| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
12. д̇ад̇ияанааг̇авимаанаван̣н̣анаа
12. Tatiyanāgavimānavaṇṇanā
го ну д̣̇иб̣б̣зна яаанзнаад̇и д̇ад̇ияанааг̇авимаанам̣. д̇асса гаа уббад̇д̇и? бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна самаязна д̇аяо кийн̣аасавад̇т̇зраа г̇аамагааваасз вассам̣ убаг̇ажчим̣су. д̇з вуд̇т̇авассаа баваарзд̇ваа ‘‘бхаг̇аванд̇ам̣ ванд̣̇иссаамаа’’д̇и рааж̇аг̇ахам̣ уд̣̇д̣̇исса г̇ажчанд̇аа анд̇араамаг̇г̇з сааяам̣ ан̃н̃ад̇арасмим̣ г̇аамагз мижчаад̣̇идтигаб̣раахман̣асса ужчукзд̇д̇асамийбам̣ г̇анд̇ваа ужчубаалам̣ бужчим̣су ‘‘аавусо, саггаа аж̇ж̇а рааж̇аг̇ахам̣ баабун̣ид̇у’’нд̇и. ‘‘на саггаа, бханд̇з, ид̇о ад̣дхаяож̇анз рааж̇аг̇ахам̣, ид̇хзва васид̇ваа свз г̇ажчат̇аа’’д̇и ааха. ‘‘ад̇т̇зд̇т̇а гожи васанаяог̇г̇о ааваасо’’д̇и? ‘‘над̇т̇и, бханд̇з, ахам̣ бана во васанадтаанам̣ ж̇ааниссаамий’’д̇и. т̇зраа ад̇хиваасзсум̣.
Konu dibbena yānenāti tatiyanāgavimānaṃ. Tassa kā uppatti? Bhagavā rājagahe viharati veḷuvane kalandakanivāpe. Tena samayena tayo khīṇāsavattherā gāmakāvāse vassaṃ upagacchiṃsu. Te vutthavassā pavāretvā ‘‘bhagavantaṃ vandissāmā’’ti rājagahaṃ uddissa gacchantā antarāmagge sāyaṃ aññatarasmiṃ gāmake micchādiṭṭhikabrāhmaṇassa ucchukhettasamīpaṃ gantvā ucchupālaṃ pucchiṃsu ‘‘āvuso, sakkā ajja rājagahaṃ pāpuṇitu’’nti. ‘‘Na sakkā, bhante, ito aḍḍhayojane rājagahaṃ, idheva vasitvā sve gacchathā’’ti āha. ‘‘Atthettha koci vasanayoggo āvāso’’ti? ‘‘Natthi, bhante, ahaṃ pana vo vasanaṭṭhānaṃ jānissāmī’’ti. Therā adhivāsesuṃ.
со ужчуусуязва яат̇аатид̇зсу саакааман̣д̣абаагаарзна д̣̇ан̣д̣агаани б̣анд̇хид̇ваа ужчубан̣н̣зхи чаад̣̇зд̇ваа хздтаа балаалам̣ ад̇т̇арид̇ваа згасса т̇зрасса ад̣̇ааси, д̣̇уд̇ияасса т̇зрасса д̇ийхи ужчуухи д̣̇ан̣д̣агасан̇кзбзна б̣анд̇хид̇ваа д̇ин̣зна чаад̣̇зд̇ваа хздтаа жа д̇ин̣асант̇арам̣ гад̇ваа ад̣̇ааси, ид̇арасса ад̇д̇ано гудияам̣ д̣̇вз д̇аяо д̣̇ан̣д̣агз саакааяо жа нийхарид̇ваа жийварзна бадижчаад̣̇знд̇о жийварагудим̣ гад̇ваа ад̣̇ааси. д̇з д̇ад̇т̇а васим̣су. ат̇а вибхаад̇ааяа рад̇д̇ияаа гаалассзва бхад̇д̇ам̣ бажид̇ваа д̣̇анд̇агадтан̃жа мукод̣̇аган̃жа д̣̇ад̇ваа саха ужчурасзна бхад̇д̇ам̣ ад̣̇ааси. д̇зсам̣ бхун̃ж̇ид̇ваа анумод̣̇анам̣ гад̇ваа г̇ажчанд̇аанам̣ згзгам̣ ужчум̣ ад̣̇ааси ‘‘маяхам̣ бхааг̇о бхависсад̇ий’’д̇и. со т̇огам̣ маг̇г̇ам̣ т̇зрз ануг̇анд̇ваа нивад̇д̇анд̇о ад̇д̇ано взяяааважжан̃жа д̣̇аанан̃жа аараб̣бха ул̣аарам̣ бийд̇исоманассам̣ бадисам̣взд̣̇знд̇о нивад̇д̇и.
