| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
3. д̇ад̇ияагат̇инасигкаабад̣̇аван̣н̣анаа
3. Tatiyakathinasikkhāpadavaṇṇanā
497. наббаход̇ийд̇и лаамагабарижчзд̣̇ам̣ на баабун̣аад̇и, д̇знзва д̇ижийварасса мудтибан̃жагаад̣̇илаамагабарижчзд̣̇ова д̇аава вуд̇д̇о. жийварз бажжаасаа жийварабажжаасаа. д̇знзд̇ам̣ д̣̇ийбзд̇и – д̇ам̣ жийварам̣ бажчаа лаб̣бхад̇у ваа маа ваа, яаава саа бажжаасаа чиж̇ж̇ад̇и, д̇аава ид̣̇ам̣ муулажийварам̣ табзд̇ум̣ ануж̇аанаамийд̇и. ‘‘жийварабажжаасаа’’д̇и марияаад̣̇ад̇т̇з ниссаггаважанам̣, бхуммад̇т̇з ваа бажжад̇д̇аважанам̣ гад̇ам̣.
497.Nappahotīti lāmakaparicchedaṃ na pāpuṇāti, teneva ticīvarassa muṭṭhipañcakādilāmakaparicchedova tāva vutto. Cīvare paccāsā cīvarapaccāsā. Tenetaṃ dīpeti – taṃ cīvaraṃ pacchā labbhatu vā mā vā, yāva sā paccāsā chijjati, tāva idaṃ mūlacīvaraṃ ṭhapetuṃ anujānāmīti. ‘‘Cīvarapaccāsā’’ti mariyādatthe nissakkavacanaṃ, bhummatthe vā paccattavacanaṃ kataṃ.
499-500. нидтид̇ажийварасмим̣ …бз… жийвараасаа ваа убажчиннаад̇иаад̣̇имхи д̇ийсу жийварзсу ан̃н̃ад̇арам̣ гад̇ам̣ ход̇и, сзсаа ад̇т̇и, рагкад̇и. жийварабалиб̣од̇хасса убажчзд̣̇з, уб̣бхад̇асмин̃жа гат̇инз самаяз ваа хзманд̇асса самаяз ваа агаалажийварам̣ уббаж̇ж̇зяяа, киббамзва гаарзд̇аб̣б̣ам̣ . сад̇и баарибуурияаа бажжаасаа на рагкад̇и, асад̇и над̇т̇и жз бажжаасаа, на рагкад̇и. ‘‘анад̇т̇ад̇з гат̇инз згаад̣̇асамаасз уббанна’’нд̇и важанад̇о абарагад̇д̇игаа ад̇т̇ад̇з ваа анад̇т̇ад̇з ваа самаяова. хзманд̇о сияаа самаяо ад̇т̇ад̇з, сияаа асамаяо анад̇т̇ад̇з. д̇ад̇о барам̣ згам̣сад̇о асамаяо ваад̇и. ‘‘аад̣̇исса д̣̇инна’’нд̇и ид̣̇ам̣ ид̇ха алаб̣бхамаанамби ад̇т̇уд̣̇д̇хааравасзна вуд̇д̇ам̣ бхигкунийнам̣ д̣̇уд̇ияаниссаг̇г̇ияз (баажи. 738 аад̣̇аяо) сзсам̣ агаалажийварам̣ вияа. д̇ад̇т̇а хи бхигкунисан̇гхасса ‘‘самбад̇д̇аа бхааж̇знд̇уу’’д̇и звам̣ аад̣̇исса д̣̇иннамзва ‘‘агаалажийварам̣ гаалажийвара’’нд̇и ад̇хидтахид̇ваа бхааж̇знд̇ияаа ниссаг̇г̇ияам̣. д̇ат̇аа хи д̇ад̇т̇а яат̇аа ‘‘агаалажийварам̣ наама анад̇т̇ад̇з гат̇инз згаад̣̇асамаасз уббаннам̣, ад̇т̇ад̇з гат̇инз сад̇д̇амаасз уббанна’’нд̇и ид̣̇ам̣ ад̇т̇уд̣̇д̇хааравасзна вуд̇д̇ам̣, звам̣самбад̣̇амид̣̇ам̣. яад̣̇и звам̣ ‘‘згабуг̇г̇аласса ид̣̇ам̣ д̇уяхам̣ д̣̇амхийд̇и д̣̇инна’’нд̇и ид̣̇ам̣ гимад̇т̇ам̣ вуд̇д̇ам̣, на хи д̇ам̣ бхааж̇анийяанд̇и жз? абхааж̇анийяасааман̃н̃ад̇о вуд̇д̇ам̣ ход̇и. яат̇аа сан̇гхасса аад̣̇исса д̣̇иннам̣ ад̇т̇ад̇агат̇инзхи зва бхигкуухи абхааж̇анийяад̇д̇аа агаалажийварам̣ наама ж̇аад̇ам̣, звам̣ буг̇г̇алигамби ид̇арзхийд̇и ад̇т̇о. звам̣ санд̇зби гассажи сияаа ‘‘аад̣̇исса д̣̇иннамби д̣̇асаахамзва