| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
3. д̇ад̇ияаниб̣б̣аанабадисам̣яуд̇д̇асуд̇д̇аван̣н̣анаа
3. Tatiyanibbānapaṭisaṃyuttasuttavaṇṇanā
73. д̇ад̇ияз ат̇а ко бхаг̇аваа зд̇амад̇т̇ам̣ вид̣̇ид̇ваад̇и д̇ад̣̇аа гира бхаг̇авад̇аа анзгабарияааязна сам̣саарасса аад̣̇ийнавам̣ багаасзд̇ваа санд̣̇ассанаад̣̇ивасзна ниб̣б̣аанабадисам̣яуд̇д̇ааяа д̇хаммад̣̇зсанааяа гад̇ааяа д̇зсам̣ бхигкуунам̣ зд̇ад̣̇ахоси – ‘‘аяам̣ сам̣сааро бхаг̇авад̇аа авиж̇ж̇аад̣̇ийхи гааран̣зхи сахзд̇уго багаасид̇о, ниб̣б̣аанасса бана д̇ад̣̇убасамасса на гин̃жи гааран̣ам̣ вуд̇д̇ам̣, д̇аяид̣̇ам̣ ахзд̇угам̣, гат̇ам̣ сажжигадтабарамад̇т̇зна убалаб̣бхад̇ий’’д̇и. ат̇а бхаг̇аваа д̇зсам̣ бхигкуунам̣ зд̇ам̣ яат̇аавуд̇д̇ам̣ баривид̇аггасан̇каад̇ам̣ ад̇т̇ам̣ вид̣̇ид̇ваа. имам̣ уд̣̇аананд̇и д̇зсам̣ бхигкуунам̣ вимад̇ивид̇хаманад̇т̇ан̃жзва ид̇ха саман̣аб̣раахман̣аанам̣ ‘‘ниб̣б̣аанам̣ ниб̣б̣аананд̇и ваажаавад̇т̇умад̇д̇амзва, над̇т̇и хи барамад̇т̇ад̇о ниб̣б̣аанам̣ наама анубалаб̣бхамаанасабхаавад̇д̇аа’’д̇и логааяад̇игаад̣̇аяо вияа виббадибаннаанам̣ б̣ахид̣̇д̇хаа жа бут̇уд̣̇идтиг̇ад̇игаанам̣ мижчааваад̣̇абхан̃ж̇анад̇т̇ан̃жа имам̣ амад̇амахааниб̣б̣аанасса барамад̇т̇ад̇о ад̇т̇ибхаавад̣̇ийбанам̣ уд̣̇аанам̣ уд̣̇аанзси.
73. Tatiye atha kho bhagavā etamatthaṃ viditvāti tadā kira bhagavatā anekapariyāyena saṃsārassa ādīnavaṃ pakāsetvā sandassanādivasena nibbānapaṭisaṃyuttāya dhammadesanāya katāya tesaṃ bhikkhūnaṃ etadahosi – ‘‘ayaṃ saṃsāro bhagavatā avijjādīhi kāraṇehi sahetuko pakāsito, nibbānassa pana tadupasamassa na kiñci kāraṇaṃ vuttaṃ, tayidaṃ ahetukaṃ, kathaṃ saccikaṭṭhaparamatthena upalabbhatī’’ti. Atha bhagavā tesaṃ bhikkhūnaṃ etaṃ yathāvuttaṃ parivitakkasaṅkhātaṃ atthaṃ viditvā. Imaṃ udānanti tesaṃ bhikkhūnaṃ vimatividhamanatthañceva idha samaṇabrāhmaṇānaṃ ‘‘nibbānaṃ nibbānanti vācāvatthumattameva, natthi hi paramatthato nibbānaṃ nāma anupalabbhamānasabhāvattā’’ti lokāyatikādayo viya vippaṭipannānaṃ bahiddhā ca puthudiṭṭhigatikānaṃ micchāvādabhañjanatthañca imaṃ amatamahānibbānassa paramatthato atthibhāvadīpanaṃ udānaṃ udānesi.
