Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ • Mahāvibhaṅga

੩. ਤਤਿਯਪਾਰਾਜਿਕਂ

3. Tatiyapārājikaṃ

੧੬੨. ¹ ਤੇਨ ਸਮਯੇਨ ਬੁਦ੍ਧੋ ਭਗવਾ વੇਸਾਲਿਯਂ વਿਹਰਤਿ ਮਹਾવਨੇ ਕੂਟਾਗਾਰਸਾਲਾਯਂ। ਤੇਨ ਖੋ ਪਨ ਸਮਯੇਨ ਭਗવਾ ਭਿਕ੍ਖੂਨਂ ਅਨੇਕਪਰਿਯਾਯੇਨ ਅਸੁਭਕਥਂ ਕਥੇਤਿ, ਅਸੁਭਾਯ વਣ੍ਣਂ ਭਾਸਤਿ, ਅਸੁਭਭਾવਨਾਯ વਣ੍ਣਂ ਭਾਸਤਿ, ਆਦਿਸ੍ਸ ਆਦਿਸ੍ਸ ਅਸੁਭਸਮਾਪਤ੍ਤਿਯਾ વਣ੍ਣਂ ਭਾਸਤਿ। ਅਥ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਇਚ੍ਛਾਮਹਂ, ਭਿਕ੍ਖવੇ, ਅਦ੍ਧਮਾਸਂ ਪਟਿਸਲ੍ਲੀਯਿਤੁਂ। ਨਮ੍ਹਿ ਕੇਨਚਿ ਉਪਸਙ੍ਕਮਿਤਬ੍ਬੋ, ਅਞ੍ਞਤ੍ਰ ਏਕੇਨ ਪਿਣ੍ਡਪਾਤਨੀਹਾਰਕੇਨਾ’’ਤਿ। ‘‘ਏવਂ, ਭਨ੍ਤੇ’’ਤਿ, ਖੋ ਤੇ ਭਿਕ੍ਖੂ ਭਗવਤੋ ਪਟਿਸ੍ਸੁਣਿਤ੍વਾ ਨਾਸ੍ਸੁਧ ਕੋਚਿ ਭਗવਨ੍ਤਂ ਉਪਸਙ੍ਕਮਤਿ, ਅਞ੍ਞਤ੍ਰ ਏਕੇਨ ਪਿਣ੍ਡਪਾਤਨੀਹਾਰਕੇਨ। ਭਿਕ੍ਖੂ – ‘‘ਭਗવਾ ਖੋ ਅਨੇਕਪਰਿਯਾਯੇਨ ਅਸੁਭਕਥਂ ਕਥੇਤਿ, ਅਸੁਭਾਯ વਣ੍ਣਂ ਭਾਸਤਿ, ਅਸੁਭਭਾવਨਾਯ વਣ੍ਣਂ ਭਾਸਤਿ, ਆਦਿਸ੍ਸ ਆਦਿਸ੍ਸ ਅਸੁਭਸਮਾਪਤ੍ਤਿਯਾ વਣ੍ਣਂ ਭਾਸਤੀ’’ਤਿ (ਤੇ) ² ਅਨੇਕਾਕਾਰવੋਕਾਰਂ ਅਸੁਭਭਾવਨਾਨੁਯੋਗਮਨੁਯੁਤ੍ਤਾ વਿਹਰਨ੍ਤਿ। ਤੇ ਸਕੇਨ ਕਾਯੇਨ ਅਟ੍ਟੀਯਨ੍ਤਿ ਹਰਾਯਨ੍ਤਿ ਜਿਗੁਚ੍ਛਨ੍ਤਿ। ਸੇਯ੍ਯਥਾਪਿ ਨਾਮ ਇਤ੍ਥੀ વਾ ਪੁਰਿਸੋ વਾ ਦਹਰੋ ਯੁવਾ ਮਣ੍ਡਨਕਜਾਤਿਕੋ ਸੀਸਂਨ੍ਹਾਤੋ ਅਹਿਕੁਣਪੇਨ વਾ ਕੁਕ੍ਕੁਰਕੁਣਪੇਨ વਾ ਮਨੁਸ੍ਸਕੁਣਪੇਨ વਾ ਕਣ੍ਠੇ ਆਸਤ੍ਤੇਨ ਅਟ੍ਟੀਯੇਯ੍ਯ ਹਰਾਯੇਯ੍ਯ ਜਿਗੁਚ੍ਛੇਯ੍ਯ, ਏવਮੇવ ਤੇ ਭਿਕ੍ਖੂ ਸਕੇਨ ਕਾਯੇਨ ਅਟ੍ਟੀਯਨ੍ਤਾ ਹਰਾਯਨ੍ਤਾ ਜਿਗੁਚ੍ਛਨ੍ਤਾ ਅਤ੍ਤਨਾਪਿ ਅਤ੍ਤਾਨਂ ਜੀવਿਤਾ વੋਰੋਪੇਨ੍ਤਿ, ਅਞ੍ਞਮਞ੍ਞਮ੍ਪਿ ਜੀવਿਤਾ વੋਰੋਪੇਨ੍ਤਿ, ਮਿਗਲਣ੍ਡਿਕਮ੍ਪਿ ਸਮਣਕੁਤ੍ਤਕਂ ਉਪਸਙ੍ਕਮਿਤ੍વਾ ਏવਂ વਦਨ੍ਤਿ – ‘‘ਸਾਧੁ ਨੋ, ਆવੁਸੋ, ਜੀવਿਤਾ વੋਰੋਪੇਹਿ । ਇਦਂ ਤੇ ਪਤ੍ਤਚੀવਰਂ ਭવਿਸ੍ਸਤੀ’’ਤਿ। ਅਥ ਖੋ ਮਿਗਲਣ੍ਡਿਕੋ ਸਮਣਕੁਤ੍ਤਕੋ ਪਤ੍ਤਚੀવਰੇਹਿ ਭਟੋ ਸਮ੍ਬਹੁਲੇ ਭਿਕ੍ਖੂ ਜੀવਿਤਾ વੋਰੋਪੇਤ੍વਾ ਲੋਹਿਤਕਂ ³ ਅਸਿਂ ਆਦਾਯ ਯੇਨ વਗ੍ਗਮੁਦਾ ਨਦੀ ਤੇਨੁਪਸਙ੍ਕਮਿ।

162.⁴ Tena samayena buddho bhagavā vesāliyaṃ viharati mahāvane kūṭāgārasālāyaṃ. Tena kho pana samayena bhagavā bhikkhūnaṃ anekapariyāyena asubhakathaṃ katheti, asubhāya vaṇṇaṃ bhāsati, asubhabhāvanāya vaṇṇaṃ bhāsati, ādissa ādissa asubhasamāpattiyā vaṇṇaṃ bhāsati. Atha kho bhagavā bhikkhū āmantesi – ‘‘icchāmahaṃ, bhikkhave, addhamāsaṃ paṭisallīyituṃ. Namhi kenaci upasaṅkamitabbo, aññatra ekena piṇḍapātanīhārakenā’’ti. ‘‘Evaṃ, bhante’’ti, kho te bhikkhū bhagavato paṭissuṇitvā nāssudha koci bhagavantaṃ upasaṅkamati, aññatra ekena piṇḍapātanīhārakena. Bhikkhū – ‘‘bhagavā kho anekapariyāyena asubhakathaṃ katheti, asubhāya vaṇṇaṃ bhāsati, asubhabhāvanāya vaṇṇaṃ bhāsati, ādissa ādissa asubhasamāpattiyā vaṇṇaṃ bhāsatī’’ti (te) ⁵ anekākāravokāraṃ asubhabhāvanānuyogamanuyuttā viharanti. Te sakena kāyena aṭṭīyanti harāyanti jigucchanti. Seyyathāpi nāma itthī vā puriso vā daharo yuvā maṇḍanakajātiko sīsaṃnhāto ahikuṇapena vā kukkurakuṇapena vā manussakuṇapena vā kaṇṭhe āsattena aṭṭīyeyya harāyeyya jiguccheyya, evameva te bhikkhū sakena kāyena aṭṭīyantā harāyantā jigucchantā attanāpi attānaṃ jīvitā voropenti, aññamaññampi jīvitā voropenti, migalaṇḍikampi samaṇakuttakaṃ upasaṅkamitvā evaṃ vadanti – ‘‘sādhu no, āvuso, jīvitā voropehi . Idaṃ te pattacīvaraṃ bhavissatī’’ti. Atha kho migalaṇḍiko samaṇakuttako pattacīvarehi bhaṭo sambahule bhikkhū jīvitā voropetvā lohitakaṃ ⁶ asiṃ ādāya yena vaggamudā nadī tenupasaṅkami.

੧੬੩. ਅਥ ਖੋ ਮਿਗਲਣ੍ਡਿਕਸ੍ਸ ਸਮਣਕੁਤ੍ਤਕਸ੍ਸ ਲੋਹਿਤਕਂ ਤਂ ਅਸਿਂ ਧੋવਨ੍ਤਸ੍ਸ ਅਹੁਦੇવ ਕੁਕ੍ਕੁਚ੍ਚਂ ਅਹੁ વਿਪ੍ਪਟਿਸਾਰੋ – ‘‘ਅਲਾਭਾ વਤ ਮੇ, ਨ વਤ ਮੇ ਲਾਭਾ; ਦੁਲ੍ਲਦ੍ਧਂ વਤ ਮੇ, ਨ વਤ ਮੇ ਸੁਲਦ੍ਧਂ । ਬਹੁਂ વਤ ਮਯਾ ਅਪੁਞ੍ਞਂ ਪਸੁਤਂ, ਯੋਹਂ ਭਿਕ੍ਖੂ ਸੀਲવਨ੍ਤੇ ਕਲ੍ਯਾਣਧਮ੍ਮੇ ਜੀવਿਤਾ વੋਰੋਪੇਸਿ’’ਨ੍ਤਿ। ਅਥ ਖੋ ਅਞ੍ਞਤਰਾ ਮਾਰਕਾਯਿਕਾ ਦੇવਤਾ ਅਭਿਜ੍ਜਮਾਨੇ ਉਦਕੇ ਆਗਨ੍ਤ੍વਾ ਮਿਗਲਣ੍ਡਿਕਂ ਸਮਣਕੁਤ੍ਤਕਂ ਏਤਦવੋਚ – ‘‘ਸਾਧੁ ਸਾਧੁ ਸਪ੍ਪੁਰਿਸ, ਲਾਭਾ ਤੇ ਸਪ੍ਪੁਰਿਸ, ਸੁਲਦ੍ਧਂ ਤੇ ਸਪ੍ਪੁਰਿਸ। ਬਹੁਂ ਤਯਾ ਸਪ੍ਪੁਰਿਸ ਪੁਞ੍ਞਂ ਪਸੁਤਂ, ਯਂ ਤ੍વਂ ਅਤਿਣ੍ਣੇ ਤਾਰੇਸੀ’’ਤਿ। ਅਥ ਖੋ ਮਿਗਲਣ੍ਡਿਕੋ ਸਮਣਕੁਤ੍ਤਕੋ – ‘‘ਲਾਭਾ ਕਿਰ ਮੇ, ਸੁਲਦ੍ਧਂ ਕਿਰ ਮੇ, ਬਹੁਂ ਕਿਰ ਮਯਾ ਪੁਞ੍ਞਂ ਪਸੁਤਂ, ਅਤਿਣ੍ਣੋ ਕਿਰਾਹਂ ਤਾਰੇਮੀ’’ਤਿ ਤਿਣ੍ਹਂ ਅਸਿਂ ਆਦਾਯ વਿਹਾਰੇਨ વਿਹਾਰਂ ਪਰਿવੇਣੇਨ ਪਰਿવੇਣਂ ਉਪਸਙ੍ਕਮਿਤ੍વਾ ਏવਂ વਦੇਤਿ – ‘‘ਕੋ ਅਤਿਣ੍ਣੋ, ਕਂ ਤਾਰੇਮੀ’’ਤਿ? ਤਤ੍ਥ ਯੇ ਤੇ ਭਿਕ੍ਖੂ ਅવੀਤਰਾਗਾ ਤੇਸਂ ਤਸ੍ਮਿਂ ਸਮਯੇ ਹੋਤਿਯੇવ ਭਯਂ ਹੋਤਿ ਛਮ੍ਭਿਤਤ੍ਤਂ ਹੋਤਿ ਲੋਮਹਂਸੋ। ਯੇ ਪਨ ਤੇ ਭਿਕ੍ਖੂ વੀਤਰਾਗਾ ਤੇਸਂ ਤਸ੍ਮਿਂ ਸਮਯੇ ਨ ਹੋਤਿ ਭਯਂ ਨ ਹੋਤਿ ਛਮ੍ਭਿਤਤ੍ਤਂ ਨ ਹੋਤਿ ਲੋਮਹਂਸੋ। ਅਥ ਖੋ ਮਿਗਲਣ੍ਡਿਕੋ ਸਮਣਕੁਤ੍ਤਕੋ ਏਕਮ੍ਪਿ ਭਿਕ੍ਖੁਂ ਏਕਾਹੇਨ ਜੀવਿਤਾ વੋਰੋਪੇਸਿ, ਦ੍વੇਪਿ ਭਿਕ੍ਖੂ ਏਕਾਹੇਨ ਜੀવਿਤਾ વੋਰੋਪੇਸਿ, ਤਯੋਪਿ ਭਿਕ੍ਖੂ ਏਕਾਹੇਨ ਜੀવਿਤਾ વੋਰੋਪੇਸਿ, ਚਤ੍ਤਾਰੋਪਿ ਭਿਕ੍ਖੂ ਏਕਾਹੇਨ ਜੀવਿਤਾ વੋਰੋਪੇਸਿ, ਪਞ੍ਚਪਿ ਭਿਕ੍ਖੂ ਏਕਾਹੇਨ ਜੀવਿਤਾ વੋਰੋਪੇਸਿ, ਦਸਪਿ ਭਿਕ੍ਖੂ ਏਕਾਹੇਨ ਜੀવਿਤਾ વੋਰੋਪੇਸਿ, વੀਸਮ੍ਪਿ ਭਿਕ੍ਖੂ ਏਕਾਹੇਨ ਜੀવਿਤਾ વੋਰੋਪੇਸਿ, ਤਿਂਸਮ੍ਪਿ ਭਿਕ੍ਖੂ ਏਕਾਹੇਨ ਜੀવਿਤਾ વੋਰੋਪੇਸਿ, ਚਤ੍ਤਾਲੀਸਮ੍ਪਿ ਭਿਕ੍ਖੂ ਏਕਾਹੇਨ ਜੀવਿਤਾ વੋਰੋਪੇਸਿ, ਪਞ੍ਞਾਸਮ੍ਪਿ ਭਿਕ੍ਖੂ ਏਕਾਹੇਨ ਜੀવਿਤਾ વੋਰੋਪੇਸਿ, ਸਟ੍ਠਿਮ੍ਪਿ ਭਿਕ੍ਖੂ ਏਕਾਹੇਨ ਜੀવਿਤਾ વੋਰੋਪੇਸਿ।

163. Atha kho migalaṇḍikassa samaṇakuttakassa lohitakaṃ taṃ asiṃ dhovantassa ahudeva kukkuccaṃ ahu vippaṭisāro – ‘‘alābhā vata me, na vata me lābhā; dulladdhaṃ vata me, na vata me suladdhaṃ . Bahuṃ vata mayā apuññaṃ pasutaṃ, yohaṃ bhikkhū sīlavante kalyāṇadhamme jīvitā voropesi’’nti. Atha kho aññatarā mārakāyikā devatā abhijjamāne udake āgantvā migalaṇḍikaṃ samaṇakuttakaṃ etadavoca – ‘‘sādhu sādhu sappurisa, lābhā te sappurisa, suladdhaṃ te sappurisa. Bahuṃ tayā sappurisa puññaṃ pasutaṃ, yaṃ tvaṃ atiṇṇe tāresī’’ti. Atha kho migalaṇḍiko samaṇakuttako – ‘‘lābhā kira me, suladdhaṃ kira me, bahuṃ kira mayā puññaṃ pasutaṃ, atiṇṇo kirāhaṃ tāremī’’ti tiṇhaṃ asiṃ ādāya vihārena vihāraṃ pariveṇena pariveṇaṃ upasaṅkamitvā evaṃ vadeti – ‘‘ko atiṇṇo, kaṃ tāremī’’ti? Tattha ye te bhikkhū avītarāgā tesaṃ tasmiṃ samaye hotiyeva bhayaṃ hoti chambhitattaṃ hoti lomahaṃso. Ye pana te bhikkhū vītarāgā tesaṃ tasmiṃ samaye na hoti bhayaṃ na hoti chambhitattaṃ na hoti lomahaṃso. Atha kho migalaṇḍiko samaṇakuttako ekampi bhikkhuṃ ekāhena jīvitā voropesi, dvepi bhikkhū ekāhena jīvitā voropesi, tayopi bhikkhū ekāhena jīvitā voropesi, cattāropi bhikkhū ekāhena jīvitā voropesi, pañcapi bhikkhū ekāhena jīvitā voropesi, dasapi bhikkhū ekāhena jīvitā voropesi, vīsampi bhikkhū ekāhena jīvitā voropesi, tiṃsampi bhikkhū ekāhena jīvitā voropesi, cattālīsampi bhikkhū ekāhena jīvitā voropesi, paññāsampi bhikkhū ekāhena jīvitā voropesi, saṭṭhimpi bhikkhū ekāhena jīvitā voropesi.

