| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
3. д̇ад̇ияабаарааж̇игам̣
3. Tatiyapārājikaṃ
668. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна т̇уллананд̣̇аа бхигкуний самаг̇г̇зна сан̇гхзна угкид̇д̇ам̣ аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ анувад̇д̇ад̇и. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа бхигкуний самаг̇г̇зна сан̇гхзна угкид̇д̇ам̣ аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ анувад̇д̇иссад̇ий’’д̇и…бз… сажжам̣ гира, бхигкавз, т̇уллананд̣̇аа бхигкуний самаг̇г̇зна сан̇гхзна угкид̇д̇ам̣ аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ анувад̇д̇ад̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний самаг̇г̇зна сан̇гхзна угкид̇д̇ам̣ аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ анувад̇д̇иссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
668. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunī samaggena saṅghena ukkhittaṃ ariṭṭhaṃ bhikkhuṃ gaddhabādhipubbaṃ anuvattati. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā bhikkhunī samaggena saṅghena ukkhittaṃ ariṭṭhaṃ bhikkhuṃ gaddhabādhipubbaṃ anuvattissatī’’ti…pe… saccaṃ kira, bhikkhave, thullanandā bhikkhunī samaggena saṅghena ukkhittaṃ ariṭṭhaṃ bhikkhuṃ gaddhabādhipubbaṃ anuvattatīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī samaggena saṅghena ukkhittaṃ ariṭṭhaṃ bhikkhuṃ gaddhabādhipubbaṃ anuvattissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
669. ‘‘яаа бана бхигкуний самаг̇г̇зна сан̇гхзна угкид̇д̇ам̣ бхигкум̣ д̇хаммзна винаязна сад̇т̇усаасанзна анаад̣̇арам̣ аббадигаарам̣ агад̇асахааяам̣ д̇аманувад̇д̇зяяа, саа бхигкуний бхигкунийхи звамасса важанийяаа – ‘зсо ко, аяяз, бхигку самаг̇г̇зна сан̇гхзна угкид̇д̇о д̇хаммзна винаязна сад̇т̇усаасанзна анаад̣̇аро аббадигааро агад̇асахааяо, мааяяз, зд̇ам̣ бхигкум̣ анувад̇д̇ий’д̇и. зван̃жа саа бхигкуний бхигкунийхи вужжамаанаа д̇ат̇зва баг̇г̇ан̣хзяяа, саа бхигкуний бхигкунийхи яаавад̇ад̇ияам̣ саманубхаасид̇аб̣б̣аа д̇асса бадиниссаг̇г̇ааяа. яаавад̇ад̇ияам̣ жз саманубхаасияамаанаа д̇ам̣ бадиниссаж̇ж̇зяяа, ижжзд̇ам̣ гусалам̣. но жз бадиниссаж̇ж̇зяяа, аяамби баарааж̇игаа ход̇и асам̣ваасаа угкид̇д̇аанувад̇д̇игаа’’д̇и.
669.‘‘Yā pana bhikkhunī samaggena saṅghena ukkhittaṃ bhikkhuṃ dhammena vinayena satthusāsanena anādaraṃ appaṭikāraṃ akatasahāyaṃ tamanuvatteyya, sā bhikkhunī bhikkhunīhi evamassa vacanīyā – ‘eso kho, ayye, bhikkhu samaggena saṅghena ukkhitto dhammena vinayena satthusāsanena anādaro appaṭikāro akatasahāyo, māyye, etaṃ bhikkhuṃ anuvattī’ti. Evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṃ samanubhāsitabbā tassa paṭinissaggāya. Yāvatatiyaṃ ce samanubhāsiyamānā taṃ paṭinissajjeyya, iccetaṃ kusalaṃ. No ce paṭinissajjeyya, ayampi pārājikā hoti asaṃvāsā ukkhittānuvattikā’’ti.
670. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
670.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
самаг̇г̇о наама сан̇гхо самаанасам̣ваасаго самаанасиймааяам̣ тид̇о.
Samaggo nāma saṅgho samānasaṃvāsako samānasīmāyaṃ ṭhito.
угкид̇д̇о наама аабад̇д̇ияаа ад̣̇ассанз ваа аббадигаммз ваа аббадиниссаг̇г̇з ваа 1 угкид̇д̇о.
Ukkhitto nāma āpattiyā adassane vā appaṭikamme vā appaṭinissagge vā 2 ukkhitto.