барихаарам̣ лабхад̇ий’’д̇и. д̇ассзд̇ам̣ баадиган̇кам̣. батамагат̇инз ‘‘нидтид̇ажийварасмим̣ бхигкунаа уб̣бхад̇асмим̣ гат̇инз’’д̇и ид̣̇ан̃хи нирад̇т̇аганд̇и. ануб̣бхад̇асмимби хи гат̇инз д̣̇асаахабарамамзва д̇хаарзд̇аб̣б̣анд̇и вин̃н̃аад̇ад̇д̇аа анаад̣̇исса д̣̇иннамзва санд̇хааязд̇ам̣ вуд̇д̇ам̣ сияаад̇и жз? звам̣ санд̇зби анаад̣̇исса д̣̇иннамби анад̇т̇ад̇агат̇инаанам̣ абарагад̇д̇игааяа д̣̇асаахамзва барихаарам̣ лабхад̇и ‘‘нидтид̇ажийварасмим̣ бхигкунаа уб̣бхад̇асмим̣ гат̇инз’’д̇и вуд̇д̇ад̇д̇аа. ааманд̇аад̇и жз? ‘‘анад̇т̇ад̇з гат̇инз згаад̣̇асамаасз уббанна’’нд̇и важанзна вируж̇жхад̇и, д̇асмаа яат̇аавуд̇д̇анаязнзвзд̇т̇а саннидтаанам̣ г̇анд̇аб̣б̣ам̣.
499-500.Niṭṭhitacīvarasmiṃ…pe… cīvarāsā vā upacchinnātiādimhi tīsu cīvaresu aññataraṃ kataṃ hoti, sesā atthi, rakkhati. Cīvarapalibodhassa upacchede, ubbhatasmiñca kathine samaye vā hemantassa samaye vā akālacīvaraṃ uppajjeyya, khippameva kāretabbaṃ . Sati pāripūriyā paccāsā na rakkhati, asati natthi ce paccāsā, na rakkhati. ‘‘Anatthate kathine ekādasamāse uppanna’’nti vacanato aparakattikā atthate vā anatthate vā samayova. Hemanto siyā samayo atthate, siyā asamayo anatthate. Tato paraṃ ekaṃsato asamayo vāti. ‘‘Ādissa dinna’’nti idaṃ idha alabbhamānampi atthuddhāravasena vuttaṃ bhikkhunīnaṃ dutiyanissaggiye (pāci. 738 ādayo) sesaṃ akālacīvaraṃ viya. Tattha hi bhikkhunisaṅghassa ‘‘sampattā bhājentū’’ti evaṃ ādissa dinnameva ‘‘akālacīvaraṃ kālacīvara’’nti adhiṭṭhahitvā bhājentiyā nissaggiyaṃ. Tathā hi tattha yathā ‘‘akālacīvaraṃ nāma anatthate kathine ekādasamāse uppannaṃ, atthate kathine sattamāse uppanna’’nti idaṃ atthuddhāravasena vuttaṃ, evaṃsampadamidaṃ. Yadi evaṃ ‘‘ekapuggalassa idaṃ tuyhaṃ damhīti dinna’’nti idaṃ kimatthaṃ vuttaṃ, na hi taṃ bhājanīyanti ce? Abhājanīyasāmaññato vuttaṃ hoti. Yathā saṅghassa ādissa dinnaṃ atthatakathinehi eva bhikkhūhi abhājanīyattā akālacīvaraṃ nāma jātaṃ, evaṃ puggalikampi itarehīti attho. Evaṃ santepi kassaci siyā ‘‘ādissa dinnampi dasāhameva parihāraṃ labhatī’’ti. Tassetaṃ pāṭikaṅkhaṃ. Paṭhamakathine ‘‘niṭṭhitacīvarasmiṃ bhikkhunā ubbhatasmiṃ kathine’’ti idañhi niratthakanti. Anubbhatasmimpi hi kathine dasāhaparamameva dhāretabbanti viññātattā anādissa dinnameva sandhāyetaṃ vuttaṃ siyāti ce? Evaṃ santepi anādissa dinnampi anatthatakathinānaṃ aparakattikāya dasāhameva parihāraṃ labhati ‘‘niṭṭhitacīvarasmiṃ bhikkhunā ubbhatasmiṃ kathine’’ti vuttattā. Āmantāti ce? ‘‘Anatthate kathine ekādasamāse uppanna’’nti vacanena virujjhati, tasmā yathāvuttanayenevettha sanniṭṭhānaṃ gantabbaṃ.