So ucchūsuyeva yathāṭhitesu sākhāmaṇḍapākārena daṇḍakāni bandhitvā ucchupaṇṇehi chādetvā heṭṭhā palālaṃ attharitvā ekassa therassa adāsi, dutiyassa therassa tīhi ucchūhi daṇḍakasaṅkhepena bandhitvā tiṇena chādetvā heṭṭhā ca tiṇasantharaṃ katvā adāsi, itarassa attano kuṭiyaṃ dve tayo daṇḍake sākhāyo ca nīharitvā cīvarena paṭicchādento cīvarakuṭiṃ katvā adāsi. Te tattha vasiṃsu. Atha vibhātāya rattiyā kālasseva bhattaṃ pacitvā dantakaṭṭhañca mukhodakañca datvā saha ucchurasena bhattaṃ adāsi. Tesaṃ bhuñjitvā anumodanaṃ katvā gacchantānaṃ ekekaṃ ucchuṃ adāsi ‘‘mayhaṃ bhāgo bhavissatī’’ti. So thokaṃ maggaṃ there anugantvā nivattanto attano veyyāvaccañca dānañca ārabbha uḷāraṃ pītisomanassaṃ paṭisaṃvedento nivatti.
кзд̇д̇асаамиго бана г̇ажчанд̇аанам̣ бхигкуунам̣ бадибат̇зна ааг̇ажчанд̇о бхигкуу бужчи ‘‘гуд̇о во ужчу лад̣̇д̇хаа’’д̇и? ‘‘ужчубаалагзна д̣̇иннаа’’д̇и. д̇ам̣ суд̇ваа б̣раахман̣о губид̇о анад̇д̇амано д̇адад̇адааяамаано год̇хаабхибхууд̇о д̇асса бидтид̇о убад̇хаавид̇ваа муг̇г̇арзна д̇ам̣ бахаранд̇о згаббахаарзнзва ж̇ийвид̇аа воробзси. со ад̇д̇анаа гад̇абун̃н̃агаммамзва ануссаранд̇о гаалам̣ гад̇ваа суд̇хаммаад̣̇звасабхааяам̣ ниб̣б̣ад̇д̇и. д̇асса бун̃н̃аанубхаавзна саб̣б̣асзд̇о маханд̇о д̣̇иб̣б̣аваравааран̣о ниб̣б̣ад̇д̇и.
Khettasāmiko pana gacchantānaṃ bhikkhūnaṃ paṭipathena āgacchanto bhikkhū pucchi ‘‘kuto vo ucchu laddhā’’ti? ‘‘Ucchupālakena dinnā’’ti. Taṃ sutvā brāhmaṇo kupito anattamano taṭataṭāyamāno kodhābhibhūto tassa piṭṭhito upadhāvitvā muggarena taṃ paharanto ekappahāreneva jīvitā voropesi. So attanā katapuññakammameva anussaranto kālaṃ katvā sudhammādevasabhāyaṃ nibbatti. Tassa puññānubhāvena sabbaseto mahanto dibbavaravāraṇo nibbatti.
