| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. ততিযকুক্কুটারামসুত্তং
10. Tatiyakukkuṭārāmasuttaṃ
২০. পাটলিপুত্তনিদানং। ‘‘‘ব্রহ্মচরিযং, ব্রহ্মচরিয’ন্তি, আৰুসো আনন্দ, ৰুচ্চতি। কতমং নু খো, আৰুসো, ব্রহ্মচরিযং, কতমো ব্রহ্মচারী, কতমং ব্রহ্মচরিযপরিযোসান’’ন্তি? ‘‘সাধু সাধু, আৰুসো ভদ্দ! ভদ্দকো খো তে, আৰুসো ভদ্দ, উম্মঙ্গো, ভদ্দকং পটিভানং, কল্যাণী পরিপুচ্ছা। এৰঞ্হি ত্ৰং, আৰুসো ভদ্দ, পুচ্ছসি – ‘ব্রহ্মচরিযং, ব্রহ্মচরিযন্তি, আৰুসো আনন্দ, ৰুচ্চতি। কতমং নু খো, আৰুসো, ব্রহ্মচরিযং, কতমো ব্রহ্মচারী, কতমং ব্রহ্মচরিযপরিযোসান’’’ন্তি? ‘‘এৰমাৰুসো’’তি। ‘‘অযমেৰ খো, আৰুসো, অরিযো অট্ঠঙ্গিকো মগ্গো ব্রহ্মচরিযং, সেয্যথিদং – সম্মাদিট্ঠি…পে॰… সম্মাসমাধি। যো খো, আৰুসো, ইমিনা অরিযেন অট্ঠঙ্গিকেন মগ্গেন সমন্নাগতো – অযং ৰুচ্চতি ব্রহ্মচারী। যো খো, আৰুসো, রাগক্খযো দোসক্খযো মোহক্খযো – ইদং ব্রহ্মচরিযপরিযোসান’’ন্তি। দসমং।
20. Pāṭaliputtanidānaṃ. ‘‘‘Brahmacariyaṃ, brahmacariya’nti, āvuso ānanda, vuccati. Katamaṃ nu kho, āvuso, brahmacariyaṃ, katamo brahmacārī, katamaṃ brahmacariyapariyosāna’’nti? ‘‘Sādhu sādhu, āvuso bhadda! Bhaddako kho te, āvuso bhadda, ummaṅgo, bhaddakaṃ paṭibhānaṃ, kalyāṇī paripucchā. Evañhi tvaṃ, āvuso bhadda, pucchasi – ‘brahmacariyaṃ, brahmacariyanti, āvuso ānanda, vuccati. Katamaṃ nu kho, āvuso, brahmacariyaṃ, katamo brahmacārī, katamaṃ brahmacariyapariyosāna’’’nti? ‘‘Evamāvuso’’ti. ‘‘Ayameva kho, āvuso, ariyo aṭṭhaṅgiko maggo brahmacariyaṃ, seyyathidaṃ – sammādiṭṭhi…pe… sammāsamādhi. Yo kho, āvuso, iminā ariyena aṭṭhaṅgikena maggena samannāgato – ayaṃ vuccati brahmacārī. Yo kho, āvuso, rāgakkhayo dosakkhayo mohakkhayo – idaṃ brahmacariyapariyosāna’’nti. Dasamaṃ.
তীণি সুত্তন্তানি একনিদানানি।ৰিহারৰগ্গো দুতিযো।
Tīṇi suttantāni ekanidānāni.Vihāravaggo dutiyo.
তস্সুদ্দানং –
Tassuddānaṃ –
দ্ৰে ৰিহারা চ সেক্খো চ, উপ্পাদা অপরে দুৰে।
Dve vihārā ca sekkho ca, uppādā apare duve;
পরিসুদ্ধেন দ্ৰে ৰুত্তা, কুক্কুটারামেন তযোতি॥
Parisuddhena dve vuttā, kukkuṭārāmena tayoti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৮-১০. পঠমকুক্কুটারামসুত্তাদিৰণ্ণনা • 8-10. Paṭhamakukkuṭārāmasuttādivaṇṇanā