д̇ад̇т̇а аж̇аад̇ам̣ абхууд̇ам̣ агад̇ам̣ асан̇кад̇анд̇и саб̣б̣ааниби бад̣̇аани ан̃н̃аман̃н̃авзважанаани. ат̇а ваа взд̣̇анаад̣̇аяо вияа хзд̇убажжаяасамавааяасан̇каад̇ааяа гааран̣асаамаг̇г̇ияаа на ж̇аад̇ам̣ на ниб̣б̣ад̇д̇анд̇и аж̇аад̇ам̣, гааран̣зна винаа, саяамзва ваа на бхууд̇ам̣ на баад̇убхууд̇ам̣ на уббаннанд̇и абхууд̇ам̣, звам̣ аж̇аад̇ад̇д̇аа абхууд̇ад̇д̇аа жа язна гзнажи гааран̣зна на гад̇анд̇и агад̇ам̣, ж̇аад̇абхууд̇агад̇асабхааво жа наамаруубаанам̣ сан̇кад̇ад̇хаммаанам̣ ход̇и, на асан̇кад̇асабхаавасса ниб̣б̣аанассаад̇и д̣̇ассанад̇т̇ам̣ асан̇кад̇анд̇и вуд̇д̇ам̣. бадиломад̇о ваа самзжжа самбхууяа бажжаязхи гад̇анд̇и сан̇кад̇ам̣, д̇ат̇аа на сан̇кад̇ам̣ сан̇кад̇алагкан̣арахид̇анд̇и асан̇кад̇анд̇и. звам̣ анзгзхи гааран̣зхи ниб̣б̣ад̇д̇ид̇абхаавз бадисид̣̇д̇хз ‘‘сияаа ну ко згзнзва гааран̣зна гад̇а’’нд̇и аасан̇гааяа ‘‘на язна гзнажи гад̇а’’нд̇и д̣̇ассанад̇т̇ам̣ ‘‘агад̇а’’нд̇и вуд̇д̇ам̣. звам̣ абажжаяамби самаанам̣ ‘‘саяамзва ну ко ид̣̇ам̣ бхууд̇ам̣ баад̇убхууд̇а’’нд̇и аасан̇гааяа д̇аннивад̇д̇анад̇т̇ам̣ ‘‘абхууд̇а’’нд̇и вуд̇д̇ам̣. ‘‘аяан̃жзд̇асса асан̇кад̇аагад̇аабхууд̇абхааво саб̣б̣зна саб̣б̣ам̣ аж̇аад̇ид̇хаммад̇д̇аа’’д̇и д̣̇ассзд̇ум̣ ‘‘аж̇аад̇а’’нд̇и вуд̇д̇ам̣. звамзд̇зсам̣ жад̇уннамби бад̣̇аанам̣ саад̇т̇агабхаавам̣ вид̣̇ид̇ваа ‘‘д̇аяид̣̇ам̣ ниб̣б̣аанам̣ ад̇т̇и, бхигкавз’’д̇и барамад̇т̇ад̇о ниб̣б̣аанасса ад̇т̇ибхааво багаасид̇од̇и взд̣̇ид̇аб̣б̣о. зд̇т̇а уд̣̇аанзнд̇зна бхаг̇авад̇аа, ‘‘бхигкавз’’д̇и аалабанз гааран̣ам̣ хздтаа вуд̇д̇анаязнзва взд̣̇ид̇аб̣б̣ам̣.
Tattha ajātaṃ abhūtaṃ akataṃ asaṅkhatanti sabbānipi padāni aññamaññavevacanāni. Atha vā vedanādayo viya hetupaccayasamavāyasaṅkhātāya kāraṇasāmaggiyā na jātaṃ na nibbattanti ajātaṃ, kāraṇena vinā, sayameva vā na bhūtaṃ na pātubhūtaṃ na uppannanti abhūtaṃ, evaṃ ajātattā abhūtattā ca yena kenaci kāraṇena na katanti akataṃ, jātabhūtakatasabhāvo ca nāmarūpānaṃ saṅkhatadhammānaṃ hoti, na asaṅkhatasabhāvassa nibbānassāti dassanatthaṃ asaṅkhatanti vuttaṃ. Paṭilomato vā samecca sambhūya paccayehi katanti saṅkhataṃ, tathā na saṅkhataṃ saṅkhatalakkhaṇarahitanti asaṅkhatanti. Evaṃ anekehi kāraṇehi nibbattitabhāve paṭisiddhe ‘‘siyā nu kho ekeneva kāraṇena kata’’nti āsaṅkāya ‘‘na yena kenaci kata’’nti dassanatthaṃ ‘‘akata’’nti vuttaṃ. Evaṃ apaccayampi samānaṃ ‘‘sayameva nu kho idaṃ bhūtaṃ pātubhūta’’nti āsaṅkāya tannivattanatthaṃ ‘‘abhūta’’nti vuttaṃ. ‘‘Ayañcetassa asaṅkhatākatābhūtabhāvo sabbena sabbaṃ ajātidhammattā’’ti dassetuṃ ‘‘ajāta’’nti vuttaṃ. Evametesaṃ catunnampi padānaṃ sātthakabhāvaṃ viditvā ‘‘tayidaṃ nibbānaṃ atthi, bhikkhave’’ti paramatthato nibbānassa atthibhāvo pakāsitoti veditabbo. Ettha udānentena bhagavatā, ‘‘bhikkhave’’ti ālapane kāraṇaṃ heṭṭhā vuttanayeneva veditabbaṃ.
