| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
3. д̇ад̇ияагат̇инасигкаабад̣̇аван̣н̣анаа
3. Tatiyakathinasikkhāpadavaṇṇanā
497-499. д̇ад̇ияз баал̣ияам̣ жийварабажжаасаа нигкибид̇унд̇и зд̇т̇а жийварабажжаасааяа сад̇ияаа нигкибид̇унд̇и звамад̇т̇о г̇ахзд̇аб̣б̣о. бхан̣д̣игааб̣ад̣̇д̇хаани бхан̣д̣игаб̣ад̣̇д̇хаанийд̇иби батанд̇и, бхан̣д̣игам̣ гад̇ваа б̣ад̣̇д̇хаанийд̇и ад̇т̇о. нидтид̇ажийварасмим̣ бхигкунаад̇и зд̇т̇а буримасигкаабад̣̇з вияа саамивасзнзва гаран̣аважанасса ад̇т̇о взд̣̇ид̇аб̣б̣о.
497-499. Tatiye pāḷiyaṃ cīvarapaccāsā nikkhipitunti ettha cīvarapaccāsāya satiyā nikkhipitunti evamattho gahetabbo. Bhaṇḍikābaddhāni bhaṇḍikabaddhānītipi paṭhanti, bhaṇḍikaṃ katvā baddhānīti attho. Niṭṭhitacīvarasmiṃ bhikkhunāti ettha purimasikkhāpade viya sāmivaseneva karaṇavacanassa attho veditabbo.
500. анад̇т̇ад̇з гат̇инз жийварамаасз бхигкуно уббаннажийварам̣ анад̇хидтид̇ам̣ авигаббид̇ам̣ д̇асмим̣ маасз табзд̇ум̣ ваддад̇ийд̇и ааха ‘‘згам̣ бажчимагад̇д̇игамаасам̣ табзд̇ваа’’д̇и. гзжи бана ‘‘гаалзби аад̣̇исса д̣̇иннам̣, зд̇ам̣ агаалажийваранд̇и важанад̇о анад̇т̇ад̇з гат̇инз бажчимагад̇д̇игамаасасан̇каад̇з жийварамаасз уббаннажийварассаби бажжаасаажийварз асад̇и д̣̇асаахабарихаароязва, д̇ад̇о барам̣ табзд̇ум̣ на ваддад̇ий’’д̇и вад̣̇анд̇и, д̇ам̣ адтагат̇ааяа на самзд̇и. д̇ат̇аа хи ажжзгажийварасигкаабад̣̇адтагат̇ааяам̣ (баараа. адта. 2.646-649 аад̣̇аяо) ‘‘бавааран̣амаасасса ж̇ун̣хабагкабан̃жамияам̣ уббаннасса ажжзгажийварасса анад̇т̇ад̇з гат̇инз згаад̣̇асад̣̇ивасаад̇хиго маасо, ад̇т̇ад̇з гат̇инз згаад̣̇асад̣̇ивасаад̇хигаа бан̃жа маасаа барихааро’’д̇и вуд̇д̇ам̣. д̇амзва жа барихаарам̣ санд̇хааяа ‘‘чадтид̇о бадтааяа бана уббаннам̣ анажжзгажийварамби бажжуд̣̇д̇харид̇ваа табид̇ажийварамби зд̇ам̣ барихаарам̣ лабхад̇иязваа’’д̇и (баараа. адта. 2.646-649) вуд̇д̇ам̣. д̇асмаа жийварамаасз д̣̇асаахад̇о барамби анад̇хидтид̇ам̣ авигаббид̇амби табзд̇ум̣ ваддад̇и.
