| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. д̇ад̇ияагодтигасуд̇д̇ам̣
10. Tatiyakoṭṭhikasuttaṃ
135. д̇ан̃н̃зва нид̣̇аанам̣. згаманд̇ам̣ нисинно ко ааяасмаа саарибуд̇д̇о ааяасманд̇ам̣ махаагодтигам̣ зд̇ад̣̇авожа – ‘‘‘авиж̇ж̇аа, авиж̇ж̇аа’д̇и, аавусо годтига, вужжад̇и. гад̇амаа ну ко, аавусо, авиж̇ж̇аа, гид̇д̇аавад̇аа жа авиж̇ж̇ааг̇ад̇о ход̇ий’’д̇и?
135. Taññeva nidānaṃ. Ekamantaṃ nisinno kho āyasmā sāriputto āyasmantaṃ mahākoṭṭhikaṃ etadavoca – ‘‘‘avijjā, avijjā’ti, āvuso koṭṭhika, vuccati. Katamā nu kho, āvuso, avijjā, kittāvatā ca avijjāgato hotī’’ti?
‘‘ид̇хаавусо, ассуд̇аваа бут̇уж̇ж̇ано руубам̣ наббаж̇аанаад̇и, руубасамуд̣̇аяам̣ наббаж̇аанаад̇и, руубанирод̇хам̣ наббаж̇аанаад̇и, руубанирод̇хаг̇ааминим̣ бадибад̣̇ам̣ наббаж̇аанаад̇и. взд̣̇анам̣ наббаж̇аанаад̇и…бз… сан̃н̃ам̣… сан̇каарз… вин̃н̃аан̣ам̣ наббаж̇аанаад̇и, вин̃н̃аан̣асамуд̣̇аяам̣ наббаж̇аанаад̇и, вин̃н̃аан̣анирод̇хам̣ наббаж̇аанаад̇и, вин̃н̃аан̣анирод̇хаг̇ааминим̣ бадибад̣̇ам̣ наббаж̇аанаад̇и. аяам̣ вужжад̇аавусо, авиж̇ж̇аа; зд̇д̇аавад̇аа жа авиж̇ж̇ааг̇ад̇о ход̇ий’’д̇и.
‘‘Idhāvuso, assutavā puthujjano rūpaṃ nappajānāti, rūpasamudayaṃ nappajānāti, rūpanirodhaṃ nappajānāti, rūpanirodhagāminiṃ paṭipadaṃ nappajānāti. Vedanaṃ nappajānāti…pe… saññaṃ… saṅkhāre… viññāṇaṃ nappajānāti, viññāṇasamudayaṃ nappajānāti, viññāṇanirodhaṃ nappajānāti, viññāṇanirodhagāminiṃ paṭipadaṃ nappajānāti. Ayaṃ vuccatāvuso, avijjā; ettāvatā ca avijjāgato hotī’’ti.
звам̣ вуд̇д̇з, ааяасмаа саарибуд̇д̇о ааяасманд̇ам̣ махаагодтигам̣ зд̇ад̣̇авожа – ‘‘‘виж̇ж̇аа, виж̇ж̇аа’д̇и, аавусо годтига, вужжад̇и. гад̇амаа ну ко, аавусо, виж̇ж̇аа, гид̇д̇аавад̇аа жа виж̇ж̇ааг̇ад̇о ход̇ий’’д̇и? ‘‘ид̇хаавусо, суд̇аваа арияасааваго руубам̣ баж̇аанаад̇и, руубасамуд̣̇аяам̣ баж̇аанаад̇и, руубанирод̇хам̣ баж̇аанаад̇и, руубанирод̇хаг̇ааминим̣ бадибад̣̇ам̣ баж̇аанаад̇и. взд̣̇анам̣… сан̃н̃ам̣… сан̇каарз… вин̃н̃аан̣ам̣ баж̇аанаад̇и, вин̃н̃аан̣асамуд̣̇аяам̣ баж̇аанаад̇и, вин̃н̃аан̣анирод̇хам̣ баж̇аанаад̇и , вин̃н̃аан̣анирод̇хаг̇ааминим̣ бадибад̣̇ам̣ баж̇аанаад̇и. аяам̣ вужжад̇аавусо, виж̇ж̇аа; зд̇д̇аавад̇аа жа виж̇ж̇ааг̇ад̇о ход̇ий’’д̇и. д̣̇асамам̣.
Evaṃ vutte, āyasmā sāriputto āyasmantaṃ mahākoṭṭhikaṃ etadavoca – ‘‘‘vijjā, vijjā’ti, āvuso koṭṭhika, vuccati. Katamā nu kho, āvuso, vijjā, kittāvatā ca vijjāgato hotī’’ti? ‘‘Idhāvuso, sutavā ariyasāvako rūpaṃ pajānāti, rūpasamudayaṃ pajānāti, rūpanirodhaṃ pajānāti, rūpanirodhagāminiṃ paṭipadaṃ pajānāti. Vedanaṃ… saññaṃ… saṅkhāre… viññāṇaṃ pajānāti, viññāṇasamudayaṃ pajānāti, viññāṇanirodhaṃ pajānāti , viññāṇanirodhagāminiṃ paṭipadaṃ pajānāti. Ayaṃ vuccatāvuso, vijjā; ettāvatā ca vijjāgato hotī’’ti. Dasamaṃ.
авиж̇ж̇ааваг̇г̇о д̇зрасамо.
Avijjāvaggo terasamo.
д̇ассуд̣̇д̣̇аанам̣ –
Tassuddānaṃ –
самуд̣̇аяад̇хаммз д̇ийн̣и, ассаад̣̇о абарз д̣̇увз;
Samudayadhamme tīṇi, assādo apare duve;
самуд̣̇аяз жа д̣̇вз вуд̇д̇аа, годтигз абарз д̇аяод̇и.
Samudaye ca dve vuttā, koṭṭhike apare tayoti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-10. самуд̣̇аяад̇хаммасуд̇д̇аад̣̇иван̣н̣анаа • 1-10. Samudayadhammasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-10. самуд̣̇аяад̇хаммасуд̇д̇аад̣̇иван̣н̣анаа • 1-10. Samudayadhammasuttādivaṇṇanā
