| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೮. ತತಿಯಓವಾದಸುತ್ತವಣ್ಣನಾ
8. Tatiyaovādasuttavaṇṇanā
೧೫೧. ಪುಬ್ಬೇತಿ ಪಠಮಬೋಧಿಯಂ। ಏತರಹೀತಿ ತತೋ ಪಚ್ಛಿಮೇ ಕಾಲೇ। ಕಾರಣಪಟ್ಠಪನೇತಿ ಕಾರಣಾರಮ್ಭೇ। ತೇಸು ವುತ್ತಗುಣಯುತ್ತೇಸು ಥೇರೇಸು। ತಸ್ಮಿನ್ತಿ ತಸ್ಮಿಂ ಯಥಾವುತ್ತಗುಣಯುತ್ತೇ ಪುಗ್ಗಲೇ। ಏವಂ ಸಕ್ಕಾರೇ ಕಯಿರಮಾನೇತಿ ‘‘ಭದ್ದಕೋ ವತಾಯಂ ಭಿಕ್ಖೂ’’ತಿ ಆದರಜಾತೇಹಿ ಭಿಕ್ಖೂಹಿ ಸಕ್ಕಾರೇ ಕಯಿರಮಾನೇ। ಇಮೇ ಸಬ್ರಹ್ಮಚಾರೀ। ‘‘ಏಹಿ ಭಿಕ್ಖೂ’’ತಿ ತಂ ಭಿಕ್ಖುಂ ಅತ್ತನೋ ಮುಖಾಭಿಮುಖಂ ಕರೋನ್ತಾ ವದನ್ತಿ। ಯಞ್ಹಿ ತನ್ತಿ ಏತ್ಥ ತನ್ತಿ ನಿಪಾತಮತ್ತಂ ಉಪದ್ದವೋತಿ ವುಚ್ಚತಿ ಅನತ್ಥಜನನತೋ। ಪತ್ಥಯತಿ ಭಜತಿ ಬಜ್ಝತೀತಿ ಪತ್ಥನಾ, ಅಭಿಸಙ್ಗೋತಿ ಆಹ ‘‘ಅಭಿಪತ್ಥನಾತಿ ಅಧಿಮತ್ತಪತ್ಥನಾ’’ತಿ।
151.Pubbeti paṭhamabodhiyaṃ. Etarahīti tato pacchime kāle. Kāraṇapaṭṭhapaneti kāraṇārambhe. Tesu vuttaguṇayuttesu theresu. Tasminti tasmiṃ yathāvuttaguṇayutte puggale. Evaṃ sakkāre kayiramāneti ‘‘bhaddako vatāyaṃ bhikkhū’’ti ādarajātehi bhikkhūhi sakkāre kayiramāne. Ime sabrahmacārī. ‘‘Ehi bhikkhū’’ti taṃ bhikkhuṃ attano mukhābhimukhaṃ karontā vadanti. Yañhi tanti ettha tanti nipātamattaṃ upaddavoti vuccati anatthajananato. Patthayati bhajati bajjhatīti patthanā, abhisaṅgoti āha ‘‘abhipatthanāti adhimattapatthanā’’ti.
ತತಿಯಓವಾದಸುತ್ತವಣ್ಣನಾ ನಿಟ್ಠಿತಾ।
Tatiyaovādasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೮. ತತಿಯಓವಾದಸುತ್ತಂ • 8. Tatiyaovādasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೮. ತತಿಯಓವಾದಸುತ್ತವಣ್ಣನಾ • 8. Tatiyaovādasuttavaṇṇanā