500. Anatthate kathine cīvaramāse bhikkhuno uppannacīvaraṃ anadhiṭṭhitaṃ avikappitaṃ tasmiṃ māse ṭhapetuṃ vaṭṭatīti āha ‘‘ekaṃ pacchimakattikamāsaṃ ṭhapetvā’’ti. Keci pana ‘‘kālepi ādissa dinnaṃ, etaṃ akālacīvaranti vacanato anatthate kathine pacchimakattikamāsasaṅkhāte cīvaramāse uppannacīvarassapi paccāsācīvare asati dasāhaparihāroyeva, tato paraṃ ṭhapetuṃ na vaṭṭatī’’ti vadanti, taṃ aṭṭhakathāya na sameti. Tathā hi accekacīvarasikkhāpadaṭṭhakathāyaṃ (pārā. aṭṭha. 2.646-649 ādayo) ‘‘pavāraṇamāsassa juṇhapakkhapañcamiyaṃ uppannassa accekacīvarassa anatthate kathine ekādasadivasādhiko māso, atthate kathine ekādasadivasādhikā pañca māsā parihāro’’ti vuttaṃ. Tameva ca parihāraṃ sandhāya ‘‘chaṭṭhito paṭṭhāya pana uppannaṃ anaccekacīvarampi paccuddharitvā ṭhapitacīvarampi etaṃ parihāraṃ labhatiyevā’’ti (pārā. aṭṭha. 2.646-649) vuttaṃ. Tasmā cīvaramāse dasāhato parampi anadhiṭṭhitaṃ avikappitampi ṭhapetuṃ vaṭṭati.
яад̣̇и звам̣ ‘‘гаалзби аад̣̇исса д̣̇иннам̣, зд̇ам̣ агаалажийвара’’нд̇и ид̣̇ам̣ гасмаа вуд̇д̇анд̇и жз? агаалажийварасааман̃н̃ад̇о ад̇т̇уд̣̇д̇хааравасзна вуд̇д̇ам̣ батамаанияад̇з сод̇асса рахо вияа. згаад̣̇асамаасз сад̇д̇амаасз жа уббаннан̃хи жийварам̣ вуд̇т̇авассзхи сзсзхи жа саммукийбхууд̇зхи бхааж̇зд̇ум̣ лаб̣бхад̇ийд̇и агаалажийварам̣ наама ж̇аад̇ам̣. гаалз бана ‘‘сан̇гхасса ид̣̇ам̣ агаалажийварам̣ д̣̇аммий’’д̇и ануд̣̇д̣̇исид̇ваа ‘‘сан̇гхасса д̣̇аммий’’д̇и д̣̇иннам̣ вуд̇т̇авассзхиязва бхааж̇зд̇аб̣б̣ам̣, на ан̃н̃зхийд̇и гаалажийваранд̇и вужжад̇и. аад̣̇исса д̣̇иннам̣ бана саммукийбхууд̇зхи саб̣б̣зхиязва бхааж̇зд̇аб̣б̣анд̇и агаалажийварам̣, д̇асмаа гаалзби аад̣̇исса д̣̇иннасса вуд̇т̇авассзхи сзсзхи жа самбад̇д̇зхи бхааж̇анийяад̇д̇аа агаалажийварасааман̃н̃ад̇о ‘‘гаалзби аад̣̇исса д̣̇иннам̣, зд̇ам̣ агаалажийвара’’нд̇и ад̇т̇уд̣̇д̇хааравасзна вуд̇д̇ам̣. яад̣̇и звам̣ ‘‘згабуг̇г̇аласса ваа ид̣̇ам̣ д̇уяхам̣ д̣̇аммийд̇и д̣̇инна’’нд̇и гасмаа вуд̇д̇ам̣. на хи буг̇г̇аласса аад̣̇исса д̣̇иннам̣ гзнажи бхааж̇анийяам̣ ход̇ийд̇и? нааяам̣ вирод̇хо аад̣̇исса важанасааман̃н̃ад̇о лаб̣бхамаанамад̇т̇ам̣ д̣̇ассзд̇ум̣ д̇ат̇аа вуд̇д̇ад̇д̇аа.
