| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
д̇ад̇ияаж̇жхаанам̣
Tatiyajjhānaṃ
163. д̇ад̇ияаж̇жхаананид̣̇д̣̇зсз бийд̇ияаа жа вирааг̇аад̇и вирааг̇о наама вуд̇д̇аббагаарааяа бийд̇ияаа ж̇иг̇ужчанам̣ ваа самад̇иггамо ваа. убхиннам̣ бана анд̇араа ‘жа’-сад̣̇д̣̇о самбин̣д̣анад̇т̇о. со вуубасамам̣ ваа самбин̣д̣зд̇и вид̇аггавижааравуубасамам̣ ваа. д̇ад̇т̇а яад̣̇аа вуубасамамзва самбин̣д̣зд̇и д̇ад̣̇аа бийд̇ияаа вирааг̇аа жа, гин̃жа бхияяо ‘вуубасамаа’ жаад̇и звам̣ яож̇анаа взд̣̇ид̇аб̣б̣аа. имиссаа жа яож̇анааяа вирааг̇о ж̇иг̇ужчанад̇т̇о ход̇и. д̇асмаа бийд̇ияаа ж̇иг̇ужчанаа жа вуубасамаа жаад̇и аяамад̇т̇о д̣̇адтаб̣б̣о. яад̣̇аа бана вид̇аггавижаараанам̣ вуубасамам̣ самбин̣д̣зд̇и д̇ад̣̇аа бийд̇ияаа жа вирааг̇аа гин̃жа бхияяо ‘вид̇аггавижаараанан̃жа вуубасамаа’д̇и звам̣ яож̇анаа взд̣̇ид̇аб̣б̣аа. имиссаа жа яож̇анааяа вирааг̇о самад̇иггаманад̇т̇о ход̇и, д̇асмаа бийд̇ияаа жа самад̇иггамаа вид̇аггавижаараанан̃жа вуубасамаад̇и аяамад̇т̇о д̣̇адтаб̣б̣о.
163. Tatiyajjhānaniddese pītiyā ca virāgāti virāgo nāma vuttappakārāya pītiyā jigucchanaṃ vā samatikkamo vā. Ubhinnaṃ pana antarā ‘ca’-saddo sampiṇḍanattho. So vūpasamaṃ vā sampiṇḍeti vitakkavicāravūpasamaṃ vā. Tattha yadā vūpasamameva sampiṇḍeti tadā pītiyā virāgā ca, kiñca bhiyyo ‘vūpasamā’ cāti evaṃ yojanā veditabbā. Imissā ca yojanāya virāgo jigucchanattho hoti. Tasmā pītiyā jigucchanā ca vūpasamā cāti ayamattho daṭṭhabbo. Yadā pana vitakkavicārānaṃ vūpasamaṃ sampiṇḍeti tadā pītiyā ca virāgā kiñca bhiyyo ‘vitakkavicārānañca vūpasamā’ti evaṃ yojanā veditabbā. Imissā ca yojanāya virāgo samatikkamanattho hoti, tasmā pītiyā ca samatikkamā vitakkavicārānañca vūpasamāti ayamattho daṭṭhabbo.
гааман̃жзд̇з вид̇аггавижаараа д̣̇уд̇ияаж̇жхаанзязва вуубасанд̇аа, имасса бана жхаанасса маг̇г̇абарид̣̇ийбанад̇т̇ам̣ ван̣н̣абхан̣анад̇т̇ан̃жзд̇ам̣ вуд̇д̇ам̣. вид̇аггавижаараанан̃жа вуубасамаад̇и хи вуд̇д̇з ид̣̇ам̣ бан̃н̃ааяад̇и – нууна вид̇аггавижааравуубасамо маг̇г̇о имасса жхаанассаад̇и? яат̇аа жа д̇ад̇ияз арияамаг̇г̇з аббахийнаанамби саггааяад̣̇идтаад̣̇ийнам̣ ‘‘бан̃жаннам̣ орамбхааг̇ияаанам̣ сам̣яож̇анаанам̣ бахаанаа’’д̇и (ма. ни. 2.132) звам̣ бахаанам̣ вужжамаанам̣ ван̣н̣абхан̣анам̣ ход̇и, д̇ад̣̇ад̇хиг̇амааяа уссуггаанам̣ уссаахаж̇анагам̣, звамзва ид̇ха авуубасанд̇аанамби вид̇аггавижаараанам̣ вуубасамо вужжамаано ван̣н̣абхан̣анам̣ ход̇и. д̇знааяамад̇т̇о вуд̇д̇о – ‘бийд̇ияаа жа самад̇иггамаа вид̇аггавижаараанан̃жа вуубасамаа’д̇и.
