| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
3. д̇ад̇ияагат̇инасигкаабад̣̇аван̣н̣анаа
3. Tatiyakathinasikkhāpadavaṇṇanā
497. д̇ад̇ияз баал̣ияам̣ жийварабажжаасаа нигкибид̇унд̇и жийварабажжаасааяа сад̇ияаа нигкибид̇унд̇и ад̇т̇о. нидтид̇ажийварасмим̣ бхигкунаад̇и зд̇т̇а д̣̇уд̇ияагат̇инз вияа саамивасзнзва гаран̣аважанасса ад̇т̇о взд̣̇ид̇аб̣б̣о.
497. Tatiye pāḷiyaṃ cīvarapaccāsā nikkhipitunti cīvarapaccāsāya satiyā nikkhipitunti attho. Niṭṭhitacīvarasmiṃ bhikkhunāti ettha dutiyakathine viya sāmivaseneva karaṇavacanassa attho veditabbo.
499-500. д̇уяхам̣ д̣̇аммийд̇и д̣̇иннанд̇и ‘‘д̇уяхам̣, бханд̇з, агаалажийварам̣ д̣̇аммий’’д̇и звам̣ д̣̇иннам̣, зд̇амби гаалз аад̣̇исса д̣̇иннам̣ наама ход̇ийд̇и ад̇хиббааяо. ид̣̇ам̣ бана адтагат̇ааважанам̣, баал̣ияам̣ ‘‘гаалзби аад̣̇исса д̣̇инна’’нд̇и ид̣̇ан̃жа ‘‘агаалажийвара’’нд̇и важанасааман̃н̃ад̇о лаб̣бхамаанам̣ саб̣б̣амби д̣̇ассзд̇ум̣ ад̇т̇уд̣̇д̇хааравасзна вуд̇д̇ам̣ батамаанияад̇з сод̇асса рахо вияа. сан̇гхасса хи гаалзби аад̣̇исса д̣̇иннам̣ агаалз уббаннажийварам̣ вияа саммукийбхууд̇зхи вуд̇т̇авассзхи, авуд̇т̇авассзхи жа саб̣б̣зхиби бхааж̇зд̇аб̣б̣ад̇аасааман̃н̃зна агаалажийварам̣ наама ход̇ийд̇и д̣̇ассанад̇т̇ам̣ ад̇т̇уд̣̇д̇хааравасзна баал̣ияам̣ ‘‘гаалзби аад̣̇исса д̣̇инна’’нд̇и вуд̇д̇ам̣, на бана ‘‘д̇ад̇о бхааж̇зд̇ваа лад̣̇д̇хажийварамби агаалз лад̣̇д̇хажийварамби вуд̇т̇авассаанам̣ згамаасабарихаарам̣, бан̃жамаасабарихаарам̣ ваа на лабхад̇и, бажжаасаажийварз асад̇и д̣̇асаахабарихаарамзва лабхад̇ий’’д̇и д̣̇ассанад̇т̇ам̣ вуд̇д̇ам̣, адтагат̇ааяамби ‘‘аад̣̇исса д̣̇инна’’нд̇и важанасааман̃н̃ад̇о лаб̣бхамаанам̣ саб̣б̣ам̣ ад̇т̇уд̣̇д̇хааравасзна д̣̇ассзд̇ум̣ ‘‘згабуг̇г̇аласса ваа ид̣̇ам̣ д̇уяхам̣ д̣̇аммийд̇и д̣̇инна’’нд̇и вуд̇д̇ам̣, на бана д̇ат̇аалад̣̇д̇хам̣ ваа агаалз лад̣̇д̇хам̣ ваа анад̇т̇ад̇агат̇инаанам̣ д̣̇асаахаб̣бханд̇арз ад̇хидтаад̇аб̣б̣анд̇и д̣̇ассзд̇унд̇и взд̣̇ид̇аб̣б̣ам̣ ид̇арат̇аа баал̣иадтагат̇аахи вируж̇жханад̇о. д̇ат̇аа хи ажжзгажийварасигкаабад̣̇з агаалз уббаннамби ажжзгажийварам̣ ‘‘яааважийварагааласамаяам̣ нигкибид̇аб̣б̣а’’нд̇и (баараа. 