Yadi evaṃ ‘‘kālepi ādissa dinnaṃ, etaṃ akālacīvara’’nti idaṃ kasmā vuttanti ce? Akālacīvarasāmaññato atthuddhāravasena vuttaṃ paṭhamāniyate sotassa raho viya. Ekādasamāse sattamāse ca uppannañhi cīvaraṃ vutthavassehi sesehi ca sammukhībhūtehi bhājetuṃ labbhatīti akālacīvaraṃ nāma jātaṃ. Kāle pana ‘‘saṅghassa idaṃ akālacīvaraṃ dammī’’ti anuddisitvā ‘‘saṅghassa dammī’’ti dinnaṃ vutthavassehiyeva bhājetabbaṃ, na aññehīti kālacīvaranti vuccati. Ādissa dinnaṃ pana sammukhībhūtehi sabbehiyeva bhājetabbanti akālacīvaraṃ, tasmā kālepi ādissa dinnassa vutthavassehi sesehi ca sampattehi bhājanīyattā akālacīvarasāmaññato ‘‘kālepi ādissa dinnaṃ, etaṃ akālacīvara’’nti atthuddhāravasena vuttaṃ. Yadi evaṃ ‘‘ekapuggalassa vā idaṃ tuyhaṃ dammīti dinna’’nti kasmā vuttaṃ. Na hi puggalassa ādissa dinnaṃ kenaci bhājanīyaṃ hotīti? Nāyaṃ virodho ādissa vacanasāmaññato labbhamānamatthaṃ dassetuṃ tathā vuttattā.
звам̣ бана авад̇ваад̇и ‘‘д̇ад̇о жз уд̇д̇ари’’нд̇и имасса ‘‘маасабарамад̇о уд̇д̇ари’’нд̇и бад̣̇абхааж̇анам̣ авад̇ваа. д̇аава уббаннам̣ бажжаасаажийваранд̇и бажжад̇д̇аважанам̣ ‘‘ад̇д̇ано г̇ад̇игам̣ гарод̇ий’’д̇и гаран̣агирияааяа гад̇д̇убхаавад̇о. анд̇араа уббаннан̃хи бажжаасаажийварам̣ маасабарамам̣ муулажийварам̣ табзд̇ум̣ ад̣̇ад̇ваа ад̇д̇ано д̣̇асаахабарамад̇ааяа зва барижчинд̣̇ад̇ийд̇и ад̇д̇ано г̇ад̇игам̣ гарод̇и. д̇ад̇о уд̣̇д̇хам̣ муулажийваранд̇и зд̇т̇а бана муулажийваранд̇и бажжад̇д̇аважанам̣. вийсад̇имад̣̇ивасад̇о уд̣̇д̇хан̃хи уббаннам̣ бажжаасаажийварам̣ д̣̇асаахабарамам̣ г̇анд̇ум̣ ад̣̇ад̇ваа муулажийварам̣ ад̇д̇анаа сад̣̇д̇хим̣ гаран̣асамб̣анд̇хад̇аамад̇д̇зна сагагаалавасзна барижчинд̣̇ад̇ийд̇и ад̇д̇ано г̇ад̇игам̣ гарод̇и. бажжаасаажийварз бана лабхид̇ваа висум̣ табзнд̇асса д̣̇асаахам̣ анад̇игганд̇з над̇т̇и д̇аббажжаяаа аабад̇д̇и. баал̣ияам̣ д̣̇асаахаа гаарзд̇аб̣б̣анд̇и зд̇т̇а д̣̇асаахаад̇и гаран̣ад̇т̇з ниссаггаважанам̣, д̣̇асаахзнаад̇и ад̇т̇о. бан̃жаахуббаннзд̇иаад̣̇им̣ рассам̣ гад̇вааби батанд̇и. згавийсз уббаннз…бз… наваахаа гаарзд̇аб̣б̣анд̇иаад̣̇и бажжаасаажийварасса уббаннад̣̇ивасам̣ табзд̇ваа вуд̇д̇ам̣.