Kāmañcete vitakkavicārā dutiyajjhāneyeva vūpasantā, imassa pana jhānassa maggaparidīpanatthaṃ vaṇṇabhaṇanatthañcetaṃ vuttaṃ. Vitakkavicārānañca vūpasamāti hi vutte idaṃ paññāyati – nūna vitakkavicāravūpasamo maggo imassa jhānassāti? Yathā ca tatiye ariyamagge appahīnānampi sakkāyadiṭṭhādīnaṃ ‘‘pañcannaṃ orambhāgiyānaṃ saṃyojanānaṃ pahānā’’ti (ma. ni. 2.132) evaṃ pahānaṃ vuccamānaṃ vaṇṇabhaṇanaṃ hoti, tadadhigamāya ussukkānaṃ ussāhajanakaṃ, evameva idha avūpasantānampi vitakkavicārānaṃ vūpasamo vuccamāno vaṇṇabhaṇanaṃ hoti. Tenāyamattho vutto – ‘pītiyā ca samatikkamā vitakkavicārānañca vūpasamā’ti.
убзгкаго жа вихарад̇ийд̇и – зд̇т̇а убабад̇д̇ид̇о игкад̇ийд̇и убзгкаа. самам̣ бассад̇и, абагкабад̇ид̇аа худ̇ваа бассад̇ийд̇и ад̇т̇о. д̇ааяа висад̣̇ааяа вибулааяа т̇аамаг̇ад̇ааяа саманнааг̇ад̇ад̇д̇аа д̇ад̇ияаж̇жхаанасаман̇г̇ий убзгкагод̇и вужжад̇и.
Upekkhako ca viharatīti – ettha upapattito ikkhatīti upekkhā. Samaṃ passati, apakkhapatitā hutvā passatīti attho. Tāya visadāya vipulāya thāmagatāya samannāgatattā tatiyajjhānasamaṅgī upekkhakoti vuccati.
убзгкаа бана д̣̇асавид̇хаа ход̇и – чал̣ан̇г̇убзгкаа б̣рахмавихаарубзгкаа б̣ож̇жхан̇г̇убзгкаа вийрияубзгкаа сан̇каарубзгкаа взд̣̇анубзгкаа вибассанубзгкаа д̇ад̇рамаж̇жхад̇д̇убзгкаа жхаанубзгкаа баарисуд̣̇д̇хубзгкаад̇и.
Upekkhā pana dasavidhā hoti – chaḷaṅgupekkhā brahmavihārupekkhā bojjhaṅgupekkhā vīriyupekkhā saṅkhārupekkhā vedanupekkhā vipassanupekkhā tatramajjhattupekkhā jhānupekkhā pārisuddhupekkhāti.
д̇ад̇т̇а яаа ‘‘ид̇ха, бхигкавз, бхигку жагкунаа руубам̣ д̣̇исваа нзва сумано ход̇и, на д̣̇уммано, убзгкаго жа вихарад̇и сад̇о самбаж̇аано’’д̇и (а. ни. 5.1; махаани. 90; жуул̣ани. мзд̇д̇аг̇уумаан̣авабужчаанид̣̇д̣̇зса 18; бади. ма. 3.17) звамааг̇ад̇аа кийн̣аасавасса часу д̣̇ваарзсу идтаанидтачал̣аарамман̣аабаат̇з барисуд̣̇д̇хабагад̇ибхааваавиж̇аханаагаарабхууд̇аа убзгкаа, аяам̣ ‘чал̣ан̇г̇убзгкаа’ наама.
Tattha yā ‘‘idha, bhikkhave, bhikkhu cakkhunā rūpaṃ disvā neva sumano hoti, na dummano, upekkhako ca viharati sato sampajāno’’ti (a. ni. 5.1; mahāni. 90; cūḷani. mettagūmāṇavapucchāniddesa 18; paṭi. ma. 3.17) evamāgatā khīṇāsavassa chasu dvāresu iṭṭhāniṭṭhachaḷārammaṇāpāthe parisuddhapakatibhāvāvijahanākārabhūtā upekkhā, ayaṃ ‘chaḷaṅgupekkhā’ nāma.