੧੬੪. ਅਥ ਖੋ ਭਗવਾ ਤਸ੍ਸ ਅਦ੍ਧਮਾਸਸ੍ਸ ਅਚ੍ਚਯੇਨ ਪਟਿਸਲ੍ਲਾਨਾ વੁਟ੍ਠਿਤੋ ਆਯਸ੍ਮਨ੍ਤਂ ਆਨਨ੍ਦਂ ਆਮਨ੍ਤੇਸਿ – ‘‘ਕਿਂ ਨੁ ਖੋ, ਆਨਨ੍ਦ, ਤਨੁਭੂਤੋ વਿਯ ਭਿਕ੍ਖੁਸਙ੍ਘੋ’’ਤਿ? ‘‘ਤਥਾ ਹਿ ਪਨ, ਭਨ੍ਤੇ, ਭਗવਾ ਭਿਕ੍ਖੂਨਂ ਅਨੇਕਪਰਿਯਾਯੇਨ ਅਸੁਭਕਥਂ ਕਥੇਤਿ, ਅਸੁਭਾਯ વਣ੍ਣਂ ਭਾਸਤਿ, ਅਸੁਭਭਾવਨਾਯ વਣ੍ਣਂ ਭਾਸਤਿ, ਆਦਿਸ੍ਸ ਆਦਿਸ੍ਸ ਅਸੁਭਸਮਾਪਤ੍ਤਿਯਾ વਣ੍ਣਂ ਭਾਸਤਿ। ਤੇ ਚ, ਭਨ੍ਤੇ, ਭਿਕ੍ਖੂ – ‘ਭਗવਾ ਖੋ ਅਨੇਕਪਰਿਯਾਯੇਨ ਅਸੁਭਕਥਂ ਕਥੇਤਿ, ਅਸੁਭਾਯ વਣ੍ਣਂ ਭਾਸਤਿ, ਅਸੁਭਭਾવਨਾਯ વਣ੍ਣਂ ਭਾਸਤਿ, ਆਦਿਸ੍ਸ ਆਦਿਸ੍ਸ ਅਸੁਭਸਮਾਪਤ੍ਤਿਯਾ વਣ੍ਣਂ ਭਾਸਤੀ’ਤਿ, ਤੇ ਅਨੇਕਾਕਾਰવੋਕਾਰਂ ਅਸੁਭਭਾવਨਾਨੁਯੋਗਮਨੁਯੁਤ੍ਤਾ વਿਹਰਨ੍ਤਿ। ਤੇ ਸਕੇਨ ਕਾਯੇਨ ਅਟ੍ਟੀਯਨ੍ਤਿ ਹਰਾਯਨ੍ਤਿ ਜਿਗੁਚ੍ਛਨ੍ਤਿ। ਸੇਯ੍ਯਥਾਪਿ ਨਾਮ ਇਤ੍ਥੀ વਾ ਪੁਰਿਸੋ વਾ ਦਹਰੋ ਯੁવਾ ਮਣ੍ਡਨਕਜਾਤਿਕੋ ਸੀਸਂਨ੍ਹਾਤੋ ਅਹਿਕੁਣਪੇਨ વਾ ਕੁਕ੍ਕੁਰਕੁਣਪੇਨ વਾ ਮਨੁਸ੍ਸਕੁਣਪੇਨ વਾ ਕਣ੍ਠੇ ਆਸਤ੍ਤੇਨ ਅਟ੍ਟੀਯੇਯ੍ਯ ਹਰਾਯੇਯ੍ਯ ਜਿਗੁਚ੍ਛੇਯ੍ਯ, ਏવਮੇવ ਤੇ ਭਿਕ੍ਖੂ ਸਕੇਨ ਕਾਯੇਨ ਅਟ੍ਟੀਯਨ੍ਤਾ ਹਰਾਯਨ੍ਤਾ ਜਿਗੁਚ੍ਛਨ੍ਤਾ ਅਤ੍ਤਨਾਪਿ ਅਤ੍ਤਾਨਂ ਜੀવਿਤਾ વੋਰੋਪੇਨ੍ਤਿ, ਅਞ੍ਞਮਞ੍ਞਮ੍ਪਿ ਜੀવਿਤਾ વੋਰੋਪੇਨ੍ਤਿ, ਮਿਗਲਣ੍ਡਿਕਮ੍ਪਿ ਸਮਣਕੁਤ੍ਤਕਂ ਉਪਸਙ੍ਕਮਿਤ੍વਾ ਏવਂ વਦਨ੍ਤਿ – ‘ਸਾਧੁ ਨੋ, ਆવੁਸੋ, ਜੀવਿਤਾ વੋਰੋਪੇਹਿ। ਇਦਂ ਤੇ ਪਤ੍ਤਚੀવਰਂ ਭવਿਸ੍ਸਤੀ’ਤਿ। ਅਥ ਖੋ, ਭਨ੍ਤੇ, ਮਿਗਲਣ੍ਡਿਕੋ ਸਮਣਕੁਤ੍ਤਕੋ ਪਤ੍ਤਚੀવਰੇਹਿ ਭਟੋ ਏਕਮ੍ਪਿ ਭਿਕ੍ਖੁਂ ਏਕਾਹੇਨ ਜੀવਿਤਾ વੋਰੋਪੇਸਿ…ਪੇ॰… ਸਟ੍ਠਿਮ੍ਪਿ ਭਿਕ੍ਖੂ ਏਕਾਹੇਨ ਜੀવਿਤਾ વੋਰੋਪੇਸਿ। ਸਾਧੁ, ਭਨ੍ਤੇ, ਭਗવਾ ਅਞ੍ਞਂ ਪਰਿਯਾਯਂ ਆਚਿਕ੍ਖਤੁ ਯਥਾਯਂ ਭਿਕ੍ਖੁਸਙ੍ਘੋ ਅਞ੍ਞਾਯ ਸਣ੍ਠਹੇਯ੍ਯਾ’’ਤਿ। ‘‘ਤੇਨਹਾਨਨ੍ਦ, ਯਾવਤਿਕਾ ਭਿਕ੍ਖੂ વੇਸਾਲਿਂ ਉਪਨਿਸ੍ਸਾਯ વਿਹਰਨ੍ਤਿ ਤੇ ਸਬ੍ਬੇ ਉਪਟ੍ਠਾਨਸਾਲਾਯਂ ਸਨ੍ਨਿਪਾਤੇਹੀ’’ਤਿ । ‘‘ਏવਂ, ਭਨ੍ਤੇ’’ਤਿ, ਖੋ ਆਯਸ੍ਮਾ ਆਨਨ੍ਦੋ ਭਗવਤੋ ਪਟਿਸ੍ਸੁਣਿਤ੍વਾ ਯਾવਤਿਕਾ ਭਿਕ੍ਖੂ વੇਸਾਲਿਂ ਉਪਨਿਸ੍ਸਾਯ વਿਹਰਨ੍ਤਿ ਤੇ ਸਬ੍ਬੇ ਉਪਟ੍ਠਾਨਸਾਲਾਯਂ ਸਨ੍ਨਿਪਾਤੇਤ੍વਾ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਨ੍ਤਂ ਏਤਦવੋਚ – ‘‘ਸਨ੍ਨਿਪਤਿਤੋ, ਭਨ੍ਤੇ ਭਿਕ੍ਖੁਸਙ੍ਘੋ; ਯਸ੍ਸ ਦਾਨਿ, ਭਨ੍ਤੇ, ਭਗવਾ ਕਾਲਂ ਮਞ੍ਞਤੀ’’ਤਿ।

164. Atha kho bhagavā tassa addhamāsassa accayena paṭisallānā vuṭṭhito āyasmantaṃ ānandaṃ āmantesi – ‘‘kiṃ nu kho, ānanda, tanubhūto viya bhikkhusaṅgho’’ti? ‘‘Tathā hi pana, bhante, bhagavā bhikkhūnaṃ anekapariyāyena asubhakathaṃ katheti, asubhāya vaṇṇaṃ bhāsati, asubhabhāvanāya vaṇṇaṃ bhāsati, ādissa ādissa asubhasamāpattiyā vaṇṇaṃ bhāsati. Te ca, bhante, bhikkhū – ‘bhagavā kho anekapariyāyena asubhakathaṃ katheti, asubhāya vaṇṇaṃ bhāsati, asubhabhāvanāya vaṇṇaṃ bhāsati, ādissa ādissa asubhasamāpattiyā vaṇṇaṃ bhāsatī’ti, te anekākāravokāraṃ asubhabhāvanānuyogamanuyuttā viharanti. Te sakena kāyena aṭṭīyanti harāyanti jigucchanti. Seyyathāpi nāma itthī vā puriso vā daharo yuvā maṇḍanakajātiko sīsaṃnhāto ahikuṇapena vā kukkurakuṇapena vā manussakuṇapena vā kaṇṭhe āsattena aṭṭīyeyya harāyeyya jiguccheyya, evameva te bhikkhū sakena kāyena aṭṭīyantā harāyantā jigucchantā attanāpi attānaṃ jīvitā voropenti, aññamaññampi jīvitā voropenti, migalaṇḍikampi samaṇakuttakaṃ upasaṅkamitvā evaṃ vadanti – ‘sādhu no, āvuso, jīvitā voropehi. Idaṃ te pattacīvaraṃ bhavissatī’ti. Atha kho, bhante, migalaṇḍiko samaṇakuttako pattacīvarehi bhaṭo ekampi bhikkhuṃ ekāhena jīvitā voropesi…pe… saṭṭhimpi bhikkhū ekāhena jīvitā voropesi. Sādhu, bhante, bhagavā aññaṃ pariyāyaṃ ācikkhatu yathāyaṃ bhikkhusaṅgho aññāya saṇṭhaheyyā’’ti. ‘‘Tenahānanda, yāvatikā bhikkhū vesāliṃ upanissāya viharanti te sabbe upaṭṭhānasālāyaṃ sannipātehī’’ti . ‘‘Evaṃ, bhante’’ti, kho āyasmā ānando bhagavato paṭissuṇitvā yāvatikā bhikkhū vesāliṃ upanissāya viharanti te sabbe upaṭṭhānasālāyaṃ sannipātetvā yena bhagavā tenupasaṅkami; upasaṅkamitvā bhagavantaṃ etadavoca – ‘‘sannipatito, bhante bhikkhusaṅgho; yassa dāni, bhante, bhagavā kālaṃ maññatī’’ti.

੧੬੫. ਅਥ ਖੋ ਭਗવਾ ਯੇਨ ਉਪਟ੍ਠਾਨਸਾਲਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਪਞ੍ਞਤ੍ਤੇ ਆਸਨੇ ਨਿਸੀਦਿ। ਨਿਸਜ੍ਜ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਅਯਮ੍ਪਿ ਖੋ, ਭਿਕ੍ਖવੇ, ਆਨਾਪਾਨਸ੍ਸਤਿਸਮਾਧਿ ਭਾવਿਤੋ ਬਹੁਲੀਕਤੋ ਸਨ੍ਤੋ ਚੇવ ਪਣੀਤੋ ਚ ਅਸੇਚਨਕੋ ਚ ਸੁਖੋ ਚ વਿਹਾਰੋ ਉਪ੍ਪਨ੍ਨੁਪ੍ਪਨ੍ਨੇ ਚ ਪਾਪਕੇ ਅਕੁਸਲੇ ਧਮ੍ਮੇ ਠਾਨਸੋ ਅਨ੍ਤਰਧਾਪੇਤਿ વੂਪਸਮੇਤਿ। ਸੇਯ੍ਯਥਾਪਿ, ਭਿਕ੍ਖવੇ, ਗਿਮ੍ਹਾਨਂ ਪਚ੍ਛਿਮੇ ਮਾਸੇ ਉਹਤਂ ⁷ ਰਜੋਜਲ੍ਲਂ ਤਮੇਨਂ ਮਹਾ ਅਕਾਲਮੇਘੋ ਠਾਨਸੋ ਅਨ੍ਤਰਧਾਪੇਤਿ વੂਪਸਮੇਤਿ, ਏવਮੇવ ਖੋ, ਭਿਕ੍ਖવੇ, ਆਨਾਪਾਨਸ੍ਸਤਿਸਮਾਧਿ ਭਾવਿਤੋ ਬਹੁਲੀਕਤੋ ਸਨ੍ਤੋ ਚੇવ ਪਣੀਤੋ ਚ ਅਸੇਚਨਕੋ ਚ ਸੁਖੋ ਚ વਿਹਾਰੋ ਉਪ੍ਪਨ੍ਨੁਪ੍ਪਨ੍ਨੇ ਚ ਪਾਪਕੇ ਅਕੁਸਲੇ ਧਮ੍ਮੇ ਠਾਨਸੋ ਅਨ੍ਤਰਧਾਪੇਤਿ વੂਪਸਮੇਤਿ। ਕਥਂ ਭਾવਿਤੋ ਚ, ਭਿਕ੍ਖવੇ, ਆਨਾਪਾਨਸ੍ਸਤਿਸਮਾਧਿ ਕਥਂ ਬਹੁਲੀਕਤੋ ਸਨ੍ਤੋ ਚੇવ ਪਣੀਤੋ ਚ ਅਸੇਚਨਕੋ ਚ ਸੁਖੋ ਚ વਿਹਾਰੋ ਉਪ੍ਪਨ੍ਨੁਪ੍ਪਨ੍ਨੇ ਚ ਪਾਪਕੇ ਅਕੁਸਲੇ ਧਮ੍ਮੇ ਠਾਨਸੋ ਅਨ੍ਤਰਧਾਪੇਤਿ વੂਪਸਮੇਤਿ? ਇਧ, ਭਿਕ੍ਖવੇ, ਭਿਕ੍ਖੁ ਅਰਞ੍ਞਗਤੋ વਾ ਰੁਕ੍ਖਮੂਲਗਤੋ વਾ ਸੁਞ੍ਞਾਗਾਰਗਤੋ વਾ ਨਿਸੀਦਤਿ ਪਲ੍ਲਙ੍ਕਂ ਆਭੁਜਿਤ੍વਾ ਉਜੁਂ ਕਾਯਂ ਪਣਿਧਾਯ ਪਰਿਮੁਖਂ ਸਤਿਂ ਉਪਟ੍ਠਪੇਤ੍વਾ। ਸੋ ਸਤੋવ ਅਸ੍ਸਸਤਿ ਸਤੋ ਪਸ੍ਸਸਤਿ। ਦੀਘਂ વਾ ਅਸ੍ਸਸਨ੍ਤੋ ਦੀਘਂ ਅਸ੍ਸਸਾਮੀਤਿ ਪਜਾਨਾਤਿ, ਦੀਘਂ વਾ ਪਸ੍ਸਸਨ੍ਤੋ ਦੀਘਂ ਪਸ੍ਸਸਾਮੀਤਿ ਪਜਾਨਾਤਿ। ਰਸ੍ਸਂ વਾ ਅਸ੍ਸਸਨ੍ਤੋ ਰਸ੍ਸਂ ਅਸ੍ਸਸਾਮੀਤਿ ਪਜਾਨਾਤਿ, ਰਸ੍ਸਂ વਾ ਪਸ੍ਸਸਨ੍ਤੋ ਰਸ੍ਸਂ ਪਸ੍ਸਸਾਮੀਤਿ ਪਜਾਨਾਤਿ। ਸਬ੍ਬਕਾਯਪ੍ਪਟਿਸਂવੇਦੀ ਅਸ੍ਸਸਿਸ੍ਸਾਮੀਤਿ ਸਿਕ੍ਖਤਿ। ਸਬ੍ਬਕਾਯਪ੍ਪਟਿਸਂવੇਦੀ ਪਸ੍ਸਸਿਸ੍ਸਾਮੀਤਿ ਸਿਕ੍ਖਤਿ। ਪਸ੍ਸਮ੍ਭਯਂ ਕਾਯਸਙ੍ਖਾਰਂ ਅਸ੍ਸਸਿਸ੍ਸਾਮੀਤਿ ਸਿਕ੍ਖਤਿ। ਪਸ੍ਸਮ੍ਭਯਂ ਕਾਯਸਙ੍ਖਾਰਂ ਪਸ੍ਸਸਿਸ੍ਸਾਮੀਤਿ ਸਿਕ੍ਖਤਿ। ਪੀਤਿਪ੍ਪਟਿਸਂવੇਦੀ ਅਸ੍ਸਸਿਸ੍ਸਾਮੀਤਿ ਸਿਕ੍ਖਤਿ। ਪੀਤਿਪ੍ਪਟਿਸਂવੇਦੀ ਪਸ੍ਸਸਿਸ੍ਸਾਮੀਤਿ ਸਿਕ੍ਖਤਿ। ਸੁਖਪ੍ਪਟਿਸਂવੇਦੀ ਅਸ੍ਸਸਿਸ੍ਸਾਮੀਤਿ ਸਿਕ੍ਖਤਿ। ਸੁਖਪ੍ਪਟਿਸਂવੇਦੀ ਪਸ੍ਸਸਿਸ੍ਸਾਮੀਤਿ ਸਿਕ੍ਖਤਿ। ਚਿਤ੍ਤਸਙ੍ਖਾਰਪ੍ਪਟਿਸਂવੇਦੀ ਅਸ੍ਸਸਿਸ੍ਸਾਮੀਤਿ ਸਿਕ੍ਖਤਿ। ਚਿਤ੍ਤਸਙ੍ਖਾਰਪ੍ਪਟਿਸਂવੇਦੀ ਪਸ੍ਸਸਿਸ੍ਸਾਮੀਤਿ ਸਿਕ੍ਖਤਿ। ਪਸ੍ਸਮ੍ਭਯਂ ਚਿਤ੍ਤਸਙ੍ਖਾਰਂ ਅਸ੍ਸਸਿਸ੍ਸਾਮੀਤਿ ਸਿਕ੍ਖਤਿ। ਪਸ੍ਸਮ੍ਭਯਂ ਚਿਤ੍ਤਸਙ੍ਖਾਰਂ ਪਸ੍ਸਸਿਸ੍ਸਾਮੀਤਿ ਸਿਕ੍ਖਤਿ। ਚਿਤ੍ਤਪ੍ਪਟਿਸਂવੇਦੀ ਅਸ੍ਸਸਿਸ੍ਸਾਮੀਤਿ ਸਿਕ੍ਖਤਿ। ਚਿਤ੍ਤਪ੍ਪਟਿਸਂવੇਦੀ ਪਸ੍ਸਸਿਸ੍ਸਾਮੀਤਿ ਸਿਕ੍ਖਤਿ। ਅਭਿਪ੍ਪਮੋਦਯਂ ਚਿਤ੍ਤਂ…ਪੇ॰… ਸਮਾਦਹਂ ਚਿਤ੍ਤਂ…ਪੇ॰… વਿਮੋਚਯਂ ਚਿਤ੍ਤਂ…ਪੇ॰… ਅਨਿਚ੍ਚਾਨੁਪਸ੍ਸੀ…ਪੇ॰… વਿਰਾਗਾਨੁਪਸ੍ਸੀ…ਪੇ॰… ਨਿਰੋਧਾਨੁਪਸ੍ਸੀ…ਪੇ॰… ਪਟਿਨਿਸ੍ਸਗ੍ਗਾਨੁਪਸ੍ਸੀ ਅਸ੍ਸਸਿਸ੍ਸਾਮੀਤਿ ਸਿਕ੍ਖਤਿ। ਪਟਿਨਿਸ੍ਸਗ੍ਗਾਨੁਪਸ੍ਸੀ ਪਸ੍ਸਸਿਸ੍ਸਾਮੀਤਿ ਸਿਕ੍ਖਤਿ। ਏવਂ ਭਾવਿਤੋ ਖੋ, ਭਿਕ੍ਖવੇ, ਆਨਾਪਾਨਸ੍ਸਤਿਸਮਾਧਿ ਏવਂ ਬਹੁਲੀਕਤੋ ਸਨ੍ਤੋ ਚੇવ ਪਣੀਤੋ ਚ ਅਸੇਚਨਕੋ ਚ ਸੁਖੋ ਚ વਿਹਾਰੋ ਉਪ੍ਪਨ੍ਨੁਪ੍ਪਨ੍ਨੇ ਚ ਪਾਪਕੇ ਅਕੁਸਲੇ ਧਮ੍ਮੇ ਠਾਨਸੋ ਅਨ੍ਤਰਧਾਪੇਤਿ વੂਪਸਮੇਤੀ’’ਤਿ।

165. Atha kho bhagavā yena upaṭṭhānasālā tenupasaṅkami; upasaṅkamitvā paññatte āsane nisīdi. Nisajja kho bhagavā bhikkhū āmantesi – ‘‘ayampi kho, bhikkhave, ānāpānassatisamādhi bhāvito bahulīkato santo ceva paṇīto ca asecanako ca sukho ca vihāro uppannuppanne ca pāpake akusale dhamme ṭhānaso antaradhāpeti vūpasameti. Seyyathāpi, bhikkhave, gimhānaṃ pacchime māse uhataṃ ⁸ rajojallaṃ tamenaṃ mahā akālamegho ṭhānaso antaradhāpeti vūpasameti, evameva kho, bhikkhave, ānāpānassatisamādhi bhāvito bahulīkato santo ceva paṇīto ca asecanako ca sukho ca vihāro uppannuppanne ca pāpake akusale dhamme ṭhānaso antaradhāpeti vūpasameti. Kathaṃ bhāvito ca, bhikkhave, ānāpānassatisamādhi kathaṃ bahulīkato santo ceva paṇīto ca asecanako ca sukho ca vihāro uppannuppanne ca pāpake akusale dhamme ṭhānaso antaradhāpeti vūpasameti? Idha, bhikkhave, bhikkhu araññagato vā rukkhamūlagato vā suññāgāragato vā nisīdati pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā. So satova assasati sato passasati. Dīghaṃ vā assasanto dīghaṃ assasāmīti pajānāti, dīghaṃ vā passasanto dīghaṃ passasāmīti pajānāti. Rassaṃ vā assasanto rassaṃ assasāmīti pajānāti, rassaṃ vā passasanto rassaṃ passasāmīti pajānāti. Sabbakāyappaṭisaṃvedī assasissāmīti sikkhati. Sabbakāyappaṭisaṃvedī passasissāmīti sikkhati. Passambhayaṃ kāyasaṅkhāraṃ assasissāmīti sikkhati. Passambhayaṃ kāyasaṅkhāraṃ passasissāmīti sikkhati. Pītippaṭisaṃvedī assasissāmīti sikkhati. Pītippaṭisaṃvedī passasissāmīti sikkhati. Sukhappaṭisaṃvedī assasissāmīti sikkhati. Sukhappaṭisaṃvedī passasissāmīti sikkhati. Cittasaṅkhārappaṭisaṃvedī assasissāmīti sikkhati. Cittasaṅkhārappaṭisaṃvedī passasissāmīti sikkhati. Passambhayaṃ cittasaṅkhāraṃ assasissāmīti sikkhati. Passambhayaṃ cittasaṅkhāraṃ passasissāmīti sikkhati. Cittappaṭisaṃvedī assasissāmīti sikkhati. Cittappaṭisaṃvedī passasissāmīti sikkhati. Abhippamodayaṃ cittaṃ…pe… samādahaṃ cittaṃ…pe… vimocayaṃ cittaṃ…pe… aniccānupassī…pe… virāgānupassī…pe… nirodhānupassī…pe… paṭinissaggānupassī assasissāmīti sikkhati. Paṭinissaggānupassī passasissāmīti sikkhati. Evaṃ bhāvito kho, bhikkhave, ānāpānassatisamādhi evaṃ bahulīkato santo ceva paṇīto ca asecanako ca sukho ca vihāro uppannuppanne ca pāpake akusale dhamme ṭhānaso antaradhāpeti vūpasametī’’ti.

