| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
8. ததியஓவாத³ஸுத்தவண்ணனா
8. Tatiyaovādasuttavaṇṇanā
151. அட்ட²மே ததா² ஹி பனாதி புப்³பே³ ஸோவசஸ்ஸதாய, ஏதரஹி ச தோ³வசஸ்ஸதாய காரணபட்ட²பனே நிபாதோ. தத்ராதி தேஸு தே²ரேஸு. கோ நாமாயங் பி⁴க்கூ²தி கோ நாமோ அயங் பி⁴க்கு²? கிங் திஸ்ஸத்தே²ரோ கிங் நாக³த்தே²ரோதி? தத்ராதி தஸ்மிங் ஏவங் ஸக்காரே கயிரமானே. தத²த்தாயாதி ததா²பா⁴வாய, ஆரஞ்ஞிகாதி³பா⁴வாயாதி அத்தோ². ஸப்³ரஹ்மசாரிகாமோதி ‘‘இமே மங் பரிவாரெத்வா சரந்தூ’’தி ஏவங் காமேதி இச்ச²தி பத்தே²தீதி ஸப்³ரஹ்மசாரிகாமோ. தத²த்தாயாதி லாப⁴ஸக்காரனிப்³ப³த்தனத்தா²ய. ப்³ரஹ்மசாருபத்³த³வேனாதி யோ ஸப்³ரஹ்மசாரீனங் சதூஸு பச்சயேஸு அதி⁴மத்தச்ச²ந்த³ராகோ³ உபத்³த³வோதி வுச்சதி, தேன உபத்³து³தா. அபி⁴பத்த²னாதி அதி⁴மத்தபத்த²னா. ப்³ரஹ்மசாரிஅபி⁴பத்த²னேனாதி ப்³ரஹ்மசாரீனங் அதி⁴மத்தபத்த²னாஸங்கா²தேன சதுபச்சயபா⁴வேன. அட்ட²மங்.
151. Aṭṭhame tathā hi panāti pubbe sovacassatāya, etarahi ca dovacassatāya kāraṇapaṭṭhapane nipāto. Tatrāti tesu theresu. Ko nāmāyaṃ bhikkhūti ko nāmo ayaṃ bhikkhu? Kiṃ tissatthero kiṃ nāgattheroti? Tatrāti tasmiṃ evaṃ sakkāre kayiramāne. Tathattāyāti tathābhāvāya, āraññikādibhāvāyāti attho. Sabrahmacārikāmoti ‘‘ime maṃ parivāretvā carantū’’ti evaṃ kāmeti icchati patthetīti sabrahmacārikāmo. Tathattāyāti lābhasakkāranibbattanatthāya. Brahmacārupaddavenāti yo sabrahmacārīnaṃ catūsu paccayesu adhimattacchandarāgo upaddavoti vuccati, tena upaddutā. Abhipatthanāti adhimattapatthanā. Brahmacāriabhipatthanenāti brahmacārīnaṃ adhimattapatthanāsaṅkhātena catupaccayabhāvena. Aṭṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. ததியஓவாத³ஸுத்தங் • 8. Tatiyaovādasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. ததியஓவாத³ஸுத்தவண்ணனா • 8. Tatiyaovādasuttavaṇṇanā