ануг̇ан̣тибад̣̇з вуд̇д̇ам̣ ‘‘батамасигкаабад̣̇з саб̣б̣ажийвараанам̣ яаавад̣̇ад̇т̇ажийваравасзна гат̇инамаасаб̣бханд̇арз д̣̇асаахаад̇иггамзби анаабад̇д̇и барихаарасса д̣̇иннад̇д̇аа. яат̇аа гат̇инамаасаб̣бханд̇арз аад̣̇исса д̣̇иннамагаалажийварам̣ гаалажийварабарихаарамзва лабхад̇и, д̇ат̇аа ид̇арамаасзби лабхад̇ийд̇и взд̣̇ид̇аб̣б̣ам̣. д̇асмаа звам̣ ‘нидтид̇ажийварасмим̣ бхигкунаа уб̣бхад̇асмим̣ гат̇инз бхигкуно банзва жийварам̣ уббаж̇ж̇зяяаа’д̇иаад̣̇инаа сигкаабад̣̇з сид̣̇д̇хзби анад̇т̇ад̇агат̇инаанам̣ бажчимагад̇д̇игамаасам̣ ануж̇аананд̇зна ‘агаалажийварам̣ уббаж̇ж̇зяяаа’д̇и вуд̇д̇ам̣. зван̃хи авуд̇д̇з агаалажийварам̣ наама ‘анад̇т̇ад̇з гат̇инз згаад̣̇асамаасз уббанна’нд̇и на саггаа вад̇д̇ум̣. зван̃хи важанад̇о анад̇т̇ад̇агат̇инаанам̣ ад̇т̇ад̇агат̇инаанам̣ вияа саб̣б̣ажийвараанам̣ бажчимагад̇д̇игамаасз д̣̇асаахаад̇иггамз ниссаг̇г̇ияам̣ на ход̇ий’’д̇иаад̣̇и.
Anugaṇṭhipade vuttaṃ ‘‘paṭhamasikkhāpade sabbacīvarānaṃ yāvadatthacīvaravasena kathinamāsabbhantare dasāhātikkamepi anāpatti parihārassa dinnattā. Yathā kathinamāsabbhantare ādissa dinnamakālacīvaraṃ kālacīvaraparihārameva labhati, tathā itaramāsepi labhatīti veditabbaṃ. Tasmā evaṃ ‘niṭṭhitacīvarasmiṃ bhikkhunā ubbhatasmiṃ kathine bhikkhuno paneva cīvaraṃ uppajjeyyā’tiādinā sikkhāpade siddhepi anatthatakathinānaṃ pacchimakattikamāsaṃ anujānantena ‘akālacīvaraṃ uppajjeyyā’ti vuttaṃ. Evañhi avutte akālacīvaraṃ nāma ‘anatthate kathine ekādasamāse uppanna’nti na sakkā vattuṃ. Evañhi vacanato anatthatakathinānaṃ atthatakathinānaṃ viya sabbacīvarānaṃ pacchimakattikamāse dasāhātikkame nissaggiyaṃ na hotī’’tiādi.