੧੬੬. ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍વਾ ਭਿਕ੍ਖੂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ, ਭਿਕ੍ਖવੇ, ਭਿਕ੍ਖੂ ਅਤ੍ਤਨਾਪਿ ਅਤ੍ਤਾਨਂ ਜੀવਿਤਾ વੋਰੋਪੇਨ੍ਤਿ, ਅਞ੍ਞਮਞ੍ਞਮ੍ਪਿ ਜੀવਿਤਾ વੋਰੋਪੇਨ੍ਤਿ ਮਿਗਲਣ੍ਡਿਕਮ੍ਪਿ ਸਮਣਕੁਤ੍ਤਕਂ ਉਪਸਙ੍ਕਮਿਤ੍વਾ ਏવਂ વਦਨ੍ਤਿ – ‘ਸਾਧੁ ਨੋ, ਆવੁਸੋ , ਜੀવਿਤਾ વੋਰੋਪੇਹਿ, ਇਦਂ ਤੇ ਪਤ੍ਤਚੀવਰਂ ਭવਿਸ੍ਸਤੀ’’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ – ‘‘ਅਨਨੁਚ੍ਛવਿਕਂ, ਭਿਕ੍ਖવੇ, ਤੇਸਂ ਭਿਕ੍ਖੂਨਂ ਅਨਨੁਲੋਮਿਕਂ ਅਪ੍ਪਟਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ। ਕਥਞ੍ਹਿ ਨਾਮ ਤੇ, ਭਿਕ੍ਖવੇ, ਭਿਕ੍ਖੂ ਅਤ੍ਤਨਾਪਿ ਅਤ੍ਤਾਨਂ ਜੀવਿਤਾ વੋਰੋਪੇਸ੍ਸਨ੍ਤਿ, ਅਞ੍ਞਮਞ੍ਞਮ੍ਪਿ ਜੀવਿਤਾ વੋਰੋਪੇਸ੍ਸਨ੍ਤਿ, ਮਿਗਲਣ੍ਡਿਕਮ੍ਪਿ ਸਮਣਕੁਤ੍ਤਕਂ ਉਪਸਙ੍ਕਮਿਤ੍વਾ ਏવਂ વਕ੍ਖਨ੍ਤਿ – ‘ਸਾਧੁ ਨੋ, ਆવੁਸੋ, ਜੀવਿਤਾ વੋਰੋਪੇਹਿ, ਇਦਂ ਤੇ ਪਤ੍ਤਚੀવਰਂ ਭવਿਸ੍ਸਤੀ’ਤਿ। ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

166. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, bhikkhū attanāpi attānaṃ jīvitā voropenti, aññamaññampi jīvitā voropenti migalaṇḍikampi samaṇakuttakaṃ upasaṅkamitvā evaṃ vadanti – ‘sādhu no, āvuso , jīvitā voropehi, idaṃ te pattacīvaraṃ bhavissatī’’’ti? ‘‘Saccaṃ, bhagavā’’ti. Vigarahi buddho bhagavā – ‘‘ananucchavikaṃ, bhikkhave, tesaṃ bhikkhūnaṃ ananulomikaṃ appaṭirūpaṃ assāmaṇakaṃ akappiyaṃ akaraṇīyaṃ. Kathañhi nāma te, bhikkhave, bhikkhū attanāpi attānaṃ jīvitā voropessanti, aññamaññampi jīvitā voropessanti, migalaṇḍikampi samaṇakuttakaṃ upasaṅkamitvā evaṃ vakkhanti – ‘sādhu no, āvuso, jīvitā voropehi, idaṃ te pattacīvaraṃ bhavissatī’ti. Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

੧੬੭. ‘‘ਯੋ ਪਨ ਭਿਕ੍ਖੁ ਸਞ੍ਚਿਚ੍ਚ ਮਨੁਸ੍ਸવਿਗ੍ਗਹਂ ਜੀવਿਤਾ વੋਰੋਪੇਯ੍ਯ ਸਤ੍ਥਹਾਰਕਂ વਾਸ੍ਸ ਪਰਿਯੇਸੇਯ੍ਯ, ਅਯਮ੍ਪਿ ਪਾਰਾਜਿਕੋ ਹੋਤਿ ਅਸਂવਾਸੋ’’ਤਿ।

167.‘‘Yo pana bhikkhu sañcicca manussaviggahaṃ jīvitā voropeyya satthahārakaṃ vāssa pariyeseyya, ayampi pārājiko hoti asaṃvāso’’ti.

ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

੧੬੮. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਉਪਾਸਕੋ ਗਿਲਾਨੋ ਹੋਤਿ। ਤਸ੍ਸ ਪਜਾਪਤਿ ਅਭਿਰੂਪਾ ਹੋਤਿ ਦਸ੍ਸਨੀਯਾ ਪਾਸਾਦਿਕਾ। ਛਬ੍ਬਗ੍ਗਿਯਾ ਭਿਕ੍ਖੂ ਤਸ੍ਸਾ ਇਤ੍ਥਿਯਾ ਪਟਿਬਦ੍ਧਚਿਤ੍ਤਾ ਹੋਨ੍ਤਿ। ਅਥ ਖੋ ਛਬ੍ਬਗ੍ਗਿਯਾਨਂ ਭਿਕ੍ਖੂਨਂ ਏਤਦਹੋਸਿ – ‘‘ਸਚੇ ਖੋ ਸੋ, ਆવੁਸੋ , ਉਪਾਸਕੋ ਜੀવਿਸ੍ਸਤਿ ਨ ਮਯਂ ਤਂ ਇਤ੍ਥਿਂ ਲਭਿਸ੍ਸਾਮ। ਹਨ੍ਦ ਮਯਂ, ਆવੁਸੋ, ਤਸ੍ਸ ਉਪਾਸਕਸ੍ਸ ਮਰਣવਣ੍ਣਂ ਸਂવਣ੍ਣੇਮਾ’’ਤਿ। ਅਥ ਖੋ ਛਬ੍ਬਗ੍ਗਿਯਾ ਭਿਕ੍ਖੂ ਯੇਨ ਸੋ ਉਪਾਸਕੋ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍વਾ ਤਂ ਉਪਾਸਕਂ ਏਤਦવੋਚੁਂ – ‘‘ਤ੍વਂ ਖੋਸਿ, ਉਪਾਸਕ, ਕਤਕਲ੍ਯਾਣੋ ਕਤਕੁਸਲੋ ਕਤਭੀਰੁਤ੍ਤਾਣੋ ਅਕਤਪਾਪੋ ਅਕਤਲੁਦ੍ਦੋ ਅਕਤਕਿਬ੍ਬਿਸੋ। ਕਤਂ ਤਯਾ ਕਲ੍ਯਾਣਂ, ਅਕਤਂ ਤਯਾ ਪਾਪਂ । ਕਿਂ ਤੁਯ੍ਹਿਮਿਨਾ ਪਾਪਕੇਨ ਦੁਜ੍ਜੀવਿਤੇਨ! ਮਤਂ ਤੇ ਜੀવਿਤਾ ਸੇਯ੍ਯੋ। ਇਤੋ ਤ੍વਂ ਕਾਲਙ੍ਕਤੋ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜਿਸ੍ਸਸਿ। ਤਤ੍ਥ ਦਿਬ੍ਬੇਹਿ ਪਞ੍ਚਹਿ ਕਾਮਗੁਣੇਹਿ ਸਮਪ੍ਪਿਤੋ ਸਮਙ੍ਗੀਭੂਤੋ ਪਰਿਚਾਰੇਸ੍ਸਸੀ’’ਤਿ।

168. Tena kho pana samayena aññataro upāsako gilāno hoti. Tassa pajāpati abhirūpā hoti dassanīyā pāsādikā. Chabbaggiyā bhikkhū tassā itthiyā paṭibaddhacittā honti. Atha kho chabbaggiyānaṃ bhikkhūnaṃ etadahosi – ‘‘sace kho so, āvuso , upāsako jīvissati na mayaṃ taṃ itthiṃ labhissāma. Handa mayaṃ, āvuso, tassa upāsakassa maraṇavaṇṇaṃ saṃvaṇṇemā’’ti. Atha kho chabbaggiyā bhikkhū yena so upāsako tenupasaṅkamiṃsu; upasaṅkamitvā taṃ upāsakaṃ etadavocuṃ – ‘‘tvaṃ khosi, upāsaka, katakalyāṇo katakusalo katabhīruttāṇo akatapāpo akataluddo akatakibbiso. Kataṃ tayā kalyāṇaṃ, akataṃ tayā pāpaṃ . Kiṃ tuyhiminā pāpakena dujjīvitena! Mataṃ te jīvitā seyyo. Ito tvaṃ kālaṅkato kāyassa bhedā paraṃ maraṇā sugatiṃ saggaṃ lokaṃ upapajjissasi. Tattha dibbehi pañcahi kāmaguṇehi samappito samaṅgībhūto paricāressasī’’ti.

੧੬੯. ਅਥ ਖੋ ਸੋ ਉਪਾਸਕੋ – ‘‘ਸਚ੍ਚਂ ਖੋ ਅਯ੍ਯਾ ਆਹਂਸੁ। ਅਹਞ੍ਹਿ ਕਤਕਲ੍ਯਾਣੋ ਕਤਕੁਸਲੋ ਕਤਭੀਰੁਤ੍ਤਾਣੋ ਅਕਤਪਾਪੋ ਅਕਤਲੁਦ੍ਦੋ ਅਕਤਕਿਬ੍ਬਿਸੋ। ਕਤਂ ਮਯਾ ਕਲ੍ਯਾਣਂ, ਅਕਤਂ ਮਯਾ ਪਾਪਂ । ਕਿਂ ਮਯ੍ਹਿਮਿਨਾ ਪਾਪਕੇਨ ਦੁਜ੍ਜੀવਿਤੇਨ! ਮਤਂ ਮੇ ਜੀવਿਤਾ ਸੇਯ੍ਯੋ। ਇਤੋ ਅਹਂ ਕਾਲਙ੍ਕਤੋ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜਿਸ੍ਸਾਮਿ। ਤਤ੍ਥ ਦਿਬ੍ਬੇਹਿ ਪਞ੍ਚਹਿ ਕਾਮਗੁਣੇਹਿ ਸਮਪ੍ਪਿਤੋ ਸਮਙ੍ਗੀਭੂਤੋ ਪਰਿਚਾਰੇਸ੍ਸਾਮੀ’’ਤਿ, ਸੋ ਅਸਪ੍ਪਾਯਾਨਿ ਚੇવ ਭੋਜਨਾਨਿ ਭੁਞ੍ਜਿ ਅਸਪ੍ਪਾਯਾਨਿ ਚ ਖਾਦਨੀਯਾਨਿ ਖਾਦਿ ਅਸਪ੍ਪਾਯਾਨਿ ਚ ਸਾਯਨੀਯਾਨਿ ਸਾਯਿ ਅਸਪ੍ਪਾਯਾਨਿ ਚ ਪਾਨਾਨਿ ਪਿવਿ। ਤਸ੍ਸ ਅਸਪ੍ਪਾਯਾਨਿ ਚੇવ ਭੋਜਨਾਨਿ ਭੁਞ੍ਜਤੋ ਅਸਪ੍ਪਾਯਾਨਿ ਚ ਖਾਦਨੀਯਾਨਿ ਖਾਦਤੋ ਅਸਪ੍ਪਾਯਾਨਿ ਚ ਸਾਯਨੀਯਾਨਿ ਸਾਯਤੋ ਅਸਪ੍ਪਾਯਾਨਿ ਚ ਪਾਨਾਨਿ ਪਿવਤੋ ਖਰੋ ਆਬਾਧੋ ਉਪ੍ਪਜ੍ਜਿ। ਸੋ ਤੇਨੇવ ਆਬਾਧੇਨ ਕਾਲਮਕਾਸਿ। ਤਸ੍ਸ ਪਜਾਪਤਿ ਉਜ੍ਝਾਯਤਿ ਖਿਯ੍ਯਤਿ વਿਪਾਚੇਤਿ – ‘‘ਅਲਜ੍ਜਿਨੋ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਦੁਸ੍ਸੀਲਾ ਮੁਸਾવਾਦਿਨੋ। ਇਮੇ ਹਿ ਨਾਮ ਧਮ੍ਮਚਾਰਿਨੋ ਸਮਚਾਰਿਨੋ ਬ੍ਰਹ੍ਮਚਾਰਿਨੋ ਸਚ੍ਚવਾਦਿਨੋ ਸੀਲવਨ੍ਤੋ ਕਲ੍ਯਾਣਧਮ੍ਮਾ ਪਟਿਜਾਨਿਸ੍ਸਨ੍ਤਿ! ਨਤ੍ਥਿ ਇਮੇਸਂ ਸਾਮਞ੍ਞਂ ਨਤ੍ਥਿ ਇਮੇਸਂ ਬ੍ਰਹ੍ਮਞ੍ਞਂ, ਨਟ੍ਠਂ ਇਮੇਸਂ ਸਾਮਞ੍ਞਂ ਨਟ੍ਠਂ ਇਮੇਸਂ ਬ੍ਰਹ੍ਮਞ੍ਞਂ, ਕੁਤੋ ਇਮੇਸਂ ਸਾਮਞ੍ਞਂ ਕੁਤੋ ਇਮੇਸਂ ਬ੍ਰਹ੍ਮਞ੍ਞਂ, ਅਪਗਤਾ ਇਮੇ ਸਾਮਞ੍ਞਾ ਅਪਗਤਾ ਇਮੇ ਬ੍ਰਹ੍ਮਞ੍ਞਾ। ਇਮੇ ਮੇ ਸਾਮਿਕਸ੍ਸ ਮਰਣવਣ੍ਣਂ ਸਂવਣ੍ਣੇਸੁਂ। ਇਮੇਹਿ ਮੇ ਸਾਮਿਕੋ ਮਾਰਿਤੋ’’ਤਿ। ਅਞ੍ਞੇਪਿ ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਅਲਜ੍ਜਿਨੋ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਦੁਸ੍ਸੀਲਾ ਮੁਸਾવਾਦਿਨੋ। ਇਮੇ ਹਿ ਨਾਮ ਧਮ੍ਮਚਾਰਿਨੋ ਸਮਚਾਰਿਨੋ ਬ੍ਰਹ੍ਮਚਾਰਿਨੋ ਸਚ੍ਚવਾਦਿਨੋ ਸੀਲવਨ੍ਤੋ ਕਲ੍ਯਾਣਧਮ੍ਮਾ ਪਟਿਜਾਨਿਸ੍ਸਨ੍ਤਿ! ਨਤ੍ਥਿ ਇਮੇਸਂ ਸਾਮਞ੍ਞਂ ਨਤ੍ਥਿ ਇਮੇਸਂ ਬ੍ਰਹ੍ਮਞ੍ਞਂ, ਨਟ੍ਠਂ ਇਮੇਸਂ ਸਾਮਞ੍ਞਂ ਨਟ੍ਠਂ ਇਮੇਸਂ ਬ੍ਰਹ੍ਮਞ੍ਞਂ, ਕੁਤੋ ਇਮੇਸਂ ਸਾਮਞ੍ਞਂ ਕੁਤੋ ਇਮੇਸਂ ਬ੍ਰਹ੍ਮਞ੍ਞਂ, ਅਪਗਤਾ ਇਮੇ ਸਾਮਞ੍ਞਾ ਅਪਗਤਾ ਇਮੇ ਬ੍ਰਹ੍ਮਞ੍ਞਾ। ਇਮੇ ਉਪਾਸਕਸ੍ਸ ਮਰਣવਣ੍ਣਂ ਸਂવਣ੍ਣੇਸੁਂ। ਇਮੇਹਿ ਉਪਾਸਕੋ ਮਾਰਿਤੋ’’ਤਿ। ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ વਿਪਾਚੇਨ੍ਤਾਨਂ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਉਪਾਸਕਸ੍ਸ ਮਰਣવਣ੍ਣਂ ਸਂવਣ੍ਣਿਸ੍ਸਨ੍ਤੀ’’ਤਿ!

