| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
3. д̇ад̇ияанаяо асан̇г̇ахид̇знасан̇г̇ахид̇абад̣̇аван̣н̣анаа
3. Tatiyanayo asaṅgahitenasaṅgahitapadavaṇṇanā
179. асан̇г̇ахид̇знасан̇г̇ахид̇абад̣̇анид̣̇д̣̇зсз руубагканд̇хзна канд̇хасан̇г̇ахзна асан̇г̇ахид̇зсу взд̣̇анаад̣̇ийнам̣ д̇ин̣н̣ам̣ канд̇хаанам̣ ниб̣б̣аанасса жа сукумаруубзна саха ааяад̇анад̇хаад̇усабхааг̇ад̇д̇з сад̇иби на сукумаруубамзва руубагканд̇ход̇и руубагканд̇хзна ааяад̇анад̇хаад̇усабхааг̇ад̇д̇ам̣ над̇т̇и, д̇асмаа на д̇зна д̇аани ааяад̇анад̇хаад̇усан̇г̇ахзхи сан̇г̇ахид̇аани. на гзвалам̣ сан̇г̇ахид̇аанзва, асан̇г̇ахид̇ааниби д̇зна д̇аани д̇зхи сан̇г̇ахзхи на хонд̇зва д̇ад̣̇згад̣̇зсзна сукумаруубзна ааяад̇анад̇хаад̇усабхааг̇ад̇д̇аа, сан̇г̇ахид̇аабхааво зва бана ид̇хаад̇хиббзд̇о, вин̃н̃аан̣агканд̇хажагкааяад̇анаад̣̇ийхи бана асан̇г̇ахид̇аа на д̇з д̇зхи гат̇ан̃жи саммиссаад̇и саб̣б̣ат̇аа д̇з д̇зхи на сан̇г̇ахид̇аа. д̣̇угкасажжаад̣̇ийхи жа бан̃жагканд̇хасамуд̣̇ааяабхууд̇зхи канд̇хасан̇г̇ахзна асан̇г̇ахид̇ам̣ ниб̣б̣аанам̣ руубагканд̇хзна вияа ааяад̇анад̇хаад̇усан̇г̇ахзхи сан̇г̇ахид̇ам̣ д̇зхи на ход̇и, д̇асмаа сан̇г̇аахагад̇д̇аабхаавад̇о зва зваруубаанам̣ асан̇г̇аахагабхаавзна аг̇г̇ахан̣ам̣ взд̣̇ид̇аб̣б̣ам̣, саниб̣б̣аанабан̃жагканд̇хасамуд̣̇ааяабхууд̇аанам̣ бана аб̣яаагад̇ад̇хаммаад̣̇ийнам̣ асан̇г̇аахагад̇д̇аабхаавад̇ова. на хи д̇ам̣ ган̃жи ад̇т̇и, яасса д̇з канд̇хасан̇г̇ахзна асан̇г̇аахагаа сияум̣, на жа ад̇д̇ано згад̣̇зсо ад̇д̇згад̣̇зсасабхааг̇о жа ад̇д̇анаа асан̇г̇ахид̇о ход̇ийд̇и ад̇д̇анаа асан̇г̇ахид̇асан̇г̇аахагад̇д̇аа бана взд̣̇анаагканд̇хаад̣̇ийнам̣ г̇ахан̣ам̣ гад̇анд̇и.
179. Asaṅgahitenasaṅgahitapadaniddese rūpakkhandhena khandhasaṅgahena asaṅgahitesu vedanādīnaṃ tiṇṇaṃ khandhānaṃ nibbānassa ca sukhumarūpena saha āyatanadhātusabhāgatte satipi na sukhumarūpameva rūpakkhandhoti rūpakkhandhena āyatanadhātusabhāgattaṃ natthi, tasmā na tena tāni āyatanadhātusaṅgahehi saṅgahitāni. Na kevalaṃ saṅgahitāneva, asaṅgahitānipi tena tāni tehi saṅgahehi na honteva tadekadesena sukhumarūpena āyatanadhātusabhāgattā, saṅgahitābhāvo eva pana idhādhippeto, viññāṇakkhandhacakkhāyatanādīhi pana asaṅgahitā na te tehi kathañci sammissāti sabbathā te tehi na saṅgahitā. Dukkhasaccādīhi ca pañcakkhandhasamudāyabhūtehi khandhasaṅgahena asaṅgahitaṃ nibbānaṃ rūpakkhandhena viya āyatanadhātusaṅgahehi saṅgahitaṃ tehi na hoti, tasmā saṅgāhakattābhāvato eva evarūpānaṃ asaṅgāhakabhāvena aggahaṇaṃ veditabbaṃ, sanibbānapañcakkhandhasamudāyabhūtānaṃ pana abyākatadhammādīnaṃ asaṅgāhakattābhāvatova. Na hi taṃ kañci atthi, yassa te khandhasaṅgahena asaṅgāhakā siyuṃ, na ca attano ekadeso attekadesasabhāgo ca attanā asaṅgahito hotīti attanā asaṅgahitasaṅgāhakattā pana vedanākkhandhādīnaṃ gahaṇaṃ katanti.