бхияяоби звам̣ вуд̇д̇ам̣ – яам̣ бана маяаа ‘‘батамагат̇инз д̣̇асаахабарамам̣ ад̇ирзгажийварам̣ д̇хаарзд̇аб̣б̣а’’нд̇и анун̃н̃аад̇ам̣, д̇амби гат̇инамаасад̇о б̣ахи уббаннамзва, на анд̇од̇и аяамад̇т̇о д̣̇ийбид̇о ход̇и. гат̇ам̣? ад̇ирзгажийварасса д̣̇асаахабарихаарад̇о уд̣̇д̇хам̣ аабаж̇ж̇ид̇аб̣б̣аабад̇д̇им̣ ‘‘нидтид̇ажийварасмим̣ бхигкунаа уб̣бхад̇асмим̣ гат̇инз’’д̇и анубан̃н̃ад̇д̇ияаа гат̇инаб̣бханд̇арз ваарзд̇ваа д̇ад̇о уд̣̇д̇хам̣ уббаннзсу д̣̇асаахаад̇иггамз аабаж̇ж̇ид̇аб̣б̣аабад̇д̇им̣ иминаа сигкаабад̣̇зна ваарзд̇ум̣ ‘‘агаалажийварам̣ уббаж̇ж̇зяяаа’’д̇иаад̣̇и вуд̇д̇ам̣. д̇зна ‘‘гаалзби аад̣̇исса д̣̇иннам̣, зд̇ам̣ агаалажийварам̣ наамаа’’д̇и важанад̇о гат̇инуб̣бхаарад̇о уд̣̇д̇хам̣ д̣̇асаахабарихаарам̣ на лабхад̇ийд̇и д̣̇ийбид̇ам̣ ход̇и, д̇зхи сад̣̇д̇хим̣ буна гат̇инуб̣бхаарад̇о уд̣̇д̇хам̣ бан̃жа д̣̇ивасаани лабхад̇ийд̇и басан̇г̇оби ‘‘нидтид̇ажийварасмим̣ бхигкунаа уб̣бхад̇асмим̣ гат̇инз бхигкуно банзва агаалажийварам̣ уббаж̇ж̇зяяа…бз… киббамзва гаарзд̇аб̣б̣а’’нд̇и агаалажийварасса уббад̇д̇игаалам̣ нияамзд̇ваа вуд̇д̇ад̇д̇аа ниваарид̇о ход̇и, д̇ад̣̇убхаязна гат̇инаб̣бханд̇арз уббаннажийварам̣ гат̇инуб̣бхаарад̇о уд̣̇д̇хам̣ згад̣̇ивасамби барихаарам̣ на лабхад̇ийд̇и сид̣̇д̇хам̣ ход̇и. звам̣ абарз вад̣̇анд̇ийд̇и.
Bhiyyopi evaṃ vuttaṃ – yaṃ pana mayā ‘‘paṭhamakathine dasāhaparamaṃ atirekacīvaraṃ dhāretabba’’nti anuññātaṃ, tampi kathinamāsato bahi uppannameva, na antoti ayamattho dīpito hoti. Kathaṃ? Atirekacīvarassa dasāhaparihārato uddhaṃ āpajjitabbāpattiṃ ‘‘niṭṭhitacīvarasmiṃ bhikkhunā ubbhatasmiṃ kathine’’ti anupaññattiyā kathinabbhantare vāretvā tato uddhaṃ uppannesu dasāhātikkame āpajjitabbāpattiṃ iminā sikkhāpadena vāretuṃ ‘‘akālacīvaraṃ uppajjeyyā’’tiādi vuttaṃ. Tena ‘‘kālepi ādissa dinnaṃ, etaṃ akālacīvaraṃ nāmā’’ti vacanato kathinubbhārato uddhaṃ dasāhaparihāraṃ na labhatīti dīpitaṃ hoti, tehi saddhiṃ puna kathinubbhārato uddhaṃ pañca divasāni labhatīti pasaṅgopi ‘‘niṭṭhitacīvarasmiṃ bhikkhunā ubbhatasmiṃ kathine bhikkhuno paneva akālacīvaraṃ uppajjeyya…pe… khippameva kāretabba’’nti akālacīvarassa uppattikālaṃ niyametvā vuttattā nivārito hoti, tadubhayena kathinabbhantare uppannacīvaraṃ kathinubbhārato uddhaṃ ekadivasampi parihāraṃ na labhatīti siddhaṃ hoti. Evaṃ apare vadantīti.