169. Atha kho so upāsako – ‘‘saccaṃ kho ayyā āhaṃsu. Ahañhi katakalyāṇo katakusalo katabhīruttāṇo akatapāpo akataluddo akatakibbiso. Kataṃ mayā kalyāṇaṃ, akataṃ mayā pāpaṃ . Kiṃ mayhiminā pāpakena dujjīvitena! Mataṃ me jīvitā seyyo. Ito ahaṃ kālaṅkato kāyassa bhedā paraṃ maraṇā sugatiṃ saggaṃ lokaṃ upapajjissāmi. Tattha dibbehi pañcahi kāmaguṇehi samappito samaṅgībhūto paricāressāmī’’ti, so asappāyāni ceva bhojanāni bhuñji asappāyāni ca khādanīyāni khādi asappāyāni ca sāyanīyāni sāyi asappāyāni ca pānāni pivi. Tassa asappāyāni ceva bhojanāni bhuñjato asappāyāni ca khādanīyāni khādato asappāyāni ca sāyanīyāni sāyato asappāyāni ca pānāni pivato kharo ābādho uppajji. So teneva ābādhena kālamakāsi. Tassa pajāpati ujjhāyati khiyyati vipāceti – ‘‘alajjino ime samaṇā sakyaputtiyā dussīlā musāvādino. Ime hi nāma dhammacārino samacārino brahmacārino saccavādino sīlavanto kalyāṇadhammā paṭijānissanti! Natthi imesaṃ sāmaññaṃ natthi imesaṃ brahmaññaṃ, naṭṭhaṃ imesaṃ sāmaññaṃ naṭṭhaṃ imesaṃ brahmaññaṃ, kuto imesaṃ sāmaññaṃ kuto imesaṃ brahmaññaṃ, apagatā ime sāmaññā apagatā ime brahmaññā. Ime me sāmikassa maraṇavaṇṇaṃ saṃvaṇṇesuṃ. Imehi me sāmiko mārito’’ti. Aññepi manussā ujjhāyanti khiyyanti vipācenti – ‘‘alajjino ime samaṇā sakyaputtiyā dussīlā musāvādino. Ime hi nāma dhammacārino samacārino brahmacārino saccavādino sīlavanto kalyāṇadhammā paṭijānissanti! Natthi imesaṃ sāmaññaṃ natthi imesaṃ brahmaññaṃ, naṭṭhaṃ imesaṃ sāmaññaṃ naṭṭhaṃ imesaṃ brahmaññaṃ, kuto imesaṃ sāmaññaṃ kuto imesaṃ brahmaññaṃ, apagatā ime sāmaññā apagatā ime brahmaññā. Ime upāsakassa maraṇavaṇṇaṃ saṃvaṇṇesuṃ. Imehi upāsako mārito’’ti. Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū upāsakassa maraṇavaṇṇaṃ saṃvaṇṇissantī’’ti!

੧੭੦. ਅਥ ਖੋ ਤੇ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖવੇ, ਉਪਾਸਕਸ੍ਸ ਮਰਣવਣ੍ਣਂ ਸਂવਣ੍ਣੇਥਾ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ – ‘‘ਅਨਨੁਚ੍ਛવਿਕਂ, ਮੋਘਪੁਰਿਸਾ, ਅਨਨੁਲੋਮਿਕਂ ਅਪ੍ਪਟਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ। ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਉਪਾਸਕਸ੍ਸ ਮਰਣવਣ੍ਣਂ ਸਂવਣ੍ਣਿਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

170. Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tumhe, bhikkhave, upāsakassa maraṇavaṇṇaṃ saṃvaṇṇethā’’ti? ‘‘Saccaṃ, bhagavā’’ti. Vigarahi buddho bhagavā – ‘‘ananucchavikaṃ, moghapurisā, ananulomikaṃ appaṭirūpaṃ assāmaṇakaṃ akappiyaṃ akaraṇīyaṃ. Kathañhi nāma tumhe, moghapurisā, upāsakassa maraṇavaṇṇaṃ saṃvaṇṇissatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

੧੭੧. ‘‘ਯੋ ਪਨ ਭਿਕ੍ਖੁ ਸਞ੍ਚਿਚ੍ਚ ਮਨੁਸ੍ਸવਿਗ੍ਗਹਂ ਜੀવਿਤਾ વੋਰੋਪੇਯ੍ਯ ਸਤ੍ਥਹਾਰਕਂ વਾਸ੍ਸ ਪਰਿਯੇਸੇਯ੍ਯ ਮਰਣવਣ੍ਣਂ વਾ ਸਂવਣ੍ਣੇਯ੍ਯ ਮਰਣਾਯ વਾ ਸਮਾਦਪੇਯ੍ਯ – ‘ਅਮ੍ਭੋ ਪੁਰਿਸ, ਕਿਂ ਤੁਯ੍ਹਿਮਿਨਾ ਪਾਪਕੇਨ ਦੁਜ੍ਜੀવਿਤੇਨ, ਮਤਂ ਤੇ ਜੀવਿਤਾ ਸੇਯ੍ਯੋ’ਤਿ, ਇਤਿ ਚਿਤ੍ਤਮਨੋ ਚਿਤ੍ਤਸਙ੍ਕਪ੍ਪੋ ਅਨੇਕਪਰਿਯਾਯੇਨ ਮਰਣવਣ੍ਣਂ વਾ ਸਂવਣ੍ਣੇਯ੍ਯ, ਮਰਣਾਯ વਾ ਸਮਾਦਪੇਯ੍ਯ, ਅਯਮ੍ਪਿ ਪਾਰਾਜਿਕੋ ਹੋਤਿ ਅਸਂવਾਸੋ’’ਤਿ।

171.‘‘Yo pana bhikkhu sañcicca manussaviggahaṃ jīvitā voropeyya satthahārakaṃ vāssa pariyeseyya maraṇavaṇṇaṃ vā saṃvaṇṇeyya maraṇāya vā samādapeyya – ‘ambho purisa, kiṃ tuyhiminā pāpakena dujjīvitena, mataṃ te jīvitā seyyo’ti, iti cittamano cittasaṅkappo anekapariyāyena maraṇavaṇṇaṃ vā saṃvaṇṇeyya, maraṇāya vā samādapeyya, ayampi pārājiko hoti asaṃvāso’’ti.

੧੭੨. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।

172.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

ਸਞ੍ਚਿਚ੍ਚਾਤਿ ਜਾਨਨ੍ਤੋ ਸਞ੍ਜਾਨਨ੍ਤੋ ਚੇਚ੍ਚ ਅਭਿવਿਤਰਿਤ੍વਾ વੀਤਿਕ੍ਕਮੋ।

Sañciccāti jānanto sañjānanto cecca abhivitaritvā vītikkamo.

ਮਨੁਸ੍ਸવਿਗ੍ਗਹੋ ਨਾਮ ਯਂ ਮਾਤੁਕੁਚ੍ਛਿਸ੍ਮਿਂ ਪਠਮਂ ਚਿਤ੍ਤਂ ਉਪ੍ਪਨ੍ਨਂ ਪਠਮਂ વਿਞ੍ਞਾਣਂ ਪਾਤੁਭੂਤਂ, ਯਾવ ਮਰਣਕਾਲਾ ਏਤ੍ਥਨ੍ਤਰੇ ਏਸੋ ਮਨੁਸ੍ਸવਿਗ੍ਗਹੋ ਨਾਮ।

Manussaviggaho nāma yaṃ mātukucchismiṃ paṭhamaṃ cittaṃ uppannaṃ paṭhamaṃ viññāṇaṃ pātubhūtaṃ, yāva maraṇakālā etthantare eso manussaviggaho nāma.

ਜੀવਿਤਾ વੋਰੋਪੇਯ੍ਯਾਤਿ ਜੀવਿਤਿਨ੍ਦ੍ਰਿਯਂ ਉਪਚ੍ਛਿਨ੍ਦਤਿ ਉਪਰੋਧੇਤਿ ਸਨ੍ਤਤਿਂ વਿਕੋਪੇਤਿ।

Jīvitā voropeyyāti jīvitindriyaṃ upacchindati uparodheti santatiṃ vikopeti.

ਸਤ੍ਥਹਾਰਕਂ વਾਸ੍ਸ ਪਰਿਯੇਸੇਯ੍ਯਾਤਿ ਅਸਿਂ વਾ ਸਤ੍ਤਿਂ વਾ ਭੇਣ੍ਡਿਂ વਾ ⁹ ਲਗੁਲ਼ਂ વਾ ¹⁰ ਪਾਸਾਣਂ વਾ ਸਤ੍ਥਂ વਾ વਿਸਂ વਾ ਰਜ੍ਜੁਂ વਾ।

Satthahārakaṃ vāssa pariyeseyyāti asiṃ vā sattiṃ vā bheṇḍiṃ vā ¹¹ laguḷaṃ vā ¹² pāsāṇaṃ vā satthaṃ vā visaṃ vā rajjuṃ vā.

ਮਰਣવਣ੍ਣਂ વਾ ਸਂવਣ੍ਣੇਯ੍ਯਾਤਿ ਜੀવਿਤੇ ਆਦੀਨવਂ ਦਸ੍ਸੇਤਿ, ਮਰਣੇ વਣ੍ਣਂ ਭਣਤਿ।

Maraṇavaṇṇaṃ vā saṃvaṇṇeyyāti jīvite ādīnavaṃ dasseti, maraṇe vaṇṇaṃ bhaṇati.

ਮਰਣਾਯ વਾ ਸਮਾਦਪੇਯ੍ਯਾਤਿ ਸਤ੍ਥਂ વਾ ਆਹਰ, વਿਸਂ વਾ ਖਾਦ, ਰਜ੍ਜੁਯਾ વਾ ਉਬ੍ਬਨ੍ਧਿਤ੍વਾ ਕਾਲਙ੍ਕਰੋਹੀਤਿ।

Maraṇāya vā samādapeyyāti satthaṃ vā āhara, visaṃ vā khāda, rajjuyā vā ubbandhitvā kālaṅkarohīti.

ਅਮ੍ਭੋ ਪੁਰਿਸਾਤਿ ਆਲਪਨਾਧਿવਚਨਮੇਤਂ।

Ambhopurisāti ālapanādhivacanametaṃ.

ਕਿਂ ਤੁਯ੍ਹਿਮਿਨਾ ਪਾਪਕੇਨ ਦੁਜ੍ਜੀવਿਤੇਨਾਤਿ ਪਾਪਕਂ ਨਾਮ ਜੀવਿਤਂ ਅਡ੍ਢਾਨਂ ਜੀવਿਤਂ ਉਪਾਦਾਯ ਦਲਿਦ੍ਦਾਨਂ ਜੀવਿਤਂ ਪਾਪਕਂ ਲਾਮਕਂ, ਸਧਨਾਨਂ ਜੀવਿਤਂ ਉਪਾਦਾਯ ਅਧਨਾਨਂ ਜੀવਿਤਂ ਪਾਪਕਂ, ਦੇવਾਨਂ ਜੀવਿਤਂ ਉਪਾਦਾਯ ਮਨੁਸ੍ਸਾਨਂ ਜੀવਿਤਂ ਪਾਪਕਂ ।

Kiṃtuyhiminā pāpakena dujjīvitenāti pāpakaṃ nāma jīvitaṃ aḍḍhānaṃ jīvitaṃ upādāya daliddānaṃ jīvitaṃ pāpakaṃ lāmakaṃ, sadhanānaṃ jīvitaṃ upādāya adhanānaṃ jīvitaṃ pāpakaṃ, devānaṃ jīvitaṃ upādāya manussānaṃ jīvitaṃ pāpakaṃ .

ਦੁਜ੍ਜੀવਿਤਂ ਨਾਮ ਹਤ੍ਥਚ੍ਛਿਨ੍ਨਸ੍ਸ ਪਾਦਚ੍ਛਿਨ੍ਨਸ੍ਸ ਹਤ੍ਥਪਾਦਚ੍ਛਿਨ੍ਨਸ੍ਸ ਕਣ੍ਣਚ੍ਛਿਨ੍ਨਸ੍ਸ ਨਾਸਚ੍ਛਿਨ੍ਨਸ੍ਸ ਕਣ੍ਣਨਾਸਚ੍ਛਿਨ੍ਨਸ੍ਸ, ਇਮਿਨਾ ਚ ਪਾਪਕੇਨ ਇਮਿਨਾ ਚ ਦੁਜ੍ਜੀવਿਤੇਨ ਮਤਂ ਤੇ ਜੀવਿਤਾ ਸੇਯ੍ਯੋਤਿ।

Dujjīvitaṃ nāma hatthacchinnassa pādacchinnassa hatthapādacchinnassa kaṇṇacchinnassa nāsacchinnassa kaṇṇanāsacchinnassa, iminā ca pāpakena iminā ca dujjīvitena mataṃ te jīvitā seyyoti.

ਇਤਿ ਚਿਤ੍ਤਮਨੋਤਿ ਯਂ ਚਿਤ੍ਤਂ ਤਂ ਮਨੋ, ਯਂ ਮਨੋ ਤਂ ਚਿਤ੍ਤਂ।

Iti cittamanoti yaṃ cittaṃ taṃ mano, yaṃ mano taṃ cittaṃ.

ਚਿਤ੍ਤਸਙ੍ਕਪ੍ਪੋਤਿ ਮਰਣਸਞ੍ਞੀ ਮਰਣਚੇਤਨੋ ਮਰਣਾਧਿਪ੍ਪਾਯੋ।

Cittasaṅkappoti maraṇasaññī maraṇacetano maraṇādhippāyo.

ਅਨੇਕਪਰਿਯਾਯੇਨਾਤਿ ਉਚ੍ਚਾવਚੇਹਿ ਆਕਾਰੇਹਿ।

Anekapariyāyenāti uccāvacehi ākārehi.

ਮਰਣવਣ੍ਣਂ વਾ ਸਂવਣ੍ਣੇਯ੍ਯਾਤਿ ਜੀવਿਤੇ ਆਦੀਨવਂ ਦਸ੍ਸੇਤਿ, ਮਰਣੇ વਣ੍ਣਂ ਭਣਤਿ – ‘‘ਇਤੋ ਤ੍વਂ ਕਾਲਙ੍ਕਤੋ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜਿਸ੍ਸਸਿ, ਤਤ੍ਥ ਦਿਬ੍ਬੇਹਿ ਪਞ੍ਚਹਿ ਕਾਮਗੁਣੇਹਿ ਸਮਪ੍ਪਿਤੋ ਸਮਙ੍ਗੀਭੂਤੋ ਪਰਿਚਾਰੇਸ੍ਸਸੀ’’ਤਿ।

Maraṇavaṇṇaṃ vā saṃvaṇṇeyyāti jīvite ādīnavaṃ dasseti, maraṇe vaṇṇaṃ bhaṇati – ‘‘ito tvaṃ kālaṅkato kāyassa bhedā paraṃ maraṇā sugatiṃ saggaṃ lokaṃ upapajjissasi, tattha dibbehi pañcahi kāmaguṇehi samappito samaṅgībhūto paricāressasī’’ti.

ਮਰਣਾਯ વਾ ਸਮਾਦਪੇਯ੍ਯਾਤਿ ਸਤ੍ਥਂ વਾ ਆਹਰ, વਿਸਂ વਾ ਖਾਦ, ਰਜ੍ਜੁਯਾ વਾ ਉਬ੍ਬਨ੍ਧਿਤ੍વਾ ਕਾਲਙ੍ਕਰੋਹਿ, ਸੋਬ੍ਭੇ વਾ ਨਰਕੇ વਾ ਪਪਾਤੇ વਾ ਪਪਤਾਤਿ।

Maraṇāya vā samādapeyyāti satthaṃ vā āhara, visaṃ vā khāda, rajjuyā vā ubbandhitvā kālaṅkarohi, sobbhe vā narake vā papāte vā papatāti.

ਅਯਮ੍ਪੀਤਿ ਪੁਰਿਮੇ ਉਪਾਦਾਯ વੁਚ੍ਚਤਿ।

Ayampīti purime upādāya vuccati.

ਪਾਰਾਜਿਕੋ ਹੋਤੀਤਿ ਸੇਯ੍ਯਥਾਪਿ ਨਾਮ ਪੁਥੁਸਿਲਾ ਦ੍વਿਧਾ ਭਿਨ੍ਨਾ ¹³ ਅਪ੍ਪਟਿਸਨ੍ਧਿਕਾ ਹੋਤਿ, ਏવਮੇવ ਭਿਕ੍ਖੁ ਸਞ੍ਚਿਚ੍ਚ ਮਨੁਸ੍ਸવਿਗ੍ਗਹਂ ਜੀવਿਤਾ વੋਰੋਪੇਤ੍વਾ ਅਸ੍ਸਮਣੋ ਹੋਤਿ ਅਸਕ੍ਯਪੁਤ੍ਤਿਯੋ। ਤੇਨ વੁਚ੍ਚਤਿ – ‘ਪਾਰਾਜਿਕੋ ਹੋਤੀ’ਤਿ।

Pārājiko hotīti seyyathāpi nāma puthusilā dvidhā bhinnā ¹⁴ appaṭisandhikā hoti, evameva bhikkhu sañcicca manussaviggahaṃ jīvitā voropetvā assamaṇo hoti asakyaputtiyo. Tena vuccati – ‘pārājiko hotī’ti.

ਅਸਂવਾਸੋਤਿ ਸਂવਾਸੋ ਨਾਮ ਏਕਕਮ੍ਮਂ ਏਕੁਦ੍ਦੇਸੋ ਸਮਸਿਕ੍ਖਤਾ – ਏਸੋ ਸਂવਾਸੋ ਨਾਮ। ਸੋ ਤੇਨ ਸਦ੍ਧਿਂ ਨਤ੍ਥਿ, ਤੇਨ વੁਚ੍ਚਤਿ ਅਸਂવਾਸੋਤਿ।

Asaṃvāsoti saṃvāso nāma ekakammaṃ ekuddeso samasikkhatā – eso saṃvāso nāma. So tena saddhiṃ natthi, tena vuccati asaṃvāsoti.

੧੭੩. ਸਾਮਂ, ਅਧਿਟ੍ਠਾਯ, ਦੂਤੇਨ, ਦੂਤਪਰਂਪਰਾਯ, વਿਸਕ੍ਕਿਯੇਨ ਦੂਤੇਨ, ਗਤਪਚ੍ਚਾਗਤੇਨ ਦੂਤੇਨ, ਅਰਹੋ ਰਹੋਸਞ੍ਞੀ, ਰਹੋ ਅਰਹੋਸਞ੍ਞੀ, ਅਰਹੋ ਅਰਹੋਸਞ੍ਞੀ, ਰਹੋ ਰਹੋਸਞ੍ਞੀ ਕਾਯੇਨ ਸਂવਣ੍ਣੇਤਿ, વਾਚਾਯ ਸਂવਣ੍ਣੇਤਿ, ਕਾਯੇਨ વਾਚਾਯ ਸਂવਣ੍ਣੇਤਿ, ਦੂਤੇਨ ਸਂવਣ੍ਣੇਤਿ, ਲੇਖਾਯ ਸਂવਣ੍ਣੇਤਿ, ਓਪਾਤਂ ਅਪਸ੍ਸੇਨਂ, ਉਪਨਿਕ੍ਖਿਪਨਂ, ਭੇਸਜ੍ਜਂ, ਰੂਪੂਪਹਾਰੋ, ਸਦ੍ਦੂਪਹਾਰੋ, ਗਨ੍ਧੂਪਹਾਰੋ, ਰਸੂਪਹਾਰੋ, ਫੋਟ੍ਠਬ੍ਬੂਪਹਾਰੋ, ਧਮ੍ਮੂਪਹਾਰੋ, ਆਚਿਕ੍ਖਨਾ, ਅਨੁਸਾਸਨੀ, ਸਙ੍ਕੇਤਕਮ੍ਮਂ, ਨਿਮਿਤ੍ਤਕਮ੍ਮਨ੍ਤਿ।

173. Sāmaṃ, adhiṭṭhāya, dūtena, dūtaparaṃparāya, visakkiyena dūtena, gatapaccāgatena dūtena, araho rahosaññī, raho arahosaññī, araho arahosaññī, raho rahosaññī kāyena saṃvaṇṇeti, vācāya saṃvaṇṇeti, kāyena vācāya saṃvaṇṇeti, dūtena saṃvaṇṇeti, lekhāya saṃvaṇṇeti, opātaṃ apassenaṃ, upanikkhipanaṃ, bhesajjaṃ, rūpūpahāro, saddūpahāro, gandhūpahāro, rasūpahāro, phoṭṭhabbūpahāro, dhammūpahāro, ācikkhanā, anusāsanī, saṅketakammaṃ, nimittakammanti.