Evaṃ pana avatvāti ‘‘tato ce uttari’’nti imassa ‘‘māsaparamato uttari’’nti padabhājanaṃ avatvā. Tāva uppannaṃ paccāsācīvaranti paccattavacanaṃ ‘‘attano gatikaṃ karotī’’ti karaṇakiriyāya kattubhāvato. Antarā uppannañhi paccāsācīvaraṃ māsaparamaṃ mūlacīvaraṃ ṭhapetuṃ adatvā attano dasāhaparamatāya eva paricchindatīti attano gatikaṃ karoti. Tato uddhaṃ mūlacīvaranti ettha pana mūlacīvaranti paccattavacanaṃ. Vīsatimadivasato uddhañhi uppannaṃ paccāsācīvaraṃ dasāhaparamaṃ gantuṃ adatvā mūlacīvaraṃ attanā saddhiṃ karaṇasambandhatāmattena sakakālavasena paricchindatīti attano gatikaṃ karoti. Paccāsācīvare pana labhitvā visuṃ ṭhapentassa dasāhaṃ anatikkante natthi tappaccayā āpatti. Pāḷiyaṃ dasāhā kāretabbanti ettha dasāhāti karaṇatthe nissakkavacanaṃ, dasāhenāti attho. Pañcāhuppannetiādiṃ rassaṃ katvāpi paṭhanti. Ekavīse uppanne…pe… navāhā kāretabbantiādi paccāsācīvarassa uppannadivasaṃ ṭhapetvā vuttaṃ.
ан̃н̃ам̣ бажжаасаажийварам̣…бз… гаарзд̇аб̣б̣анд̇и ид̣̇ам̣ сад̇ияаа зва бажжаасааяа вуд̇д̇анд̇и взд̣̇ид̇аб̣б̣ам̣. сажз бана ‘‘ид̇о бадтааяа жийварам̣ на лабхиссаамий’’д̇и бажжаасаа убажчиннаа, муулажийварамби д̣̇асаахам̣ жз самбад̇д̇ам̣, д̇ад̣̇ахзва ад̇хидтаад̇аб̣б̣ам̣. бажжаасаажийварамби баригкааражол̣ам̣ ад̇хидтаад̇аб̣б̣анд̇и батамад̇арам̣ уббаннам̣ висабхааг̇абажжаасаажийварам̣ санд̇хааяа вад̣̇ад̇и. ан̃н̃аман̃н̃анд̇и ан̃н̃ам̣ ан̃н̃ам̣, аяамзва ваа баато. ан̇г̇ам̣ банзд̇т̇а батамагат̇инз вуд̇д̇асад̣̇исамзва. гзвалан̃хи д̇ад̇т̇а д̣̇асаахаад̇иггамо, ид̇ха маасаад̇иггамод̇и аяам̣ висзсо.
Aññaṃ paccāsācīvaraṃ…pe… kāretabbanti idaṃ satiyā eva paccāsāya vuttanti veditabbaṃ. Sace pana ‘‘ito paṭṭhāya cīvaraṃ na labhissāmī’’ti paccāsā upacchinnā, mūlacīvarampi dasāhaṃ ce sampattaṃ, tadaheva adhiṭṭhātabbaṃ. Paccāsācīvarampi parikkhāracoḷaṃ adhiṭṭhātabbanti paṭhamataraṃ uppannaṃ visabhāgapaccāsācīvaraṃ sandhāya vadati. Aññamaññanti aññaṃ aññaṃ, ayameva vā pāṭho. Aṅgaṃ panettha paṭhamakathine vuttasadisameva. Kevalañhi tattha dasāhātikkamo, idha māsātikkamoti ayaṃ viseso.
д̇ад̇ияагат̇инасигкаабад̣̇аван̣н̣анаа нидтид̇аа.
Tatiyakathinasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̇ад̇ияагат̇инасигкаабад̣̇ам̣ • 3. Tatiyakathinasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̇ад̇ияагат̇инасигкаабад̣̇аван̣н̣анаа • 3. Tatiyakathinasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. д̇ад̇ияагат̇инасигкаабад̣̇аван̣н̣анаа • 3. Tatiyakathinasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. д̇ад̇ияагат̇инасигкаабад̣̇аван̣н̣анаа • 3. Tatiyakathinasikkhāpadavaṇṇanā
