| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
6. д̇ад̇ияанаанаад̇ид̇т̇ияасуд̇д̇ам̣
6. Tatiyanānātitthiyasuttaṃ
56. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна самб̣ахулаа наанаад̇ид̇т̇ияасаман̣аб̣раахман̣абариб̣б̣ааж̇агаа саавад̇т̇ияам̣ бадивасанд̇и наанаад̣̇идтигаа наанааканд̇игаа наанааружигаа наанаад̣̇идтиниссаяаниссид̇аа.
56. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sambahulā nānātitthiyasamaṇabrāhmaṇaparibbājakā sāvatthiyaṃ paṭivasanti nānādiṭṭhikā nānākhantikā nānārucikā nānādiṭṭhinissayanissitā.
санд̇згз саман̣аб̣раахман̣аа звам̣ваад̣̇ино звам̣д̣̇идтино – ‘‘сассад̇о ад̇д̇аа жа лого жа, ид̣̇амзва сажжам̣ могхаман̃н̃а’’нд̇и. санд̇и банзгз саман̣аб̣раахман̣аа звам̣ваад̣̇ино звам̣д̣̇идтино – ‘‘асассад̇о ад̇д̇аа жа лого жа, ид̣̇амзва сажжам̣ могхаман̃н̃а’’нд̇и. санд̇згз саман̣аб̣раахман̣аа звам̣ваад̣̇ино звам̣д̣̇идтино – ‘‘сассад̇о жа асассад̇о жа ад̇д̇аа жа лого жа, ид̣̇амзва сажжам̣ могхаман̃н̃а’’нд̇и. санд̇и банзгз саман̣аб̣раахман̣аа звам̣ваад̣̇ино звам̣д̣̇идтино – ‘‘нзва сассад̇о наасассад̇о ад̇д̇аа жа лого жа, ид̣̇амзва сажжам̣ могхаман̃н̃а’’нд̇и. санд̇згз саман̣аб̣раахман̣аа звам̣ваад̣̇ино звам̣д̣̇идтино – ‘‘саяам̣гад̇о ад̇д̇аа жа лого жа, ид̣̇амзва сажжам̣ могхаман̃н̃а’’нд̇и. санд̇и банзгз саман̣аб̣раахман̣аа звам̣ваад̣̇ино звам̣д̣̇идтино – ‘‘барам̣гад̇о ад̇д̇аа жа лого жа, ид̣̇амзва сажжам̣ могхаман̃н̃а’’нд̇и. санд̇згз саман̣аб̣раахман̣аа звам̣ваад̣̇ино звам̣д̣̇идтино – ‘‘саяам̣гад̇о жа барам̣гад̇о жа ад̇д̇аа жа лого жа, ид̣̇амзва сажжам̣ могхаман̃н̃а’’нд̇и. санд̇и банзгз саман̣аб̣раахман̣аа звам̣ваад̣̇ино звам̣д̣̇идтино – ‘‘асаяам̣гааро абарам̣гааро ад̇хижжасамуббанно ад̇д̇аа жа лого жа, ид̣̇амзва сажжам̣ могхаман̃н̃а’’нд̇и. санд̇згз саман̣аб̣раахман̣аа звам̣ваад̣̇ино звам̣д̣̇идтино – ‘‘сассад̇ам̣ сукад̣̇угкам̣ ад̇д̇аа жа лого жа, ид̣̇амзва сажжам̣ могхаман̃н̃а’’нд̇и. санд̇и банзгз саман̣аб̣раахман̣аа звам̣ваад̣̇ино звам̣д̣̇идтино – ‘‘асассад̇ам̣ сукад̣̇угкам̣ ад̇д̇аа жа лого жа, ид̣̇амзва сажжам̣ могхаман̃н̃а’’нд̇и. санд̇згз саман̣аб̣раахман̣аа звам̣ваад̣̇ино звам̣д̣̇идтино – ‘‘сассад̇ан̃жа асассад̇ан̃жа сукад̣̇угкам̣ ад̇д̇аа жа лого жа, ид̣̇амзва сажжам̣ могхаман̃н̃а’’нд̇и. санд̇и банзгз саман̣аб̣раахман̣аа звам̣ваад̣̇ино звам̣д̣̇идтино – ‘‘нзва сассад̇ам̣ наасассад̇ам̣ сукад̣̇угкам̣ ад̇д̇аа жа лого жа, ид̣̇амзва сажжам̣ могхаман̃н̃а’’нд̇и. санд̇згз саман̣аб̣раахман̣аа звам̣ваад̣̇ино звам̣д̣̇идтино – ‘‘саяам̣гад̇ам̣ сукад̣̇угкам̣ ад̇д̇аа жа лого жа, ид̣̇амзва сажжам̣ могхаман̃н̃а’’нд̇и. санд̇и банзгз саман̣аб̣раахман̣аа звам̣ваад̣̇ино звам̣д̣̇идтино – ‘‘барам̣гад̇ам̣ сукад̣̇угкам̣ ад̇д̇аа жа лого жа, ид̣̇амзва сажжам̣ могхаман̃н̃а’’нд̇и . санд̇згз саман̣аб̣раахман̣аа звам̣ваад̣̇ино звам̣д̣̇идтино – ‘‘саяам̣гад̇ан̃жа барам̣гад̇ан̃жа сукад̣̇угкам̣ ад̇д̇аа жа лого жа, ид̣̇амзва сажжам̣ могхаман̃н̃а’’нд̇и. санд̇и банзгз саман̣аб̣раахман̣аа звам̣ваад̣̇ино звам̣д̣̇идтино – ‘‘асаяам̣гаарам̣ абарам̣гаарам̣ ад̇хижжасамуббаннам̣ сукад̣̇угкам̣ ад̇д̇аа жа лого жа, ид̣̇амзва сажжам̣ могхаман̃н̃а’’нд̇и.