੧੭੪. ਸਾਮਨ੍ਤਿ ਸਯਂ ਹਨਤਿ ਕਾਯੇਨ વਾ ਕਾਯਪਟਿਬਦ੍ਧੇਨ વਾ ਨਿਸ੍ਸਗ੍ਗਿਯੇਨ વਾ।

174.Sāmanti sayaṃ hanati kāyena vā kāyapaṭibaddhena vā nissaggiyena vā.

ਅਧਿਟ੍ਠਾਯਾਤਿ ਅਧਿਟ੍ਠਹਿਤ੍વਾ ਆਣਾਪੇਤਿ – ‘‘ਏવਂ વਿਜ੍ਝ, ਏવਂ ਪਹਰ, ਏવਂ ਘਾਤੇਹੀ’’ਤਿ।

Adhiṭṭhāyāti adhiṭṭhahitvā āṇāpeti – ‘‘evaṃ vijjha, evaṃ pahara, evaṃ ghātehī’’ti.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਜੀવਿਤਾ વੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਤਂ ਮਞ੍ਞਮਾਨੋ ਤਂ ਜੀવਿਤਾ વੋਰੋਪੇਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ।

Bhikkhu bhikkhuṃ āṇāpeti – ‘‘itthannāmaṃ jīvitā voropehī’’ti, āpatti dukkaṭassa. So taṃ maññamāno taṃ jīvitā voropeti, āpatti ubhinnaṃ pārājikassa.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਜੀવਿਤਾ વੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਤਂ ਮਞ੍ਞਮਾਨੋ ਅਞ੍ਞਂ ਜੀવਿਤਾ વੋਰੋਪੇਤ੍ਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ। વਧਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ।

Bhikkhu bhikkhuṃ āṇāpeti – ‘‘itthannāmaṃ jīvitā voropehī’’ti, āpatti dukkaṭassa. So taṃ maññamāno aññaṃ jīvitā voropetti, mūlaṭṭhassa anāpatti. Vadhakassa āpatti pārājikassa.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਜੀવਿਤਾ વੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਅਞ੍ਞਂ ਮਞ੍ਞਮਾਨੋ ਤਂ ਜੀવਿਤਾ વੋਰੋਪੇਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ।

Bhikkhu bhikkhuṃ āṇāpeti – ‘‘itthannāmaṃ jīvitā voropehī’’ti, āpatti dukkaṭassa. So aññaṃ maññamāno taṃ jīvitā voropeti, āpatti ubhinnaṃ pārājikassa.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਜੀવਿਤਾ વੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਅਞ੍ਞਂ ਮਞ੍ਞਮਾਨੋ ਅਞ੍ਞਂ ਜੀવਿਤਾ વੋਰੋਪੇਤਿ; ਮੂਲਟ੍ਠਸ੍ਸ ਅਨਾਪਤ੍ਤਿ, વਧਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ।

Bhikkhu bhikkhuṃ āṇāpeti – ‘‘itthannāmaṃ jīvitā voropehī’’ti, āpatti dukkaṭassa. So aññaṃ maññamāno aññaṃ jīvitā voropeti; mūlaṭṭhassa anāpatti, vadhakassa āpatti pārājikassa.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਸ੍ਸ ਪਾવਦ – ‘ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਸ੍ਸ ਪਾવਦਤੁ – ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਂ ਜੀવਿਤਾ વੋਰੋਪੇਤੂ’’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਇਤਰਸ੍ਸ ਆਰੋਚੇਤਿ, ਆਪਤ੍ਤਿ ਦੁਕ੍ਕਟਸ੍ਸ। વਧਕੋ ਪਟਿਗ੍ਗਣ੍ਹਾਤਿ, ਮੂਲਟ੍ਠਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਸੋ ਤਂ ਜੀવਿਤਾ વੋਰੋਪੇਤਿ, ਆਪਤ੍ਤਿ ਸਬ੍ਬੇਸਂ ਪਾਰਾਜਿਕਸ੍ਸ।

Bhikkhu bhikkhuṃ āṇāpeti – ‘‘itthannāmassa pāvada – ‘itthannāmo itthannāmassa pāvadatu – itthannāmo itthannāmaṃ jīvitā voropetū’’’ti, āpatti dukkaṭassa. So itarassa āroceti, āpatti dukkaṭassa. Vadhako paṭiggaṇhāti, mūlaṭṭhassa āpatti thullaccayassa. So taṃ jīvitā voropeti, āpatti sabbesaṃ pārājikassa.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਸ੍ਸ ਪਾવਦ – ‘ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਸ੍ਸ ਪਾવਦਤੁ – ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਂ ਜੀવਿਤਾ વੋਰੋਪੇਤੂ’’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਅਞ੍ਞਂ ਆਣਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। વਧਕੋ ਪਟਿਗ੍ਗਣ੍ਹਾਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਤਂ ਜੀવਿਤਾ વੋਰੋਪੇਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ; ਆਣਾਪਕਸ੍ਸ ਚ વਧਕਸ੍ਸ ਚ ਆਪਤ੍ਤਿ ਪਾਰਾਜਿਕਸ੍ਸ।

Bhikkhu bhikkhuṃ āṇāpeti – ‘‘itthannāmassa pāvada – ‘itthannāmo itthannāmassa pāvadatu – itthannāmo itthannāmaṃ jīvitā voropetū’’’ti, āpatti dukkaṭassa. So aññaṃ āṇāpeti, āpatti dukkaṭassa. Vadhako paṭiggaṇhāti, āpatti dukkaṭassa. So taṃ jīvitā voropeti, mūlaṭṭhassa anāpatti; āṇāpakassa ca vadhakassa ca āpatti pārājikassa.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਜੀવਿਤਾ વੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਗਨ੍ਤ੍વਾ ਪੁਨ ਪਚ੍ਚਾਗਚ੍ਛਤਿ – ‘‘ਨਾਹਂ ਸਕ੍ਕੋਮਿ ਤਂ ਜੀવਿਤਾ વੋਰੋਪੇਤੁ’’ਨ੍ਤਿ। ਸੋ ਪੁਨ ਆਣਾਪੇਤਿ – ‘‘ਯਦਾ ਸਕ੍ਕੋਸਿ ਤਦਾ ਤਂ ਜੀવਿਤਾ વੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਤਂ ਜੀવਿਤਾ વੋਰੋਪੇਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ।

Bhikkhu bhikkhuṃ āṇāpeti – ‘‘itthannāmaṃ jīvitā voropehī’’ti, āpatti dukkaṭassa. So gantvā puna paccāgacchati – ‘‘nāhaṃ sakkomi taṃ jīvitā voropetu’’nti. So puna āṇāpeti – ‘‘yadā sakkosi tadā taṃ jīvitā voropehī’’ti, āpatti dukkaṭassa. So taṃ jīvitā voropeti, āpatti ubhinnaṃ pārājikassa.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਜੀવਿਤਾ વੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਆਣਾਪੇਤ੍વਾ વਿਪ੍ਪਟਿਸਾਰੀ ਨ ਸਾવੇਤਿ – ‘‘ਮਾ ਘਾਤੇਹੀ’’ਤਿ। ਸੋ ਤਂ ਜੀવਿਤਾ વੋਰੋਪੇਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ।

Bhikkhu bhikkhuṃ āṇāpeti – ‘‘itthannāmaṃ jīvitā voropehī’’ti, āpatti dukkaṭassa. So āṇāpetvā vippaṭisārī na sāveti – ‘‘mā ghātehī’’ti. So taṃ jīvitā voropeti, āpatti ubhinnaṃ pārājikassa.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਜੀવਿਤਾ વੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਆਣਾਪੇਤ੍વਾ વਿਪ੍ਪਟਿਸਾਰੀ ਸਾવੇਤਿ – ‘‘ਮਾ ਘਾਤੇਹੀ’’ਤਿ। ਸੋ – ‘‘ਆਣਤ੍ਤੋ ਅਹਂ ਤਯਾ’’ਤਿ ਤਂ ਜੀવਿਤਾ વੋਰੋਪੇਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ। વਧਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ।

Bhikkhu bhikkhuṃ āṇāpeti – ‘‘itthannāmaṃ jīvitā voropehī’’ti, āpatti dukkaṭassa. So āṇāpetvā vippaṭisārī sāveti – ‘‘mā ghātehī’’ti. So – ‘‘āṇatto ahaṃ tayā’’ti taṃ jīvitā voropeti, mūlaṭṭhassa anāpatti. Vadhakassa āpatti pārājikassa.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਜੀવਿਤਾ વੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੋ ਆਣਾਪੇਤ੍વਾ વਿਪ੍ਪਟਿਸਾਰੀ ਸਾવੇਤਿ – ‘‘ਮਾ ਘਾਤੇਹੀ’’ਤਿ। ਸੋ ਸਾਧੂਤਿ ਓਰਮਤਿ, ਉਭਿਨ੍ਨਂ ਅਨਾਪਤ੍ਤਿ।

Bhikkhu bhikkhuṃ āṇāpeti – ‘‘itthannāmaṃ jīvitā voropehī’’ti, āpatti dukkaṭassa. So āṇāpetvā vippaṭisārī sāveti – ‘‘mā ghātehī’’ti. So sādhūti oramati, ubhinnaṃ anāpatti.

੧੭੫. ਅਰਹੋ ਰਹੋਸਞ੍ਞੀ ਉਲ੍ਲਪਤਿ – ‘‘ਅਹੋ ਇਤ੍ਥਨ੍ਨਾਮੋ ਹਤੋ ਅਸ੍ਸਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਰਹੋ ਅਰਹੋਸਞ੍ਞੀ ਉਲ੍ਲਪਤਿ – ‘‘ਅਹੋ ਇਤ੍ਥਨ੍ਨਾਮੋ ਹਤੋ ਅਸ੍ਸਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਅਰਹੋ ਅਰਹੋਸਞ੍ਞੀ ਉਲ੍ਲਪਤਿ – ‘‘ਅਹੋ ਇਤ੍ਥਨ੍ਨਾਮੋ ਹਤੋ ਅਸ੍ਸਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ । ਰਹੋ ਰਹੋਸਞ੍ਞੀ ਉਲ੍ਲਪਤਿ – ‘‘ਅਹੋ ਇਤ੍ਥਨ੍ਨਾਮੋ ਹਤੋ ਅਸ੍ਸਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ।

175. Araho rahosaññī ullapati – ‘‘aho itthannāmo hato assā’’ti, āpatti dukkaṭassa. Raho arahosaññī ullapati – ‘‘aho itthannāmo hato assā’’ti, āpatti dukkaṭassa. Araho arahosaññī ullapati – ‘‘aho itthannāmo hato assā’’ti, āpatti dukkaṭassa . Raho rahosaññī ullapati – ‘‘aho itthannāmo hato assā’’ti, āpatti dukkaṭassa.

ਕਾਯੇਨ ਸਂવਣ੍ਣੇਤਿ ਨਾਮ ਕਾਯੇਨ વਿਕਾਰਂ ਕਰੋਤਿ – ‘‘ਯੋ ਏવਂ ਮਰਤਿ ਸੋ ਧਨਂ વਾ ਲਭਤਿ ਯਸਂ વਾ ਲਭਤਿ ਸਗ੍ਗਂ વਾ ਗਚ੍ਛਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਾਯ ਸਂવਣ੍ਣਨਾਯ ਮਰਿਸ੍ਸਾਮੀਤਿ ਦੁਕ੍ਖਂ વੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ।

Kāyena saṃvaṇṇeti nāma kāyena vikāraṃ karoti – ‘‘yo evaṃ marati so dhanaṃ vā labhati yasaṃ vā labhati saggaṃ vā gacchatī’’ti, āpatti dukkaṭassa. Tāya saṃvaṇṇanāya marissāmīti dukkhaṃ vedanaṃ uppādeti, āpatti thullaccayassa. Marati, āpatti pārājikassa.

વਾਚਾਯ ਸਂવਣ੍ਣੇਤਿ ਨਾਮ વਾਚਾਯ ਭਣਤਿ – ‘‘ਯੋ ਏવਂ ਮਰਤਿ ਸੋ ਧਨਂ વਾ ਲਭਤਿ ਯਸਂ વਾ ਲਭਤਿ ਸਗ੍ਗਂ વਾ ਗਚ੍ਛਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਾਯ ਸਂવਣ੍ਣਨਾਯ ਮਰਿਸ੍ਸਾਮੀਤਿ ਦੁਕ੍ਖਂ વੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ।

Vācāya saṃvaṇṇeti nāma vācāya bhaṇati – ‘‘yo evaṃ marati so dhanaṃ vā labhati yasaṃ vā labhati saggaṃ vā gacchatī’’ti, āpatti dukkaṭassa. Tāya saṃvaṇṇanāya marissāmīti dukkhaṃ vedanaṃ uppādeti, āpatti thullaccayassa. Marati, āpatti pārājikassa.

ਕਾਯੇਨ વਾਚਾਯ ਸਂવਣ੍ਣੇਤਿ ਨਾਮ ਕਾਯੇਨ ਚ વਿਕਾਰਂ ਕਰੋਤਿ, વਾਚਾਯ ਚ ਭਣਤਿ – ‘‘ਯੋ ਏવਂ ਮਰਤਿ ਸੋ ਧਨਂ વਾ ਲਭਤਿ ਯਸਂ વਾ ਲਭਤਿ ਸਗ੍ਗਂ વਾ ਗਚ੍ਛਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਾਯ ਸਂવਣ੍ਣਨਾਯ ਮਰਿਸ੍ਸਾਮੀਤਿ ਦੁਕ੍ਖਂ વੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ।

Kāyena vācāya saṃvaṇṇeti nāma kāyena ca vikāraṃ karoti, vācāya ca bhaṇati – ‘‘yo evaṃ marati so dhanaṃ vā labhati yasaṃ vā labhati saggaṃ vā gacchatī’’ti, āpatti dukkaṭassa. Tāya saṃvaṇṇanāya marissāmīti dukkhaṃ vedanaṃ uppādeti, āpatti thullaccayassa. Marati, āpatti pārājikassa.

ਦੂਤੇਨ ਸਂવਣ੍ਣੇਤਿ ਨਾਮ ਦੂਤਸ੍ਸ ਸਾਸਨਂ ਆਰੋਚੇਤਿ – ‘‘ਯੋ ਏવਂ ਮਰਤਿ ਸੋ ਧਨਂ વਾ ਲਭਤਿ ਯਸਂ વਾ ਲਭਤਿ ਸਗ੍ਗਂ વਾ ਗਚ੍ਛਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਦੂਤਸ੍ਸ ਸਾਸਨਂ ਸੁਤ੍વਾ ਮਰਿਸ੍ਸਾਮੀਤਿ ਦੁਕ੍ਖਂ વੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ।

Dūtena saṃvaṇṇeti nāma dūtassa sāsanaṃ āroceti – ‘‘yo evaṃ marati so dhanaṃ vā labhati yasaṃ vā labhati saggaṃ vā gacchatī’’ti, āpatti dukkaṭassa. Dūtassa sāsanaṃ sutvā marissāmīti dukkhaṃ vedanaṃ uppādeti, āpatti thullaccayassa. Marati, āpatti pārājikassa.

੧੭੬. ਲੇਖਾਯ ਸਂવਣ੍ਣੇਤਿ ਨਾਮ ਲੇਖਂ ਛਿਨ੍ਦਤਿ – ‘‘ਯੋ ਏવਂ ਮਰਤਿ ਸੋ ਧਨਂ વਾ ਲਭਤਿ ਯਸਂ વਾ ਲਭਤਿ ਸਗ੍ਗਂ વਾ ਗਚ੍ਛਤੀ’’ਤਿ, ਅਕ੍ਖਰਕ੍ਖਰਾਯ ਆਪਤ੍ਤਿ ਦੁਕ੍ਕਟਸ੍ਸ। ਲੇਖਂ ਪਸ੍ਸਿਤ੍વਾ ਮਰਿਸ੍ਸਾਮੀਤਿ ਦੁਕ੍ਖਂ વੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ।

176.Lekhāya saṃvaṇṇeti nāma lekhaṃ chindati – ‘‘yo evaṃ marati so dhanaṃ vā labhati yasaṃ vā labhati saggaṃ vā gacchatī’’ti, akkharakkharāya āpatti dukkaṭassa. Lekhaṃ passitvā marissāmīti dukkhaṃ vedanaṃ uppādeti, āpatti thullaccayassa. Marati, āpatti pārājikassa.

ਓਪਾਤਂ ਨਾਮ ਮਨੁਸ੍ਸਂ ਉਦ੍ਦਿਸ੍ਸ ਓਪਾਤਂ ਖਨਤਿ – ‘‘ਪਪਤਿਤ੍વਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਪਪਤਿਤੇ ਦੁਕ੍ਖਾ વੇਦਨਾ ਉਪ੍ਪਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ। ਅਨੋਦਿਸ੍ਸ ਓਪਾਤਂ ਖਨਤਿ – ‘‘ਯੋ ਕੋਚਿ ਪਪਤਿਤ੍વਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਮਨੁਸ੍ਸੋ ਤਸ੍ਮਿਂ ਪਪਤਤਿ, ਆਪਤ੍ਤਿ ਦੁਕ੍ਕਟਸ੍ਸ। ਪਪਤਿਤੇ ਦੁਕ੍ਖਾ વੇਦਨਾ ਉਪ੍ਪਜ੍ਜਤਿ , ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ। ਯਕ੍ਖੋ વਾ ਪੇਤੋ વਾ ਤਿਰਚ੍ਛਾਨਗਤਮਨੁਸ੍ਸવਿਗ੍ਗਹੋ વਾ ਤਸ੍ਮਿਂ ਪਪਤਤਿ, ਆਪਤ੍ਤਿ ਦੁਕ੍ਕਟਸ੍ਸ। ਪਪਤਿਤੇ ਦੁਕ੍ਖਾ વੇਦਨਾ ਉਪ੍ਪਜ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ। ਮਰਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਤਿਰਚ੍ਛਾਨਗਤੋ ਤਸ੍ਮਿਂ ਪਪਤਤਿ, ਆਪਤ੍ਤਿ ਦੁਕ੍ਕਟਸ੍ਸ। ਪਪਤਿਤੇ ਦੁਕ੍ਖਾ વੇਦਨਾ ਉਪ੍ਪਜ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ। ਮਰਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।

Opātaṃ nāma manussaṃ uddissa opātaṃ khanati – ‘‘papatitvā marissatī’’ti, āpatti dukkaṭassa. Papatite dukkhā vedanā uppajjati, āpatti thullaccayassa. Marati, āpatti pārājikassa. Anodissa opātaṃ khanati – ‘‘yo koci papatitvā marissatī’’ti, āpatti dukkaṭassa. Manusso tasmiṃ papatati, āpatti dukkaṭassa. Papatite dukkhā vedanā uppajjati , āpatti thullaccayassa. Marati, āpatti pārājikassa. Yakkho vā peto vā tiracchānagatamanussaviggaho vā tasmiṃ papatati, āpatti dukkaṭassa. Papatite dukkhā vedanā uppajjati, āpatti dukkaṭassa. Marati, āpatti thullaccayassa. Tiracchānagato tasmiṃ papatati, āpatti dukkaṭassa. Papatite dukkhā vedanā uppajjati, āpatti dukkaṭassa. Marati, āpatti pācittiyassa.