ужчубаалагасса маран̣ам̣ суд̇ваа д̇асса маад̇аабид̇аро жзва н̃аад̇имид̇д̇аа жа ассумукаа род̣̇амаанаа д̇ам̣ таанам̣ аг̇амам̣су, саб̣б̣з жа г̇аамаваасино саннибад̇им̣су. д̇ад̇расса маад̇аабид̇аро сарийрагижжам̣ гаад̇ум̣ аарабхим̣су. д̇асмим̣ кан̣з со д̣̇звабуд̇д̇о д̇ам̣ д̣̇иб̣б̣ахад̇т̇им̣ абхирухид̇ваа саб̣б̣ад̇аал̣ааважарабаривуд̇о бан̃жан̇г̇игзна д̇ууриязна баваж̇ж̇амаанзна маханд̇зна бариваарзна махад̇ияаа д̣̇звид̣̇д̇хияаа д̣̇звалогад̇о ааг̇анд̇ваа д̇ааяа барисааяа д̣̇иссамаанаруубо аагаасз адтааси. ат̇а нам̣ д̇ад̇т̇а бан̣д̣ид̇аж̇аад̇иго бурисо имаахи г̇аат̇аахи д̇зна гад̇абун̃н̃агаммам̣ бужчи –
Ucchupālakassa maraṇaṃ sutvā tassa mātāpitaro ceva ñātimittā ca assumukhā rodamānā taṃ ṭhānaṃ agamaṃsu, sabbe ca gāmavāsino sannipatiṃsu. Tatrassa mātāpitaro sarīrakiccaṃ kātuṃ ārabhiṃsu. Tasmiṃ khaṇe so devaputto taṃ dibbahatthiṃ abhiruhitvā sabbatāḷāvacaraparivuto pañcaṅgikena tūriyena pavajjamānena mahantena parivārena mahatiyā deviddhiyā devalokato āgantvā tāya parisāya dissamānarūpo ākāse aṭṭhāsi. Atha naṃ tattha paṇḍitajātiko puriso imāhi gāthāhi tena katapuññakammaṃ pucchi –
976.
976.
‘‘го ну д̣̇иб̣б̣зна яаанзна, саб̣б̣асзд̇зна хад̇т̇инаа;
‘‘Ko nu dibbena yānena, sabbasetena hatthinā;
д̇уурияад̇аал̣ид̇аниг̇гхосо, анд̇алигкз махийяад̇и.
Tūriyatāḷitanigghoso, antalikkhe mahīyati.
977.
977.
‘‘д̣̇звад̇аа нуси г̇анд̇хаб̣б̣о, ад̣̇у сагго буринд̣̇ад̣̇о;
‘‘Devatā nusi gandhabbo, adu sakko purindado;
аж̇аананд̇аа д̇ам̣ бужчаама, гат̇ам̣ ж̇аанзму д̇ам̣ маяа’’нд̇и.
Ajānantā taṃ pucchāma, kathaṃ jānemu taṃ maya’’nti.
собисса имаахи г̇аат̇аахи зд̇амад̇т̇ам̣ б̣яаагааси –
Sopissa imāhi gāthāhi etamatthaṃ byākāsi –
978.
978.
‘‘наамхи д̣̇зво на г̇анд̇хаб̣б̣о, нааби сагго буринд̣̇ад̣̇о;
‘‘Nāmhi devo na gandhabbo, nāpi sakko purindado;
суд̇хаммаа наама яз д̣̇зваа, д̇зсам̣ ан̃н̃ад̇аро аха’’нд̇и.
Sudhammā nāma ye devā, tesaṃ aññataro aha’’nti.
979.
979.
‘‘бужчаама д̣̇звам̣ суд̇хаммам̣, бут̇ум̣ гад̇ваана ан̃ж̇алим̣;
‘‘Pucchāma devaṃ sudhammaṃ, puthuṃ katvāna añjaliṃ;
гим̣ гад̇ваа маанусз гаммам̣, суд̇хаммам̣ убабаж̇ж̇ад̇ий’’д̇и – бунаби бужчи;
Kiṃ katvā mānuse kammaṃ, sudhammaṃ upapajjatī’’ti – punapi pucchi;
980.
980.
‘‘ужчааг̇аарам̣ д̇ин̣ааг̇аарам̣, вад̇т̇ааг̇ааран̃жа яо д̣̇ад̣̇з;
‘‘Ucchāgāraṃ tiṇāgāraṃ, vatthāgārañca yo dade;
д̇ин̣н̣ам̣ ан̃н̃ад̇арам̣ д̣̇ад̇ваа, суд̇хаммам̣ убабаж̇ж̇ад̇ий’’д̇и. – бунаби б̣яаагааси;
Tiṇṇaṃ aññataraṃ datvā, sudhammaṃ upapajjatī’’ti. – punapi byākāsi;
976. д̇ад̇т̇а д̇уурияад̇аал̣ид̇аниг̇гхосод̇и д̇аал̣ид̇абан̃жан̇г̇ид̇ад̣̇иб̣б̣ад̇уурияаниг̇гхосо ад̇д̇аанам̣ уд̣̇д̣̇исса баваж̇ж̇амаанад̣̇иб̣б̣ад̇уурияасад̣̇д̣̇о . анд̇алигкз махийяад̇ийд̇и аагаасз тад̇ваа аагаасадтзнзва махад̇аа бариваарзна бууж̇ийяад̇и.
