̃н̃аан̣зна гааяигам̣ сукам̣ бадисам̣взд̣̇зяяа. зд̇амад̇т̇анд̇и вуд̇д̇анаязна жзд̇асигагааяигасукабадисам̣взд̣̇анасан̇каад̇ам̣ ад̇т̇ам̣.
Sukhañca kāyena paṭisaṃvedesinti ettha kathamābhogena vinā sukhapaṭisaṃvedanāti āha ‘‘kiñcāpī’’tiādi. Yasmā tassa nāmakāyena sampayuttaṃ sukhaṃ, tasmā etamatthaṃ dassento ‘‘sukhañca kāyena paṭisaṃvedesi’’nti āhāti yojetabbaṃ. Ayaṃ panettha saṅkhepattho – ‘‘sukhaṃ vedayāmī’’ti evamābhoge asatipi nāmakāyena cetasikasukhaṃ, kāyikasukhaheturūpasamuṭṭhāpanena kāyikasukhañca jhānasamaṅgī paṭisaṃvedetīti vuccatīti. Tassāti jhānasamaṅgino. Yaṃ vā tanti yaṃ vā taṃ yathāvuttaṃ nāmakāyasampayuttaṃ sukhaṃ. Taṃsamuṭṭhānenāti tato samuṭṭhitena atipaṇītena rūpena assa jhānasamaṅgino rūpakāyo yasmā phuṭo, tasmā etamatthaṃ dassentoti sambandhitabbaṃ. Yassāti rūpakāyassa. Phuṭattāti byāpitattāti attho. Yathā hi udakena phuṭṭhasarīrassa tādise phoṭṭhabbe phuṭṭhe sukhaṃ uppajjati, evaṃ etehi jhānacittasamuṭṭhitehi rūpehi phuṭṭhasarīrassa. Jhānā vuṭṭhitopīti jhānamhā vuṭṭhitopi. Sukhaṃ paṭisaṃvedeyyāti cittasamuṭṭhitarūpehi avasesatisamuṭṭhitarūpasaṅghaṭṭanena uppannakāyaviññāṇena kāyikaṃ sukhaṃ paṭisaṃvedeyya. Etamatthanti vuttanayena cetasikakāyikasukhapaṭisaṃvedanasaṅkhātaṃ atthaṃ.
яанд̇и хзд̇уад̇т̇з нибаад̇о, яасмаад̇и ад̇т̇о. д̇знааха ‘‘яам̣жхаанахзд̇уу’’д̇и. аажигканд̇ийд̇иаад̣̇ийни бад̣̇аани гид̇д̇анад̇т̇аанийд̇и ад̇хиббааязнааха ‘‘басам̣санд̇ийд̇и ад̇хиббааяо’’д̇и. гинд̇ийд̇и басам̣санаагаарабужчаа. сукабаарамиббад̇д̇зд̇и сукасса барамам̣ барияанд̇ам̣ бад̇д̇з. сукаабхисан̇г̇знаад̇и сукасмим̣ аалаязна. зд̣̇исзсу таанзсу сад̇иг̇г̇ахан̣знзва самбаж̇ан̃н̃амби г̇ахид̇ам̣ ход̇ийд̇и ид̇ха баал̣ияам̣ сад̇ияаа зва г̇ахид̇ад̇д̇аа звам̣ убадтид̇ассад̇ид̇ааяа сад̇имаа ижжзва вуд̇д̇ам̣, самбаж̇аанод̇и хздтаа вуд̇д̇ад̇д̇аа ваа. асам̣гилидтанд̇и гилзсзхи асаммиссад̇д̇аа асам̣гилидтам̣. жхаанагкан̣з ниббарияааяад̇о жзд̇асигасукамзва лаб̣бхад̇ийд̇и ‘‘сукам̣ наамагааязна бадисам̣взд̣̇зд̇ий’’д̇и вуд̇д̇ам̣. д̇ад̇ияанд̇и г̇ан̣анаанубуб̣б̣ад̇о д̇ад̇ияанд̇иаад̣̇и хздтаа вуд̇д̇анаяаанусаарзна взд̣̇ид̇аб̣б̣ам̣.
Yanti hetuatthe nipāto, yasmāti attho. Tenāha ‘‘yaṃjhānahetū’’ti. Ācikkhantītiādīni padāni kittanatthānīti adhippāyenāha ‘‘pasaṃsantīti adhippāyo’’ti. Kintīti pasaṃsanākārapucchā. Sukhapāramippatteti sukhassa paramaṃ pariyantaṃ patte. Sukhābhisaṅgenāti sukhasmiṃ ālayena. Edisesu ṭhānesu satiggahaṇeneva sampajaññampi gahitaṃ hotīti idha pāḷiyaṃ satiyā eva gahitattā evaṃ upaṭṭhitassatitāya satimā icceva vuttaṃ, sampajānoti heṭṭhā vuttattā vā. Asaṃkiliṭṭhanti kilesehi asammissattā asaṃkiliṭṭhaṃ. Jhānakkhaṇe nippariyāyato cetasikasukhameva labbhatīti ‘‘sukhaṃ nāmakāyena paṭisaṃvedetī’’ti vuttaṃ. Tatiyanti gaṇanānupubbato tatiyantiādi heṭṭhā vuttanayānusārena veditabbaṃ.
д̇ад̇ияаж̇жхаанагат̇аа нидтид̇аа.
Tatiyajjhānakathā niṭṭhitā.
