| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
8. තතියඔවාදසුත්‌තවණ්‌ණනා
8. Tatiyaovādasuttavaṇṇanā
151. අට්‌ඨමෙ තථා හි පනාති පුබ්‌බෙ සොවචස්‌සතාය, එතරහි ච දොවචස්‌සතාය කාරණපට්‌ඨපනෙ නිපාතො. තත්‍රාති තෙසු ථෙරෙසු. කො නාමායං භික්‌ඛූති කො නාමො අයං භික්‌ඛු? කිං තිස්‌සත්‌ථෙරො කිං නාගත්‌ථෙරොති? තත්‍රාති තස්‌මිං එවං සක්‌කාරෙ කයිරමානෙ. තථත්‌තායාති තථාභාවාය, ආරඤ්‌ඤිකාදිභාවායාති අත්‌ථො. සබ්‍රහ්‌මචාරිකාමොති ‘‘ඉමෙ මං පරිවාරෙත්‌වා චරන්‌තූ’’ති එවං කාමෙති ඉච්‌ඡති පත්‌ථෙතීති සබ්‍රහ්‌මචාරිකාමො. තථත්‌තායාති ලාභසක්‌කාරනිබ්‌බත්‌තනත්‌ථාය. බ්‍රහ්‌මචාරුපද්‌දවෙනාති යො සබ්‍රහ්‌මචාරීනං චතූසු පච්‌චයෙසු අධිමත්‌තච්‌ඡන්‌දරාගො උපද්‌දවොති වුච්‌චති, තෙන උපද්‌දුතා. අභිපත්‌ථනාති අධිමත්‌තපත්‌ථනා. බ්‍රහ්‌මචාරිඅභිපත්‌ථනෙනාති බ්‍රහ්‌මචාරීනං අධිමත්‌තපත්‌ථනාසඞ්‌ඛාතෙන චතුපච්‌චයභාවෙන. අට්‌ඨමං.
151. Aṭṭhame tathā hi panāti pubbe sovacassatāya, etarahi ca dovacassatāya kāraṇapaṭṭhapane nipāto. Tatrāti tesu theresu. Ko nāmāyaṃ bhikkhūti ko nāmo ayaṃ bhikkhu? Kiṃ tissatthero kiṃ nāgattheroti? Tatrāti tasmiṃ evaṃ sakkāre kayiramāne. Tathattāyāti tathābhāvāya, āraññikādibhāvāyāti attho. Sabrahmacārikāmoti ‘‘ime maṃ parivāretvā carantū’’ti evaṃ kāmeti icchati patthetīti sabrahmacārikāmo. Tathattāyāti lābhasakkāranibbattanatthāya. Brahmacārupaddavenāti yo sabrahmacārīnaṃ catūsu paccayesu adhimattacchandarāgo upaddavoti vuccati, tena upaddutā. Abhipatthanāti adhimattapatthanā. Brahmacāriabhipatthanenāti brahmacārīnaṃ adhimattapatthanāsaṅkhātena catupaccayabhāvena. Aṭṭhamaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 8. තතියඔවාදසුත්‌තං • 8. Tatiyaovādasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 8. තතියඔවාදසුත්‌තවණ්‌ණනා • 8. Tatiyaovādasuttavaṇṇanā