Santeke samaṇabrāhmaṇā evaṃvādino evaṃdiṭṭhino – ‘‘sassato attā ca loko ca, idameva saccaṃ moghamañña’’nti. Santi paneke samaṇabrāhmaṇā evaṃvādino evaṃdiṭṭhino – ‘‘asassato attā ca loko ca, idameva saccaṃ moghamañña’’nti. Santeke samaṇabrāhmaṇā evaṃvādino evaṃdiṭṭhino – ‘‘sassato ca asassato ca attā ca loko ca, idameva saccaṃ moghamañña’’nti. Santi paneke samaṇabrāhmaṇā evaṃvādino evaṃdiṭṭhino – ‘‘neva sassato nāsassato attā ca loko ca, idameva saccaṃ moghamañña’’nti. Santeke samaṇabrāhmaṇā evaṃvādino evaṃdiṭṭhino – ‘‘sayaṃkato attā ca loko ca, idameva saccaṃ moghamañña’’nti. Santi paneke samaṇabrāhmaṇā evaṃvādino evaṃdiṭṭhino – ‘‘paraṃkato attā ca loko ca, idameva saccaṃ moghamañña’’nti. Santeke samaṇabrāhmaṇā evaṃvādino evaṃdiṭṭhino – ‘‘sayaṃkato ca paraṃkato ca attā ca loko ca, idameva saccaṃ moghamañña’’nti. Santi paneke samaṇabrāhmaṇā evaṃvādino evaṃdiṭṭhino – ‘‘asayaṃkāro aparaṃkāro adhiccasamuppanno attā ca loko ca, idameva saccaṃ moghamañña’’nti. Santeke samaṇabrāhmaṇā evaṃvādino evaṃdiṭṭhino – ‘‘sassataṃ sukhadukkhaṃ attā ca loko ca, idameva saccaṃ moghamañña’’nti. Santi paneke samaṇabrāhmaṇā evaṃvādino evaṃdiṭṭhino – ‘‘asassataṃ sukhadukkhaṃ attā ca loko ca, idameva saccaṃ moghamañña’’nti. Santeke samaṇabrāhmaṇā evaṃvādino evaṃdiṭṭhino – ‘‘sassatañca asassatañca sukhadukkhaṃ attā ca loko ca, idameva saccaṃ moghamañña’’nti. Santi paneke samaṇabrāhmaṇā evaṃvādino evaṃdiṭṭhino – ‘‘neva sassataṃ nāsassataṃ sukhadukkhaṃ attā ca loko ca, idameva saccaṃ moghamañña’’nti. Santeke samaṇabrāhmaṇā evaṃvādino evaṃdiṭṭhino – ‘‘sayaṃkataṃ sukhadukkhaṃ attā ca loko ca, idameva saccaṃ moghamañña’’nti. Santi paneke samaṇabrāhmaṇā evaṃvādino evaṃdiṭṭhino – ‘‘paraṃkataṃ sukhadukkhaṃ attā ca loko ca, idameva saccaṃ moghamañña’’nti . Santeke samaṇabrāhmaṇā evaṃvādino evaṃdiṭṭhino – ‘‘sayaṃkatañca paraṃkatañca sukhadukkhaṃ attā ca loko ca, idameva saccaṃ moghamañña’’nti. Santi paneke samaṇabrāhmaṇā evaṃvādino evaṃdiṭṭhino – ‘‘asayaṃkāraṃ aparaṃkāraṃ adhiccasamuppannaṃ sukhadukkhaṃ attā ca loko ca, idameva saccaṃ moghamañña’’nti.