ид̇и сад̇т̇аа ‘‘ад̇т̇и, бхигкавз, аж̇аад̇ам̣ абхууд̇ам̣ агад̇ам̣ асан̇кад̇а’’нд̇и вад̇ваа д̇ад̇т̇а хзд̇ум̣ д̣̇ассзнд̇о ‘‘но жзд̇ам̣, бхигкавз’’д̇иаад̣̇имааха. д̇ассааяам̣ сан̇кзбад̇т̇о – бхигкавз, яад̣̇и аж̇аад̇аад̣̇исабхааваа асан̇кад̇аа д̇хаад̇у на абхависса на сияаа, ид̇ха логз ж̇аад̇аад̣̇исабхаавасса руубаад̣̇игканд̇хабан̃жагасан̇каад̇асса сан̇кад̇асса ниссаран̣ам̣ анавасзсавуубасамо на бан̃н̃ааязяяа на убалаб̣бхзяяа на самбхавзяяа. ниб̣б̣аанан̃хи аарамман̣ам̣ гад̇ваа бавад̇д̇амаанаа саммаад̣̇идтиаад̣̇аяо арияамаг̇г̇ад̇хаммаа анавасзсагилзсз самужчинд̣̇анд̇и. д̇знзд̇т̇а саб̣б̣ассаби ваддад̣̇угкасса аббавад̇д̇и абаг̇амо ниссаран̣ам̣ бан̃н̃ааяад̇и.
Iti satthā ‘‘atthi, bhikkhave, ajātaṃ abhūtaṃ akataṃ asaṅkhata’’nti vatvā tattha hetuṃ dassento ‘‘no cetaṃ, bhikkhave’’tiādimāha. Tassāyaṃ saṅkhepattho – bhikkhave, yadi ajātādisabhāvā asaṅkhatā dhātu na abhavissa na siyā, idha loke jātādisabhāvassa rūpādikkhandhapañcakasaṅkhātassa saṅkhatassa nissaraṇaṃ anavasesavūpasamo na paññāyeyya na upalabbheyya na sambhaveyya. Nibbānañhi ārammaṇaṃ katvā pavattamānā sammādiṭṭhiādayo ariyamaggadhammā anavasesakilese samucchindanti. Tenettha sabbassapi vaṭṭadukkhassa appavatti apagamo nissaraṇaṃ paññāyati.
