| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
11. д̇ад̇ияабаб̣б̣ад̇асуд̇д̇ам̣
11. Tatiyapabbatasuttaṃ
84. саавад̇т̇ияам̣ вихарад̇и…бз… ‘‘сзяяат̇ааби , бхигкавз, бурисо синзрусса баб̣б̣ад̇арааж̇асса сад̇д̇а муг̇г̇амад̇д̇ияо баасаан̣асагкараа убанигкибзяяа. д̇ам̣ гим̣ ман̃н̃ат̇а, бхигкавз, гад̇амам̣ ну ко б̣ахуд̇арам̣, яаа ваа сад̇д̇а муг̇г̇амад̇д̇ияо баасаан̣асагкараа убанигкид̇д̇аа яо ваа синзру 1 баб̣б̣ад̇арааж̇аа’’д̇и?
84. Sāvatthiyaṃ viharati…pe… ‘‘seyyathāpi , bhikkhave, puriso sinerussa pabbatarājassa satta muggamattiyo pāsāṇasakkharā upanikkhipeyya. Taṃ kiṃ maññatha, bhikkhave, katamaṃ nu kho bahutaraṃ, yā vā satta muggamattiyo pāsāṇasakkharā upanikkhittā yo vā sineru 2 pabbatarājā’’ti?
‘‘зд̇ад̣̇зва, бханд̇з, б̣ахуд̇арам̣ яад̣̇ид̣̇ам̣ синзру баб̣б̣ад̇арааж̇аа; аббамад̇д̇игаа сад̇д̇а муг̇г̇амад̇д̇ияо баасаан̣асагкараа убанигкид̇д̇аа. нзва сад̇имам̣ галам̣ убзнд̇и на сахассимам̣ галам̣ убзнд̇и на сад̇асахассимам̣ галам̣ убзнд̇и синзрум̣ баб̣б̣ад̇арааж̇аанам̣ убанид̇хааяа сад̇д̇а муг̇г̇амад̇д̇ияо баасаан̣асагкараа убанигкид̇д̇аа’’д̇и. ‘‘звамзва ко, бхигкавз, арияасаавагасса д̣̇идтисамбаннасса буг̇г̇аласса ад̇хиг̇амам̣ убанид̇хааяа ан̃н̃ад̇ид̇т̇ияасаман̣аб̣раахман̣абариб̣б̣ааж̇агаанам̣ ад̇хиг̇амо нзва сад̇имам̣ галам̣ убзд̇и на сахассимам̣ галам̣ убзд̇и на сад̇асахассимам̣ галам̣ убзд̇и. звам̣ махаад̇хиг̇амо, бхигкавз, д̣̇идтисамбанно буг̇г̇ало, звам̣ махаабхин̃н̃о’’д̇и. згаад̣̇асамам̣.
‘‘Etadeva, bhante, bahutaraṃ yadidaṃ sineru pabbatarājā; appamattikā satta muggamattiyo pāsāṇasakkharā upanikkhittā. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti sineruṃ pabbatarājānaṃ upanidhāya satta muggamattiyo pāsāṇasakkharā upanikkhittā’’ti. ‘‘Evameva kho, bhikkhave, ariyasāvakassa diṭṭhisampannassa puggalassa adhigamaṃ upanidhāya aññatitthiyasamaṇabrāhmaṇaparibbājakānaṃ adhigamo neva satimaṃ kalaṃ upeti na sahassimaṃ kalaṃ upeti na satasahassimaṃ kalaṃ upeti. Evaṃ mahādhigamo, bhikkhave, diṭṭhisampanno puggalo, evaṃ mahābhiñño’’ti. Ekādasamaṃ.
абхисамаяасам̣яуд̇д̇ам̣ самад̇д̇ам̣.
Abhisamayasaṃyuttaṃ samattaṃ.
д̇ассуд̣̇д̣̇аанам̣ –
Tassuddānaṃ –
накасикаа богкаран̣ий, самбхзж̇ж̇ауд̣̇агз жа д̣̇вз;
Nakhasikhā pokkharaṇī, sambhejjaudake ca dve;
д̣̇вз бат̇авий д̣̇вз самуд̣̇д̣̇аа, д̇аяо жа баб̣б̣ад̇уубамаад̇и.
Dve pathavī dve samuddā, tayo ca pabbatūpamāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. бат̇авийсуд̇д̇аад̣̇иван̣н̣анаа • 5. Pathavīsuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. бат̇авийсуд̇д̇аад̣̇иван̣н̣анаа • 4. Pathavīsuttādivaṇṇanā