੧੭੭. ਅਪਸ੍ਸੇਨਂ ਨਾਮ ਅਪਸ੍ਸੇਨੇ ਸਤ੍ਥਂ વਾ ਠਪੇਤਿ વਿਸੇਨ વਾ ਮਕ੍ਖੇਤਿ ਦੁਬ੍ਬਲਂ વਾ ਕਰੋਤਿ ਸੋਬ੍ਭੇ વਾ ਨਰਕੇ વਾ ਪਪਾਤੇ વਾ ਠਪੇਤਿ – ‘‘ਪਪਤਿਤ੍વਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸਤ੍ਥੇਨ વਾ વਿਸੇਨ વਾ ਪਪਤਿਤੇਨ વਾ ਦੁਕ੍ਖਾ વੇਦਨਾ ਉਪ੍ਪਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ , ਆਪਤ੍ਤਿ ਪਾਰਾਜਿਕਸ੍ਸ।

177.Apassenaṃ nāma apassene satthaṃ vā ṭhapeti visena vā makkheti dubbalaṃ vā karoti sobbhe vā narake vā papāte vā ṭhapeti – ‘‘papatitvā marissatī’’ti, āpatti dukkaṭassa. Satthena vā visena vā papatitena vā dukkhā vedanā uppajjati, āpatti thullaccayassa. Marati , āpatti pārājikassa.

ਉਪਨਿਕ੍ਖਿਪਨਂ ਨਾਮ ਅਸਿਂ વਾ ਸਤ੍ਤਿਂ વਾ ਭੇਣ੍ਡਿਂ વਾ ਲਗੁਲ਼ਂ વਾ ਪਾਸਾਣਂ વਾ ਸਤ੍ਥਂ વਾ વਿਸਂ વਾ ਰਜ੍ਜੁਂ વਾ ਉਪਨਿਕ੍ਖਿਪਤਿ – ‘‘ਇਮਿਨਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ‘‘ਤੇਨ ਮਰਿਸ੍ਸਾਮੀ’’ਤਿ ਦੁਕ੍ਖਂ વੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ।

Upanikkhipanaṃ nāma asiṃ vā sattiṃ vā bheṇḍiṃ vā laguḷaṃ vā pāsāṇaṃ vā satthaṃ vā visaṃ vā rajjuṃ vā upanikkhipati – ‘‘iminā marissatī’’ti, āpatti dukkaṭassa. ‘‘Tena marissāmī’’ti dukkhaṃ vedanaṃ uppādeti, āpatti thullaccayassa. Marati, āpatti pārājikassa.

ਭੇਸਜ੍ਜਂ ਨਾਮ ਸਪ੍ਪਿਂ વਾ ਨવਨੀਤਂ વਾ ਤੇਲਂ વਾ ਮਧੁਂ વਾ ਫਾਣਿਤਂ વਾ ਦੇਤਿ – ‘‘ਇਮਂ ਸਾਯਿਤ੍વਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਂ ਸਾਯਿਤੇ ਦੁਕ੍ਖਾ વੇਦਨਾ ਉਪ੍ਪਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ।

Bhesajjaṃ nāma sappiṃ vā navanītaṃ vā telaṃ vā madhuṃ vā phāṇitaṃ vā deti – ‘‘imaṃ sāyitvā marissatī’’ti, āpatti dukkaṭassa. Taṃ sāyite dukkhā vedanā uppajjati, āpatti thullaccayassa. Marati, āpatti pārājikassa.

੧੭੮. ਰੂਪੂਪਹਾਰੋ ਨਾਮ ਅਮਨਾਪਿਕਂ ਰੂਪਂ ਉਪਸਂਹਰਤਿ ਭਯਾਨਕਂ ਭੇਰવਂ – ‘‘ਇਮਂ ਪਸ੍ਸਿਤ੍વਾ ਉਤ੍ਤਸਿਤ੍વਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਂ ਪਸ੍ਸਿਤ੍વਾ ਉਤ੍ਤਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ। ਮਨਾਪਿਕਂ ਰੂਪਂ ਉਪਸਂਹਰਤਿ ¹⁵ – ‘‘ਇਮਂ ਪਸ੍ਸਿਤ੍વਾ ਅਲਾਭਕੇਨ ਸੁਸ੍ਸਿਤ੍વਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਂ ਪਸ੍ਸਿਤ੍વਾ ਅਲਾਭਕੇਨ ਸੁਸ੍ਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ।

178.Rūpūpahāro nāma amanāpikaṃ rūpaṃ upasaṃharati bhayānakaṃ bheravaṃ – ‘‘imaṃ passitvā uttasitvā marissatī’’ti, āpatti dukkaṭassa. Taṃ passitvā uttasati, āpatti thullaccayassa. Marati, āpatti pārājikassa. Manāpikaṃ rūpaṃ upasaṃharati ¹⁶ – ‘‘imaṃ passitvā alābhakena sussitvā marissatī’’ti, āpatti dukkaṭassa. Taṃ passitvā alābhakena sussati, āpatti thullaccayassa. Marati, āpatti pārājikassa.

ਸਦ੍ਦੂਪਹਾਰੋ ਨਾਮ ਅਮਨਾਪਿਕਂ ਸਦ੍ਦਂ ਉਪਸਂਹਰਤਿ ਭਯਾਨਕਂ ਭੇਰવਂ – ‘‘ਇਮਂ ਸੁਤ੍વਾ ਉਤ੍ਤਸਿਤ੍વਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਂ ਸੁਤ੍વਾ ਉਤ੍ਤਸਤਿ , ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ। ਮਨਾਪਿਕਂ ਸਦ੍ਦਂ ਉਪਸਂਹਰਤਿ ਪੇਮਨੀਯਂ ਹਦਯਙ੍ਗਮਂ – ‘‘ਇਮਂ ਸੁਤ੍વਾ ਅਲਾਭਕੇਨ ਸੁਸ੍ਸਿਤ੍વਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਂ ਸੁਤ੍વਾ ਅਲਾਭਕੇਨ ਸੁਸ੍ਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ , ਆਪਤ੍ਤਿ ਪਾਰਾਜਿਕਸ੍ਸ।

Saddūpahāro nāma amanāpikaṃ saddaṃ upasaṃharati bhayānakaṃ bheravaṃ – ‘‘imaṃ sutvā uttasitvā marissatī’’ti, āpatti dukkaṭassa. Taṃ sutvā uttasati , āpatti thullaccayassa. Marati, āpatti pārājikassa. Manāpikaṃ saddaṃ upasaṃharati pemanīyaṃ hadayaṅgamaṃ – ‘‘imaṃ sutvā alābhakena sussitvā marissatī’’ti, āpatti dukkaṭassa. Taṃ sutvā alābhakena sussati, āpatti thullaccayassa. Marati , āpatti pārājikassa.

ਗਨ੍ਧੂਪਹਾਰੋ ਨਾਮ ਅਮਨਾਪਿਕਂ ਗਨ੍ਧਂ ਉਪਸਂਹਰਤਿ ਜੇਗੁਚ੍ਛਂ ਪਾਟਿਕੁਲ੍ਯਂ ¹⁷ – ‘‘ਇਮਂ ਘਾਯਿਤ੍વਾ ਜੇਗੁਚ੍ਛਤਾ ਪਾਟਿਕੁਲ੍ਯਤਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਂ ਘਾਯਿਤੇ ਜੇਗੁਚ੍ਛਤਾ ਪਾਟਿਕੁਲ੍ਯਤਾ ਦੁਕ੍ਖਾ વੇਦਨਾ ਉਪ੍ਪਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ। ਮਨਾਪਿਕਂ ਗਨ੍ਧਂ ਉਪਸਂਹਰਤਿ – ‘‘ਇਮਂ ਘਾਯਿਤ੍વਾ ਅਲਾਭਕੇਨ ਸੁਸ੍ਸਿਤ੍વਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਂ ਘਾਯਿਤ੍વਾ ਅਲਾਭਕੇਨ ਸੁਸ੍ਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ।

Gandhūpahāro nāma amanāpikaṃ gandhaṃ upasaṃharati jegucchaṃ pāṭikulyaṃ ¹⁸ – ‘‘imaṃ ghāyitvā jegucchatā pāṭikulyatā marissatī’’ti, āpatti dukkaṭassa. Taṃ ghāyite jegucchatā pāṭikulyatā dukkhā vedanā uppajjati, āpatti thullaccayassa. Marati, āpatti pārājikassa. Manāpikaṃ gandhaṃ upasaṃharati – ‘‘imaṃ ghāyitvā alābhakena sussitvā marissatī’’ti, āpatti dukkaṭassa. Taṃ ghāyitvā alābhakena sussati, āpatti thullaccayassa. Marati, āpatti pārājikassa.

ਰਸੂਪਹਾਰੋ ਨਾਮ ਅਮਨਾਪਿਕਂ ਰਸਂ ਉਪਸਂਹਰਤਿ ਜੇਗੁਚ੍ਛਂ ਪਾਟਿਕੁਲ੍ਯਂ ¹⁹ – ‘‘ਇਮਂ ਸਾਯਿਤ੍વਾ ਜੇਗੁਚ੍ਛਤਾ ਪਾਟਿਕੁਲ੍ਯਤਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਂ ਸਾਯਿਤੇ ਜੇਗੁਚ੍ਛਤਾ ਪਾਟਿਕੁਲ੍ਯਤਾ ਦੁਕ੍ਖਾ વੇਦਨਾ ਉਪ੍ਪਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ। ਮਨਾਪਿਕਂ ਰਸਂ ਉਪਸਂਹਰਤਿ – ‘‘ਇਮਂ ਸਾਯਿਤ੍વਾ ਅਲਾਭਕੇਨ ਸੁਸ੍ਸਿਤ੍વਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਂ ਸਾਯਿਤ੍વਾ ਅਲਾਭਕੇਨ ਸੁਸ੍ਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ।

Rasūpahāro nāma amanāpikaṃ rasaṃ upasaṃharati jegucchaṃ pāṭikulyaṃ ²⁰ – ‘‘imaṃ sāyitvā jegucchatā pāṭikulyatā marissatī’’ti, āpatti dukkaṭassa. Taṃ sāyite jegucchatā pāṭikulyatā dukkhā vedanā uppajjati, āpatti thullaccayassa. Marati, āpatti pārājikassa. Manāpikaṃ rasaṃ upasaṃharati – ‘‘imaṃ sāyitvā alābhakena sussitvā marissatī’’ti, āpatti dukkaṭassa. Taṃ sāyitvā alābhakena sussati, āpatti thullaccayassa. Marati, āpatti pārājikassa.

ਫੋਟ੍ਠਬ੍ਬੂਪਹਾਰੋ ਨਾਮ ਅਮਨਾਪਿਕਂ ਫੋਟ੍ਠਬ੍ਬਂ ਉਪਸਂਹਰਤਿ ਦੁਕ੍ਖਸਮ੍ਫਸ੍ਸਂ ਖਰਸਮ੍ਫਸ੍ਸਂ – ‘‘ਇਮਿਨਾ ਫੁਟ੍ਠੋ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤੇਨ ਫੁਟ੍ਠਸ੍ਸ ਦੁਕ੍ਖਾ વੇਦਨਾ ਉਪ੍ਪਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ। ਮਨਾਪਿਕਂ ਫੋਟ੍ਠਬ੍ਬਂ ਉਪਸਂਹਰਤਿ ਸੁਖਸਮ੍ਫਸ੍ਸਂ ਮੁਦੁਸਮ੍ਫਸ੍ਸਂ – ‘‘ਇਮਿਨਾ ਫੁਟ੍ਠੋ ਅਲਾਭਕੇਨ ਸੁਸ੍ਸਿਤ੍વਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤੇਨ ਫੁਟ੍ਠੋ ਅਲਾਭਕੇਨ ਸੁਸ੍ਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ।

Phoṭṭhabbūpahāro nāma amanāpikaṃ phoṭṭhabbaṃ upasaṃharati dukkhasamphassaṃ kharasamphassaṃ – ‘‘iminā phuṭṭho marissatī’’ti, āpatti dukkaṭassa. Tena phuṭṭhassa dukkhā vedanā uppajjati, āpatti thullaccayassa. Marati, āpatti pārājikassa. Manāpikaṃ phoṭṭhabbaṃ upasaṃharati sukhasamphassaṃ mudusamphassaṃ – ‘‘iminā phuṭṭho alābhakena sussitvā marissatī’’ti, āpatti dukkaṭassa. Tena phuṭṭho alābhakena sussati, āpatti thullaccayassa. Marati, āpatti pārājikassa.

ਧਮ੍ਮੂਪਹਾਰੋ ਨਾਮ ਨੇਰਯਿਕਸ੍ਸ ਨਿਰਯਕਥਂ ਕਥੇਤਿ – ‘‘ਇਮਂ ਸੁਤ੍વਾ ਉਤ੍ਤਸਿਤ੍વਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਂ ਸੁਤ੍વਾ ਉਤ੍ਤਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ। ਕਲ੍ਯਾਣਕਮ੍ਮਸ੍ਸ ਸਗ੍ਗਕਥਂ ਕਥੇਤਿ – ‘‘ਇਮਂ ਸੁਤ੍વਾ ਅਧਿਮੁਤ੍ਤੋ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਂ ਸੁਤ੍વਾ ਅਧਿਮੁਤ੍ਤੋ ਮਰਿਸ੍ਸਾਮੀਤਿ ਦੁਕ੍ਖਂ વੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ।

Dhammūpahāro nāma nerayikassa nirayakathaṃ katheti – ‘‘imaṃ sutvā uttasitvā marissatī’’ti, āpatti dukkaṭassa. Taṃ sutvā uttasati, āpatti thullaccayassa. Marati, āpatti pārājikassa. Kalyāṇakammassa saggakathaṃ katheti – ‘‘imaṃ sutvā adhimutto marissatī’’ti, āpatti dukkaṭassa. Taṃ sutvā adhimutto marissāmīti dukkhaṃ vedanaṃ uppādeti, āpatti thullaccayassa. Marati, āpatti pārājikassa.

੧੭੯. ਆਚਿਕ੍ਖਨਾ ਨਾਮ ਪੁਟ੍ਠੋ ਭਣਤਿ – ‘‘ਏવਂ ਮਰਸ੍ਸੁ। ਯੋ ਏવਂ ਮਰਤਿ ਸੋ ਧਨਂ વਾ ਲਭਤਿ ਯਸਂ વਾ ਲਭਤਿ ਸਗ੍ਗਂ વਾ ਗਚ੍ਛਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਾਯ ਆਚਿਕ੍ਖਨਾਯ ਮਰਿਸ੍ਸਾਮੀਤਿ ਦੁਕ੍ਖਂ વੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ।

179.Ācikkhanā nāma puṭṭho bhaṇati – ‘‘evaṃ marassu. Yo evaṃ marati so dhanaṃ vā labhati yasaṃ vā labhati saggaṃ vā gacchatī’’ti, āpatti dukkaṭassa. Tāya ācikkhanāya marissāmīti dukkhaṃ vedanaṃ uppādeti, āpatti thullaccayassa. Marati, āpatti pārājikassa.

ਅਨੁਸਾਸਨੀ ਨਾਮ ਅਪੁਟ੍ਠੋ ਭਣਤਿ – ‘‘ਏવਂ ਮਰਸ੍ਸੁ। ਯੋ ਏવਂ ਮਰਤਿ ਸੋ ਧਨਂ વਾ ਲਭਤਿ ਯਸਂ વਾ ਲਭਤਿ ਸਗ੍ਗਂ વਾ ਗਚ੍ਛਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਾਯ ਅਨੁਸਾਸਨਿਯਾ ਮਰਿਸ੍ਸਾਮੀਤਿ ਦੁਕ੍ਖਂ વੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ।

Anusāsanī nāma apuṭṭho bhaṇati – ‘‘evaṃ marassu. Yo evaṃ marati so dhanaṃ vā labhati yasaṃ vā labhati saggaṃ vā gacchatī’’ti, āpatti dukkaṭassa. Tāya anusāsaniyā marissāmīti dukkhaṃ vedanaṃ uppādeti, āpatti thullaccayassa. Marati, āpatti pārājikassa.

ਸਙ੍ਕੇਤਕਮ੍ਮਂ ਨਾਮ ਸਙ੍ਕੇਤਂ ਕਰੋਤਿ ਪੁਰੇਭਤ੍ਤਂ વਾ ਪਚ੍ਛਾਭਤ੍ਤਂ વਾ ਰਤ੍ਤਿਂ વਾ ਦਿવਾ વਾ – ‘‘ਤੇਨ ਸਙ੍ਕੇਤੇਨ ਤਂ ਜੀવਿਤਾ વੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤੇਨ ਸਙ੍ਕੇਤੇਨ ਤਂ ਜੀવਿਤਾ વੋਰੋਪੇਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ। ਤਂ ਸਙ੍ਕੇਤਂ ਪੁਰੇ વਾ ਪਚ੍ਛਾ વਾ ਤਂ ਜੀવਿਤਾ વੋਰੋਪੇਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ, વਧਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ।

Saṅketakammaṃ nāma saṅketaṃ karoti purebhattaṃ vā pacchābhattaṃ vā rattiṃ vā divā vā – ‘‘tena saṅketena taṃ jīvitā voropehī’’ti, āpatti dukkaṭassa. Tena saṅketena taṃ jīvitā voropeti, āpatti ubhinnaṃ pārājikassa. Taṃ saṅketaṃ pure vā pacchā vā taṃ jīvitā voropeti, mūlaṭṭhassa anāpatti, vadhakassa āpatti pārājikassa.

ਨਿਮਿਤ੍ਤਕਮ੍ਮਂ ਨਾਮ ਨਿਮਿਤ੍ਤਂ ਕਰੋਤਿ – ‘‘ਅਕ੍ਖਿਂ વਾ ਨਿਖਣਿਸ੍ਸਾਮਿ ਭਮੁਕਂ વਾ ਉਕ੍ਖਿਪਿਸ੍ਸਾਮਿ ਸੀਸਂ વਾ ਉਕ੍ਖਿਪਿਸ੍ਸਾਮਿ, ਤੇਨ ਨਿਮਿਤ੍ਤੇਨ ਤਂ ਜੀવਿਤਾ વੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤੇਨ ਨਿਮਿਤ੍ਤੇਨ ਤਂ ਜੀવਿਤਾ વੋਰੋਪੇਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ। ਤਂ ਨਿਮਿਤ੍ਤਂ ਪੁਰੇ વਾ ਪਚ੍ਛਾ વਾ ਤਂ ਜੀવਿਤਾ વੋਰੋਪੇਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ, વਧਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ।

Nimittakammaṃ nāma nimittaṃ karoti – ‘‘akkhiṃ vā nikhaṇissāmi bhamukaṃ vā ukkhipissāmi sīsaṃ vā ukkhipissāmi, tena nimittena taṃ jīvitā voropehī’’ti, āpatti dukkaṭassa. Tena nimittena taṃ jīvitā voropeti, āpatti ubhinnaṃ pārājikassa. Taṃ nimittaṃ pure vā pacchā vā taṃ jīvitā voropeti, mūlaṭṭhassa anāpatti, vadhakassa āpatti pārājikassa.