д̇хаммзна винаязнаад̇и язна д̇хаммзна язна винаязна.
Dhammena vinayenāti yena dhammena yena vinayena.
сад̇т̇усаасанзнаад̇и ж̇инасаасанзна б̣уд̣̇д̇хасаасанзна.
Satthusāsanenāti jinasāsanena buddhasāsanena.
анаад̣̇аро наама сан̇гхам̣ ваа г̇ан̣ам̣ ваа буг̇г̇алам̣ ваа гаммам̣ ваа наад̣̇ияад̇и.
Anādaro nāma saṅghaṃ vā gaṇaṃ vā puggalaṃ vā kammaṃ vā nādiyati.
аббадигааро наама угкид̇д̇о аносаарид̇о.
Appaṭikāro nāma ukkhitto anosārito.
агад̇асахааяо наама самаанасам̣ваасагаа бхигкуу вужжанд̇и сахааяаа. со д̇зхи сад̣̇д̇хим̣ над̇т̇и, д̇зна вужжад̇и агад̇асахааяод̇и.
Akatasahāyo nāma samānasaṃvāsakā bhikkhū vuccanti sahāyā. So tehi saddhiṃ natthi, tena vuccati akatasahāyoti.
д̇аманувад̇д̇зяяаад̇и яам̣д̣̇идтиго со ход̇и яам̣канд̇иго яам̣ружиго, сааби д̇ам̣д̣̇идтигаа ход̇и д̇ам̣канд̇игаа д̇ам̣ружигаа.
Tamanuvatteyyāti yaṃdiṭṭhiko so hoti yaṃkhantiko yaṃruciko, sāpi taṃdiṭṭhikā hoti taṃkhantikā taṃrucikā.
саа бхигкунийд̇и яаа саа угкид̇д̇аанувад̇д̇игаа бхигкуний.
Sā bhikkhunīti yā sā ukkhittānuvattikā bhikkhunī.
бхигкунийхийд̇и ан̃н̃аахи бхигкунийхи. яаа бассанд̇и яаа сун̣анд̇и д̇аахи вад̇д̇аб̣б̣аа – ‘‘зсо ко, аяяз, бхигку самаг̇г̇зна сан̇гхзна угкид̇д̇о д̇хаммзна винаязна сад̇т̇усаасанзна анаад̣̇аро аббадигааро агад̇асахааяо. мааяяз, зд̇ам̣ бхигкум̣ анувад̇д̇ий’’д̇и. д̣̇уд̇ияамби вад̇д̇аб̣б̣аа. д̇ад̇ияамби вад̇д̇аб̣б̣аа. сажз бадиниссаж̇ж̇ад̇и, ижжзд̇ам̣ гусалам̣; но жз бадиниссаж̇ж̇ад̇и, аабад̇д̇и д̣̇уггадасса. суд̇ваа на вад̣̇анд̇и, аабад̇д̇и д̣̇уггадасса. саа бхигкуний сан̇гхамаж̇жхамби аагад̣дхид̇ваа вад̇д̇аб̣б̣аа – ‘‘зсо ко, аяяз, бхигку самаг̇г̇зна сан̇гхзна угкид̇д̇о д̇хаммзна винаязна сад̇т̇усаасанзна анаад̣̇аро аббадигааро агад̇асахааяо. мааяяз, зд̇ам̣ бхигкум̣ анувад̇д̇ий’’д̇и. д̣̇уд̇ияамби вад̇д̇аб̣б̣аа. д̇ад̇ияамби вад̇д̇аб̣б̣аа. сажз бадиниссаж̇ж̇ад̇и, ижжзд̇ам̣ гусалам̣. но жз бадиниссаж̇ж̇ад̇и, аабад̇д̇и д̣̇уггадасса. саа бхигкуний саманубхаасид̇аб̣б̣аа. зван̃жа бана, бхигкавз, саманубхаасид̇аб̣б̣аа. б̣яад̇д̇ааяа бхигкунияаа бадиб̣алааяа сан̇гхо н̃аабзд̇аб̣б̣о –
Bhikkhunīhīti aññāhi bhikkhunīhi. Yā passanti yā suṇanti tāhi vattabbā – ‘‘eso kho, ayye, bhikkhu samaggena saṅghena ukkhitto dhammena vinayena satthusāsanena anādaro appaṭikāro akatasahāyo. Māyye, etaṃ bhikkhuṃ anuvattī’’ti. Dutiyampi vattabbā. Tatiyampi vattabbā. Sace paṭinissajjati, iccetaṃ kusalaṃ; no ce paṭinissajjati, āpatti dukkaṭassa. Sutvā na vadanti, āpatti dukkaṭassa. Sā bhikkhunī saṅghamajjhampi ākaḍḍhitvā