| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
3. д̇ад̇ияанаяо асан̇г̇ахид̇знасан̇г̇ахид̇абад̣̇аван̣н̣анаа
3. Tatiyanayo asaṅgahitenasaṅgahitapadavaṇṇanā
179. ид̣̇аани асан̇г̇ахид̇знасан̇г̇ахид̇абад̣̇ам̣ бхааж̇зд̇ум̣ взд̣̇анаагканд̇хзнаад̇иаад̣̇и аарад̣̇д̇хам̣. д̇ад̇рид̣̇ам̣ лагкан̣ам̣ – имасмин̃хи ваарз яам̣ канд̇хабад̣̇зна асан̇г̇ахид̇ам̣ худ̇ваа ааяад̇анад̇хаад̇убад̣̇зхи сан̇г̇ахид̇ам̣, д̇асса канд̇хаад̣̇ийхи сан̇г̇ахам̣ бужчид̇ваа виссаж̇ж̇анам̣ гад̇ам̣. д̇ам̣ бана руубагканд̇хавин̃н̃аан̣агканд̇хажагкааяад̇анаад̣̇ийсу на яуж̇ж̇ад̇и. руубагканд̇хзна хи жад̇д̇ааро канд̇хаа канд̇хасан̇г̇ахзна асан̇г̇ахид̇аа. д̇зсу д̇зна згад̇хаммоби ааяад̇анад̇хаад̇усан̇г̇ахзна сан̇г̇ахид̇о наама над̇т̇и. нану жа взд̣̇анаад̣̇аяо д̇хаммааяад̇анзна сан̇г̇ахид̇аад̇и? сан̇г̇ахид̇аа. на бана руубагканд̇хова д̇хаммааяад̇анам̣, руубагканд̇хад̇о хи сукумаруубамад̇д̇ам̣ д̇хаммааяад̇анам̣ бхаж̇ад̇и. д̇асмаа яз д̇хаммааяад̇анзна сан̇г̇ахид̇аа, на д̇з руубагканд̇хзна сан̇г̇ахид̇аа наама. вин̃н̃аан̣агканд̇хзнаби ид̇арз жад̇д̇ааро канд̇хаа асан̇г̇ахид̇аа. д̇зсу д̇зна згоби ааяад̇анад̇хаад̇усан̇г̇ахзна сан̇г̇ахид̇о наама над̇т̇и. звам̣ сан̇г̇ахид̇ад̇ааяа абхаавад̇о зд̇аани ан̃н̃аани жа зваруубаани жагкааяад̇анаад̣̇ийни бад̣̇аани имасмим̣ ваарз на г̇ахид̇аани. яаани бана бад̣̇аани вин̃н̃аан̣зна ваа ол̣ааригаруубзна ваа асаммиссам̣ д̇хаммааяад̇анзгад̣̇зсам̣ д̣̇ийбзнд̇и, д̇аани ид̇ха г̇ахид̇аани. д̇зсам̣ ид̣̇амуд̣̇д̣̇аанам̣ –
179. Idāni asaṅgahitenasaṅgahitapadaṃ bhājetuṃ vedanākkhandhenātiādi āraddhaṃ. Tatridaṃ lakkhaṇaṃ – imasmiñhi vāre yaṃ khandhapadena asaṅgahitaṃ hutvā āyatanadhātupadehi saṅgahitaṃ, tassa khandhādīhi saṅgahaṃ pucchitvā vissajjanaṃ kataṃ. Taṃ pana rūpakkhandhaviññāṇakkhandhacakkhāyatanādīsu na yujjati. Rūpakkhandhena hi cattāro khandhā khandhasaṅgahena asaṅgahitā. Tesu tena ekadhammopi āyatanadhātusaṅgahena saṅgahito nāma natthi. Nanu ca vedanādayo dhammāyatanena saṅgahitāti? Saṅgahitā. Na pana rūpakkhandhova dhammāyatanaṃ, rūpakkhandhato hi sukhumarūpamattaṃ dhammāyatanaṃ bhajati. Tasmā ye dhammāyatanena saṅgahitā, na te rūpakkhandhena saṅgahitā nāma. Viññāṇakkhandhenapi itare cattāro khandhā asaṅgahitā. Tesu tena ekopi āyatanadhātusaṅgahena saṅgahito nāma natthi. Evaṃ saṅgahitatāya abhāvato etāni aññāni ca evarūpāni cakkhāyatanādīni padāni imasmiṃ vāre na gahitāni. Yāni pana padāni viññāṇena vā oḷārikarūpena vā asammissaṃ dhammāyatanekadesaṃ dīpenti, tāni idha gahitāni. Tesaṃ idamuddānaṃ –
‘‘д̇аяо канд̇хаа д̇ат̇аа сажжаа, инд̣̇рияаани жа сол̣аса;
‘‘Tayo khandhā tathā saccā, indriyāni ca soḷasa;
бад̣̇аани бажжаяаагаарз, жуд̣̇д̣̇асуубари жуд̣̇д̣̇аса.
Padāni paccayākāre, cuddasūpari cuddasa.