648) вуд̇д̇ам̣, д̇асса адтагат̇ааяан̃жа ‘‘бавааран̣амаасасса ж̇ун̣хабагкабан̃жамияам̣ уббаннасса ажжзгажийварасса анад̇т̇ад̇з гат̇инз згаад̣̇асад̣̇ивасаад̇хиго маасо, ад̇т̇ад̇з гат̇инз згаад̣̇асад̣̇ивасаад̇хигаа бан̃жа маасаа жа барихааро вуд̇д̇о, д̇амзва барихаарам̣ санд̇хааяа ‘чадтид̇о бадтааяа бана уббаннам̣ анажжзгажийварамби бажжуд̣̇д̇харид̇ваа табид̇ажийварамби зд̇ам̣ барихаарам̣ лабхад̇иязваа’д̇и (баараа. адта. 2.646-649) вуд̇д̇ам̣. д̇асмаа гаалзби агаалзби жа яат̇аад̇ат̇аа лад̣̇д̇хам̣ ад̇ирзгажийварам̣ вуд̇т̇авассаанам̣ згамаасам̣, бан̃жамаасам̣ ваа яат̇аарахам̣ барихаарам̣ лабхад̇и зваад̇и г̇ахзд̇аб̣б̣ам̣.
499-500.Tuyhaṃ dammīti dinnanti ‘‘tuyhaṃ, bhante, akālacīvaraṃ dammī’’ti evaṃ dinnaṃ, etampi kāle ādissa dinnaṃ nāma hotīti adhippāyo. Idaṃ pana aṭṭhakathāvacanaṃ, pāḷiyaṃ ‘‘kālepi ādissa dinna’’nti idañca ‘‘akālacīvara’’nti vacanasāmaññato labbhamānaṃ sabbampi dassetuṃ atthuddhāravasena vuttaṃ paṭhamaaniyate sotassa raho viya. Saṅghassa hi kālepi ādissa dinnaṃ akāle uppannacīvaraṃ viya sammukhībhūtehi vutthavassehi, avutthavassehi ca sabbehipi bhājetabbatāsāmaññena akālacīvaraṃ nāma hotīti dassanatthaṃ atthuddhāravasena pāḷiyaṃ ‘‘kālepi ādissa dinna’’nti vuttaṃ, na pana ‘‘tato bhājetvā laddhacīvarampi akāle laddhacīvarampi vutthavassānaṃ ekamāsaparihāraṃ, pañcamāsaparihāraṃ vā na labhati, paccāsācīvare asati dasāhaparihārameva labhatī’’ti dassanatthaṃ vuttaṃ, aṭṭhakathāyampi ‘‘ādissa dinna’’nti vacanasāmaññato labbhamānaṃ sabbaṃ atthuddhāravasena dassetuṃ ‘‘ekapuggalassa vā idaṃ tuyhaṃ dammīti dinna’’nti vuttaṃ, na pana tathāladdhaṃ vā akāle laddhaṃ vā anatthatakathinānaṃ dasāhabbhantare adhiṭṭhātabbanti dassetunti veditabbaṃ itarathā pāḷiaṭṭhakathāhi virujjhanato. Tathā hi accekacīvarasikkhāpade akāle uppannampi accekacīvaraṃ ‘‘yāvacīvarakālasamayaṃ nikkhipitabba’’nti (pārā. 648) vuttaṃ, tassa aṭṭhakathāyañca ‘‘pavāraṇamāsassa juṇhapakkhapañcamiyaṃ uppannassa accekacīvarassa anatthate kathine ekādasadivasādhiko māso, atthate kathine ekādasadivasādhikā pañca māsā ca parihāro vutto, tameva parihāraṃ sandhāya ‘chaṭṭhito paṭṭhāya pana uppannaṃ anaccekacīvarampi paccuddharitvā ṭhapitacīvarampi etaṃ parihāraṃ labhatiyevā’ti (pārā. aṭṭha. 2.646-649) vuttaṃ. Tasmā kālepi akālepi ca yathātathā laddhaṃ atirekacīvaraṃ vutthavassānaṃ ekamāsaṃ, pañcamāsaṃ vā yathārahaṃ parihāraṃ labhati evāti gahetabbaṃ.
