| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
8. д̇ад̇ияанааваавимаанаван̣н̣анаа
8. Tatiyanāvāvimānavaṇṇanā
суван̣н̣ажчад̣̇анам̣ нааванд̇и д̇ад̇ияанааваавимаанам̣. д̇асса гаа уббад̇д̇и? бхаг̇аваа ж̇анабад̣̇ажааригам̣ жаранд̇о махад̇аа бхигкусан̇гхзна сад̣̇д̇хим̣ госалаж̇анабад̣̇з язна т̇уун̣ам̣ наама б̣раахман̣аг̇аамо д̇ад̣̇авасари. ассосум̣ ко т̇уун̣зяяагаа б̣раахман̣аг̇ахабад̇игаа ‘‘саман̣о гира г̇од̇амо амхаагам̣ г̇аамакзд̇д̇ам̣ ануббад̇д̇о’’д̇и . ат̇а т̇уун̣зяяагаа б̣раахман̣аг̇ахабад̇игаа аббасаннаа мижчаад̣̇идтигаа мажчзрабагад̇аа ‘‘сажз саман̣о г̇од̇амо имам̣ г̇аамам̣ бависид̇ваа д̣̇вийхад̇ийхам̣ васзяяа, саб̣б̣ам̣ имам̣ ж̇анам̣ ад̇д̇ано важанз бад̇идтабзяяа, д̇ад̇о б̣раахман̣ад̇хаммо бад̇идтам̣ на лабхзяяаа’’д̇и д̇ад̇т̇а бхаг̇авад̇о аваасааяа барисагганд̇аа над̣̇ийд̇ид̇т̇зсу табид̇анаавааяо абанзсум̣, сзд̇усан̇гаманаани жа авалан̃ж̇з агам̣су, д̇ат̇аа бабааман̣д̣абаад̣̇ийни, згам̣ уд̣̇абаанам̣ табзд̇ваа ид̇араани уд̣̇абаанаани д̇ин̣аад̣̇ийхи буурзд̇ваа бид̣̇ахим̣су. д̇зна вуд̇д̇ам̣ уд̣̇аанз (уд̣̇аа. 69) ‘‘ат̇а ко т̇уун̣зяяагаа б̣раахман̣аг̇ахабад̇игаа уд̣̇абаанам̣ д̇ин̣асса жа бхусасса жа яаава мукад̇о буурзсум̣ ‘маа д̇з мун̣д̣агаа саман̣агаа баанийяам̣ абам̣суу’’’д̇и.
Suvaṇṇacchadanaṃnāvanti tatiyanāvāvimānaṃ. Tassa kā uppatti? Bhagavā janapadacārikaṃ caranto mahatā bhikkhusaṅghena saddhiṃ kosalajanapade yena thūṇaṃ nāma brāhmaṇagāmo tadavasari. Assosuṃ kho thūṇeyyakā brāhmaṇagahapatikā ‘‘samaṇo kira gotamo amhākaṃ gāmakhettaṃ anuppatto’’ti . Atha thūṇeyyakā brāhmaṇagahapatikā appasannā micchādiṭṭhikā maccherapakatā ‘‘sace samaṇo gotamo imaṃ gāmaṃ pavisitvā dvīhatīhaṃ vaseyya, sabbaṃ imaṃ janaṃ attano vacane patiṭṭhapeyya, tato brāhmaṇadhammo patiṭṭhaṃ na labheyyā’’ti tattha bhagavato avāsāya parisakkantā nadītitthesu ṭhapitanāvāyo apanesuṃ, setusaṅkamanāni ca avalañje akaṃsu, tathā papāmaṇḍapādīni, ekaṃ udapānaṃ ṭhapetvā itarāni udapānāni tiṇādīhi pūretvā pidahiṃsu. Tena vuttaṃ udāne (udā. 69) ‘‘atha kho thūṇeyyakā brāhmaṇagahapatikā udapānaṃ tiṇassa ca bhusassa ca yāva mukhato pūresuṃ ‘mā te muṇḍakā samaṇakā pānīyaṃ apaṃsū’’’ti.
