| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၈. တတိယဩဝာဒသုတ္တဝဏ္ဏနာ
8. Tatiyaovādasuttavaṇṇanā
၁၅၁. ပုဗ္ဗေတိ ပဌမဗောဓိယံ။ ဧတရဟီတိ တတော ပစ္ဆိမေ ကာလေ။ ကာရဏပဋ္ဌပနေတိ ကာရဏာရမ္ဘေ။ တေသု ဝုတ္တဂုဏယုတ္တေသု ထေရေသု။ တသ္မိန္တိ တသ္မိံ ယထာဝုတ္တဂုဏယုတ္တေ ပုဂ္ဂလေ။ ဧဝံ သက္ကာရေ ကယိရမာနေတိ ‘‘ဘဒ္ဒကော ဝတာယံ ဘိက္ခူ’’တိ အာဒရဇာတေဟိ ဘိက္ခူဟိ သက္ကာရေ ကယိရမာနေ။ ဣမေ သဗ္ရဟ္မစာရီ။ ‘‘ဧဟိ ဘိက္ခူ’’တိ တံ ဘိက္ခုံ အတ္တနော မုခာဘိမုခံ ကရောန္တာ ဝဒန္တိ။ ယဉ္ဟိ တန္တိ ဧတ္ထ တန္တိ နိပာတမတ္တံ ဥပဒ္ဒဝောတိ ဝုစ္စတိ အနတ္ထဇနနတော။ ပတ္ထယတိ ဘဇတိ ဗဇ္ဈတီတိ ပတ္ထနာ, အဘိသင္ဂောတိ အာဟ ‘‘အဘိပတ္ထနာတိ အဓိမတ္တပတ္ထနာ’’တိ။
151.Pubbeti paṭhamabodhiyaṃ. Etarahīti tato pacchime kāle. Kāraṇapaṭṭhapaneti kāraṇārambhe. Tesu vuttaguṇayuttesu theresu. Tasminti tasmiṃ yathāvuttaguṇayutte puggale. Evaṃ sakkāre kayiramāneti ‘‘bhaddako vatāyaṃ bhikkhū’’ti ādarajātehi bhikkhūhi sakkāre kayiramāne. Ime sabrahmacārī. ‘‘Ehi bhikkhū’’ti taṃ bhikkhuṃ attano mukhābhimukhaṃ karontā vadanti. Yañhi tanti ettha tanti nipātamattaṃ upaddavoti vuccati anatthajananato. Patthayati bhajati bajjhatīti patthanā, abhisaṅgoti āha ‘‘abhipatthanāti adhimattapatthanā’’ti.
တတိယဩဝာဒသုတ္တဝဏ္ဏနာ နိဋ္ဌိတာ။
Tatiyaovādasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၈. တတိယဩဝာဒသုတ္တံ • 8. Tatiyaovādasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၈. တတိယဩဝာဒသုတ္တဝဏ္ဏနာ • 8. Tatiyaovādasuttavaṇṇanā