д̇з бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихаранд̇и – ‘‘зд̣̇исо д̇хаммо, нзд̣̇исо д̇хаммо; нзд̣̇исо д̇хаммо, зд̣̇исо д̇хаммо’’д̇и.
Te bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti – ‘‘ediso dhammo, nediso dhammo; nediso dhammo, ediso dhammo’’ti.
ат̇а ко самб̣ахулаа бхигкуу буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависим̣су. саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇аа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ –
Atha kho sambahulā bhikkhū pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisiṃsu. Sāvatthiyaṃ piṇḍāya caritvā pacchābhattaṃ piṇḍapātapaṭikkantā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ –
‘‘ид̇ха, бханд̇з, самб̣ахулаа наанаад̇ид̇т̇ияасаман̣аб̣раахман̣абариб̣б̣ааж̇агаа саавад̇т̇ияам̣ бадивасанд̇и наанаад̣̇идтигаа наанааканд̇игаа наанааружигаа наанаад̣̇идтиниссаяаниссид̇аа.
‘‘Idha, bhante, sambahulā nānātitthiyasamaṇabrāhmaṇaparibbājakā sāvatthiyaṃ paṭivasanti nānādiṭṭhikā nānākhantikā nānārucikā nānādiṭṭhinissayanissitā.
‘‘санд̇згз саман̣аб̣раахман̣аа звам̣ваад̣̇ино звам̣д̣̇идтино – ‘сассад̇о ад̇д̇аа жа лого жа, ид̣̇амзва сажжам̣ могхаман̃н̃а’нд̇и …бз… д̇з бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихаранд̇и – ‘зд̣̇исо д̇хаммо, нзд̣̇исо д̇хаммо; нзд̣̇исо д̇хаммо, зд̣̇исо д̇хаммо’’’д̇и.
‘‘Santeke samaṇabrāhmaṇā evaṃvādino evaṃdiṭṭhino – ‘sassato attā ca loko ca, idameva saccaṃ moghamañña’nti …pe… te bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti – ‘ediso dhammo, nediso dhammo; nediso dhammo, ediso dhammo’’’ti.
‘‘ан̃н̃ад̇ид̇т̇ияаа, бхигкавз, бариб̣б̣ааж̇агаа анд̇хаа ажагкугаа. д̇з ад̇т̇ам̣ на ж̇аананд̇и анад̇т̇ам̣ на ж̇аананд̇и, д̇хаммам̣ на ж̇аананд̇и ад̇хаммам̣ на ж̇аананд̇и. д̇з ад̇т̇ам̣ аж̇аананд̇аа анад̇т̇ам̣ аж̇аананд̇аа, д̇хаммам̣ аж̇аананд̇аа ад̇хаммам̣ аж̇аананд̇аа бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихаранд̇и – ‘зд̣̇исо д̇хаммо, нзд̣̇исо д̇хаммо; нзд̣̇исо д̇хаммо, зд̣̇исо д̇хаммо’’’д̇и.
‘‘Aññatitthiyā, bhikkhave, paribbājakā andhā acakkhukā. Te atthaṃ na jānanti anatthaṃ na jānanti, dhammaṃ na jānanti adhammaṃ na jānanti. Te atthaṃ ajānantā anatthaṃ ajānantā, dhammaṃ ajānantā adhammaṃ ajānantā bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti – ‘ediso dhammo, nediso dhammo; nediso dhammo, ediso dhammo’’’ti.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘ахан̇гаарабасуд̇ааяам̣ баж̇аа, барам̣гааруубасам̣хид̇аа;
‘‘Ahaṅkārapasutāyaṃ pajā, paraṃkārūpasaṃhitā;
зд̇ад̣̇згз нааб̣бхан̃н̃ам̣су, на нам̣ салланд̇и ад̣̇д̣̇асум̣.
Etadeke nābbhaññaṃsu, na naṃ sallanti addasuṃ.
ахам̣ гаромийд̇и на д̇асса ход̇и;
Ahaṃ karomīti na tassa hoti;
баро гарод̇ийд̇и на д̇асса ход̇и.
Paro karotīti na tassa hoti.
‘‘маанубзд̇аа аяам̣ баж̇аа, маанаг̇ант̇аа маанавиниб̣ад̣̇д̇хаа 3;
‘‘Mānupetā ayaṃ pajā, mānaganthā mānavinibaddhā 4;
д̣̇идтийсу саарамбхагат̇аа, сам̣саарам̣ наад̇ивад̇д̇ад̇ий’’д̇и. чадтам̣;
Diṭṭhīsu sārambhakathā, saṃsāraṃ nātivattatī’’ti. chaṭṭhaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 6. д̇ад̇ияанаанаад̇ид̇т̇ияасуд̇д̇аван̣н̣анаа • 6. Tatiyanānātitthiyasuttavaṇṇanā