бхаг̇аваа д̇зсам̣ д̇ам̣ виббагаарам̣ н̃ад̇ваа д̇з анугамбанд̇о сад̣̇д̇хим̣ бхигкусан̇гхзна аагаасзна над̣̇им̣ ад̇иггамид̇ваа г̇анд̇ваа ануггамзна т̇уун̣ам̣ б̣раахман̣аг̇аамам̣ бад̇ваа маг̇г̇аа оггамма ан̃н̃ад̇арасмим̣ ругкамуулз бан̃н̃ад̇д̇з аасанз нисийд̣̇и. д̇зна жа самаязна самб̣ахулаа уд̣̇агахааринияо бхаг̇авад̇о авид̣̇уурзна ад̇иггаманд̇и. д̇асмин̃жа г̇аамз ‘‘сажз саман̣о г̇од̇амо ид̇хааг̇амиссад̇и, на д̇асса бажжуг̇г̇аманаад̣̇игам̣ гаад̇аб̣б̣ам̣, г̇зхам̣ ааг̇ад̇асса жасса саавагаанан̃жа бхигкааби на д̣̇аад̇аб̣б̣аа’’д̇и гад̇игаа гад̇аа ход̇и.
Bhagavā tesaṃ taṃ vippakāraṃ ñatvā te anukampanto saddhiṃ bhikkhusaṅghena ākāsena nadiṃ atikkamitvā gantvā anukkamena thūṇaṃ brāhmaṇagāmaṃ patvā maggā okkamma aññatarasmiṃ rukkhamūle paññatte āsane nisīdi. Tena ca samayena sambahulā udakahāriniyo bhagavato avidūrena atikkamanti. Tasmiñca gāme ‘‘sace samaṇo gotamo idhāgamissati, na tassa paccuggamanādikaṃ kātabbaṃ, gehaṃ āgatassa cassa sāvakānañca bhikkhāpi na dātabbā’’ti katikā katā hoti.
д̇ад̇т̇а ан̃н̃ад̇арасса б̣раахман̣асса д̣̇аасий гхадзна баанийяам̣ г̇ахзд̇ваа г̇ажчанд̇ий бхаг̇аванд̇ам̣ бхигкусан̇гхабаривуд̇ам̣ нисиннам̣ д̣̇исваа бхигкуу жа маг̇г̇абариссамзна гиланд̇з д̇асид̇з н̃ад̇ваа басаннажид̇д̇аа баанийяам̣ д̣̇аад̇угаамаа худ̇ваа ‘‘яад̣̇иби мз г̇аамаваасино ‘саман̣асса г̇од̇амасса на гин̃жи д̣̇аад̇аб̣б̣ам̣, саамийжигаммамби на гаад̇аб̣б̣а’нд̇и гад̇игам̣ гад̇ваа тид̇аа, звам̣ санд̇зби яад̣̇и ахам̣ ийд̣̇исз бун̃н̃агкзд̇д̇з д̣̇агкин̣зяяз лабхид̇ваа баанийяад̣̇аанамад̇д̇знааби ад̇д̇ано бад̇идтам̣ на гарзяяам̣, гад̣̇аахам̣ ид̇о д̣̇угкаж̇ийвид̇ад̇о мужжиссаами, гаамам̣ мз аяяаго саб̣б̣збимз г̇аамаваасино мам̣ хананд̇у ваа б̣анд̇ханд̇у ваа, ийд̣̇исз бун̃н̃агкзд̇д̇з баанийяад̣̇аанам̣ д̣̇ассаами зваа’’д̇и саннидтаанам̣ гад̇ваа ан̃н̃аахи уд̣̇агахааринийхи ваарияамаанааби ж̇ийвид̇з нирабзгкаа сийсад̇о баанийяагхадам̣ од̇аарзд̇ваа убхохи хад̇т̇зхи бариг̇г̇ахзд̇ваа згаманд̇з табзд̇ваа сан̃ж̇аад̇абийд̇исоманассаа бхаг̇аванд̇ам̣ убасан̇гамид̇ваа бан̃жабад̇идтид̇зна ванд̣̇ид̇ваа баанийязна ниманд̇зси. бхаг̇аваа д̇ассаа жид̇д̇аббасаад̣̇ам̣ ологзд̇ваа д̇ам̣ ануг̇г̇ан̣ханд̇о баанийяам̣ бариссаавзд̇ваа хад̇т̇абаад̣̇з д̇ховид̇ваа баанийяам̣ биви, гхадз уд̣̇агам̣ баригкаяам̣ на г̇ажчад̇и. саа д̇ам̣ д̣̇исваа буна басаннажид̇д̇аа згасса бхигкусса ад̣̇ааси, д̇ат̇аа абарасса абарассаад̇и саб̣б̣зсамби ад̣̇ааси, уд̣̇агам̣ на кийяад̇зва. саа хадтад̇удтаа яат̇аабун̣н̣зна гхадзна г̇зхаабхимукий аг̇амааси. д̇ассаа саамиго б̣раахман̣о баанийяасса д̣̇иннабхаавам̣ суд̇ваа ‘‘имааяа г̇аамавад̇д̇ам̣ бхиннам̣, ахан̃жа г̇аараяхо гад̇о’’д̇и год̇хзна баж̇ж̇аланд̇о д̇адад̇адааяамаано д̇ам̣ бхуумияам̣ баад̇зд̇ваа хад̇т̇зхи жа баад̣̇зхи жа бахари. саа д̇зна убаггамзна ж̇ийвид̇агкаяам̣ бад̇ваа д̇аавад̇им̣сабхаванз ниб̣б̣ад̇и, вимаанам̣ жассаа батаманааваавимаанз вуд̇д̇асад̣̇исам̣ уббаж̇ж̇и.