бунаби вуд̇д̇ам̣ – аажарияаа бана звам̣ вад̣̇зяяум̣ ‘‘нидтид̇ажийварасмим̣ бхигкунаа уб̣бхад̇асмим̣ гат̇инз бхигкуно банзва агаалажийварам̣ уббаж̇ж̇зяяаа’’д̇и зд̇т̇а ‘‘нидтид̇ажийварасмим̣ бхигкунаа уб̣бхад̇асмим̣ гат̇инз’’д̇и вад̣̇анд̇о звам̣ вин̃н̃аабзд̇и ‘‘зд̇т̇анд̇арз д̇ин̣н̣аннамби агаалажийвараанам̣ уббад̇д̇и абхаава’’нд̇и. гасмаа бана бад̣̇абхааж̇анз вид̇т̇аарид̇аанийд̇и? вужжад̇з – ид̣̇ам̣ сигкаабад̣̇ам̣ ад̇хидтаанам̣ санд̇хааяа вуд̇д̇ам̣, гинд̇у батамз д̣̇асаахам̣ ануж̇аанид̇ваа д̇асмим̣ аббахонд̇з сажз бажжаасаа ад̇т̇и, д̇амзва вад̣дхзд̇ваа маасам̣ ануж̇аананд̇о имамби ад̇т̇ависзсам̣ д̣̇ийбзд̇и агаалажийварам̣ наама саммукийбхууд̇зна бхааж̇зд̇аб̣б̣анд̇иби д̣̇ийбзд̇и. д̇ам̣ бана ‘‘ааган̇камаанзна бхигкунаа бадиг̇г̇ахзд̇аб̣б̣а’’нд̇и иминаа сигкаабад̣̇зна вад̣дхзд̇ваа вуд̇д̇анд̇и, д̇асмаа д̇ийн̣иби бад̣̇абхааж̇анз вид̇т̇аарид̇аанийд̇и.
Punapi vuttaṃ – ācariyā pana evaṃ vadeyyuṃ ‘‘niṭṭhitacīvarasmiṃ bhikkhunā ubbhatasmiṃ kathine bhikkhuno paneva akālacīvaraṃ uppajjeyyā’’ti ettha ‘‘niṭṭhitacīvarasmiṃ bhikkhunā ubbhatasmiṃ kathine’’ti vadanto evaṃ viññāpeti ‘‘etthantare tiṇṇannampi akālacīvarānaṃ uppatti abhāva’’nti. Kasmā pana padabhājane vitthāritānīti? Vuccate – idaṃ sikkhāpadaṃ adhiṭṭhānaṃ sandhāya vuttaṃ, kintu paṭhame dasāhaṃ anujānitvā tasmiṃ appahonte sace paccāsā atthi, tameva vaḍḍhetvā māsaṃ anujānanto imampi atthavisesaṃ dīpeti akālacīvaraṃ nāma sammukhībhūtena bhājetabbantipi dīpeti. Taṃ pana ‘‘ākaṅkhamānena bhikkhunā paṭiggahetabba’’nti iminā sikkhāpadena vaḍḍhetvā vuttanti, tasmā tīṇipi padabhājane vitthāritānīti.
