| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
д̇ад̇ияаж̇жхаанагат̇ааван̣н̣анаа
Tatiyajjhānakathāvaṇṇanā
163. барисуд̣̇д̇хабагад̇и кийн̣аасавабагад̇и ниггилзсад̇аа. убзгкаанимид̇д̇анд̇и зд̇т̇а лийнуд̣̇д̇хажжабагкабаад̇арахид̇ам̣ маж̇жхад̇д̇ам̣ вийрияам̣ ‘‘убзгкаа’’д̇и вуд̇д̇ам̣, д̇ад̣̇зва д̇ам̣ аагаарам̣ г̇ахзд̇ваа бавад̇д̇зд̇аб̣б̣асса д̇аад̣̇исасса вийрияасса нимид̇д̇абхаавад̇о убзгкаанимид̇д̇ам̣. батамаж̇жхаанаббадилаабхад̇т̇ааяа нийваран̣з…бз… нзвасан̃н̃аанаасан̃н̃ааяад̇анасамаабад̇д̇ибадилаабхад̇т̇ааяа аагин̃жан̃н̃ааяад̇анасан̃н̃ам̣ бадисан̇каасанд̇идтанаабан̃н̃аасан̇каарубзгкаасу н̃аан̣анд̇и имаа адта самаабад̇д̇ивасзна уббаж̇ж̇анд̇и. сод̇аабад̇д̇имаг̇г̇абадилаабхад̇т̇ааяа уббаад̣̇ам̣ бавад̇д̇ам̣ нимид̇д̇ам̣ ааяууханам̣ бадисанд̇хим̣ г̇ад̇им̣ ниб̣б̣ад̇д̇им̣ убабад̇д̇им̣ ж̇аад̇им̣ ж̇араамаран̣асогабарид̣̇звад̣̇угкад̣̇оманассаубааяаасз. сод̇аабад̇д̇ипаласамаабад̇д̇ад̇т̇ааяа уббаад̣̇ам̣…бз… убааяаасз…бз… арахад̇д̇амаг̇г̇абадилаабхад̇т̇ааяа уббаад̣̇ам̣…бз… убааяаасз. арахад̇д̇апаласамаабад̇д̇ад̇т̇ааяа…бз… сун̃н̃ад̇авихаарасамаабад̇д̇ад̇т̇ааяа…бз… анимид̇д̇авихаарасамаабад̇д̇ад̇т̇ааяа уббаад̣̇ам̣ бавад̇д̇ам̣ ааяууханам̣ бадисанд̇хим̣…бз… бадисан̇каасанд̇идтанаа бан̃н̃аа сан̇каарубзгкаасу н̃аан̣анд̇и имаа д̣̇аса вибассанаавасзна уббаж̇ж̇анд̇и.
163. Parisuddhapakati khīṇāsavapakati nikkilesatā. Upekkhānimittanti ettha līnuddhaccapakkhapātarahitaṃ majjhattaṃ vīriyaṃ ‘‘upekkhā’’ti vuttaṃ, tadeva taṃ ākāraṃ gahetvā pavattetabbassa tādisassa vīriyassa nimittabhāvato upekkhānimittaṃ. Paṭhamajjhānappaṭilābhatthāya nīvaraṇe…pe… nevasaññānāsaññāyatanasamāpattipaṭilābhatthāya ākiñcaññāyatanasaññaṃ paṭisaṅkhāsantiṭṭhanāpaññāsaṅkhārupekkhāsu ñāṇanti imā aṭṭha samāpattivasena uppajjanti. Sotāpattimaggapaṭilābhatthāya uppādaṃ pavattaṃ nimittaṃ āyūhanaṃ paṭisandhiṃ gatiṃ nibbattiṃ upapattiṃ jātiṃ jarāmaraṇasokaparidevadukkhadomanassaupāyāse. Sotāpattiphalasamāpattatthāya uppādaṃ…pe… upāyāse…pe… arahattamaggapaṭilābhatthāya uppādaṃ…pe… upāyāse. Arahattaphalasamāpattatthāya…pe… suññatavihārasamāpattatthāya…pe… animittavihārasamāpattatthāya uppādaṃ pavattaṃ āyūhanaṃ paṭisandhiṃ…pe… paṭisaṅkhāsantiṭṭhanā paññā saṅkhārupekkhāsu ñāṇanti imā dasa vipassanāvasena uppajjanti.
яад̣̇ад̇т̇и яам̣ бхууд̇анд̇и канд̇хабан̃жагам̣, д̇ам̣ мун̃жид̇угамяад̇аан̃аан̣зна баж̇ахад̇и. д̣̇идтасовад̇т̇игад̇д̇аяасса саббалагкан̣авижинанз вияа д̣̇идталагкан̣ад̇д̇аяасса бхууд̇асса сан̇кааралагкан̣авижинанз убзгкам̣ бадилабхад̇и. анаабхог̇арасаад̇и бан̣ийд̇асукзби д̇асмим̣ аванад̇и бадибагкагижжаад̇и ад̇т̇о. наамагааязна жзд̇асигасукам̣ гааяигасукахзд̇у руубасамудтаабанзна гааяигасукан̃жа жхаанасаман̇г̇ий бадисам̣взд̣̇зд̇ийд̇и вужжад̇и. пудад̇д̇аа б̣яаабид̇ад̇д̇аа. яат̇аа хи уд̣̇агзна пудасарийрасса д̇аад̣̇исз наад̇ибажжанийгз ваад̇аад̣̇игз подтаб̣б̣з пудтз сукам̣ уббаж̇ж̇ад̇и, звам̣ зд̇зхи пудасарийрассаби.
Yadatthi yaṃ bhūtanti khandhapañcakaṃ, taṃ muñcitukamyatāñāṇena pajahati. Diṭṭhasovatthikattayassa sappalakkhaṇavicinane viya diṭṭhalakkhaṇattayassa bhūtassa saṅkhāralakkhaṇavicinane upekkhaṃ paṭilabhati. Anābhogarasāti paṇītasukhepi tasmiṃ avanati paṭipakkhakiccāti attho. Nāmakāyena cetasikasukhaṃ kāyikasukhahetu rūpasamuṭṭhāpanena kāyikasukhañca jhānasamaṅgī paṭisaṃvedetīti vuccati. Phuṭattā byāpitattā. Yathā hi udakena phuṭasarīrassa tādise nātipaccanīke vātādike phoṭṭhabbe phuṭṭhe sukhaṃ uppajjati, evaṃ etehi phuṭasarīrassapi.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубааважарагусалам̣ • Rūpāvacarakusalaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / д̇ад̇ияаж̇жхаанам̣ • Tatiyajjhānaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / д̇ад̇ияаж̇жхаанагат̇ааван̣н̣анаа • Tatiyajjhānakathāvaṇṇanā