ਅਨਾਪਤ੍ਤਿ ਅਸਞ੍ਚਿਚ੍ਚ ਅਜਾਨਨ੍ਤਸ੍ਸ ਨਮਰਣਾਧਿਪ੍ਪਾਯਸ੍ਸ ਉਮ੍ਮਤ੍ਤਕਸ੍ਸ ²¹ ਆਦਿਕਮ੍ਮਿਕਸ੍ਸਾਤਿ।

Anāpatti asañcicca ajānantassa namaraṇādhippāyassa ummattakassa ²² ādikammikassāti.

ਮਨੁਸ੍ਸવਿਗ੍ਗਹਪਾਰਾਜਿਕਮ੍ਹਿ ਪਠਮਭਾਣવਾਰੋ ਨਿਟ੍ਠਿਤੋ।

Manussaviggahapārājikamhi paṭhamabhāṇavāro niṭṭhito.

વਿਨੀਤવਤ੍ਥੁਉਦ੍ਦਾਨਗਾਥਾ

Vinītavatthuuddānagāthā

ਸਂવਣ੍ਣਨਾ ਨਿਸੀਦਨ੍ਤੋ, ਮੁਸਲੋਦੁਕ੍ਖਲੇਨ ਚ।

Saṃvaṇṇanā nisīdanto, musalodukkhalena ca;

વੁਡ੍ਢਪਬ੍ਬਜਿਤਾਭਿਸਨ੍ਨੋ, ਅਗ੍ਗવੀਮਂਸਨਾવਿਸਂ॥

Vuḍḍhapabbajitābhisanno, aggavīmaṃsanāvisaṃ.

ਤਯੋ ਚ વਤ੍ਥੁਕਮ੍ਮੇਹਿ, ਇਟ੍ਠਕਾਹਿਪਰੇ ਤਯੋ।

Tayo ca vatthukammehi, iṭṭhakāhipare tayo;

વਾਸੀ ਗੋਪਾਨਸੀ ਚੇવ, ਅਟ੍ਟਕੋਤਰਣਂ ਪਤਿ॥

Vāsī gopānasī ceva, aṭṭakotaraṇaṃ pati.

ਸੇਦਂ ਨਤ੍ਥੁਞ੍ਚ ਸਮ੍ਬਾਹੋ, ਨ੍ਹਾਪਨਬ੍ਭਞ੍ਜਨੇਨ ਚ।

Sedaṃ natthuñca sambāho, nhāpanabbhañjanena ca;

ਉਟ੍ਠਾਪੇਨ੍ਤੋ ਨਿਪਾਤੇਨ੍ਤੋ, ਅਨ੍ਨਪਾਨੇਨ ਮਾਰਣਂ॥

Uṭṭhāpento nipātento, annapānena māraṇaṃ.

ਜਾਰਗਬ੍ਭੋ ਸਪਤ੍ਤੀ ਚ, ਮਾਤਾ ਪੁਤ੍ਤਂ ਉਭੋ વਧਿ।

Jāragabbho sapattī ca, mātā puttaṃ ubho vadhi;

ਉਭੋ ਨ ਮਿਯ੍ਯਰੇ ਮਦ੍ਦਾ, ਤਾਪਂ વਞ੍ਝਾ વਿਜਾਯਿਨੀ॥

Ubho na miyyare maddā, tāpaṃ vañjhā vijāyinī.

ਪਤੋਦਂ ਨਿਗ੍ਗਹੇ ਯਕ੍ਖੋ, વਾਲ਼ਯਕ੍ਖਞ੍ਚ ਪਾਹਿਣਿ।

Patodaṃ niggahe yakkho, vāḷayakkhañca pāhiṇi;

ਤਂ ਮਞ੍ਞਮਾਨੋ ਪਹਰਿ, ਸਗ੍ਗਞ੍ਚ ਨਿਰਯਂ ਭਣੇ॥

Taṃ maññamāno pahari, saggañca nirayaṃ bhaṇe.

ਆਲ਼વਿਯਾ ਤਯੋ ਰੁਕ੍ਖਾ, ਦਾਯੇਹਿ ਅਪਰੇ ਤਯੋ।

Āḷaviyā tayo rukkhā, dāyehi apare tayo;

ਮਾ ਕਿਲਮੇਸਿ ਨ ਤੁਯ੍ਹਂ, ਤਕ੍ਕਂ ਸੋવੀਰਕੇਨ ਚਾਤਿ॥

Mā kilamesi na tuyhaṃ, takkaṃ sovīrakena cāti.

વਿਨੀਤવਤ੍ਥੁ

Vinītavatthu

੧੮੦. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ। ਤਸ੍ਸ ਭਿਕ੍ਖੂ ਕਾਰੁਞ੍ਞੇਨ ਮਰਣવਣ੍ਣਂ ਸਂવਣ੍ਣੇਸੁਂ। ਸੋ ਭਿਕ੍ਖੁ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ ‘‘ਭਗવਤਾ ਸਿਕ੍ਖਾਪਦਂ ਪਞ੍ਞਤ੍ਤਂ, ਕਚ੍ਚਿ ਨੁ ਖੋ ਮਯਂ ਪਾਰਾਜਿਕਂ ਆਪਤ੍ਤਿਂ ਆਪਨ੍ਨਾ’’ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਆਪਤ੍ਤਿਂ ਤੁਮ੍ਹੇ, ਭਿਕ੍ਖવੇ, ਆਪਨ੍ਨਾ ਪਾਰਾਜਿਕ’’ਨ੍ਤਿ।

180. Tena kho pana samayena aññataro bhikkhu gilāno hoti. Tassa bhikkhū kāruññena maraṇavaṇṇaṃ saṃvaṇṇesuṃ. So bhikkhu kālamakāsi. Tesaṃ kukkuccaṃ ahosi ‘‘bhagavatā sikkhāpadaṃ paññattaṃ, kacci nu kho mayaṃ pārājikaṃ āpattiṃ āpannā’’ti? Bhagavato etamatthaṃ ārocesuṃ. ‘‘Āpattiṃ tumhe, bhikkhave, āpannā pārājika’’nti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪਿਣ੍ਡਚਾਰਿਕੋ ਭਿਕ੍ਖੁ ਪੀਠਕੇ ਪਿਲੋਤਿਕਾਯ ਪਟਿਚ੍ਛਨ੍ਨਂ ਦਾਰਕਂ ਨਿਸੀਦਨ੍ਤੋ ਓਤ੍ਥਰਿਤ੍વਾ ਮਾਰੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ ‘‘ਭਗવਤਾ ਸਿਕ੍ਖਾਪਦਂ ਪਞ੍ਞਤ੍ਤਂ, ਕਚ੍ਚਿ ਨੁ ਖੋ ਅਹਂ ਪਾਰਾਜਿਕਂ ਆਪਤ੍ਤਿਂ ਆਪਨ੍ਨੋ’’ਤਿ? ਭਗવਤੋ ਏਤਮਤ੍ਥਂ ਆਰੋਚੇਸਿ। ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ। ਨ ਚ, ਭਿਕ੍ਖવੇ, ਅਪ੍ਪਟਿવੇਕ੍ਖਿਤ੍વਾ ਆਸਨੇ ਨਿਸੀਦਿਤਬ੍ਬਂ; ਯੋ ਨਿਸੀਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।

Tena kho pana samayena aññataro piṇḍacāriko bhikkhu pīṭhake pilotikāya paṭicchannaṃ dārakaṃ nisīdanto ottharitvā māresi. Tassa kukkuccaṃ ahosi ‘‘bhagavatā sikkhāpadaṃ paññattaṃ, kacci nu kho ahaṃ pārājikaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, pārājikassa. Na ca, bhikkhave, appaṭivekkhitvā āsane nisīditabbaṃ; yo nisīdeyya, āpatti dukkaṭassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਭਤ੍ਤਗ੍ਗੇ ਅਨ੍ਤਰਘਰੇ ਆਸਨਂ ਪਞ੍ਞਪੇਨ੍ਤੋ ਮੁਸਲੇ ਉਸ੍ਸਿਤੇ ਏਕਂ ਮੁਸਲਂ ਅਗ੍ਗਹੇਸਿ। ਦੁਤਿਯੋ ਮੁਸਲੋ ਪਰਿਪਤਿਤ੍વਾ ਅਞ੍ਞਤਰਸ੍ਸ ਦਾਰਕਸ੍ਸ ਮਤ੍ਥਕੇ ਅવਤ੍ਥਾਸਿ। ਸੋ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਕਿਂਚਿਤ੍ਤੋ ਤ੍વਂ, ਭਿਕ੍ਖੂ’’ਤਿ? ‘‘ਅਸਞ੍ਚਿਚ੍ਚ ਅਹਂ, ਭਗવਾ’’ਤਿ। ‘‘ਅਨਾਪਤ੍ਤਿ, ਭਿਕ੍ਖੁ, ਅਸਞ੍ਚਿਚ੍ਚਾ’’ਤਿ।

Tena kho pana samayena aññataro bhikkhu bhattagge antaraghare āsanaṃ paññapento musale ussite ekaṃ musalaṃ aggahesi. Dutiyo musalo paripatitvā aññatarassa dārakassa matthake avatthāsi. So kālamakāsi. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Asañcicca ahaṃ, bhagavā’’ti. ‘‘Anāpatti, bhikkhu, asañciccā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਭਤ੍ਤਗ੍ਗੇ ਅਨ੍ਤਰਘਰੇ ਆਸਨਂ ਪਞ੍ਞਪੇਨ੍ਤੋ ਉਦੁਕ੍ਖਲਭਣ੍ਡਿਕਂ ਅਕ੍ਕਮਿਤ੍વਾ ਪવਟ੍ਟੇਸਿ। ਅਞ੍ਞਤਰਂ ਦਾਰਕਂ ਓਤ੍ਥਰਿਤ੍વਾ ਮਾਰੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਅਸਞ੍ਚਿਚ੍ਚਾ’’ਤਿ।

Tena kho pana samayena aññataro bhikkhu bhattagge antaraghare āsanaṃ paññapento udukkhalabhaṇḍikaṃ akkamitvā pavaṭṭesi. Aññataraṃ dārakaṃ ottharitvā māresi. Tassa kukkuccaṃ ahosi…pe… ‘‘anāpatti, bhikkhu, asañciccā’’ti.

ਤੇਨ ਖੋ ਪਨ ਸਮਯੇਨ ਪਿਤਾਪੁਤ੍ਤਾ ਭਿਕ੍ਖੂਸੁ ਪਬ੍ਬਜਿਤਾ ਹੋਨ੍ਤਿ। ਕਾਲੇ ਆਰੋਚਿਤੇ ਪੁਤ੍ਤੋ ਪਿਤਰਂ ਏਤਦવੋਚ – ‘‘ਗਚ੍ਛ, ਭਨ੍ਤੇ, ਸਙ੍ਘੋ ਤਂ ਪਤਿਮਾਨੇਤੀ’’ਤਿ ਪਿਟ੍ਠਿਯਂ ਗਹੇਤ੍વਾ ਪਣਾਮੇਸਿ। ਸੋ ਪਪਤਿਤ੍વਾ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਕਿਂਚਿਤ੍ਤੋ ਤ੍વਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗવਾ, ਮਰਣਾਧਿਪ੍ਪਾਯੋ’’ਤਿ। ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

Tena kho pana samayena pitāputtā bhikkhūsu pabbajitā honti. Kāle ārocite putto pitaraṃ etadavoca – ‘‘gaccha, bhante, saṅgho taṃ patimānetī’’ti piṭṭhiyaṃ gahetvā paṇāmesi. So papatitvā kālamakāsi. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, maraṇādhippāyo’’ti. ‘‘Anāpatti, bhikkhu, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਪਿਤਾਪੁਤ੍ਤਾ ਭਿਕ੍ਖੂਸੁ ਪਬ੍ਬਜਿਤਾ ਹੋਨ੍ਤਿ। ਕਾਲੇ ਆਰੋਚਿਤੇ ਪੁਤ੍ਤੋ ਪਿਤਰਂ ਏਤਦવੋਚ – ‘‘ਗਚ੍ਛ, ਭਨ੍ਤੇ, ਸਙ੍ਘੋ ਤਂ ਪਤਿਮਾਨੇਤੀ’’ਤਿ ਮਰਣਾਧਿਪ੍ਪਾਯੋ ਪਿਟ੍ਠਿਯਂ ਗਹੇਤ੍વਾ ਪਣਾਮੇਸਿ। ਸੋ ਪਪਤਿਤ੍વਾ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।

Tena kho pana samayena pitāputtā bhikkhūsu pabbajitā honti. Kāle ārocite putto pitaraṃ etadavoca – ‘‘gaccha, bhante, saṅgho taṃ patimānetī’’ti maraṇādhippāyo piṭṭhiyaṃ gahetvā paṇāmesi. So papatitvā kālamakāsi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.

ਤੇਨ ਖੋ ਪਨ ਸਮਯੇਨ ਪਿਤਾਪੁਤ੍ਤਾ ਭਿਕ੍ਖੂਸੁ ਪਬ੍ਬਜਿਤਾ ਹੋਨ੍ਤਿ। ਕਾਲੇ ਆਰੋਚਿਤੇ ਪੁਤ੍ਤੋ ਪਿਤਰਂ ਏਤਦવੋਚ – ‘‘ਗਚ੍ਛ, ਭਨ੍ਤੇ, ਸਙ੍ਘੋ ਤਂ ਪਤਿਮਾਨੇਤੀ’’ਤਿ ਮਰਣਾਧਿਪ੍ਪਾਯੋ ਪਿਟ੍ਠਿਯਂ ਗਹੇਤ੍વਾ ਪਣਾਮੇਸਿ। ਸੋ ਪਪਤਿਤ੍વਾ ਨ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena pitāputtā bhikkhūsu pabbajitā honti. Kāle ārocite putto pitaraṃ etadavoca – ‘‘gaccha, bhante, saṅgho taṃ patimānetī’’ti maraṇādhippāyo piṭṭhiyaṃ gahetvā paṇāmesi. So papatitvā na kālamakāsi. Tassa kukkuccaṃ ahosi…pe… ‘‘anāpatti, bhikkhu, pārājikassa ; āpatti thullaccayassā’’ti.

੧੮੧. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਭੁਞ੍ਜਨ੍ਤਸ੍ਸ ਮਂਸਂ ਕਣ੍ਠੇ વਿਲਗ੍ਗਂ ਹੋਤਿ। ਅਞ੍ਞਤਰੋ ਭਿਕ੍ਖੁ ਤਸ੍ਸ ਭਿਕ੍ਖੁਨੋ ਗੀવਾਯਂ ਪਹਾਰਂ ਅਦਾਸਿ। ਸਲੋਹਿਤਂ ਮਂਸਂ ਪਤਿ। ਸੋ ਭਿਕ੍ਖੁ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

181. Tena kho pana samayena aññatarassa bhikkhuno bhuñjantassa maṃsaṃ kaṇṭhe vilaggaṃ hoti. Aññataro bhikkhu tassa bhikkhuno gīvāyaṃ pahāraṃ adāsi. Salohitaṃ maṃsaṃ pati. So bhikkhu kālamakāsi. Tassa kukkuccaṃ ahosi…pe… ‘‘anāpatti, bhikkhu, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਭੁਞ੍ਜਨ੍ਤਸ੍ਸ ਮਂਸਂ ਕਣ੍ਠੇ વਿਲਗ੍ਗਂ ਹੋਤਿ। ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਤਸ੍ਸ ਭਿਕ੍ਖੁਨੋ ਗੀવਾਯਂ ਪਹਾਰਂ ਅਦਾਸਿ। ਸਲੋਹਿਤਂ ਮਂਸਂ ਪਤਿ। ਸੋ ਭਿਕ੍ਖੁ ਕਾਲਮਕਾਸਿ । ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।

Tena kho pana samayena aññatarassa bhikkhuno bhuñjantassa maṃsaṃ kaṇṭhe vilaggaṃ hoti. Aññataro bhikkhu maraṇādhippāyo tassa bhikkhuno gīvāyaṃ pahāraṃ adāsi. Salohitaṃ maṃsaṃ pati. So bhikkhu kālamakāsi . Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਭੁਞ੍ਜਨ੍ਤਸ੍ਸ ਮਂਸਂ ਕਣ੍ਠੇ વਿਲਗ੍ਗਂ ਹੋਤਿ। ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਤਸ੍ਸ ਭਿਕ੍ਖੁਨੋ ਗੀવਾਯਂ ਪਹਾਰਂ ਅਦਾਸਿ। ਸਲੋਹਿਤਂ ਮਂਸਂ ਪਤਿ। ਸੋ ਭਿਕ੍ਖੁ ਨ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññatarassa bhikkhuno bhuñjantassa maṃsaṃ kaṇṭhe vilaggaṃ hoti. Aññataro bhikkhu maraṇādhippāyo tassa bhikkhuno gīvāyaṃ pahāraṃ adāsi. Salohitaṃ maṃsaṃ pati. So bhikkhu na kālamakāsi. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti thullaccayassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪਿਣ੍ਡਚਾਰਿਕੋ ਭਿਕ੍ਖੁ વਿਸਗਤਂ ਪਿਣ੍ਡਪਾਤਂ ਲਭਿਤ੍વਾ ਪਟਿਕ੍ਕਮਨਂ ਹਰਿਤ੍વਾ ਭਿਕ੍ਖੂਨਂ ਅਗ੍ਗਕਾਰਿਕਂ ਅਦਾਸਿ। ਤੇ ਭਿਕ੍ਖੂ ਕਾਲਮਕਂਸੁ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਕਿਂਚਿਤ੍ਤੋ ਤ੍વਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗવਾ, ਜਾਨਾਮੀ’’ਤਿ। ‘‘ਅਨਾਪਤ੍ਤਿ, ਭਿਕ੍ਖੁ, ਅਜਾਨਨ੍ਤਸ੍ਸਾ’’ਤਿ।

Tena kho pana samayena aññataro piṇḍacāriko bhikkhu visagataṃ piṇḍapātaṃ labhitvā paṭikkamanaṃ haritvā bhikkhūnaṃ aggakārikaṃ adāsi. Te bhikkhū kālamakaṃsu. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, jānāmī’’ti. ‘‘Anāpatti, bhikkhu, ajānantassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ વੀਮਂਸਾਧਿਪ੍ਪਾਯੋ ਅਞ੍ਞਤਰਸ੍ਸ ਭਿਕ੍ਖੁਨੋ વਿਸਂ ਅਦਾਸਿ। ਸੋ ਭਿਕ੍ਖੁ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਕਿਂਚਿਤ੍ਤੋ ਤ੍વਂ, ਭਿਕ੍ਖੂ’’ਤਿ? ‘‘વੀਮਂਸਾਧਿਪ੍ਪਾਯੋ ਅਹਂ, ਭਗવਾ’’ਤਿ। ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññataro bhikkhu vīmaṃsādhippāyo aññatarassa bhikkhuno visaṃ adāsi. So bhikkhu kālamakāsi. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Vīmaṃsādhippāyo ahaṃ, bhagavā’’ti. ‘‘Anāpatti, bhikkhu, pārājikassa; āpatti thullaccayassā’’ti.