звам̣ бана авад̇ваа бад̣̇абхааж̇анам̣ вуд̇д̇анд̇и самб̣анд̇хо. д̇ад̇т̇а званд̇и яам̣ адтагат̇ааяам̣ ‘‘д̇ад̇о жз уд̇д̇арий’’д̇и имасса маасабарамад̇о уд̇д̇арийд̇и ад̇т̇о вуд̇д̇о, д̇ам̣ бараамасад̇и. бад̣̇абхааж̇анияам̣ звамад̇т̇ам̣ авад̇ваа ан̃н̃ат̇аа ад̇т̇о вуд̇д̇од̇и ад̇хиббааяо. д̇аава уббаннам̣ бажжаасаажийваранд̇и бажжад̇д̇аважанам̣. ‘‘муулажийвара’’нд̇и ид̣̇ам̣ убаяог̇аважанам̣. ад̇д̇ано г̇ад̇игам̣ гарод̇ийд̇и ананд̇араа д̣̇уд̇ияад̣̇ивасаад̣̇ийсу уббаннам̣ бажжаасаажийварам̣ маасабарамам̣ муулажийварам̣ табзд̇ум̣ ад̣̇ад̇ваа ад̇д̇ано д̣̇асаахабарамад̇ааяа зва бад̇идтаабзд̇ийд̇и ад̇д̇ано г̇ад̇игам̣ гарод̇ийд̇и. д̇ад̇о уд̣̇д̇хам̣ муулажийваранд̇и зд̇т̇а бана муулажийваранд̇и бажжад̇д̇аважанам̣. д̇ан̃хи вийсад̇имад̣̇ивасад̇о уд̣̇д̇хам̣ д̣̇ваавийсад̇имад̣̇ивасаад̣̇ийсу уббаннам̣ бажжаасаажийварам̣ ад̇д̇анаа сад̣̇д̇хим̣ згад̇о сиб̣б̣зд̇ваа гхадид̇ам̣ д̣̇асаахабарамам̣ г̇анд̇ум̣ ад̣̇ад̇ваа наваахабарамад̇аад̣̇ивасзна ад̇д̇ано г̇ад̇игам̣ гарод̇и, згад̇о асиб̣б̣зд̇ваа висум̣ табид̇ам̣ бана бажжаасаажийварам̣ д̣̇асаахабарамамзва.
Evaṃ pana avatvā padabhājanaṃ vuttanti sambandho. Tattha evanti yaṃ aṭṭhakathāyaṃ ‘‘tato ce uttarī’’ti imassa māsaparamato uttarīti attho vutto, taṃ parāmasati. Padabhājaniyaṃ evamatthaṃ avatvā aññathā attho vuttoti adhippāyo. Tāva uppannaṃ paccāsācīvaranti paccattavacanaṃ. ‘‘Mūlacīvara’’nti idaṃ upayogavacanaṃ. Attano gatikaṃ karotīti anantarā dutiyadivasādīsu uppannaṃ paccāsācīvaraṃ māsaparamaṃ mūlacīvaraṃ ṭhapetuṃ adatvā attano dasāhaparamatāya eva patiṭṭhāpetīti attano gatikaṃ karotīti. Tato uddhaṃ mūlacīvaranti ettha pana mūlacīvaranti paccattavacanaṃ. Tañhi vīsatimadivasato uddhaṃ dvāvīsatimadivasādīsu uppannaṃ paccāsācīvaraṃ attanā saddhiṃ ekato sibbetvā ghaṭitaṃ dasāhaparamaṃ gantuṃ adatvā navāhaparamatādivasena attano gatikaṃ karoti, ekato asibbetvā visuṃ ṭhapitaṃ pana paccāsācīvaraṃ dasāhaparamameva.