звам̣ б̣яад̇ирзгавасзна ниб̣б̣аанасса ад̇т̇ибхаавам̣ д̣̇ассзд̇ваа ид̣̇аани анваяавасзнаби д̇ам̣ д̣̇ассзд̇ум̣, ‘‘яасмаа жа ко’’д̇иаад̣̇и вуд̇д̇ам̣. д̇ам̣ вуд̇д̇ад̇т̇амзва. зд̇т̇а жа яасмаа ‘‘абажжаяаа д̇хаммаа, асан̇кад̇аа д̇хаммаа (д̇ха. са. д̣̇угамаад̇игаа 7, 8), ад̇т̇и, бхигкавз, д̇ад̣̇ааяад̇анам̣, яад̇т̇а нзва бат̇авий (уд̣̇аа. 71), ид̣̇амби ко таанам̣ д̣̇уд̣̇д̣̇асам̣, яад̣̇ид̣̇ам̣ саб̣б̣асан̇каарасамат̇о саб̣б̣уубад̇хибадиниссаг̇г̇о (махаава. 8; ма. ни. 1.281; 2.337), асан̇кад̇ан̃жа во, бхигкавз, д̇хаммам̣ д̣̇зсзссаами асан̇кад̇аг̇ааминин̃жа бадибад̣̇а’’нд̇иаад̣̇ийхи (сам̣. ни. 4.366-367) анзгзхи суд̇д̇абад̣̇зхи, ‘‘ад̇т̇и, бхигкавз, аж̇аад̇а’’нд̇и иминааби жа суд̇д̇зна ниб̣б̣аанад̇хаад̇уяаа барамад̇т̇ад̇о самбхаво саб̣б̣алогам̣ анугамбамаанзна саммаасамб̣уд̣̇д̇хзна д̣̇зсид̇о, д̇асмаа яад̣̇иби д̇ад̇т̇а абажжагкагаарийнамби вин̃н̃уунам̣ ган̇каа ваа вимад̇и ваа над̇т̇иязва. яз бана баранзяяаб̣уд̣̇д̇хино буг̇г̇алаа, д̇зсам̣ вимад̇ивинод̣̇анад̇т̇ам̣ аяамзд̇т̇а ад̇хиббааяанид̣̇д̇хааран̣амукзна яуд̇д̇ивижааран̣аа – яат̇аа барин̃н̃зяяад̇ааяа сауд̇д̇араанам̣ гаамаанам̣ руубаад̣̇ийнан̃жа бадибагкабхууд̇ам̣ д̇аб̣б̣ид̇хурасабхаавам̣ ниссаран̣ам̣ бан̃н̃ааяад̇и, звам̣ д̇ам̣сабхааваанам̣ саб̣б̣зсамби сан̇кад̇ад̇хаммаанам̣ бадибагкабхууд̇зна д̇аб̣б̣ид̇хурасабхаавзна ниссаран̣зна бхавид̇аб̣б̣ам̣. яан̃жзд̇ам̣ ниссаран̣ам̣, саа асан̇кад̇аа д̇хаад̇у. гин̃жа бхияяо сан̇кад̇ад̇хаммаарамман̣ам̣ вибассанаан̃аан̣ам̣ аби ануломан̃аан̣ам̣ гилзсз самужчзд̣̇авасзна баж̇ахид̇ум̣ на саггод̇и. д̇ат̇аа саммуд̇исажжаарамман̣ам̣ батамаж̇жхаанаад̣̇ийсу н̃аан̣ам̣ вигкамбханавасзнзва гилзсз баж̇ахад̇и, на самужчзд̣̇авасзна. ид̇и сан̇кад̇ад̇хаммаарамман̣асса саммуд̇исажжаарамман̣асса жа н̃аан̣асса гилзсаанам̣ самужчзд̣̇аббахаанз асамад̇т̇абхаавад̇о д̇зсам̣ самужчзд̣̇аббахаанагарасса арияамаг̇г̇ан̃аан̣асса д̇ад̣̇убхаяавибарийд̇асабхаавзна аарамман̣зна бхавид̇аб̣б̣ам̣ , саа асан̇кад̇аа д̇хаад̇у. д̇ат̇аа ‘‘ад̇т̇и, бхигкавз, аж̇аад̇ам̣ абхууд̇ам̣ агад̇ам̣ асан̇кад̇а’’нд̇и ид̣̇ам̣ ниб̣б̣аанабад̣̇асса барамад̇т̇ад̇о ад̇т̇ибхааваж̇од̇агам̣ важанам̣ авибарийд̇ад̇т̇ам̣ бхаг̇авад̇аа бхаасид̇ад̇д̇аа. яан̃хи бхаг̇авад̇аа бхаасид̇ам̣, д̇ам̣ авибарийд̇ад̇т̇ам̣ барамад̇т̇ам̣ яат̇аа д̇ам̣ ‘‘саб̣б̣з сан̇каараа анижжаа, саб̣б̣з сан̇каараа д̣̇угкаа, саб̣б̣з д̇хаммаа анад̇д̇аа’’д̇и (а. ни. 3.137; махаани. 27), д̇ат̇аа ниб̣б̣аанасад̣̇д̣̇о гад̇т̇ажи висаяз яат̇аабхууд̇абарамад̇т̇ависаяо убажаарамад̇д̇авуд̇д̇исаб̣бхаавад̇о сзяяат̇ааби сийхасад̣̇д̣̇о. ат̇а ваа ад̇т̇зва барамад̇т̇ад̇о асан̇кад̇аа д̇хаад̇у, ид̇арад̇аб̣б̣ибарийд̇авинимуд̇д̇асабхаавад̇д̇аа сзяяат̇ааби бат̇авийд̇хаад̇у взд̣̇анаад̇и. звамаад̣̇ийхи наязхи яуд̇д̇ид̇оби асан̇кад̇ааяа д̇хаад̇уяаа барамад̇т̇ад̇о ад̇т̇ибхааво взд̣̇ид̇аб̣б̣о.
