| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๘. ตติยโอวาทสุตฺตวณฺณนา
8. Tatiyaovādasuttavaṇṇanā
๑๕๑. อฎฺฐเม ตถา หิ ปนาติ ปุเพฺพ โสวจสฺสตาย, เอตรหิ จ โทวจสฺสตาย การณปฎฺฐปเน นิปาโตฯ ตตฺราติ เตสุ เถเรสุฯ โก นามายํ ภิกฺขูติ โก นาโม อยํ ภิกฺขุ? กิํ ติสฺสเตฺถโร กิํ นาคเตฺถโรติ? ตตฺราติ ตสฺมิํ เอวํ สกฺกาเร กยิรมาเนฯ ตถตฺตายาติ ตถาภาวาย, อารญฺญิกาทิภาวายาติ อโตฺถฯ สพฺรหฺมจาริกาโมติ ‘‘อิเม มํ ปริวาเรตฺวา จรนฺตู’’ติ เอวํ กาเมติ อิจฺฉติ ปเตฺถตีติ สพฺรหฺมจาริกาโมฯ ตถตฺตายาติ ลาภสกฺการนิพฺพตฺตนตฺถายฯ พฺรหฺมจารุปทฺทเวนาติ โย สพฺรหฺมจารีนํ จตูสุ ปจฺจเยสุ อธิมตฺตจฺฉนฺทราโค อุปทฺทโวติ วุจฺจติ, เตน อุปทฺทุตาฯ อภิปตฺถนาติ อธิมตฺตปตฺถนาฯ พฺรหฺมจาริอภิปตฺถเนนาติ พฺรหฺมจารีนํ อธิมตฺตปตฺถนาสงฺขาเตน จตุปจฺจยภาเวนฯ อฎฺฐมํฯ
151. Aṭṭhame tathā hi panāti pubbe sovacassatāya, etarahi ca dovacassatāya kāraṇapaṭṭhapane nipāto. Tatrāti tesu theresu. Ko nāmāyaṃ bhikkhūti ko nāmo ayaṃ bhikkhu? Kiṃ tissatthero kiṃ nāgattheroti? Tatrāti tasmiṃ evaṃ sakkāre kayiramāne. Tathattāyāti tathābhāvāya, āraññikādibhāvāyāti attho. Sabrahmacārikāmoti ‘‘ime maṃ parivāretvā carantū’’ti evaṃ kāmeti icchati patthetīti sabrahmacārikāmo. Tathattāyāti lābhasakkāranibbattanatthāya. Brahmacārupaddavenāti yo sabrahmacārīnaṃ catūsu paccayesu adhimattacchandarāgo upaddavoti vuccati, tena upaddutā. Abhipatthanāti adhimattapatthanā. Brahmacāriabhipatthanenāti brahmacārīnaṃ adhimattapatthanāsaṅkhātena catupaccayabhāvena. Aṭṭhamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. ตติยโอวาทสุตฺตํ • 8. Tatiyaovādasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๘. ตติยโอวาทสุตฺตวณฺณนา • 8. Tatiyaovādasuttavaṇṇanā