баал̣ияам̣ д̣̇асаахаад̇и д̣̇асаахзна. згаад̣̇асз уббаннзд̇иаад̣̇ийсу згаад̣̇асаахз уббаннзд̇иаад̣̇инаа ад̇т̇о, аяамзва ваа баато г̇ахзд̇аб̣б̣о. згавийсз уббаннз…бз… наваахаа гаарзд̇аб̣б̣анд̇иаад̣̇и бажжаасаажийварасса уббаннад̣̇ивасам̣ табзд̇ваа вуд̇д̇ам̣. д̇знзва ‘‘д̇им̣сз…бз… д̇ад̣̇ахзва ад̇хидтаад̇аб̣б̣а’’нд̇и вуд̇д̇ам̣. ‘‘ан̃н̃ам̣ бажжаасаажийварам̣…бз… гаарзд̇аб̣б̣а’’нд̇и ид̣̇ам̣ сад̇ияаа зва бажжаасааяа вуд̇д̇ам̣. сажз бана ‘‘ид̇о бадтааяа жийварам̣ на лабхиссаамий’’д̇и ижчид̇адтаанад̇о бажжаасааяа убажчиннааяа ан̃н̃ад̇т̇ааби язна гзнажи убааязна бажжаасам̣ уббаад̣̇зд̇и, муулажийварам̣ на ад̇хидтаад̇аб̣б̣ам̣, саб̣б̣ат̇аа бажжаасааяа убажчиннааяа д̣̇асаахаад̇игганд̇ам̣ муулажийварам̣ д̇ад̣̇ахзва ад̇хидтаад̇аб̣б̣ам̣. бажжаасаажийварамби баригкааражол̣ам̣ ад̇хидтаад̇аб̣б̣анд̇и батамад̇арам̣ уббаннам̣ висабхааг̇ам̣ санд̇хааяа вад̣̇ад̇и. ан̃н̃аман̃н̃анд̇и ан̃н̃ам̣ ан̃н̃ам̣, аяамзва ваа баато. ан̇г̇ам̣ банзд̇т̇а батамагат̇инз вуд̇д̇асад̣̇исамзва. гзвалан̃хи д̇ад̇т̇а д̣̇асаахаад̇иггамо, ид̇ха маасаад̇иггамод̇и аяам̣ висзсо.
Pāḷiyaṃ dasāhāti dasāhena. Ekādase uppannetiādīsu ekādasāhe uppannetiādinā attho, ayameva vā pāṭho gahetabbo. Ekavīse uppanne…pe… navāhā kāretabbantiādi paccāsācīvarassa uppannadivasaṃ ṭhapetvā vuttaṃ. Teneva ‘‘tiṃse…pe… tadaheva adhiṭṭhātabba’’nti vuttaṃ. ‘‘Aññaṃ paccāsācīvaraṃ…pe… kāretabba’’nti idaṃ satiyā eva paccāsāya vuttaṃ. Sace pana ‘‘ito paṭṭhāya cīvaraṃ na labhissāmī’’ti icchitaṭṭhānato paccāsāya upacchinnāya aññatthāpi yena kenaci upāyena paccāsaṃ uppādeti, mūlacīvaraṃ na adhiṭṭhātabbaṃ, sabbathā paccāsāya upacchinnāya dasāhātikkantaṃ mūlacīvaraṃ tadaheva adhiṭṭhātabbaṃ. Paccāsācīvarampi parikkhāracoḷaṃ adhiṭṭhātabbanti paṭhamataraṃ uppannaṃ visabhāgaṃ sandhāya vadati. Aññamaññanti aññaṃ aññaṃ, ayameva vā pāṭho. Aṅgaṃ panettha paṭhamakathine vuttasadisameva. Kevalañhi tattha dasāhātikkamo, idha māsātikkamoti ayaṃ viseso.
д̇ад̇ияагат̇инасигкаабад̣̇аван̣н̣анаа нидтид̇аа.
Tatiyakathinasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̇ад̇ияагат̇инасигкаабад̣̇ам̣ • 3. Tatiyakathinasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̇ад̇ияагат̇инасигкаабад̣̇аван̣н̣анаа • 3. Tatiyakathinasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. д̇ад̇ияагат̇инасигкаабад̣̇аван̣н̣анаа • 3. Tatiyakathinasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. д̇ад̇ияагат̇инасигкаабад̣̇аван̣н̣анаа • 3. Tatiyakathinasikkhāpadavaṇṇanā