vattabbā – ‘‘eso kho, ayye, bhikkhu samaggena saṅghena ukkhitto dhammena vinayena satthusāsanena anādaro appaṭikāro akatasahāyo. Māyye, etaṃ bhikkhuṃ anuvattī’’ti. Dutiyampi vattabbā. Tatiyampi vattabbā. Sace paṭinissajjati, iccetaṃ kusalaṃ. No ce paṭinissajjati, āpatti dukkaṭassa. Sā bhikkhunī samanubhāsitabbā. Evañca pana, bhikkhave, samanubhāsitabbā. Byattāya bhikkhuniyā paṭibalāya saṅgho ñāpetabbo –
671. ‘‘сун̣аад̇у мз, аяяз, сан̇гхо. аяам̣ ид̇т̇аннаамаа бхигкуний самаг̇г̇зна сан̇гхзна угкид̇д̇ам̣ бхигкум̣ д̇хаммзна винаязна сад̇т̇усаасанзна анаад̣̇арам̣ аббадигаарам̣ агад̇асахааяам̣ д̇аманувад̇д̇ад̇и, саа д̇ам̣ вад̇т̇ум̣ на бадиниссаж̇ж̇ад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ бхигкуним̣ саманубхаасзяяа д̇асса вад̇т̇усса бадиниссаг̇г̇ааяа. зсаа н̃ад̇д̇и.
671. ‘‘Suṇātu me, ayye, saṅgho. Ayaṃ itthannāmā bhikkhunī samaggena saṅghena ukkhittaṃ bhikkhuṃ dhammena vinayena satthusāsanena anādaraṃ appaṭikāraṃ akatasahāyaṃ tamanuvattati, sā taṃ vatthuṃ na paṭinissajjati. Yadi saṅghassa pattakallaṃ, saṅgho itthannāmaṃ bhikkhuniṃ samanubhāseyya tassa vatthussa paṭinissaggāya. Esā ñatti.
‘‘сун̣аад̇у мз, аяяз, сан̇гхо. аяам̣ ид̇т̇аннаамаа бхигкуний самаг̇г̇зна сан̇гхзна угкид̇д̇ам̣ бхигкум̣ д̇хаммзна винаязна сад̇т̇усаасанзна анаад̣̇арам̣ аббадигаарам̣ агад̇асахааяам̣ д̇аманувад̇д̇ад̇и. саа д̇ам̣ вад̇т̇ум̣ на бадиниссаж̇ж̇ад̇и. сан̇гхо ид̇т̇аннаамам̣ бхигкуним̣ саманубхаасад̇и д̇асса вад̇т̇усса бадиниссаг̇г̇ааяа. яассаа аяяааяа камад̇и ид̇т̇аннаамааяа бхигкунияаа саманубхаасанаа д̇асса вад̇т̇усса бадиниссаг̇г̇ааяа, саа д̇ун̣хасса; яассаа нагкамад̇и, саа бхаасзяяа.
‘‘Suṇātu me, ayye, saṅgho. Ayaṃ itthannāmā bhikkhunī samaggena saṅghena ukkhittaṃ bhikkhuṃ dhammena vinayena satthusāsanena anādaraṃ appaṭikāraṃ akatasahāyaṃ tamanuvattati. Sā taṃ vatthuṃ na paṭinissajjati. Saṅgho itthannāmaṃ bhikkhuniṃ samanubhāsati tassa vatthussa paṭinissaggāya. Yassā ayyāya khamati itthannāmāya bhikkhuniyā samanubhāsanā tassa vatthussa paṭinissaggāya, sā tuṇhassa; yassā nakkhamati, sā bhāseyya.
‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами…бз….
‘‘Dutiyampi etamatthaṃ vadāmi…pe… tatiyampi etamatthaṃ vadāmi…pe….
‘‘саманубхадтаа сан̇гхзна ид̇т̇аннаамаа бхигкуний д̇асса вад̇т̇усса бадиниссаг̇г̇ааяа. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Samanubhaṭṭhā saṅghena itthannāmā bhikkhunī tassa vatthussa paṭinissaggāya. Khamati saṅghassa, tasmā tuṇhī, evametaṃ dhārayāmī’’ti.
