| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൮. തതിയഓവാദസുത്തവണ്ണനാ
8. Tatiyaovādasuttavaṇṇanā
൧൫൧. പുബ്ബേതി പഠമബോധിയം. ഏതരഹീതി തതോ പച്ഛിമേ കാലേ. കാരണപട്ഠപനേതി കാരണാരമ്ഭേ. തേസു വുത്തഗുണയുത്തേസു ഥേരേസു. തസ്മിന്തി തസ്മിം യഥാവുത്തഗുണയുത്തേ പുഗ്ഗലേ. ഏവം സക്കാരേ കയിരമാനേതി ‘‘ഭദ്ദകോ വതായം ഭിക്ഖൂ’’തി ആദരജാതേഹി ഭിക്ഖൂഹി സക്കാരേ കയിരമാനേ. ഇമേ സബ്രഹ്മചാരീ. ‘‘ഏഹി ഭിക്ഖൂ’’തി തം ഭിക്ഖും അത്തനോ മുഖാഭിമുഖം കരോന്താ വദന്തി. യഞ്ഹി തന്തി ഏത്ഥ തന്തി നിപാതമത്തം ഉപദ്ദവോതി വുച്ചതി അനത്ഥജനനതോ. പത്ഥയതി ഭജതി ബജ്ഝതീതി പത്ഥനാ, അഭിസങ്ഗോതി ആഹ ‘‘അഭിപത്ഥനാതി അധിമത്തപത്ഥനാ’’തി.
151.Pubbeti paṭhamabodhiyaṃ. Etarahīti tato pacchime kāle. Kāraṇapaṭṭhapaneti kāraṇārambhe. Tesu vuttaguṇayuttesu theresu. Tasminti tasmiṃ yathāvuttaguṇayutte puggale. Evaṃ sakkāre kayiramāneti ‘‘bhaddako vatāyaṃ bhikkhū’’ti ādarajātehi bhikkhūhi sakkāre kayiramāne. Ime sabrahmacārī. ‘‘Ehi bhikkhū’’ti taṃ bhikkhuṃ attano mukhābhimukhaṃ karontā vadanti. Yañhi tanti ettha tanti nipātamattaṃ upaddavoti vuccati anatthajananato. Patthayati bhajati bajjhatīti patthanā, abhisaṅgoti āha ‘‘abhipatthanāti adhimattapatthanā’’ti.
തതിയഓവാദസുത്തവണ്ണനാ നിട്ഠിതാ.
Tatiyaovādasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൮. തതിയഓവാദസുത്തം • 8. Tatiyaovādasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൮. തതിയഓവാദസുത്തവണ്ണനാ • 8. Tatiyaovādasuttavaṇṇanā