‘‘киббамзва гаарзд̇аб̣б̣анд̇и д̣̇асаахаа гаарзд̇аб̣б̣а’’нд̇и ид̣̇ам̣ бана бахонагабхаавз буримасигкаабад̣̇алагкан̣знаад̇и д̣̇ийбзд̇ум̣ вуд̇д̇ам̣, д̇асмаа ‘‘звам̣ сийгханд̇и ваа лахунд̇и ваа’’д̇иаад̣̇инаа авад̇ваа ‘‘д̣̇асаахаа’’д̇и вуд̇д̇ам̣. ад̇т̇ад̇агат̇инасса звам̣ ход̇у, анад̇т̇ад̇з бана гат̇инз гат̇анд̇и вуд̇д̇з анад̇т̇ад̇асса бадигкзбад̇ам̣ д̣̇ассзд̇ийд̇и вуд̇д̇о абассанд̇о вигхаад̇ам̣ аабаж̇ж̇ад̇ийд̇и. згад̇им̣сз арун̣уг̇г̇аманз ниссаг̇г̇ияанд̇и маханд̇знаби бажжаасаажийварзна саха гхадид̇амби д̇аб̣бхаавам̣ анубад̇ид̇ваа ниссаг̇г̇ияам̣ ход̇и сад̇и бажчимаббамаан̣асамбхавз, асад̇и на ход̇и, буна гхадид̇з ход̇и, ан̃н̃зна гхадид̇з на ход̇и. чиннам̣ ан̃н̃авад̇т̇у ход̇и. буб̣б̣абарижчзд̣̇ам̣ ад̇игганд̇ам̣ гхадид̇ам̣ буна ан̃н̃абарижчзд̣̇ам̣ лабхад̇ийд̇и згз, убабаригкид̇ваа г̇ахзд̇аб̣б̣ам̣. ан̃н̃ад̇арасмим̣ г̇ан̣тибад̣̇з бана ‘‘сан̇гхасса ваа ид̣̇ам̣ агаалажийваранд̇и уд̣̇д̣̇исса д̣̇инна’нд̇и зд̇т̇а сан̇гхасса д̣̇иннз аабад̇д̇и наама над̇т̇и, ‘сод̇асса рахо’д̇иаад̣̇ийсу вияа бад̣̇уд̣̇д̇хаарзна вуд̇д̇ам̣, д̇асса лаабхам̣ санд̇хааяаад̇и жз? сан̇гхад̇о ваа уббаж̇ж̇зяяаад̇и анзна сид̣̇д̇хад̇д̇аа ад̇хигамзваа’’д̇и жа ‘‘сан̇гхо жийвараани лабхиссад̇и г̇ан̣о ваа’д̇иаад̣̇инааби баато ад̇т̇ий’’д̇и жа вуд̇д̇ам̣. г̇ан̣тибад̣̇з госаллад̇т̇ам̣ бана маяаа саб̣б̣ам̣ ликид̇ам̣, судту вижаарзд̇ваа гат̇зд̇аб̣б̣ам̣.
‘‘Khippameva kāretabbanti dasāhā kāretabba’’nti idaṃ pana pahonakabhāve purimasikkhāpadalakkhaṇenāti dīpetuṃ vuttaṃ, tasmā ‘‘evaṃ sīghanti vā lahunti vā’’tiādinā avatvā ‘‘dasāhā’’ti vuttaṃ. Atthatakathinassa evaṃ hotu, anatthate pana kathine kathanti vutte anatthatassa paṭikkhepataṃ dassetīti vutto apassanto vighātaṃ āpajjatīti. Ekatiṃse aruṇuggamane nissaggiyanti mahantenapi paccāsācīvarena saha ghaṭitampi tabbhāvaṃ anupatitvā nissaggiyaṃ hoti sati pacchimappamāṇasambhave, asati na hoti, puna ghaṭite hoti, aññena ghaṭite na hoti. Chinnaṃ aññavatthu hoti. Pubbaparicchedaṃ atikkantaṃ ghaṭitaṃ puna aññaparicchedaṃ labhatīti eke, upaparikkhitvā gahetabbaṃ. Aññatarasmiṃ gaṇṭhipade pana ‘‘saṅghassa vā idaṃ akālacīvaranti uddissa dinna’nti ettha saṅghassa dinne āpatti nāma natthi, ‘sotassa raho’tiādīsu viya paduddhārena vuttaṃ, tassa lābhaṃ sandhāyāti ce? Saṅghato vā uppajjeyyāti anena siddhattā adhikamevā’’ti ca ‘‘saṅgho cīvarāni labhissati gaṇo vā’tiādināpi pāṭho atthī’’ti ca vuttaṃ. Gaṇṭhipade kosallatthaṃ pana mayā sabbaṃ likhitaṃ, suṭṭhu vicāretvā kathetabbaṃ.
д̇ад̇ияагат̇инасигкаабад̣̇аван̣н̣анаа нидтид̇аа.
Tatiyakathinasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̇ад̇ияагат̇инасигкаабад̣̇ам̣ • 3. Tatiyakathinasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̇ад̇ияагат̇инасигкаабад̣̇аван̣н̣анаа • 3. Tatiyakathinasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. д̇ад̇ияагат̇инасигкаабад̣̇аван̣н̣анаа • 3. Tatiyakathinasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. д̇ад̇ияагат̇инасигкаабад̣̇аван̣н̣анаа • 3. Tatiyakathinasikkhāpadavaṇṇanā
