| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༨. ཏཏིཡཨོཝཱདསུཏྟཝཎྞནཱ
8. Tatiyaovādasuttavaṇṇanā
༡༥༡. ཨཊྛམེ ཏཐཱ ཧི པནཱཏི པུབྦེ སོཝཙསྶཏཱཡ, ཨེཏརཧི ཙ དོཝཙསྶཏཱཡ ཀཱརཎཔཊྛཔནེ ནིཔཱཏོ། ཏཏྲཱཏི ཏེསུ ཐེརེསུ། ཀོ ནཱམཱཡཾ བྷིཀྑཱུཏི ཀོ ནཱམོ ཨཡཾ བྷིཀྑུ? ཀིཾ ཏིསྶཏྠེརོ ཀིཾ ནཱགཏྠེརོཏི? ཏཏྲཱཏི ཏསྨིཾ ཨེཝཾ སཀྐཱརེ ཀཡིརམཱནེ། ཏཐཏྟཱཡཱཏི ཏཐཱབྷཱཝཱཡ, ཨཱརཉྙིཀཱདིབྷཱཝཱཡཱཏི ཨཏྠོ། སབྲཧྨཙཱརིཀཱམོཏི ‘‘ཨིམེ མཾ པརིཝཱརེཏྭཱ ཙརནྟཱུ’’ཏི ཨེཝཾ ཀཱམེཏི ཨིཙྪཏི པཏྠེཏཱིཏི སབྲཧྨཙཱརིཀཱམོ། ཏཐཏྟཱཡཱཏི ལཱབྷསཀྐཱརནིབྦཏྟནཏྠཱཡ། བྲཧྨཙཱརུཔདྡཝེནཱཏི ཡོ སབྲཧྨཙཱརཱིནཾ ཙཏཱུསུ པཙྩཡེསུ ཨདྷིམཏྟཙྪནྡརཱགོ ཨུཔདྡཝོཏི ཝུཙྩཏི, ཏེན ཨུཔདྡུཏཱ། ཨབྷིཔཏྠནཱཏི ཨདྷིམཏྟཔཏྠནཱ། བྲཧྨཙཱརིཨབྷིཔཏྠནེནཱཏི བྲཧྨཙཱརཱིནཾ ཨདྷིམཏྟཔཏྠནཱསངྑཱཏེན ཙཏུཔཙྩཡབྷཱཝེན། ཨཊྛམཾ།
151. Aṭṭhame tathā hi panāti pubbe sovacassatāya, etarahi ca dovacassatāya kāraṇapaṭṭhapane nipāto. Tatrāti tesu theresu. Ko nāmāyaṃ bhikkhūti ko nāmo ayaṃ bhikkhu? Kiṃ tissatthero kiṃ nāgattheroti? Tatrāti tasmiṃ evaṃ sakkāre kayiramāne. Tathattāyāti tathābhāvāya, āraññikādibhāvāyāti attho. Sabrahmacārikāmoti ‘‘ime maṃ parivāretvā carantū’’ti evaṃ kāmeti icchati patthetīti sabrahmacārikāmo. Tathattāyāti lābhasakkāranibbattanatthāya. Brahmacārupaddavenāti yo sabrahmacārīnaṃ catūsu paccayesu adhimattacchandarāgo upaddavoti vuccati, tena upaddutā. Abhipatthanāti adhimattapatthanā. Brahmacāriabhipatthanenāti brahmacārīnaṃ adhimattapatthanāsaṅkhātena catupaccayabhāvena. Aṭṭhamaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༨. ཏཏིཡཨོཝཱདསུཏྟཾ • 8. Tatiyaovādasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༨. ཏཏིཡཨོཝཱདསུཏྟཝཎྞནཱ • 8. Tatiyaovādasuttavaṇṇanā