Tattha aññatarassa brāhmaṇassa dāsī ghaṭena pānīyaṃ gahetvā gacchantī bhagavantaṃ bhikkhusaṅghaparivutaṃ nisinnaṃ disvā bhikkhū ca maggaparissamena kilante tasite ñatvā pasannacittā pānīyaṃ dātukāmā hutvā ‘‘yadipi me gāmavāsino ‘samaṇassa gotamassa na kiñci dātabbaṃ, sāmīcikammampi na kātabba’nti katikaṃ katvā ṭhitā, evaṃ santepi yadi ahaṃ īdise puññakkhette dakkhiṇeyye labhitvā pānīyadānamattenāpi attano patiṭṭhaṃ na kareyyaṃ, kadāhaṃ ito dukkhajīvitato muccissāmi, kāmaṃ me ayyako sabbepime gāmavāsino maṃ hanantu vā bandhantu vā, īdise puññakkhette pānīyadānaṃ dassāmi evā’’ti sanniṭṭhānaṃ katvā aññāhi udakahārinīhi vāriyamānāpi jīvite nirapekkhā sīsato pānīyaghaṭaṃ otāretvā ubhohi hatthehi pariggahetvā ekamante ṭhapetvā sañjātapītisomanassā bhagavantaṃ upasaṅkamitvā pañcapatiṭṭhitena vanditvā pānīyena nimantesi. Bhagavā tassā cittappasādaṃ oloketvā taṃ anuggaṇhanto pānīyaṃ parissāvetvā hatthapāde dhovitvā pānīyaṃ pivi, ghaṭe udakaṃ parikkhayaṃ na gacchati. Sā taṃ disvā puna pasannacittā ekassa bhikkhussa adāsi, tathā aparassa aparassāti sabbesampi adāsi, udakaṃ na khīyateva. Sā haṭṭhatuṭṭhā yathāpuṇṇena ghaṭena gehābhimukhī agamāsi. Tassā sāmiko brāhmaṇo pānīyassa dinnabhāvaṃ sutvā ‘‘imāya gāmavattaṃ bhinnaṃ, ahañca gārayho kato’’ti kodhena pajjalanto taṭataṭāyamāno taṃ bhūmiyaṃ pātetvā hatthehi ca pādehi ca pahari. Sā tena upakkamena jīvitakkhayaṃ patvā tāvatiṃsabhavane nibbati, vimānaṃ cassā paṭhamanāvāvimāne vuttasadisaṃ uppajji.