яаа бана ‘‘убзгкаасахаг̇ад̇зна жзд̇асаа згам̣ д̣̇исам̣ парид̇ваа вихарад̇ий’’д̇и (д̣̇ий. ни. 1.556; ма. ни. 1.77) звамааг̇ад̇аа сад̇д̇зсу маж̇жхад̇д̇аагаарабхууд̇аа убзгкаа, аяам̣ ‘б̣рахмавихаарубзгкаа’ наама.
Yā pana ‘‘upekkhāsahagatena cetasā ekaṃ disaṃ pharitvā viharatī’’ti (dī. ni. 1.556; ma. ni. 1.77) evamāgatā sattesu majjhattākārabhūtā upekkhā, ayaṃ ‘brahmavihārupekkhā’ nāma.
яаа ‘‘убзгкаасамб̣ож̇жхан̇г̇ам̣ бхаавзд̇и вивзганиссид̇а’’нд̇и (ма. ни. 1.27; 3.247) звамааг̇ад̇аа сахаж̇аад̇ад̇хаммаанам̣ маж̇жхад̇д̇аагаарабхууд̇аа убзгкаа, аяам̣ ‘б̣ож̇жхан̇г̇убзгкаа’ наама.
Yā ‘‘upekkhāsambojjhaṅgaṃ bhāveti vivekanissita’’nti (ma. ni. 1.27; 3.247) evamāgatā sahajātadhammānaṃ majjhattākārabhūtā upekkhā, ayaṃ ‘bojjhaṅgupekkhā’ nāma.
яаа бана ‘‘гаалзна гаалам̣ убзгкаанимид̇д̇ам̣ манаси гарод̇ий’’д̇и (а. ни. 3.103) звамааг̇ад̇аа анажжаарад̣̇д̇ханаад̇исит̇илавийрияасан̇каад̇аа убзгкаа, аяам̣ ‘вийрияубзгкаа’ наама.
Yā pana ‘‘kālena kālaṃ upekkhānimittaṃ manasi karotī’’ti (a. ni. 3.103) evamāgatā anaccāraddhanātisithilavīriyasaṅkhātā upekkhā, ayaṃ ‘vīriyupekkhā’ nāma.
яаа ‘‘гад̇и сан̇каарубзгкаа самат̇авасзна уббаж̇ж̇анд̇и, гад̇и сан̇каарубзгкаа вибассанаавасзна уббаж̇ж̇анд̇и? адта сан̇каарубзгкаа самат̇авасзна уббаж̇ж̇анд̇и, д̣̇аса сан̇каарубзгкаа вибассанаавасзна уббаж̇ж̇анд̇ий’’д̇и (бади. ма. 1.57) звамааг̇ад̇аа нийваран̣аад̣̇ибадисан̇каасанд̇идтанааг̇ахан̣з маж̇жхад̇д̇абхууд̇аа убзгкаа, аяам̣ ‘сан̇каарубзгкаа’ наама.
Yā ‘‘kati saṅkhārupekkhā samathavasena uppajjanti, kati saṅkhārupekkhā vipassanāvasena uppajjanti? Aṭṭha saṅkhārupekkhā samathavasena uppajjanti, dasa saṅkhārupekkhā vipassanāvasena uppajjantī’’ti (paṭi. ma. 1.57) evamāgatā nīvaraṇādipaṭisaṅkhāsantiṭṭhanāgahaṇe majjhattabhūtā upekkhā, ayaṃ ‘saṅkhārupekkhā’ nāma.
яаа бана ‘‘яасмим̣ самаяз гаамааважарам̣ гусалам̣ жид̇д̇ам̣ уббаннам̣ ход̇и убзгкаасахаг̇ад̇а’’нд̇и (д̇ха. са. 150) звамааг̇ад̇аа ад̣̇угкамасукасан̇каад̇аа убзгкаа аяам̣ ‘взд̣̇анубзгкаа’ наама.
Yā pana ‘‘yasmiṃ samaye kāmāvacaraṃ kusalaṃ cittaṃ uppannaṃ hoti upekkhāsahagata’’nti (dha. sa. 150) evamāgatā adukkhamasukhasaṅkhātā upekkhā ayaṃ ‘vedanupekkhā’ nāma.
яаа ‘‘яад̣̇ад̇т̇и, яам̣ бхууд̇ам̣, д̇ам̣ баж̇ахад̇и, убзгкам̣ бадилабхад̇ий’’д̇и (ма. ни. 3.71; а. ни. 7.55) звамааг̇ад̇аа вижинанз маж̇жхад̇д̇абхууд̇аа убзгкаа, аяам̣ ‘вибассанубзгкаа’ наама.