яам̣ бана адтагат̇ааяам̣ вуд̇д̇ам̣ ‘‘яз д̇хаммааяад̇анзна сан̇г̇ахид̇аа’’д̇и, д̇ам̣ на саггаа вад̇д̇ум̣. д̇хаммааяад̇анзна хи на гожи д̇хаммо гзнажи сан̇г̇ахзна сан̇г̇ахид̇о ад̇т̇и висабхааг̇агканд̇ханиб̣б̣аанасамуд̣̇ааяад̇д̇аа , канд̇хасан̇г̇ахзна саяамзва ад̇д̇ано сан̇г̇аахагам̣ на ход̇ийд̇и ааяад̇анад̇хаад̇усан̇г̇ахзхи жа сан̇г̇аахагад̇д̇аабхаавад̇од̇и д̣̇ассид̇ояам̣ наяод̇и зд̇асса д̇хаммааяад̇анаг̇ан̣анзна г̇ан̣ид̇аад̇и ад̇т̇о. яаани…бз… г̇ахид̇аанийд̇и зд̇зна вин̃н̃аан̣асаммиссам̣ д̇хаммааяад̇анзгад̣̇зсам̣ д̣̇ийбзнд̇аани ид̣̇д̇хибаад̣̇аад̣̇ибад̣̇аани, ол̣ааригаруубасаммиссам̣ д̣̇ийбзнд̇аани руубагканд̇хаад̣̇ибад̣̇аани, саб̣б̣зна саб̣б̣ам̣ д̇хаммааяад̇анам̣ ад̣̇ийбзнд̇аани вин̃н̃аан̣агканд̇хажагкааяад̇анаад̣̇ибад̣̇аани, сагалад̇хаммааяад̇анад̣̇ийбагаани д̇хаммааяад̇анаад̣̇ибад̣̇аани жа важ̇ж̇зд̇ваа д̇хаммааяад̇анзгад̣̇зсам̣ ан̃н̃ааяад̇анзна асаммиссам̣ д̣̇ийбзнд̇аани г̇ахид̇аанийд̇и д̣̇ассзд̇и.
Yaṃ pana aṭṭhakathāyaṃ vuttaṃ ‘‘ye dhammāyatanena saṅgahitā’’ti, taṃ na sakkā vattuṃ. Dhammāyatanena hi na koci dhammo kenaci saṅgahena saṅgahito atthi visabhāgakkhandhanibbānasamudāyattā , khandhasaṅgahena sayameva attano saṅgāhakaṃ na hotīti āyatanadhātusaṅgahehi ca saṅgāhakattābhāvatoti dassitoyaṃ nayoti etassa dhammāyatanagaṇanena gaṇitāti attho. Yāni…pe… gahitānīti etena viññāṇasammissaṃ dhammāyatanekadesaṃ dīpentāni iddhipādādipadāni, oḷārikarūpasammissaṃ dīpentāni rūpakkhandhādipadāni, sabbena sabbaṃ dhammāyatanaṃ adīpentāni viññāṇakkhandhacakkhāyatanādipadāni, sakaladhammāyatanadīpakāni dhammāyatanādipadāni ca vajjetvā dhammāyatanekadesaṃ aññāyatanena asammissaṃ dīpentāni gahitānīti dasseti.
д̇ад̇ияанаяаасан̇г̇ахид̇знасан̇г̇ахид̇абад̣̇аван̣н̣анаа нидтид̇аа.
Tatiyanayaasaṅgahitenasaṅgahitapadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 3. асан̇г̇ахид̇знасан̇г̇ахид̇абад̣̇анид̣̇д̣̇зсо • 3. Asaṅgahitenasaṅgahitapadaniddeso
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 3. д̇ад̇ияанаяо асан̇г̇ахид̇знасан̇г̇ахид̇абад̣̇аван̣н̣анаа • 3. Tatiyanayo asaṅgahitenasaṅgahitapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 3. д̇ад̇ияанаяо асан̇г̇ахид̇знасан̇г̇ахид̇абад̣̇аван̣н̣анаа • 3. Tatiyanayo asaṅgahitenasaṅgahitapadavaṇṇanā