ат̇а ко бхаг̇аваа ааяасманд̇ам̣ аананд̣̇ам̣ ааманд̇зси ‘‘ин̇гха мз д̇вам̣, аананд̣̇а, уд̣̇абаанад̇о баанийяам̣ аахараа’’д̇и. т̇зро ‘‘ид̣̇аани, бханд̇з, уд̣̇абаано т̇уун̣зяяагзхи д̣̇уусид̇о, на саггаа баанийяам̣ аахарид̇у’’нд̇и ааха. бхаг̇аваа д̣̇уд̇ияамби д̇ад̇ияамби аан̣аабзси. д̇ад̇ияаваарз т̇зро бхаг̇авад̇о бад̇д̇ам̣ аад̣̇ааяа уд̣̇абаанаабхимуко аг̇амааси. г̇ажчанд̇з т̇зрз уд̣̇абаанз уд̣̇агам̣ барибун̣н̣ам̣ худ̇ваа уд̇д̇арид̇ваа саманд̇ад̇о санд̣̇ад̇и, саб̣б̣ам̣ д̇ин̣абхусам̣ убалавид̇ваа саяамзва абаг̇ажчад̇и. д̇зна санд̣̇амаанзна салилзна убаруубари вад̣дханд̇зна ан̃н̃з ж̇алаасаяз буурзд̇ваа д̇ам̣ г̇аамам̣ баригкибанд̇зна г̇аамаббад̣̇зсо аж̇жход̇т̇арийяад̇и. д̇ам̣ баадихаарияам̣ д̣̇исваа б̣раахман̣аа ажчарияаб̣бхуд̇ажид̇д̇аж̇аад̇аа бхаг̇аванд̇ам̣ камаабзсум̣, д̇ан̇кан̣ан̃н̃зва уд̣̇агогхо анд̇арад̇хааяи. д̇з бхаг̇авад̇о жа бхигкусан̇гхасса жа ниваасадтаанам̣ сам̣вид̇хааяа сваад̇анааяа ниманд̇зд̇ваа д̣̇уд̇ияад̣̇ивасз махаад̣̇аанам̣ саж̇ж̇зд̇ваа б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна баривисид̇ваа саб̣б̣з т̇уун̣зяяагаа б̣раахман̣аг̇ахабад̇игаа бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ баяирубаасанд̇аа нисийд̣̇им̣су.
Atha kho bhagavā āyasmantaṃ ānandaṃ āmantesi ‘‘iṅgha me tvaṃ, ānanda, udapānato pānīyaṃ āharā’’ti. Thero ‘‘idāni, bhante, udapāno thūṇeyyakehi dūsito, na sakkā pānīyaṃ āharitu’’nti āha. Bhagavā dutiyampi tatiyampi āṇāpesi. Tatiyavāre thero bhagavato pattaṃ ādāya udapānābhimukho agamāsi. Gacchante there udapāne udakaṃ paripuṇṇaṃ hutvā uttaritvā samantato sandati, sabbaṃ tiṇabhusaṃ upalavitvā sayameva apagacchati. Tena sandamānena salilena uparūpari vaḍḍhantena aññe jalāsaye pūretvā taṃ gāmaṃ parikkhipantena gāmappadeso ajjhottharīyati. Taṃ pāṭihāriyaṃ disvā brāhmaṇā acchariyabbhutacittajātā bhagavantaṃ khamāpesuṃ, taṅkhaṇaññeva udakogho antaradhāyi. Te bhagavato ca bhikkhusaṅghassa ca nivāsaṭṭhānaṃ saṃvidhāya svātanāya nimantetvā dutiyadivase mahādānaṃ sajjetvā buddhappamukhaṃ bhikkhusaṅghaṃ paṇītena khādanīyena bhojanīyena parivisitvā sabbe thūṇeyyakā brāhmaṇagahapatikā bhagavantaṃ bhuttāviṃ onītapattapāṇiṃ payirupāsantā nisīdiṃsu.