Yā ‘‘yadatthi, yaṃ bhūtaṃ, taṃ pajahati, upekkhaṃ paṭilabhatī’’ti (ma. ni. 3.71; a. ni. 7.55) evamāgatā vicinane majjhattabhūtā upekkhā, ayaṃ ‘vipassanupekkhā’ nāma.
яаа бана чанд̣̇аад̣̇ийсу язваабанагзсу ааг̇ад̇аа сахаж̇аад̇аанам̣ самаваахид̇абхууд̇аа убзгкаа аяам̣, ‘д̇ад̇рамаж̇жхад̇д̇убзгкаа’ наама.
Yā pana chandādīsu yevāpanakesu āgatā sahajātānaṃ samavāhitabhūtā upekkhā ayaṃ, ‘tatramajjhattupekkhā’ nāma.
яаа ‘‘убзгкаго жа вихарад̇ий’’д̇и (д̇ха. са. 163; д̣̇ий. ни. 1.230) звамааг̇ад̇аа аг̇г̇асукзби д̇асмим̣ абагкабаад̇аж̇ананий убзгкаа, аяам̣ ‘жхаанубзгкаа’ наама.
Yā ‘‘upekkhako ca viharatī’’ti (dha. sa. 163; dī. ni. 1.230) evamāgatā aggasukhepi tasmiṃ apakkhapātajananī upekkhā, ayaṃ ‘jhānupekkhā’ nāma.
яаа ‘‘убзгкаасад̇ибаарисуд̣̇д̇хим̣ жад̇уд̇т̇ам̣ жхаана’’нд̇и звамааг̇ад̇аа саб̣б̣абажжанийгабарисуд̣̇д̇хаа бажжанийгавуубасаманзби аб̣яаабаарабхууд̇аа убзгкаа, аяам̣ ‘баарисуд̣̇д̇хубзгкаа’ наама.
Yā ‘‘upekkhāsatipārisuddhiṃ catutthaṃ jhāna’’nti evamāgatā sabbapaccanīkaparisuddhā paccanīkavūpasamanepi abyāpārabhūtā upekkhā, ayaṃ ‘pārisuddhupekkhā’ nāma.
д̇ад̇т̇а чал̣ан̇г̇убзгкаа жа б̣рахмавихаарубзгкаа жа б̣ож̇жхан̇г̇убзгкаа жа д̇ад̇рамаж̇жхад̇д̇убзгкаа жа жхаанубзгкаа жа баарисуд̣̇д̇хубзгкаа жа ад̇т̇ад̇о згаа д̇ад̇рамаж̇жхад̇д̇убзгкаава ход̇и. д̇зна д̇зна авад̇т̇аабхзд̣̇зна банассаа аяам̣ бхзд̣̇о . згассааби сад̇о сад̇д̇асса гумаараяуват̇зра сзнаабад̇ирааж̇аад̣̇ивасзна бхзд̣̇о вияа. д̇асмаа д̇аасу яад̇т̇а чал̣ан̇г̇убзгкаа на д̇ад̇т̇а б̣ож̇жхан̇г̇убзгкаад̣̇аяо, яад̇т̇а ваа бана б̣ож̇жхан̇г̇убзгкаа на д̇ад̇т̇а чал̣ан̇г̇убзгкаад̣̇аяо хонд̇ийд̇и взд̣̇ид̇аб̣б̣аа.
Tattha chaḷaṅgupekkhā ca brahmavihārupekkhā ca bojjhaṅgupekkhā ca tatramajjhattupekkhā ca jhānupekkhā ca pārisuddhupekkhā ca atthato ekā tatramajjhattupekkhāva hoti. Tena tena avatthābhedena panassā ayaṃ bhedo . Ekassāpi sato sattassa kumārayuvathera senāpatirājādivasena bhedo viya. Tasmā tāsu yattha chaḷaṅgupekkhā na tattha bojjhaṅgupekkhādayo, yattha vā pana bojjhaṅgupekkhā na tattha chaḷaṅgupekkhādayo hontīti veditabbā.