976. Tattha tūriyatāḷitanigghosoti tāḷitapañcaṅgitadibbatūriyanigghoso attānaṃ uddissa pavajjamānadibbatūriyasaddo . Antalikkhe mahīyatīti ākāse ṭhatvā ākāsaṭṭheneva mahatā parivārena pūjīyati.
977. д̣̇звад̇аа нусийд̇и д̣̇звад̇аа ну аси, гим̣ ну д̇вам̣ д̣̇звосийд̇и ад̇т̇о. г̇анд̇хаб̣б̣од̇и г̇анд̇хаб̣б̣агааяигад̣̇зво асийд̇и ад̇т̇о. ад̣̇у сагго буринд̣̇ад̣̇од̇и уд̣̇ааху бурз д̣̇ад̣̇аад̇ийд̇и ‘‘буринд̣̇ад̣̇о’’д̇и виссуд̇о сагго нуси, ат̇а сагго д̣̇зварааж̇аа асийд̇и ад̇т̇о. зд̇т̇а жа сад̇иби саггаг̇анд̇хаб̣б̣аанам̣ д̣̇звабхаавз д̇зсам̣ висум̣ г̇ахид̇ад̇д̇аа г̇об̣алиб̣ад̣̇д̇хан̃ааязна д̇ад̣̇ан̃н̃ад̣̇зваваажаго д̣̇звасад̣̇д̣̇о д̣̇адтаб̣б̣о.
977.Devatānusīti devatā nu asi, kiṃ nu tvaṃ devosīti attho. Gandhabboti gandhabbakāyikadevo asīti attho. Adu sakko purindadoti udāhu pure dadātīti ‘‘purindado’’ti vissuto sakko nusi, atha sakko devarājā asīti attho. Ettha ca satipi sakkagandhabbānaṃ devabhāve tesaṃ visuṃ gahitattā gobalibaddhañāyena tadaññadevavācako devasaddo daṭṭhabbo.
978. ат̇а д̣̇звабуд̇д̇о ‘‘виссаж̇ж̇анам̣ наама бужчаасабхааг̇зна ход̇ий’’д̇и д̇зхи бужчид̇ам̣ д̣̇зваг̇анд̇хаб̣б̣асаггабхаавам̣ бадигкибид̇ваа ад̇д̇аанам̣ аажигканд̇о ‘‘намхи д̣̇зво на г̇анд̇хаб̣б̣о’’д̇иаад̣̇имааха. д̇ад̇т̇а намхи д̣̇звод̇и д̇аяаа аасан̇гид̇о яо гожи д̣̇зво на хоми на г̇анд̇хаб̣б̣о на сагго, абижа ко суд̇хаммаа наама яз д̣̇зваа, д̇зсам̣ ан̃н̃ад̇аро ахам̣, суд̇хаммаа д̣̇звад̇аа наама д̇аавад̇им̣сад̣̇званигааяассзва ан̃н̃ад̇арад̣̇званигааяо. со гира ужчубаало д̇зсам̣ д̣̇зваанам̣ самбад̇д̇им̣ суд̇ваа баг̇зва д̇ад̇т̇а жид̇д̇ам̣ бан̣ид̇хааяа тид̇од̇и гзжи вад̣̇анд̇и.
978. Atha devaputto ‘‘vissajjanaṃ nāma pucchāsabhāgena hotī’’ti tehi pucchitaṃ devagandhabbasakkabhāvaṃ paṭikkhipitvā attānaṃ ācikkhanto ‘‘namhi devo na gandhabbo’’tiādimāha. Tattha namhi devoti tayā āsaṅkito yo koci devo na homi na gandhabbo na sakko, apica kho sudhammā nāma ye devā, tesaṃ aññataro ahaṃ, sudhammā devatā nāma tāvatiṃsadevanikāyasseva aññataradevanikāyo. So kira ucchupālo tesaṃ devānaṃ sampattiṃ sutvā pageva tattha cittaṃ paṇidhāya ṭhitoti keci vadanti.
979. бут̇унд̇и маханд̇ам̣, барибун̣н̣ам̣ гад̇ваад̇и ад̇т̇о. саггажжагирияаад̣̇ийбанад̇т̇ан̃хзд̇ам̣ вуд̇д̇ам̣.
979.Puthunti mahantaṃ, paripuṇṇaṃ katvāti attho. Sakkaccakiriyādīpanatthañhetaṃ vuttaṃ.
