| Library / Tipiṭaka / திபிடக • Tipiṭaka / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā |
ததியஜ்ஜா²னகதா²வண்ணனா
Tatiyajjhānakathāvaṇṇanā
163. பரிஸுத்³த⁴பகதி கீ²ணாஸவபகதி நிக்கிலேஸதா. உபெக்கா²னிமித்தந்தி எத்த² லீனுத்³த⁴ச்சபக்க²பாதரஹிதங் மஜ்ஜ²த்தங் வீரியங் ‘‘உபெக்கா²’’தி வுத்தங், ததே³வ தங் ஆகாரங் க³ஹெத்வா பவத்தேதப்³ப³ஸ்ஸ தாதி³ஸஸ்ஸ வீரியஸ்ஸ நிமித்தபா⁴வதோ உபெக்கா²னிமித்தங். பட²மஜ்ஜா²னப்படிலாப⁴த்தா²ய நீவரணே…பே॰… நேவஸஞ்ஞானாஸஞ்ஞாயதனஸமாபத்திபடிலாப⁴த்தா²ய ஆகிஞ்சஞ்ஞாயதனஸஞ்ஞங் படிஸங்கா²ஸந்திட்ட²னாபஞ்ஞாஸங்கா²ருபெக்கா²ஸு ஞாணந்தி இமா அட்ட² ஸமாபத்திவஸேன உப்பஜ்ஜந்தி. ஸோதாபத்திமக்³க³படிலாப⁴த்தா²ய உப்பாத³ங் பவத்தங் நிமித்தங் ஆயூஹனங் படிஸந்தி⁴ங் க³திங் நிப்³ப³த்திங் உபபத்திங் ஜாதிங் ஜராமரணஸோகபரிதே³வது³க்க²தோ³மனஸ்ஸஉபாயாஸே. ஸோதாபத்திப²லஸமாபத்தத்தா²ய உப்பாத³ங்…பே॰… உபாயாஸே…பே॰… அரஹத்தமக்³க³படிலாப⁴த்தா²ய உப்பாத³ங்…பே॰… உபாயாஸே. அரஹத்தப²லஸமாபத்தத்தா²ய…பே॰… ஸுஞ்ஞதவிஹாரஸமாபத்தத்தா²ய…பே॰… அனிமித்தவிஹாரஸமாபத்தத்தா²ய உப்பாத³ங் பவத்தங் ஆயூஹனங் படிஸந்தி⁴ங்…பே॰… படிஸங்கா²ஸந்திட்ட²னா பஞ்ஞா ஸங்கா²ருபெக்கா²ஸு ஞாணந்தி இமா த³ஸ விபஸ்ஸனாவஸேன உப்பஜ்ஜந்தி.
163. Parisuddhapakati khīṇāsavapakati nikkilesatā. Upekkhānimittanti ettha līnuddhaccapakkhapātarahitaṃ majjhattaṃ vīriyaṃ ‘‘upekkhā’’ti vuttaṃ, tadeva taṃ ākāraṃ gahetvā pavattetabbassa tādisassa vīriyassa nimittabhāvato upekkhānimittaṃ. Paṭhamajjhānappaṭilābhatthāya nīvaraṇe…pe… nevasaññānāsaññāyatanasamāpattipaṭilābhatthāya ākiñcaññāyatanasaññaṃ paṭisaṅkhāsantiṭṭhanāpaññāsaṅkhārupekkhāsu ñāṇanti imā aṭṭha samāpattivasena uppajjanti. Sotāpattimaggapaṭilābhatthāya uppādaṃ pavattaṃ nimittaṃ āyūhanaṃ paṭisandhiṃ gatiṃ nibbattiṃ upapattiṃ jātiṃ jarāmaraṇasokaparidevadukkhadomanassaupāyāse. Sotāpattiphalasamāpattatthāya uppādaṃ…pe… upāyāse…pe… arahattamaggapaṭilābhatthāya uppādaṃ…pe… upāyāse. Arahattaphalasamāpattatthāya…pe… suññatavihārasamāpattatthāya…pe… animittavihārasamāpattatthāya uppādaṃ pavattaṃ āyūhanaṃ paṭisandhiṃ…pe… paṭisaṅkhāsantiṭṭhanā paññā saṅkhārupekkhāsu ñāṇanti imā dasa vipassanāvasena uppajjanti.
யத³த்தி² யங் பூ⁴தந்தி க²ந்த⁴பஞ்சகங், தங் முஞ்சிதுகம்யதாஞாணேன பஜஹதி. தி³ட்ட²ஸோவத்தி²கத்தயஸ்ஸ ஸப்பலக்க²ணவிசினநே விய தி³ட்ட²லக்க²ணத்தயஸ்ஸ பூ⁴தஸ்ஸ ஸங்கா²ரலக்க²ணவிசினநே உபெக்க²ங் படிலப⁴தி. அனாபோ⁴க³ரஸாதி பணீதஸுகே²பி தஸ்மிங் அவனதி படிபக்க²கிச்சாதி அத்தோ². நாமகாயேன சேதஸிகஸுக²ங் காயிகஸுக²ஹேது ரூபஸமுட்டா²பனேன காயிகஸுக²ஞ்ச ஜா²னஸமங்கீ³ படிஸங்வேதே³தீதி வுச்சதி. பு²டத்தா ப்³யாபிதத்தா. யதா² ஹி உத³கேன பு²டஸரீரஸ்ஸ தாதி³ஸே நாதிபச்சனீகே வாதாதி³கே பொ²ட்ட²ப்³பே³ பு²ட்டே² ஸுக²ங் உப்பஜ்ஜதி, ஏவங் ஏதேஹி பு²டஸரீரஸ்ஸபி.
Yadatthi yaṃ bhūtanti khandhapañcakaṃ, taṃ muñcitukamyatāñāṇena pajahati. Diṭṭhasovatthikattayassa sappalakkhaṇavicinane viya diṭṭhalakkhaṇattayassa bhūtassa saṅkhāralakkhaṇavicinane upekkhaṃ paṭilabhati. Anābhogarasāti paṇītasukhepi tasmiṃ avanati paṭipakkhakiccāti attho. Nāmakāyena cetasikasukhaṃ kāyikasukhahetu rūpasamuṭṭhāpanena kāyikasukhañca jhānasamaṅgī paṭisaṃvedetīti vuccati. Phuṭattā byāpitattā. Yathā hi udakena phuṭasarīrassa tādise nātipaccanīke vātādike phoṭṭhabbe phuṭṭhe sukhaṃ uppajjati, evaṃ etehi phuṭasarīrassapi.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / ரூபாவசரகுஸலங் • Rūpāvacarakusalaṃ
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā / ததியஜ்ஜா²னங் • Tatiyajjhānaṃ
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-அனுடீகா • Dhammasaṅgaṇī-anuṭīkā / ததியஜ்ஜா²னகதா²வண்ணனா • Tatiyajjhānakathāvaṇṇanā