яат̇аа жзд̇аасам̣ ад̇т̇ад̇о згийбхааво, звам̣ сан̇каарубзгкаавибассанубзгкаанамби. бан̃н̃аа зва хи зсаа гижжавасзна д̣̇вид̇хаа бхиннаа. яат̇аа хи бурисасса сааяам̣ г̇зхам̣ бавидтам̣ саббам̣ аж̇абад̣̇ад̣̇ан̣д̣ам̣ г̇ахзд̇ваа бариязсамаанасса д̇ам̣ т̇усагодтагз нибаннам̣ д̣̇исваа ‘саббо ну ко но’д̇и авалогзнд̇асса совад̇т̇игад̇д̇аяам̣ д̣̇исваа ниб̣б̣змад̇игасса ‘саббо, на саббо’д̇и вижинанз маж̇жхад̇д̇ад̇аа ход̇и; звамзва яаа аарад̣̇д̇хавибассагасса вибассанаан̃аан̣зна лагкан̣ад̇д̇аяз д̣̇идтз сан̇каараанам̣ анижжабхааваад̣̇ивижинанз маж̇жхад̇д̇ад̇аа уббаж̇ж̇ад̇и, аяам̣ ‘вибассанубзгкаа’. яат̇аа бана д̇асса бурисасса аж̇абад̣̇ад̣̇ан̣д̣агзна г̇аал̣хам̣ саббам̣ г̇ахзд̇ваа ‘гинд̇аахам̣ имам̣ саббам̣ авихзтзнд̇о ад̇д̇аанан̃жа иминаа ад̣ам̣саабзнд̇о мун̃жзяяа’нд̇и мун̃жанаагаарамзва бариязсад̇о г̇ахан̣з маж̇жхад̇д̇ад̇аа ход̇и; звамзва яаа лагкан̣ад̇д̇аяасса д̣̇идтад̇д̇аа, аад̣̇ид̇д̇з вияа д̇аяо бхавз бассад̇о, сан̇каараг̇г̇ахан̣з маж̇жхад̇д̇ад̇аа, аяам̣ ‘сан̇каарубзгкаа’. ид̇и вибассанубзгкааяа сид̣̇д̇хааяа сан̇каарубзгкааби сид̣̇д̇хаава ход̇и. иминаа банзсаа вижинанаг̇г̇ахан̣зсу маж̇жхад̇д̇асан̇каад̇зна гижжзна д̣̇вид̇хаа бхиннаад̇и. вирияубзгкаа бана взд̣̇анубзгкаа жа ан̃н̃аман̃н̃ан̃жа авасзсаахи жа ад̇т̇ад̇о бхиннааязваад̇и.
Yathā cetāsaṃ atthato ekībhāvo, evaṃ saṅkhārupekkhāvipassanupekkhānampi. Paññā eva hi esā kiccavasena dvidhā bhinnā. Yathā hi purisassa sāyaṃ gehaṃ paviṭṭhaṃ sappaṃ ajapadadaṇḍaṃ gahetvā pariyesamānassa taṃ thusakoṭṭhake nipannaṃ disvā ‘sappo nu kho no’ti avalokentassa sovatthikattayaṃ disvā nibbematikassa ‘sappo, na sappo’ti vicinane majjhattatā hoti; evameva yā āraddhavipassakassa vipassanāñāṇena lakkhaṇattaye diṭṭhe saṅkhārānaṃ aniccabhāvādivicinane majjhattatā uppajjati, ayaṃ ‘vipassanupekkhā’. Yathā pana tassa purisassa ajapadadaṇḍakena gāḷhaṃ sappaṃ gahetvā ‘kintāhaṃ imaṃ sappaṃ aviheṭhento attānañca iminā aḍaṃsāpento muñceyya’nti muñcanākārameva pariyesato gahaṇe majjhattatā hoti; evameva yā lakkhaṇattayassa diṭṭhattā, āditte viya tayo bhave passato, saṅkhāraggahaṇe majjhattatā, ayaṃ ‘saṅkhārupekkhā’. Iti vipassanupekkhāya siddhāya saṅkhārupekkhāpi siddhāva hoti. Iminā panesā vicinanaggahaṇesu majjhattasaṅkhātena kiccena dvidhā bhinnāti. Viriyupekkhā pana vedanupekkhā ca aññamaññañca avasesāhi ca atthato bhinnāyevāti.