980. суд̇хаммаад̣̇зваяаанам̣ будто д̣̇звабуд̇д̇о гаган̣даганимид̇д̇ам̣ вад̣̇анд̇о вияа д̣̇идтамад̇д̇амзва г̇ахзд̇ваа ад̇д̇анаа гад̇абун̃н̃ам̣ аажигканд̇о ‘‘ужчааг̇аара’’нд̇и г̇аат̇амааха. д̇ад̇т̇а д̇ин̣н̣ам̣ ан̃н̃ад̇арам̣ д̣̇ад̇ваад̇и яад̣̇иби маяаа д̇ийн̣и аг̇аараани д̣̇иннаани, д̇ийсу бана ан̃н̃ад̇арзнаад̇и аяамад̇т̇оби сиж̇жхад̇ийд̇и наяаг̇г̇аахзна д̣̇звабуд̇д̇о звамааха. сзсам̣ сувин̃н̃зяяамзва.
980. Sudhammādevayānaṃ puṭṭho devaputto kakaṇṭakanimittaṃ vadanto viya diṭṭhamattameva gahetvā attanā katapuññaṃ ācikkhanto ‘‘ucchāgāra’’nti gāthamāha. Tattha tiṇṇaṃ aññataraṃ datvāti yadipi mayā tīṇi agārāni dinnāni, tīsu pana aññatarenāti ayamatthopi sijjhatīti nayaggāhena devaputto evamāha. Sesaṃ suviññeyyameva.
звам̣ со д̇зна бужчи д̇амад̇т̇ам̣ виссаж̇ж̇зд̇ваа рад̇анад̇д̇аяаг̇ун̣ам̣ багаасзнд̇о маад̇аабид̇уухи сад̣̇д̇хим̣ саммод̣̇анам̣ гад̇ваа д̣̇звалогамзва г̇ад̇о. мануссаа д̣̇звабуд̇д̇асса важанам̣ суд̇ваа бхаг̇авад̇и бхигкусан̇гхз жа сан̃ж̇аад̇абасаад̣̇аб̣ахумаанаа б̣ахум̣ д̣̇аануубагаран̣ам̣ саж̇ж̇зд̇ваа сагадаанам̣ буурзд̇ваа взл̣уванам̣ г̇анд̇ваа б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа сад̇т̇у д̇ам̣ бавад̇д̇им̣ аарожаяим̣су. сад̇т̇аа д̇ам̣ бужчаависсаж̇ж̇анам̣ д̇ат̇зва вад̇ваа д̇амзва ад̇т̇ам̣ адтуббад̇д̇им̣ гад̇ваа вид̇т̇аарзна д̇хаммам̣ д̣̇зсзд̇ваа д̇з саран̣зсу жа сийлзсу жа бад̇идтаабзси. д̇з жа бад̇идтид̇асад̣̇д̇хаа бхаг̇аванд̇ам̣ ванд̣̇ид̇ваа ад̇д̇ано г̇аамам̣ убаг̇анд̇ваа ужчубааласса мад̇адтаанз вихаарам̣ гаараяим̣сууд̇и.
Evaṃ so tena pucchi tamatthaṃ vissajjetvā ratanattayaguṇaṃ pakāsento mātāpitūhi saddhiṃ sammodanaṃ katvā devalokameva gato. Manussā devaputtassa vacanaṃ sutvā bhagavati bhikkhusaṅghe ca sañjātapasādabahumānā bahuṃ dānūpakaraṇaṃ sajjetvā sakaṭānaṃ pūretvā veḷuvanaṃ gantvā buddhappamukhassa bhikkhusaṅghassa mahādānaṃ datvā satthu taṃ pavattiṃ ārocayiṃsu. Satthā taṃ pucchāvissajjanaṃ tatheva vatvā tameva atthaṃ aṭṭhuppattiṃ katvā vitthārena dhammaṃ desetvā te saraṇesu ca sīlesu ca patiṭṭhāpesi. Te ca patiṭṭhitasaddhā bhagavantaṃ vanditvā attano gāmaṃ upagantvā ucchupālassa mataṭṭhāne vihāraṃ kārayiṃsūti.
д̇ад̇ияанааг̇авимаанаван̣н̣анаа нидтид̇аа.
Tatiyanāgavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 12. д̇ад̇ияанааг̇авимаанавад̇т̇у • 12. Tatiyanāgavimānavatthu
