| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਤਤਿਯਕੁਕ੍ਕੁਟਾਰਾਮਸੁਤ੍ਤਂ
10. Tatiyakukkuṭārāmasuttaṃ
੨੦. ਪਾਟਲਿਪੁਤ੍ਤਨਿਦਾਨਂ। ‘‘‘ਬ੍ਰਹ੍ਮਚਰਿਯਂ, ਬ੍ਰਹ੍ਮਚਰਿਯ’ਨ੍ਤਿ, ਆવੁਸੋ ਆਨਨ੍ਦ, વੁਚ੍ਚਤਿ। ਕਤਮਂ ਨੁ ਖੋ, ਆવੁਸੋ, ਬ੍ਰਹ੍ਮਚਰਿਯਂ, ਕਤਮੋ ਬ੍ਰਹ੍ਮਚਾਰੀ, ਕਤਮਂ ਬ੍ਰਹ੍ਮਚਰਿਯਪਰਿਯੋਸਾਨ’’ਨ੍ਤਿ? ‘‘ਸਾਧੁ ਸਾਧੁ, ਆવੁਸੋ ਭਦ੍ਦ! ਭਦ੍ਦਕੋ ਖੋ ਤੇ, ਆવੁਸੋ ਭਦ੍ਦ, ਉਮ੍ਮਙ੍ਗੋ, ਭਦ੍ਦਕਂ ਪਟਿਭਾਨਂ, ਕਲ੍ਯਾਣੀ ਪਰਿਪੁਚ੍ਛਾ। ਏવਞ੍ਹਿ ਤ੍વਂ, ਆવੁਸੋ ਭਦ੍ਦ, ਪੁਚ੍ਛਸਿ – ‘ਬ੍ਰਹ੍ਮਚਰਿਯਂ, ਬ੍ਰਹ੍ਮਚਰਿਯਨ੍ਤਿ, ਆવੁਸੋ ਆਨਨ੍ਦ, વੁਚ੍ਚਤਿ। ਕਤਮਂ ਨੁ ਖੋ, ਆવੁਸੋ, ਬ੍ਰਹ੍ਮਚਰਿਯਂ, ਕਤਮੋ ਬ੍ਰਹ੍ਮਚਾਰੀ, ਕਤਮਂ ਬ੍ਰਹ੍ਮਚਰਿਯਪਰਿਯੋਸਾਨ’’’ਨ੍ਤਿ? ‘‘ਏવਮਾવੁਸੋ’’ਤਿ। ‘‘ਅਯਮੇવ ਖੋ, ਆવੁਸੋ, ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ ਬ੍ਰਹ੍ਮਚਰਿਯਂ, ਸੇਯ੍ਯਥਿਦਂ – ਸਮ੍ਮਾਦਿਟ੍ਠਿ…ਪੇ॰… ਸਮ੍ਮਾਸਮਾਧਿ। ਯੋ ਖੋ, ਆવੁਸੋ, ਇਮਿਨਾ ਅਰਿਯੇਨ ਅਟ੍ਠਙ੍ਗਿਕੇਨ ਮਗ੍ਗੇਨ ਸਮਨ੍ਨਾਗਤੋ – ਅਯਂ વੁਚ੍ਚਤਿ ਬ੍ਰਹ੍ਮਚਾਰੀ। ਯੋ ਖੋ, ਆવੁਸੋ, ਰਾਗਕ੍ਖਯੋ ਦੋਸਕ੍ਖਯੋ ਮੋਹਕ੍ਖਯੋ – ਇਦਂ ਬ੍ਰਹ੍ਮਚਰਿਯਪਰਿਯੋਸਾਨ’’ਨ੍ਤਿ। ਦਸਮਂ।
20. Pāṭaliputtanidānaṃ. ‘‘‘Brahmacariyaṃ, brahmacariya’nti, āvuso ānanda, vuccati. Katamaṃ nu kho, āvuso, brahmacariyaṃ, katamo brahmacārī, katamaṃ brahmacariyapariyosāna’’nti? ‘‘Sādhu sādhu, āvuso bhadda! Bhaddako kho te, āvuso bhadda, ummaṅgo, bhaddakaṃ paṭibhānaṃ, kalyāṇī paripucchā. Evañhi tvaṃ, āvuso bhadda, pucchasi – ‘brahmacariyaṃ, brahmacariyanti, āvuso ānanda, vuccati. Katamaṃ nu kho, āvuso, brahmacariyaṃ, katamo brahmacārī, katamaṃ brahmacariyapariyosāna’’’nti? ‘‘Evamāvuso’’ti. ‘‘Ayameva kho, āvuso, ariyo aṭṭhaṅgiko maggo brahmacariyaṃ, seyyathidaṃ – sammādiṭṭhi…pe… sammāsamādhi. Yo kho, āvuso, iminā ariyena aṭṭhaṅgikena maggena samannāgato – ayaṃ vuccati brahmacārī. Yo kho, āvuso, rāgakkhayo dosakkhayo mohakkhayo – idaṃ brahmacariyapariyosāna’’nti. Dasamaṃ.
ਤੀਣਿ ਸੁਤ੍ਤਨ੍ਤਾਨਿ ਏਕਨਿਦਾਨਾਨਿ।વਿਹਾਰવਗ੍ਗੋ ਦੁਤਿਯੋ।
Tīṇi suttantāni ekanidānāni.Vihāravaggo dutiyo.
ਤਸ੍ਸੁਦ੍ਦਾਨਂ –
Tassuddānaṃ –
ਦ੍વੇ વਿਹਾਰਾ ਚ ਸੇਕ੍ਖੋ ਚ, ਉਪ੍ਪਾਦਾ ਅਪਰੇ ਦੁવੇ।
Dve vihārā ca sekkho ca, uppādā apare duve;
ਪਰਿਸੁਦ੍ਧੇਨ ਦ੍વੇ વੁਤ੍ਤਾ, ਕੁਕ੍ਕੁਟਾਰਾਮੇਨ ਤਯੋਤਿ॥
Parisuddhena dve vuttā, kukkuṭārāmena tayoti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮-੧੦. ਪਠਮਕੁਕ੍ਕੁਟਾਰਾਮਸੁਤ੍ਤਾਦਿવਣ੍ਣਨਾ • 8-10. Paṭhamakukkuṭārāmasuttādivaṇṇanā