имаасу д̣̇асасу убзгкаасу ‘жхаанубзгкаа’ ид̇ха ад̇хиббзд̇аа. саа маж̇жхад̇д̇алагкан̣аа анаабхог̇арасаа аб̣яаабаарабажжубадтаанаа бийд̇ивирааг̇абад̣̇адтаанаад̇и. зд̇т̇ааха – нану жааяам̣ ад̇т̇ад̇о д̇ад̇рамаж̇жхад̇д̇убзгкаава ход̇и? саа жа батамад̣̇уд̇ияаж̇жхаанзсуби ад̇т̇и, д̇асмаа д̇ад̇рааби ‘убзгкаго жа вихарад̇ий’д̇и звамаяам̣ вад̇д̇аб̣б̣аа сияаа. саа гасмаа на вуд̇д̇аад̇и? абариб̣яад̇д̇агижжад̇о. абариб̣яад̇д̇ан̃хи д̇ассаа д̇ад̇т̇а гижжам̣, вид̇аггаад̣̇ийхи абхибхууд̇ад̇д̇аа. ид̇ха банааяам̣ вид̇аггавижаарабийд̇ийхи анабхибхууд̇ад̇д̇аа угкид̇д̇асираа вияа худ̇ваа бариб̣яад̇д̇агижжаа ж̇аад̇аа, д̇асмаа вуд̇д̇аад̇и.
Imāsu dasasu upekkhāsu ‘jhānupekkhā’ idha adhippetā. Sā majjhattalakkhaṇā anābhogarasā abyāpārapaccupaṭṭhānā pītivirāgapadaṭṭhānāti. Etthāha – nanu cāyaṃ atthato tatramajjhattupekkhāva hoti? Sā ca paṭhamadutiyajjhānesupi atthi, tasmā tatrāpi ‘upekkhako ca viharatī’ti evamayaṃ vattabbā siyā. Sā kasmā na vuttāti? Aparibyattakiccato. Aparibyattañhi tassā tattha kiccaṃ, vitakkādīhi abhibhūtattā. Idha panāyaṃ vitakkavicārapītīhi anabhibhūtattā ukkhittasirā viya hutvā paribyattakiccā jātā, tasmā vuttāti.
нидтид̇аа убзгкаго жа вихарад̇ийд̇и зд̇асса
Niṭṭhitā upekkhako ca viharatīti etassa
саб̣б̣асо ад̇т̇аван̣н̣анаа.
Sabbaso atthavaṇṇanā.
ид̣̇аани сад̇о жа самбаж̇аанод̇и зд̇т̇а сарад̇ийд̇и сад̇о. самбаж̇аанаад̇ийд̇и самбаж̇аано. ид̇и буг̇г̇алзна сад̇и жа самбаж̇ан̃н̃ан̃жа вуд̇д̇ам̣. д̇ад̇т̇а саран̣алагкан̣аа сад̇и, асаммуссанарасаа, аарагкабажжубадтаанаа. асаммохалагкан̣ам̣ самбаж̇ан̃н̃ам̣, д̇ийран̣арасам̣, бавижаяабажжубадтаанам̣.
Idāni sato ca sampajānoti ettha saratīti sato. Sampajānātīti sampajāno. Iti puggalena sati ca sampajaññañca vuttaṃ. Tattha saraṇalakkhaṇā sati, asammussanarasā, ārakkhapaccupaṭṭhānā. Asammohalakkhaṇaṃ sampajaññaṃ, tīraṇarasaṃ, pavicayapaccupaṭṭhānaṃ.
д̇ад̇т̇а гин̃жааби ид̣̇ам̣ сад̇исамбаж̇ан̃н̃ам̣ буримаж̇жхаанзсуби ад̇т̇и – мудтассад̇исса хи асамбаж̇аанасса убажаарамад̇д̇амби на самбаж̇ж̇ад̇и, баг̇зва аббанаа – ол̣ааригад̇д̇аа бана д̇зсам̣ жхаанаанам̣, бхуумияам̣ вияа бурисасса, жид̇д̇асса г̇ад̇и сукаа ход̇и, аб̣яад̇д̇ам̣ д̇ад̇т̇а сад̇исамбаж̇ан̃н̃агижжам̣. ол̣аариган̇г̇аббахаанзна бана сукумад̇д̇аа имасса жхаанасса, бурисасса курад̇хаарааяам̣ вияа, сад̇исамбаж̇ан̃н̃агижжабариг̇г̇ахид̇аа зва жид̇д̇асса г̇ад̇и ижчид̇аб̣б̣аад̇и ид̇хзва вуд̇д̇ам̣. гин̃жа бхияяо? яат̇аа д̇хзнубаг̇о важчо д̇хзнуд̇о абанийд̇о арагкияамаано бунад̣̇зва д̇хзнум̣ убаг̇ажчад̇и, звамид̣̇ам̣ д̇ад̇ияаж̇жхаанасукам̣ бийд̇ид̇о абанийд̇амби сад̇исамбаж̇ан̃н̃аарагкзна арагкияамаанам̣ бунад̣̇зва бийд̇им̣ убаг̇ажчзяяа, бийд̇исамбаяуд̇д̇амзва сияаа. сукз вааби сад̇д̇аа саараж̇ж̇анд̇и, ид̣̇ан̃жа ад̇имад̇хурам̣ сукам̣, д̇ад̇о барам̣ сукаабхааваа. сад̇исамбаж̇ан̃н̃аанубхаавзна банзд̇т̇а сукз асаараж̇ж̇анаа ход̇и, но ан̃н̃ат̇аад̇и имамби ад̇т̇ависзсам̣ д̣̇ассзд̇ум̣ ид̣̇амид̇хзва вуд̇д̇анд̇и взд̣̇ид̇аб̣б̣ам̣.