н̃ад̇д̇ияаа д̣̇уггадам̣, д̣̇вийхи гаммаваажаахи т̇уллажжаяаа, гаммаваажаа барияосаанз аабад̇д̇и баарааж̇игасса.
Ñattiyā dukkaṭaṃ, dvīhi kammavācāhi thullaccayā, kammavācā pariyosāne āpatti pārājikassa.
аяамбийд̇и буримааяо убаад̣̇ааяа вужжад̇и.
Ayampīti purimāyo upādāya vuccati.
баарааж̇игаа ход̇ийд̇и сзяяат̇ааби наама бут̇усилаа д̣̇взд̇хаа бхиннаа аббадисанд̇хигаа ход̇и, звамзва бхигкуний яаавад̇ад̇ияам̣ саманубхаасанааяа на бадиниссаж̇ж̇анд̇ий ассаман̣ий ход̇и асагяад̇хийд̇аа. д̇зна вужжад̇и баарааж̇игаа ход̇ийд̇и.
Pārājikā hotīti seyyathāpi nāma puthusilā dvedhā bhinnā appaṭisandhikā hoti, evameva bhikkhunī yāvatatiyaṃ samanubhāsanāya na paṭinissajjantī assamaṇī hoti asakyadhītā. Tena vuccati pārājikā hotīti.
асам̣ваасаад̇и сам̣ваасо наама згагаммам̣ згуд̣̇д̣̇зсо самасигкад̇аа. зсо сам̣ваасо наама. со д̇ааяа сад̣̇д̇хим̣ над̇т̇и. д̇зна вужжад̇и асам̣ваасаад̇и.
Asaṃvāsāti saṃvāso nāma ekakammaṃ ekuddeso samasikkhatā. Eso saṃvāso nāma. So tāya saddhiṃ natthi. Tena vuccati asaṃvāsāti.
672. д̇хаммагаммз д̇хаммагаммасан̃н̃аа на бадиниссаж̇ж̇ад̇и, аабад̇д̇и баарааж̇игасса. д̇хаммагаммз взмад̇игаа на бадиниссаж̇ж̇ад̇и, аабад̇д̇и баарааж̇игасса. д̇хаммагаммз ад̇хаммагаммасан̃н̃аа на бадиниссаж̇ж̇ад̇и, аабад̇д̇и баарааж̇игасса.
672. Dhammakamme dhammakammasaññā na paṭinissajjati, āpatti pārājikassa. Dhammakamme vematikā na paṭinissajjati, āpatti pārājikassa. Dhammakamme adhammakammasaññā na paṭinissajjati, āpatti pārājikassa.
ад̇хаммагаммз д̇хаммагаммасан̃н̃аа, аабад̇д̇и д̣̇уггадасса. ад̇хаммагаммз взмад̇игаа, аабад̇д̇и д̣̇уггадасса. ад̇хаммагаммз ад̇хаммагаммасан̃н̃аа, аабад̇д̇и д̣̇уггадасса.
Adhammakamme dhammakammasaññā, āpatti dukkaṭassa. Adhammakamme vematikā, āpatti dukkaṭassa. Adhammakamme adhammakammasaññā, āpatti dukkaṭassa.
673. анаабад̇д̇и асаманубхаасанд̇ияаа, бадиниссаж̇ж̇анд̇ияаа, уммад̇д̇игааяа…бз… аад̣̇игаммигааяаад̇и.
673. Anāpatti asamanubhāsantiyā, paṭinissajjantiyā, ummattikāya…pe… ādikammikāyāti.
д̇ад̇ияабаарааж̇игам̣ самад̇д̇ам̣.
Tatiyapārājikaṃ samattaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 3. д̇ад̇ияабаарааж̇игасигкаабад̣̇аван̣н̣анаа • 3. Tatiyapārājikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. д̣̇уд̇ияабаарааж̇игасигкаабад̣̇аван̣н̣анаа • 2. Dutiyapārājikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. д̇ад̇ияабаарааж̇игасигкаабад̣̇аван̣н̣анаа • 3. Tatiyapārājikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. важ̇ж̇абадижчаад̣̇игасигкаабад̣̇аван̣н̣анаа • 2. Vajjapaṭicchādikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. д̇ад̇ияабаарааж̇игасигкаабад̣̇ам̣ • 3. Tatiyapārājikasikkhāpadaṃ