‘‘самад̇им̣са бад̣̇аа хонд̇и, г̇ожчагзсу д̣̇асасват̇а;
‘‘Samatiṃsa padā honti, gocchakesu dasasvatha;
д̣̇увз жуул̣анд̇арад̣̇угаа, адта хонд̇и маханд̇араа’’д̇и.
Duve cūḷantaradukā, aṭṭha honti mahantarā’’ti.
зд̇зсу бана бад̣̇зсу сад̣̇исависсаж̇ж̇анаани бад̣̇аани згад̇о гад̇ваа саб̣б̣зби д̣̇ваад̣̇аса бан̃хаа вуд̇д̇аа. д̇зсу звам̣ канд̇хавибхааг̇о взд̣̇ид̇аб̣б̣о. ааяад̇анад̇хаад̇уусу бана бхзд̣̇о над̇т̇и. д̇ад̇т̇а батамабан̃хз д̇аава – д̇ийхи канд̇хзхийд̇и руубасан̃н̃аасан̇каарагканд̇хзхи. ааяад̇анад̇хаад̇уяо бана д̇хаммааяад̇анад̇хаммад̇хаад̇увасзна взд̣̇ид̇аб̣б̣аа.
Etesu pana padesu sadisavissajjanāni padāni ekato katvā sabbepi dvādasa pañhā vuttā. Tesu evaṃ khandhavibhāgo veditabbo. Āyatanadhātūsu pana bhedo natthi. Tattha paṭhamapañhe tāva – tīhi khandhehīti rūpasaññāsaṅkhārakkhandhehi. Āyatanadhātuyo pana dhammāyatanadhammadhātuvasena veditabbā.
д̇ад̇рааяам̣ наяо – взд̣̇анаагканд̇хзна хи ниб̣б̣аанан̃жа сукумаруубасан̃н̃аасан̇каараа жа канд̇хасан̇г̇ахзна асан̇г̇ахид̇аа худ̇ваа ааяад̇анад̇хаад̇усан̇г̇ахзна сан̇г̇ахид̇аа. д̇зсу ниб̣б̣аанам̣ канд̇хасан̇г̇ахам̣ на г̇ажчад̇и, сзсаа руубасан̃н̃аасан̇каарагканд̇хзхи сан̇г̇ахам̣ г̇ажчанд̇и. ааяад̇анад̇хаад̇усан̇г̇ахам̣ бана ниб̣б̣аанамби г̇ажчад̇зва. д̇зна вуд̇д̇ам̣ – ‘‘асан̇кад̇ам̣ канд̇хад̇о табзд̇ваа д̇ийхи канд̇хзхи, згзнааяад̇анзна, згааяа д̇хаад̇уяаа сан̇г̇ахид̇аа’’д̇и. сан̃н̃аагканд̇хабагкз банзд̇т̇а сан̃н̃ам̣ абанзд̇ваа взд̣̇анааяа сад̣̇д̇хим̣ д̇аяо канд̇хаа сан̇каараад̣̇ийсу сан̇каарагканд̇хам̣ абанзд̇ваа руубавзд̣̇анаасан̃н̃аавасзна д̇аяо канд̇хаа взд̣̇ид̇аб̣б̣аа.
Tatrāyaṃ nayo – vedanākkhandhena hi nibbānañca sukhumarūpasaññāsaṅkhārā ca khandhasaṅgahena asaṅgahitā hutvā āyatanadhātusaṅgahena saṅgahitā. Tesu nibbānaṃ khandhasaṅgahaṃ na gacchati, sesā rūpasaññāsaṅkhārakkhandhehi saṅgahaṃ gacchanti. Āyatanadhātusaṅgahaṃ pana nibbānampi gacchateva. Tena vuttaṃ – ‘‘asaṅkhataṃ khandhato ṭhapetvā tīhi khandhehi, ekenāyatanena, ekāya dhātuyā saṅgahitā’’ti. Saññākkhandhapakkhe panettha saññaṃ apanetvā vedanāya saddhiṃ tayo khandhā saṅkhārādīsu saṅkhārakkhandhaṃ apanetvā rūpavedanāsaññāvasena tayo khandhā veditabbā.
180. д̣̇уд̇ияз – жад̇уухи канд̇хзхийд̇и вин̃н̃аан̣аваж̇ж̇зхи. д̇з хи нирод̇хзна канд̇хасан̇г̇ахзна асан̇г̇ахид̇аа худ̇ваа ааяад̇анад̇хаад̇усан̇г̇ахзна сан̇г̇ахид̇аа.
180. Dutiye – catūhi khandhehīti viññāṇavajjehi. Te hi nirodhena khandhasaṅgahena asaṅgahitā hutvā āyatanadhātusaṅgahena saṅgahitā.