Tattha kiñcāpi idaṃ satisampajaññaṃ purimajjhānesupi atthi – muṭṭhassatissa hi asampajānassa upacāramattampi na sampajjati, pageva appanā – oḷārikattā pana tesaṃ jhānānaṃ, bhūmiyaṃ viya purisassa, cittassa gati sukhā hoti, abyattaṃ tattha satisampajaññakiccaṃ. Oḷārikaṅgappahānena pana sukhumattā imassa jhānassa, purisassa khuradhārāyaṃ viya, satisampajaññakiccapariggahitā eva cittassa gati icchitabbāti idheva vuttaṃ. Kiñca bhiyyo? Yathā dhenupago vaccho dhenuto apanīto arakkhiyamāno punadeva dhenuṃ upagacchati, evamidaṃ tatiyajjhānasukhaṃ pītito apanītampi satisampajaññārakkhena arakkhiyamānaṃ punadeva pītiṃ upagaccheyya, pītisampayuttameva siyā. Sukhe vāpi sattā sārajjanti, idañca atimadhuraṃ sukhaṃ, tato paraṃ sukhābhāvā. Satisampajaññānubhāvena panettha sukhe asārajjanā hoti, no aññathāti imampi atthavisesaṃ dassetuṃ idamidheva vuttanti veditabbaṃ.
ид̣̇аани сукан̃жа гааязна бадисам̣взд̣̇зд̇ийд̇и зд̇т̇а гин̃жааби д̇ад̇ияаж̇жхаанасаман̇г̇ино сукабадисам̣взд̣̇анаабхог̇о над̇т̇и, звам̣ санд̇зби яасмаа д̇асса наамагааязна самбаяуд̇д̇ам̣ сукам̣, яам̣ ваа д̇ам̣ наамагааяасамбаяуд̇д̇ам̣ сукам̣, д̇ам̣самудтаанзнасса яасмаа ад̇ибан̣ийд̇зна руубзна руубагааяо пудо, яасса пудад̇д̇аа жхаанаа вудтид̇оби сукам̣ бадисам̣взд̣̇зяяа, д̇асмаа зд̇амад̇т̇ам̣ д̣̇ассзнд̇о ‘сукан̃жа гааязна бадисам̣взд̣̇зд̇ий’д̇и ааха.
Idāni sukhañca kāyena paṭisaṃvedetīti ettha kiñcāpi tatiyajjhānasamaṅgino sukhapaṭisaṃvedanābhogo natthi, evaṃ santepi yasmā tassa nāmakāyena sampayuttaṃ sukhaṃ, yaṃ vā taṃ nāmakāyasampayuttaṃ sukhaṃ, taṃsamuṭṭhānenassa yasmā atipaṇītena rūpena rūpakāyo phuṭo, yassa phuṭattā jhānā vuṭṭhitopi sukhaṃ paṭisaṃvedeyya, tasmā etamatthaṃ dassento ‘sukhañca kāyena paṭisaṃvedetī’ti āha.
ид̣̇аани яам̣ д̇ам̣ арияаа аажигканд̇и убзгкаго сад̇имаа сукавихаарийд̇и зд̇т̇а яам̣жхаанахзд̇у яам̣жхаанагааран̣аа д̇ам̣ д̇ад̇ияаж̇жхаанасаман̇г̇ийбуг̇г̇алам̣ б̣уд̣̇д̇хаад̣̇аяо арияаа ‘‘аажигканд̇и д̣̇зсзнд̇и бан̃н̃аабзнд̇и бадтабзнд̇и виваранд̇и вибхаж̇анд̇и уд̇д̇аанийгаронд̇и багаасз’’нд̇и басам̣санд̇ийд̇и ад̇хиббааяо – гинд̇и? ‘убзгкаго сад̇имаа сукавихаарий’д̇и – д̇ам̣ д̇ад̇ияаж̇жхаанам̣ убасамбаж̇ж̇а вихарад̇ийд̇и звамзд̇т̇а яож̇анаа взд̣̇ид̇аб̣б̣аа.
