| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༡. ཏཏིཡཔབྦཏསུཏྟཾ
11. Tatiyapabbatasuttaṃ
༨༤. སཱཝཏྠིཡཾ ཝིཧརཏི…པེ॰… ‘‘སེཡྻཐཱཔི , བྷིཀྑཝེ, པུརིསོ སིནེརུསྶ པབྦཏརཱཛསྶ སཏྟ མུགྒམཏྟིཡོ པཱསཱཎསཀྑརཱ ཨུཔནིཀྑིཔེཡྻ། ཏཾ ཀིཾ མཉྙཐ, བྷིཀྑཝེ, ཀཏམཾ ནུ ཁོ བཧུཏརཾ, ཡཱ ཝཱ སཏྟ མུགྒམཏྟིཡོ པཱསཱཎསཀྑརཱ ཨུཔནིཀྑིཏྟཱ ཡོ ཝཱ སིནེརུ 1 པབྦཏརཱཛཱ’’ཏི?
84. Sāvatthiyaṃ viharati…pe… ‘‘seyyathāpi , bhikkhave, puriso sinerussa pabbatarājassa satta muggamattiyo pāsāṇasakkharā upanikkhipeyya. Taṃ kiṃ maññatha, bhikkhave, katamaṃ nu kho bahutaraṃ, yā vā satta muggamattiyo pāsāṇasakkharā upanikkhittā yo vā sineru 2 pabbatarājā’’ti?
‘‘ཨེཏདེཝ, བྷནྟེ, བཧུཏརཾ ཡདིདཾ སིནེརུ པབྦཏརཱཛཱ; ཨཔྤམཏྟིཀཱ སཏྟ མུགྒམཏྟིཡོ པཱསཱཎསཀྑརཱ ཨུཔནིཀྑིཏྟཱ། ནེཝ སཏིམཾ ཀལཾ ཨུཔེནྟི ན སཧསྶིམཾ ཀལཾ ཨུཔེནྟི ན སཏསཧསྶིམཾ ཀལཾ ཨུཔེནྟི སིནེརུཾ པབྦཏརཱཛཱནཾ ཨུཔནིདྷཱཡ སཏྟ མུགྒམཏྟིཡོ པཱསཱཎསཀྑརཱ ཨུཔནིཀྑིཏྟཱ’’ཏི། ‘‘ཨེཝམེཝ ཁོ, བྷིཀྑཝེ, ཨརིཡསཱཝཀསྶ དིཊྛིསམྤནྣསྶ པུགྒལསྶ ཨདྷིགམཾ ཨུཔནིདྷཱཡ ཨཉྙཏིཏྠིཡསམཎབྲཱཧྨཎཔརིབྦཱཛཀཱནཾ ཨདྷིགམོ ནེཝ སཏིམཾ ཀལཾ ཨུཔེཏི ན སཧསྶིམཾ ཀལཾ ཨུཔེཏི ན སཏསཧསྶིམཾ ཀལཾ ཨུཔེཏི། ཨེཝཾ མཧཱདྷིགམོ, བྷིཀྑཝེ, དིཊྛིསམྤནྣོ པུགྒལོ, ཨེཝཾ མཧཱབྷིཉྙོ’’ཏི། ཨེཀཱདསམཾ།
‘‘Etadeva, bhante, bahutaraṃ yadidaṃ sineru pabbatarājā; appamattikā satta muggamattiyo pāsāṇasakkharā upanikkhittā. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti sineruṃ pabbatarājānaṃ upanidhāya satta muggamattiyo pāsāṇasakkharā upanikkhittā’’ti. ‘‘Evameva kho, bhikkhave, ariyasāvakassa diṭṭhisampannassa puggalassa adhigamaṃ upanidhāya aññatitthiyasamaṇabrāhmaṇaparibbājakānaṃ adhigamo neva satimaṃ kalaṃ upeti na sahassimaṃ kalaṃ upeti na satasahassimaṃ kalaṃ upeti. Evaṃ mahādhigamo, bhikkhave, diṭṭhisampanno puggalo, evaṃ mahābhiñño’’ti. Ekādasamaṃ.
ཨབྷིསམཡསཾཡུཏྟཾ སམཏྟཾ།
Abhisamayasaṃyuttaṃ samattaṃ.
ཏསྶུདྡཱནཾ –
Tassuddānaṃ –
ནཁསིཁཱ པོཀྑརཎཱི, སམྦྷེཛྫཨུདཀེ ཙ དྭེ།
Nakhasikhā pokkharaṇī, sambhejjaudake ca dve;
དྭེ པཐཝཱི དྭེ སམུདྡཱ, ཏཡོ ཙ པབྦཏཱུཔམཱཏི༎
Dve pathavī dve samuddā, tayo ca pabbatūpamāti.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༥. པཐཝཱིསུཏྟཱདིཝཎྞནཱ • 5. Pathavīsuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤. པཐཝཱིསུཏྟཱདིཝཎྞནཱ • 4. Pathavīsuttādivaṇṇanā