д̇зна жа самаязна саа д̣̇звад̇аа ад̇д̇ано самбад̇д̇им̣ бажжавзгкид̇ваа д̇ассаа гааран̣ам̣ убад̇хаарзнд̇ий д̇ам̣ ‘‘баанийяад̣̇аана’’нд̇и н̃ад̇ваа бийд̇исоманассаж̇аад̇аа ‘‘ханд̣̇аахам̣ ид̣̇аанзва бхаг̇аванд̇ам̣ ванд̣̇иссаами, саммаабадибаннзсу гад̇аанам̣ аббагаанамби гаараанам̣ ул̣аарапалад̇ан̃жа мануссалогз баагадам̣ гариссаамий’’д̇и уссаахаж̇аад̇аа ажчараасахассабариваараа уяяаанаад̣̇исахид̇зна вимаанзна сад̣̇д̇хим̣язва махад̇ияаа д̣̇звид̣̇д̇хияаа маханд̇зна д̣̇зваанубхаавзна махааж̇анагааяасса бассанд̇ассзва ааг̇анд̇ваа вимаанад̇о оруяха бхаг̇аванд̇ам̣ убасан̇гамид̇ваа абхиваад̣̇зд̇ваа ан̃ж̇алим̣ баг̇г̇аяха адтааси. ат̇а нам̣ бхаг̇аваа д̇ассаа барисааяа гаммапалам̣ бажжагкад̇о вибхаавзд̇угаамо –
Tena ca samayena sā devatā attano sampattiṃ paccavekkhitvā tassā kāraṇaṃ upadhārentī taṃ ‘‘pānīyadāna’’nti ñatvā pītisomanassajātā ‘‘handāhaṃ idāneva bhagavantaṃ vandissāmi, sammāpaṭipannesu katānaṃ appakānampi kārānaṃ uḷāraphalatañca manussaloke pākaṭaṃ karissāmī’’ti ussāhajātā accharāsahassaparivārā uyyānādisahitena vimānena saddhiṃyeva mahatiyā deviddhiyā mahantena devānubhāvena mahājanakāyassa passantasseva āgantvā vimānato oruyha bhagavantaṃ upasaṅkamitvā abhivādetvā añjaliṃ paggayha aṭṭhāsi. Atha naṃ bhagavā tassā parisāya kammaphalaṃ paccakkhato vibhāvetukāmo –
63.
63.
‘‘суван̣н̣ажчад̣̇анам̣ наавам̣, наари ааруяха д̇идтаси;
‘‘Suvaṇṇacchadanaṃ nāvaṃ, nāri āruyha tiṭṭhasi;
ог̇аахаси богкаран̣им̣, бад̣̇мам̣ чинд̣̇аси баан̣инаа.
Ogāhasi pokkharaṇiṃ, padmaṃ chindasi pāṇinā.
64.
64.
‘‘гуудааг̇аараа нивзсаа д̇з, вибхад̇д̇аа бхааг̇асо мид̇аа;
‘‘Kūṭāgārā nivesā te, vibhattā bhāgaso mitā;
д̣̇ад̣̇д̣̇алламаанаа аабханд̇и, саманд̇аа жад̇уро д̣̇исаа.
Daddallamānā ābhanti, samantā caturo disā.
65.
65.
‘‘гзна д̇зд̇аад̣̇исо ван̣н̣о, гзна д̇з ид̇ха миж̇жхад̇и;
‘‘Kena tetādiso vaṇṇo, kena te idha mijjhati;
уббаж̇ж̇анд̇и жа д̇з бхог̇аа, яз гзжи манасо бияаа.
Uppajjanti ca te bhogā, ye keci manaso piyā.
66.
66.
‘‘бужчаами д̇ам̣ д̣̇зви махаанубхаавз, мануссабхууд̇аа гимагааси бун̃н̃ам̣,
‘‘Pucchāmi taṃ devi mahānubhāve, manussabhūtā kimakāsi puññaṃ,
гзнааси звам̣ ж̇алид̇аанубхааваа, ван̣н̣о жа д̇з саб̣б̣ад̣̇исаа бабхаасад̇ий’’д̇и. –
Kenāsi evaṃ jalitānubhāvā, vaṇṇo ca te sabbadisā pabhāsatī’’ti. –
жад̇уухи г̇аат̇аахи бужчи.
Catūhi gāthāhi pucchi.
67.
67.
‘‘саа д̣̇звад̇аа ад̇д̇аманаа, самб̣уд̣̇д̇хзнзва бужчид̇аа;
‘‘Sā devatā attamanā, sambuddheneva pucchitā;
бан̃хам̣ будтаа вияаагааси, яасса гаммассид̣̇ам̣ пала’’нд̇и. –
Pañhaṃ puṭṭhā viyākāsi, yassa kammassidaṃ phala’’nti. –
сан̇г̇ийд̇игаараа аахам̣су.
Saṅgītikārā āhaṃsu.
68.
68.
‘‘ахам̣ мануссзсу мануссабхууд̇аа, буримааяа ж̇аад̇ияаа мануссалогз;
‘‘Ahaṃ manussesu manussabhūtā, purimāya jātiyā manussaloke;
д̣̇исваана бхигкуу д̇асид̇з гиланд̇з, удтааяа баад̇ум̣ уд̣̇агам̣ ад̣̇аасим̣.
Disvāna bhikkhū tasite kilante, uṭṭhāya pātuṃ udakaṃ adāsiṃ.