Idāni yaṃ taṃ ariyā ācikkhanti upekkhako satimā sukhavihārīti ettha yaṃjhānahetu yaṃjhānakāraṇā taṃ tatiyajjhānasamaṅgīpuggalaṃ buddhādayo ariyā ‘‘ācikkhanti desenti paññāpenti paṭṭhapenti vivaranti vibhajanti uttānīkaronti pakāse’’nti pasaṃsantīti adhippāyo – kinti? ‘Upekkhako satimā sukhavihārī’ti – taṃ tatiyajjhānaṃ upasampajja viharatīti evamettha yojanā veditabbā.
гасмаа бана д̇ам̣ д̇з звам̣ басам̣санд̇ийд̇и? басам̣саарахад̇о. аяан̃хи яасмаа ад̇имад̇хурасукз сукабаарамиббад̇д̇зби д̇ад̇ияаж̇жхаанз убзгкаго, на д̇ад̇т̇а сукаабхисан̇г̇зна аагад̣дхийяад̇и, ‘яат̇аа жа бийд̇и на уббаж̇ж̇ад̇и’ звам̣ убадтид̇асад̇ид̇ааяа сад̇имаа, яасмаа жа арияаганд̇ам̣ арияаж̇анасзвид̇амзва асам̣гилидтам̣ сукам̣ наамагааязна бадисам̣взд̣̇зд̇и д̇асмаа басам̣саарахо; ид̇и басам̣саарахад̇о нам̣ арияаа д̇з звам̣ басам̣саахзд̇убхууд̇з г̇ун̣з багаасзнд̇аа ‘убзгкаго сад̇имаа сукавихаарий’д̇и звам̣ басам̣санд̇ийд̇и взд̣̇ид̇аб̣б̣ам̣.
Kasmā pana taṃ te evaṃ pasaṃsantīti? Pasaṃsārahato. Ayañhi yasmā atimadhurasukhe sukhapāramippattepi tatiyajjhāne upekkhako, na tattha sukhābhisaṅgena ākaḍḍhīyati, ‘yathā ca pīti na uppajjati’ evaṃ upaṭṭhitasatitāya satimā, yasmā ca ariyakantaṃ ariyajanasevitameva asaṃkiliṭṭhaṃ sukhaṃ nāmakāyena paṭisaṃvedeti tasmā pasaṃsāraho; iti pasaṃsārahato naṃ ariyā te evaṃ pasaṃsāhetubhūte guṇe pakāsentā ‘upekkhako satimā sukhavihārī’ti evaṃ pasaṃsantīti veditabbaṃ.
д̇ад̇ияанд̇и г̇ан̣анаанубуб̣б̣ад̇аа д̇ад̇ияам̣. ид̣̇ам̣ д̇ад̇ияам̣ самаабаж̇ж̇ад̇ийд̇иби д̇ад̇ияам̣. д̇асмим̣ самаяз пассо ход̇ийд̇иаад̣̇ийсу жхаанабан̃жагз бийд̇ибад̣̇амби барихийнам̣. д̇ассааби васзна савибхад̇д̇игаавибхад̇д̇игабад̣̇авинижчаяо взд̣̇ид̇аб̣б̣о. годтаасаваарзби д̣̇уван̇г̇игам̣ жхаанам̣ ход̇ийд̇и ааг̇ад̇ам̣. сзсам̣ д̣̇уд̇ияаж̇жхаанасад̣̇исамзваад̇и.
Tatiyanti gaṇanānupubbatā tatiyaṃ. Idaṃ tatiyaṃ samāpajjatītipi tatiyaṃ. Tasmiṃ samaye phasso hotītiādīsu jhānapañcake pītipadampi parihīnaṃ. Tassāpi vasena savibhattikāvibhattikapadavinicchayo veditabbo. Koṭṭhāsavārepi duvaṅgikaṃ jhānaṃ hotīti āgataṃ. Sesaṃ dutiyajjhānasadisamevāti.
д̇ад̇ияам̣.
Tatiyaṃ.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубааважарагусалам̣ • Rūpāvacarakusalaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̇ад̇ияаж̇жхаанагат̇ааван̣н̣анаа • Tatiyajjhānakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / д̇ад̇ияаж̇жхаанагат̇ааван̣н̣анаа • Tatiyajjhānakathāvaṇṇanā