Evaṃ byatirekavasena nibbānassa atthibhāvaṃ dassetvā idāni anvayavasenapi taṃ dassetuṃ, ‘‘yasmā ca kho’’tiādi vuttaṃ. Taṃ vuttatthameva. Ettha ca yasmā ‘‘apaccayā dhammā, asaṅkhatā dhammā (dha. sa. dukamātikā 7, 8), atthi, bhikkhave, tadāyatanaṃ, yattha neva pathavī (udā. 71), idampi kho ṭhānaṃ duddasaṃ, yadidaṃ sabbasaṅkhārasamatho sabbūpadhipaṭinissaggo (mahāva. 8; ma. ni. 1.281; 2.337), asaṅkhatañca vo, bhikkhave, dhammaṃ desessāmi asaṅkhatagāminiñca paṭipada’’ntiādīhi (saṃ. ni. 4.366-367) anekehi suttapadehi, ‘‘atthi, bhikkhave, ajāta’’nti imināpi ca suttena nibbānadhātuyā paramatthato sambhavo sabbalokaṃ anukampamānena sammāsambuddhena desito, tasmā yadipi tattha apaccakkhakārīnampi viññūnaṃ kaṅkhā vā vimati vā natthiyeva. Ye pana paraneyyabuddhino puggalā, tesaṃ vimativinodanatthaṃ ayamettha adhippāyaniddhāraṇamukhena yuttivicāraṇā – yathā pariññeyyatāya sauttarānaṃ kāmānaṃ rūpādīnañca paṭipakkhabhūtaṃ tabbidhurasabhāvaṃ nissaraṇaṃ paññāyati, evaṃ taṃsabhāvānaṃ sabbesampi saṅkhatadhammānaṃ paṭipakkhabhūtena tabbidhurasabhāvena nissaraṇena bhavitabbaṃ. Yañcetaṃ nissaraṇaṃ, sā asaṅkhatā dhātu. Kiñca bhiyyo saṅkhatadhammārammaṇaṃ vipassanāñāṇaṃ api anulomañāṇaṃ kilese samucchedavasena pajahituṃ na sakkoti. Tathā sammutisaccārammaṇaṃ paṭhamajjhānādīsu ñāṇaṃ vikkhambhanavaseneva kilese pajahati, na samucchedavasena. Iti saṅkhatadhammārammaṇassa sammutisaccārammaṇassa ca ñāṇassa kilesānaṃ samucchedappahāne asamatthabhāvato tesaṃ samucchedappahānakarassa ariyamaggañāṇassa tadubhayaviparītasabhāvena ārammaṇena bhavitabbaṃ , sā asaṅkhatā dhātu. Tathā ‘‘atthi, bhikkhave, ajātaṃ abhūtaṃ akataṃ asaṅkhata’’nti idaṃ nibbānapadassa paramatthato atthibhāvajotakaṃ vacanaṃ aviparītatthaṃ bhagavatā bhāsitattā. Yañhi bhagavatā bhāsitaṃ, taṃ aviparītatthaṃ paramatthaṃ yathā taṃ ‘‘sabbe saṅkhārā aniccā, sabbe saṅkhārā dukkhā, sabbe dhammā anattā’’ti (a. ni. 3.137; mahāni. 27), tathā nibbānasaddo katthaci visaye yathābhūtaparamatthavisayo upacāramattavuttisabbhāvato seyyathāpi sīhasaddo. Atha vā attheva paramatthato asaṅkhatā dhātu, itaratabbiparītavinimuttasabhāvattā seyyathāpi pathavīdhātu vedanāti. Evamādīhi nayehi yuttitopi asaṅkhatāya dhātuyā paramatthato atthibhāvo veditabbo.
д̇ад̇ияасуд̇д̇аван̣н̣анаа нидтид̇аа.
Tatiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 3. д̇ад̇ияаниб̣б̣аанабадисам̣яуд̇д̇асуд̇д̇ам̣ • 3. Tatiyanibbānapaṭisaṃyuttasuttaṃ
