| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౮. తతియఓవాదసుత్తవణ్ణనా
8. Tatiyaovādasuttavaṇṇanā
౧౫౧. అట్ఠమే తథా హి పనాతి పుబ్బే సోవచస్సతాయ, ఏతరహి చ దోవచస్సతాయ కారణపట్ఠపనే నిపాతో. తత్రాతి తేసు థేరేసు. కో నామాయం భిక్ఖూతి కో నామో అయం భిక్ఖు? కిం తిస్సత్థేరో కిం నాగత్థేరోతి? తత్రాతి తస్మిం ఏవం సక్కారే కయిరమానే. తథత్తాయాతి తథాభావాయ, ఆరఞ్ఞికాదిభావాయాతి అత్థో. సబ్రహ్మచారికామోతి ‘‘ఇమే మం పరివారేత్వా చరన్తూ’’తి ఏవం కామేతి ఇచ్ఛతి పత్థేతీతి సబ్రహ్మచారికామో. తథత్తాయాతి లాభసక్కారనిబ్బత్తనత్థాయ. బ్రహ్మచారుపద్దవేనాతి యో సబ్రహ్మచారీనం చతూసు పచ్చయేసు అధిమత్తచ్ఛన్దరాగో ఉపద్దవోతి వుచ్చతి, తేన ఉపద్దుతా. అభిపత్థనాతి అధిమత్తపత్థనా. బ్రహ్మచారిఅభిపత్థనేనాతి బ్రహ్మచారీనం అధిమత్తపత్థనాసఙ్ఖాతేన చతుపచ్చయభావేన. అట్ఠమం.
151. Aṭṭhame tathā hi panāti pubbe sovacassatāya, etarahi ca dovacassatāya kāraṇapaṭṭhapane nipāto. Tatrāti tesu theresu. Ko nāmāyaṃ bhikkhūti ko nāmo ayaṃ bhikkhu? Kiṃ tissatthero kiṃ nāgattheroti? Tatrāti tasmiṃ evaṃ sakkāre kayiramāne. Tathattāyāti tathābhāvāya, āraññikādibhāvāyāti attho. Sabrahmacārikāmoti ‘‘ime maṃ parivāretvā carantū’’ti evaṃ kāmeti icchati patthetīti sabrahmacārikāmo. Tathattāyāti lābhasakkāranibbattanatthāya. Brahmacārupaddavenāti yo sabrahmacārīnaṃ catūsu paccayesu adhimattacchandarāgo upaddavoti vuccati, tena upaddutā. Abhipatthanāti adhimattapatthanā. Brahmacāriabhipatthanenāti brahmacārīnaṃ adhimattapatthanāsaṅkhātena catupaccayabhāvena. Aṭṭhamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౮. తతియఓవాదసుత్తం • 8. Tatiyaovādasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౮. తతియఓవాదసుత్తవణ్ణనా • 8. Tatiyaovādasuttavaṇṇanā