69.
69.
‘‘яо вз гиланд̇аана бибаасид̇аанам̣, удтааяа баад̇ум̣ уд̣̇агам̣ д̣̇ад̣̇аад̇и;
‘‘Yo ve kilantāna pipāsitānaṃ, uṭṭhāya pātuṃ udakaṃ dadāti;
сийд̇од̣̇агаа д̇асса бхаванд̇и наж̇ж̇о, бахууд̇амаляаа б̣ахубун̣д̣арийгаа.
Sītodakā tassa bhavanti najjo, pahūtamalyā bahupuṇḍarīkā.
70.
70.
‘‘д̇ам̣ аабаг̇аа анубарияанд̇и саб̣б̣ад̣̇аа, сийд̇од̣̇агаа ваалугасант̇ад̇аа над̣̇ий;
‘‘Taṃ āpagā anupariyanti sabbadā, sītodakā vālukasanthatā nadī;
амб̣аа жа саалаа д̇илагаа жа ж̇амб̣уяо, уд̣̇д̣̇аалагаа баадалияо жа пуллаа.
Ambā ca sālā tilakā ca jambuyo, uddālakā pāṭaliyo ca phullā.
71.
71.
‘‘д̇ам̣бхуумибхааг̇зхи убзд̇аруубам̣, вимаанасздтам̣ бхуса собхамаанам̣;
‘‘Taṃbhūmibhāgehi upetarūpaṃ, vimānaseṭṭhaṃ bhusa sobhamānaṃ;
д̇ассийд̇ха гаммасса аяам̣ вибааго, зд̇аад̣̇исам̣ бун̃н̃агад̇аа лабханд̇и.
Tassīdha kammassa ayaṃ vipāko, etādisaṃ puññakatā labhanti.
72.
72.
‘‘гуудааг̇аараа нивзсаа мз, вибхад̇д̇аа бхааг̇асо мид̇аа;
‘‘Kūṭāgārā nivesā me, vibhattā bhāgaso mitā;
д̣̇ад̣̇д̣̇алламаанаа аабханд̇и, саманд̇аа жад̇уро д̣̇исаа.
Daddallamānā ābhanti, samantā caturo disā.
73.
73.
‘‘д̇зна мзд̇аад̣̇исо ван̣н̣о, д̇зна мз ид̇ха миж̇жхад̇и;
‘‘Tena metādiso vaṇṇo, tena me idha mijjhati;
д̇аббаж̇ж̇анд̇и жа мз бхог̇аа, яз гзжи манасо бияаа.
Tappajjanti ca me bhogā, ye keci manaso piyā.
74.
74.
‘‘агкаами д̇з б̣уд̣̇д̇ха махаанубхаава, мануссабхууд̇аа яамагааси бун̃н̃ам̣;
‘‘Akkhāmi te buddha mahānubhāva, manussabhūtā yamakāsi puññaṃ;
д̇знамхи звам̣ ж̇алид̇аанубхааваа, ван̣н̣о жа мз саб̣б̣ад̣̇исаа бабхаасад̇и;
Tenamhi evaṃ jalitānubhāvā, vaṇṇo ca me sabbadisā pabhāsati;
зд̇асса гаммасса палам̣ мамзд̣̇ам̣, ад̇т̇ааяа б̣уд̣̇д̇хо уд̣̇агам̣ абааяий’’д̇и. –
Etassa kammassa phalaṃ mamedaṃ, atthāya buddho udakaṃ apāyī’’ti. –
виссаж̇ж̇анаг̇аат̇ааяо.
Vissajjanagāthāyo.
63. д̇ад̇т̇а гин̃жааби саа д̣̇звад̇аа яад̣̇аа бхаг̇аваа бужчи, д̇ад̣̇аа д̇ам̣ наавам̣ ааруяха на тид̇аа, на богкаран̣им̣ ог̇аахад̇и, нааби бад̣̇умам̣ чинд̣̇ад̇и, гаммаанубхааважод̣̇ид̇аа бана абхин̣хам̣ ж̇алавихаарабасуд̇аа д̇ат̇аа гарод̇ийд̇и д̇ам̣ гирияаавижчзд̣̇ам̣ д̣̇ассанавасзнзвам̣ вуд̇д̇ам̣. аяан̃жа ад̇т̇о на гзваламид̇хзва, ат̇а ко хздтимзсуби звамзва д̣̇адтаб̣б̣о.