181. д̇ад̇ияз – д̣̇вийхийд̇и взд̣̇анаасан̃н̃аагканд̇хзхи. руубааруубаж̇ийвид̇инд̣̇риязна хи взд̣̇анаасан̃н̃аавин̃н̃аан̣агканд̇хаа жа канд̇хасан̇г̇ахзна асан̇г̇ахид̇аа. д̇зсу бана взд̣̇анаасан̃н̃аава ааяад̇анад̇хаад̇усан̇г̇ахзна сан̇г̇ахид̇аа. д̇зна вуд̇д̇ам̣ – ‘‘взд̣̇анаасан̃н̃аагканд̇хзхий’’д̇и. иминаа убааязна саб̣б̣ад̇т̇а канд̇хабхзд̣̇о взд̣̇ид̇аб̣б̣о. ид̇о баран̃хи канд̇хаанам̣ наамамад̇д̇амзва вагкаама.
181. Tatiye – dvīhīti vedanāsaññākkhandhehi. Rūpārūpajīvitindriyena hi vedanāsaññāviññāṇakkhandhā ca khandhasaṅgahena asaṅgahitā. Tesu pana vedanāsaññāva āyatanadhātusaṅgahena saṅgahitā. Tena vuttaṃ – ‘‘vedanāsaññākkhandhehī’’ti. Iminā upāyena sabbattha khandhabhedo veditabbo. Ito parañhi khandhānaṃ nāmamattameva vakkhāma.
182. жад̇уд̇т̇з – д̇ийхи канд̇хзхийд̇и ид̇т̇инд̣̇рияабурисинд̣̇риязсу взд̣̇анаасан̃н̃аасан̇каарзхи, взд̣̇анаабан̃жагз руубасан̃н̃аасан̇каарзхи; сад̣̇д̇хинд̣̇рияаад̣̇ийсу пассабарияосаанзсу руубавзд̣̇анаасан̃н̃аагканд̇хзхи. взд̣̇анааяа взд̣̇анаагканд̇хасад̣̇исова д̇ан̣хубаад̣̇аанагаммабхавзсу сан̇каарагканд̇хасад̣̇исова винижчаяо.
182. Catutthe – tīhi khandhehīti itthindriyapurisindriyesu vedanāsaññāsaṅkhārehi, vedanāpañcake rūpasaññāsaṅkhārehi; saddhindriyādīsu phassapariyosānesu rūpavedanāsaññākkhandhehi. Vedanāya vedanākkhandhasadisova taṇhupādānakammabhavesu saṅkhārakkhandhasadisova vinicchayo.
183. бан̃жамз – ж̇аад̇иж̇араамаран̣зсу ж̇ийвид̇инд̣̇рияасад̣̇исова. жхаанзна бана ниб̣б̣аанам̣ сукумаруубам̣ сан̃н̃аа жа канд̇хасан̇г̇ахзна асан̇г̇ахид̇аа худ̇ваа ааяад̇анад̇хаад̇усан̇г̇ахзна сан̇г̇ахид̇аа. д̇асмаа д̇ам̣ санд̇хааяа руубагканд̇хасан̃н̃аагканд̇хаанам̣ васзна д̣̇вз канд̇хаа взд̣̇ид̇аб̣б̣аа.
183. Pañcame – jātijarāmaraṇesu jīvitindriyasadisova. Jhānena pana nibbānaṃ sukhumarūpaṃ saññā ca khandhasaṅgahena asaṅgahitā hutvā āyatanadhātusaṅgahena saṅgahitā. Tasmā taṃ sandhāya rūpakkhandhasaññākkhandhānaṃ vasena dve khandhā veditabbā.
184. чадтз – согаад̣̇ид̇д̇аяз взд̣̇анааяа сад̣̇исо. убааяаасаад̣̇ийсу сан̇каарасад̣̇исо. буна взд̣̇анааяа взд̣̇анаагканд̇хасад̣̇исо, сан̃н̃ааяа сан̃н̃аагканд̇хасад̣̇исо, жзд̇анаад̣̇ийсу сан̇каарагканд̇хасад̣̇исо винижчаяо. иминаа убааязна сад̇д̇амабан̃хаад̣̇ийсуби сан̇г̇ахаасан̇г̇ахо взд̣̇ид̇аб̣б̣од̇и.
184. Chaṭṭhe – sokādittaye vedanāya sadiso. Upāyāsādīsu saṅkhārasadiso. Puna vedanāya vedanākkhandhasadiso, saññāya saññākkhandhasadiso, cetanādīsu saṅkhārakkhandhasadiso vinicchayo. Iminā upāyena sattamapañhādīsupi saṅgahāsaṅgaho veditabboti.
асан̇г̇ахид̇знасан̇г̇ахид̇абад̣̇аван̣н̣анаа.
Asaṅgahitenasaṅgahitapadavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 3. асан̇г̇ахид̇знасан̇г̇ахид̇абад̣̇анид̣̇д̣̇зсо • 3. Asaṅgahitenasaṅgahitapadaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 3. д̇ад̇ияанаяо асан̇г̇ахид̇знасан̇г̇ахид̇абад̣̇аван̣н̣анаа • 3. Tatiyanayo asaṅgahitenasaṅgahitapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 3. д̇ад̇ияанаяо асан̇г̇ахид̇знасан̇г̇ахид̇абад̣̇аван̣н̣анаа • 3. Tatiyanayo asaṅgahitenasaṅgahitapadavaṇṇanā