63. Tattha kiñcāpi sā devatā yadā bhagavā pucchi, tadā taṃ nāvaṃ āruyha na ṭhitā, na pokkharaṇiṃ ogāhati, nāpi padumaṃ chindati, kammānubhāvacoditā pana abhiṇhaṃ jalavihārapasutā tathā karotīti taṃ kiriyāvicchedaṃ dassanavasenevaṃ vuttaṃ. Ayañca attho na kevalamidheva, atha kho heṭṭhimesupi evameva daṭṭhabbo.
72. гуудааг̇аараад̇и суван̣н̣амаяаган̣н̣игааб̣ад̣̇д̇хаг̇зхаванд̇о. нивзсаад̇и нивзсанаани, гажчараанийд̇и ад̇т̇о. д̇знааха ‘‘вибхад̇д̇аа бхааг̇асо мид̇аа’’д̇и. д̇аани хи жад̇усаалабхууд̇аани ан̃н̃аман̃н̃асса бадиб̣имб̣абхууд̇аани вияа бадивибхад̇д̇аруубаани самаббамаан̣ад̇ааяа бхааг̇асо мид̇аани вияа хонд̇и. д̣̇ад̣̇д̣̇алламаанаад̇и ад̇ивияа виж̇ж̇од̇амаанаа. аабханд̇ийд̇и ман̣ирад̇анаганагарам̣сиж̇аалзхи обхаасзнд̇и.
72.Kūṭāgārāti suvaṇṇamayakaṇṇikābaddhagehavanto. Nivesāti nivesanāni, kaccharānīti attho. Tenāha ‘‘vibhattā bhāgaso mitā’’ti. Tāni hi catusālabhūtāni aññamaññassa paṭibimbabhūtāni viya paṭivibhattarūpāni samappamāṇatāya bhāgaso mitāni viya honti. Daddallamānāti ativiya vijjotamānā. Ābhantīti maṇiratanakanakaraṃsijālehi obhāsenti.
74. мамаад̇и ид̣̇ам̣ буб̣б̣аабараабзгкам̣, мама гаммасса мама ад̇т̇ааяаад̇и аяан̃хзд̇т̇а яож̇анаа. уд̣̇агам̣ абааяийд̇и яад̣̇зд̇ам̣ уд̣̇агад̣̇аанам̣ вуд̇д̇ам̣, зд̇асса бун̃н̃агаммасса ид̣̇ам̣ палам̣ яааяам̣ д̣̇иб̣б̣асамбад̇д̇и, яасмаа мамад̇т̇ааяа сад̣̇звагз логз аг̇г̇ад̣̇агкин̣зяяо б̣уд̣̇д̇хо бхаг̇аваа маяаа д̣̇иннам̣ уд̣̇агам̣ абааяийд̇и. сзсам̣ вуд̇д̇анаяамзва.
74.Mamāti idaṃ pubbāparāpekkhaṃ, mama kammassa mama atthāyāti ayañhettha yojanā. Udakaṃ apāyīti yadetaṃ udakadānaṃ vuttaṃ, etassa puññakammassa idaṃ phalaṃ yāyaṃ dibbasampatti, yasmā mamatthāya sadevake loke aggadakkhiṇeyyo buddho bhagavā mayā dinnaṃ udakaṃ apāyīti. Sesaṃ vuttanayameva.
звам̣ басаннамаанасааяа д̣̇звад̇ааяа бхаг̇аваа саамуггам̣сигам̣ д̇хаммад̣̇зсанам̣ гаронд̇о сажжаани багаасзси. саа д̣̇зсанаабарияосаанз сод̇аабад̇д̇ипалз бад̇идтахи, самбад̇д̇абарисааяаби д̇хаммад̣̇зсанаа саад̇т̇игаа ахоси.
Evaṃ pasannamānasāya devatāya bhagavā sāmukkaṃsikaṃ dhammadesanaṃ karonto saccāni pakāsesi. Sā desanāpariyosāne sotāpattiphale patiṭṭhahi, sampattaparisāyapi dhammadesanā sātthikā ahosi.
д̇ад̇ияанааваавимаанаван̣н̣анаа нидтид̇аа.
Tatiyanāvāvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 8. д̇ад̇ияанааваавимаанавад̇т̇у • 8. Tatiyanāvāvimānavatthu