੧੮੨. ਤੇਨ ਖੋ ਪਨ ਸਮਯੇਨ ਆਲ਼વਕਾ ²³ ਭਿਕ੍ਖੂ વਿਹਾਰવਤ੍ਥੁਂ ਕਰੋਨ੍ਤਿ । ਅਞ੍ਞਤਰੋ ਭਿਕ੍ਖੁ ਹੇਟ੍ਠਾ ਹੁਤ੍વਾ ਸਿਲਂ ਉਚ੍ਚਾਰੇਸਿ। ਉਪਰਿਮੇਨ ਭਿਕ੍ਖੁਨਾ ਦੁਗ੍ਗਹਿਤਾ ਸਿਲਾ ਹੇਟ੍ਠਿਮਸ੍ਸ ਭਿਕ੍ਖੁਨੋ ਮਤ੍ਥਕੇ ਅવਤ੍ਥਾਸਿ। ਸੋ ਭਿਕ੍ਖੁ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਅਸਞ੍ਚਿਚ੍ਚਾ’’ਤਿ।

182. Tena kho pana samayena āḷavakā ²⁴ bhikkhū vihāravatthuṃ karonti . Aññataro bhikkhu heṭṭhā hutvā silaṃ uccāresi. Uparimena bhikkhunā duggahitā silā heṭṭhimassa bhikkhuno matthake avatthāsi. So bhikkhu kālamakāsi. Tassa kukkuccaṃ ahosi…pe… ‘‘anāpatti, bhikkhu, asañciccā’’ti.

ਤੇਨ ਖੋ ਪਨ ਸਮਯੇਨ ਆਲ਼વਕਾ ਭਿਕ੍ਖੂ વਿਹਾਰવਤ੍ਥੁਂ ਕਰੋਨ੍ਤਿ। ਅਞ੍ਞਤਰੋ ਭਿਕ੍ਖੁ ਹੇਟ੍ਠਾ ਹੁਤ੍વਾ ਸਿਲਂ ਉਚ੍ਚਾਰੇਸਿ। ਉਪਰਿਮੋ ਭਿਕ੍ਖੁ ਮਰਣਾਧਿਪ੍ਪਾਯੋ ਹੇਟ੍ਠਿਮਸ੍ਸ ਭਿਕ੍ਖੁਨੋ ਮਤ੍ਥਕੇ ਸਿਲਂ ਮੁਞ੍ਚਿ। ਸੋ ਭਿਕ੍ਖੁ ਕਾਲਮਕਾਸਿ…ਪੇ॰… ਸੋ ਭਿਕ੍ਖੁ ਨ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena āḷavakā bhikkhū vihāravatthuṃ karonti. Aññataro bhikkhu heṭṭhā hutvā silaṃ uccāresi. Uparimo bhikkhu maraṇādhippāyo heṭṭhimassa bhikkhuno matthake silaṃ muñci. So bhikkhu kālamakāsi…pe… so bhikkhu na kālamakāsi. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti thullaccayassā’’ti.

ਤੇਨ ਖੋ ਪਨ ਸਮਯੇਨ ਆਲ਼વਕਾ ਭਿਕ੍ਖੂ વਿਹਾਰਸ੍ਸ ਕੁਟ੍ਟਂ ਉਟ੍ਠਾਪੇਨ੍ਤਿ। ਅਞ੍ਞਤਰੋ ਭਿਕ੍ਖੁ ਹੇਟ੍ਠਾ ਹੁਤ੍વਾ ਇਟ੍ਠਕਂ ਉਚ੍ਚਾਰੇਸਿ। ਉਪਰਿਮੇਨ ਭਿਕ੍ਖੁਨਾ ਦੁਗ੍ਗਹਿਤਾ ਇਟ੍ਠਕਾ ਹੇਟ੍ਠਿਮਸ੍ਸ ਭਿਕ੍ਖੁਨੋ ਮਤ੍ਥਕੇ ਅવਤ੍ਥਾਸਿ। ਸੋ ਭਿਕ੍ਖੁ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤਿ, ਭਿਕ੍ਖੁ, ਅਸਞ੍ਚਿਚ੍ਚਾ’’ਤਿ।

Tena kho pana samayena āḷavakā bhikkhū vihārassa kuṭṭaṃ uṭṭhāpenti. Aññataro bhikkhu heṭṭhā hutvā iṭṭhakaṃ uccāresi. Uparimena bhikkhunā duggahitā iṭṭhakā heṭṭhimassa bhikkhuno matthake avatthāsi. So bhikkhu kālamakāsi. Tassa kukkuccaṃ ahosi…pe… ‘‘anāpati, bhikkhu, asañciccā’’ti.

ਤੇਨ ਖੋ ਪਨ ਸਮਯੇਨ ਆਲ਼વਕਾ ਭਿਕ੍ਖੂ વਿਹਾਰਸ੍ਸ ਕੁਟ੍ਟਂ ਉਟ੍ਠਾਪੇਨ੍ਤਿ। ਅਞ੍ਞਤਰੋ ਭਿਕ੍ਖੁ ਹੇਟ੍ਠਾ ਹੁਤ੍વਾ ਇਟ੍ਠਕਂ ਉਚ੍ਚਾਰੇਸਿ। ਉਪਰਿਮੋ ਭਿਕ੍ਖੁ ਮਰਣਾਧਿਪ੍ਪਾਯੋ ਹੇਟ੍ਠਿਮਸ੍ਸ ਭਿਕ੍ਖੁਨੋ ਮਤ੍ਥਕੇ ਇਟ੍ਠਕਂ ਮੁਞ੍ਚਿ। ਸੋ ਭਿਕ੍ਖੁ ਕਾਲਮਕਾਸਿ…ਪੇ॰… ਸੋ ਭਿਕ੍ਖੁ ਨ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena āḷavakā bhikkhū vihārassa kuṭṭaṃ uṭṭhāpenti. Aññataro bhikkhu heṭṭhā hutvā iṭṭhakaṃ uccāresi. Uparimo bhikkhu maraṇādhippāyo heṭṭhimassa bhikkhuno matthake iṭṭhakaṃ muñci. So bhikkhu kālamakāsi…pe… so bhikkhu na kālamakāsi. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti thullaccayassā’’ti.

੧੮੩. ਤੇਨ ਖੋ ਪਨ ਸਮਯੇਨ ਆਲ਼વਕਾ ਭਿਕ੍ਖੂ ਨવਕਮ੍ਮਂ ਕਰੋਨ੍ਤਿ। ਅਞ੍ਞਤਰੋ ਭਿਕ੍ਖੁ ਹੇਟ੍ਠਾ ਹੁਤ੍વਾ વਾਸਿਂ ਉਚ੍ਚਾਰੇਸਿ। ਉਪਰਿਮੇਨ ਭਿਕ੍ਖੁਨਾ ਦੁਗ੍ਗਹਿਤਾ વਾਸੀ ਹੇਟ੍ਠਿਮਸ੍ਸ ਭਿਕ੍ਖੁਨੋ ਮਤ੍ਥਕੇ ਅવਤ੍ਥਾਸਿ। ਸੋ ਭਿਕ੍ਖੁ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਅਸਞ੍ਚਿਚ੍ਚਾ’’ਤਿ।

183. Tena kho pana samayena āḷavakā bhikkhū navakammaṃ karonti. Aññataro bhikkhu heṭṭhā hutvā vāsiṃ uccāresi. Uparimena bhikkhunā duggahitā vāsī heṭṭhimassa bhikkhuno matthake avatthāsi. So bhikkhu kālamakāsi. Tassa kukkuccaṃ ahosi…pe… ‘‘anāpatti, bhikkhu, asañciccā’’ti.

ਤੇਨ ਖੋ ਪਨ ਸਮਯੇਨ ਆਲ਼વਕਾ ਭਿਕ੍ਖੂ ਨવਕਮ੍ਮਂ ਕਰੋਨ੍ਤਿ। ਅਞ੍ਞਤਰੋ ਭਿਕ੍ਖੁ ਹੇਟ੍ਠਾ ਹੁਤ੍વਾ વਾਸਿਂ ਉਚ੍ਚਾਰੇਸਿ। ਉਪਰਿਮੋ ਭਿਕ੍ਖੁ ਮਰਣਾਧਿਪ੍ਪਾਯੋ ਹੇਟ੍ਠਿਮਸ੍ਸ ਭਿਕ੍ਖੁਨੋ ਮਤ੍ਥਕੇ વਾਸਿਂ ਮੁਞ੍ਚਿ। ਸੋ ਭਿਕ੍ਖੁ ਕਾਲਮਕਾਸਿ…ਪੇ॰… ਸੋ ਭਿਕ੍ਖੁ ਨ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena āḷavakā bhikkhū navakammaṃ karonti. Aññataro bhikkhu heṭṭhā hutvā vāsiṃ uccāresi. Uparimo bhikkhu maraṇādhippāyo heṭṭhimassa bhikkhuno matthake vāsiṃ muñci. So bhikkhu kālamakāsi…pe… so bhikkhu na kālamakāsi. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti thullaccayassā’’ti.

ਤੇਨ ਖੋ ਪਨ ਸਮਯੇਨ ਆਲ਼વਕਾ ਭਿਕ੍ਖੂ ਨવਕਮ੍ਮਂ ਕਰੋਨ੍ਤਿ। ਅਞ੍ਞਤਰੋ ਭਿਕ੍ਖੁ ਹੇਟ੍ਠਾ ਹੁਤ੍વਾ ਗੋਪਾਨਸਿਂ ਉਚ੍ਚਾਰੇਸਿ। ਉਪਰਿਮੇਨ ਭਿਕ੍ਖੁਨਾ ਦੁਗ੍ਗਹਿਤਾ ਗੋਪਾਨਸੀ ਹੇਟ੍ਠਿਮਸ੍ਸ ਭਿਕ੍ਖੁਨੋ ਮਤ੍ਥਕੇ ਅવਤ੍ਥਾਸਿ। ਸੋ ਭਿਕ੍ਖੁ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਅਸਞ੍ਚਿਚ੍ਚਾ’’ਤਿ।

Tena kho pana samayena āḷavakā bhikkhū navakammaṃ karonti. Aññataro bhikkhu heṭṭhā hutvā gopānasiṃ uccāresi. Uparimena bhikkhunā duggahitā gopānasī heṭṭhimassa bhikkhuno matthake avatthāsi. So bhikkhu kālamakāsi. Tassa kukkuccaṃ ahosi…pe… ‘‘anāpatti, bhikkhu, asañciccā’’ti.

ਤੇਨ ਖੋ ਪਨ ਸਮਯੇਨ ਆਲ਼વਕਾ ਭਿਕ੍ਖੂ ਨવਕਮ੍ਮਂ ਕਰੋਨ੍ਤਿ। ਅਞ੍ਞਤਰੋ ਭਿਕ੍ਖੁ ਹੇਟ੍ਠਾ ਹੁਤ੍વਾ ਗੋਪਾਨਸਿਂ ਉਚ੍ਚਾਰੇਸਿ। ਉਪਰਿਮੋ ਭਿਕ੍ਖੁ ਮਰਣਾਧਿਪ੍ਪਾਯੋ ਹੇਟ੍ਠਿਮਸ੍ਸ ਭਿਕ੍ਖੁਨੋ ਮਤ੍ਥਕੇ ਗੋਪਾਨਸਿਂ ਮੁਞ੍ਚਿ। ਸੋ ਭਿਕ੍ਖੁ ਕਾਲਮਕਾਸਿ…ਪੇ॰… ਸੋ ਭਿਕ੍ਖੁ ਨ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena āḷavakā bhikkhū navakammaṃ karonti. Aññataro bhikkhu heṭṭhā hutvā gopānasiṃ uccāresi. Uparimo bhikkhu maraṇādhippāyo heṭṭhimassa bhikkhuno matthake gopānasiṃ muñci. So bhikkhu kālamakāsi…pe… so bhikkhu na kālamakāsi. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti thullaccayassā’’ti.

ਤੇਨ ਖੋ ਪਨ ਸਮਯੇਨ ਆਲ਼વਕਾ ਭਿਕ੍ਖੂ ਨવਕਮ੍ਮਂ ਕਰੋਨ੍ਤਾ ਅਟ੍ਟਕਂ ਬਨ੍ਧਨ੍ਤਿ। ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਂ ਭਿਕ੍ਖੁਂ ਏਤਦવੋਚ – ‘‘ਆવੁਸੋ, ਅਤ੍ਰਟ੍ਠਿਤੋ ਬਨ੍ਧਾਹੀ’’ਤਿ। ਸੋ ਤਤ੍ਰਟ੍ਠਿਤੋ ਬਨ੍ਧਨ੍ਤੋ ਪਰਿਪਤਿਤ੍વਾ ਕਾਲਮਕਾਸਿ । ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਕਿਂਚਿਤ੍ਤੋ ਤ੍વਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗવਾ, ਮਰਣਾਧਿਪ੍ਪਾਯੋ’’ਤਿ। ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

Tena kho pana samayena āḷavakā bhikkhū navakammaṃ karontā aṭṭakaṃ bandhanti. Aññataro bhikkhu aññataraṃ bhikkhuṃ etadavoca – ‘‘āvuso, atraṭṭhito bandhāhī’’ti. So tatraṭṭhito bandhanto paripatitvā kālamakāsi . Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, maraṇādhippāyo’’ti. ‘‘Anāpatti, bhikkhu, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਆਲ਼વਕਾ ਭਿਕ੍ਖੂ ਨવਕਮ੍ਮਂ ਕਰੋਨ੍ਤਾ ਅਟ੍ਟਕਂ ਬਨ੍ਧਨ੍ਤਿ। ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਅਞ੍ਞਤਰਂ ਭਿਕ੍ਖੁਂ ਏਤਦવੋਚ – ‘‘ਆવੁਸੋ, ਅਤ੍ਰਟ੍ਠਿਤੋ ਬਨ੍ਧਾਹੀ’’ਤਿ। ਸੋ ਤਤ੍ਰਟ੍ਠਿਤੋ ਬਨ੍ਧਨ੍ਤੋ ਪਰਿਪਤਿਤ੍વਾ ਕਾਲਮਕਾਸਿ…ਪੇ॰… ਪਰਿਪਤਿਤ੍વਾ ਨ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena āḷavakā bhikkhū navakammaṃ karontā aṭṭakaṃ bandhanti. Aññataro bhikkhu maraṇādhippāyo aññataraṃ bhikkhuṃ etadavoca – ‘‘āvuso, atraṭṭhito bandhāhī’’ti. So tatraṭṭhito bandhanto paripatitvā kālamakāsi…pe… paripatitvā na kālamakāsi. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti thullaccayassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ વਿਹਾਰਂ ਛਾਦੇਤ੍વਾ ਓਤਰਤਿ। ਅਞ੍ਞਤਰੋ ਭਿਕ੍ਖੁ ਤਂ ਭਿਕ੍ਖੁਂ ਏਤਦવੋਚ – ‘‘ਆવੁਸੋ, ਇਤੋ ਓਤਰਾਹੀ’’ਤਿ। ਸੋ ਤੇਨ ਓਤਰਨ੍ਤੋ ਪਰਿਪਤਿਤ੍વਾ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

Tena kho pana samayena aññataro bhikkhu vihāraṃ chādetvā otarati. Aññataro bhikkhu taṃ bhikkhuṃ etadavoca – ‘‘āvuso, ito otarāhī’’ti. So tena otaranto paripatitvā kālamakāsi. Tassa kukkuccaṃ ahosi…pe… ‘‘anāpatti, bhikkhu, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ વਿਹਾਰਂ ਛਾਦੇਤ੍વਾ ਓਤਰਤਿ । ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਤਂ ਭਿਕ੍ਖੁਂ ਏਤਦવੋਚ – ‘‘ਆવੁਸੋ, ਇਤੋ ਓਤਰਾਹੀ’’ਤਿ। ਸੋ ਤੇਨ ਓਤਰਨ੍ਤੋ ਪਰਿਪਤਿਤ੍વਾ ਕਾਲਮਕਾਸਿ…ਪੇ॰… ਪਰਿਪਤਿਤ੍વਾ ਨ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññataro bhikkhu vihāraṃ chādetvā otarati . Aññataro bhikkhu maraṇādhippāyo taṃ bhikkhuṃ etadavoca – ‘‘āvuso, ito otarāhī’’ti. So tena otaranto paripatitvā kālamakāsi…pe… paripatitvā na kālamakāsi. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti thullaccayassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਨਭਿਰਤਿਯਾ ਪੀਲ਼ਿਤੋ ਗਿਜ੍ਝਕੂਟਂ ਪਬ੍ਬਤਂ ਅਭਿਰੁਹਿਤ੍વਾ ਪਪਾਤੇ ਪਪਤਨ੍ਤੋ ਅਞ੍ਞਤਰਂ વਿਲੀવਕਾਰਂ ਓਤ੍ਥਰਿਤ੍વਾ ਮਾਰੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ। ਨ ਚ, ਭਿਕ੍ਖવੇ, ਅਤ੍ਤਾਨਂ ਪਾਤੇਤਬ੍ਬਂ। ਯੋ ਪਾਤੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।

Tena kho pana samayena aññataro bhikkhu anabhiratiyā pīḷito gijjhakūṭaṃ pabbataṃ abhiruhitvā papāte papatanto aññataraṃ vilīvakāraṃ ottharitvā māresi. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, attānaṃ pātetabbaṃ. Yo pāteyya, āpatti dukkaṭassā’’ti.

ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਗਿਜ੍ਝਕੂਟਂ ਪਬ੍ਬਤਂ ਅਭਿਰੁਹਿਤ੍વਾ ਦવਾਯ ਸਿਲਂ ਪવਿਜ੍ਝਿਂਸੁ। ਸਾ ਅਞ੍ਞਤਰਂ ਗੋਪਾਲਕਂ ਓਤ੍ਥਰਿਤ੍વਾ ਮਾਰੇਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ …ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਾਰਾਜਿਕਸ੍ਸ। ਨ ਚ, ਭਿਕ੍ਖવੇ, ਦવਾਯ ਸਿਲਾ ਪવਿਜ੍ਝਿਤਬ੍ਬਾ। ਯੋ ਪવਿਜ੍ਝੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।

Tena kho pana samayena chabbaggiyā bhikkhū gijjhakūṭaṃ pabbataṃ abhiruhitvā davāya silaṃ pavijjhiṃsu. Sā aññataraṃ gopālakaṃ ottharitvā māresi. Tesaṃ kukkuccaṃ ahosi …pe… ‘‘anāpatti, bhikkhave, pārājikassa. Na ca, bhikkhave, davāya silā pavijjhitabbā. Yo pavijjheyya, āpatti dukkaṭassā’’ti.

੧੮੪. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ। ਤਂ ਭਿਕ੍ਖੂ ਸੇਦੇਸੁਂ। ਸੋ ਭਿਕ੍ਖੁ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

184. Tena kho pana samayena aññataro bhikkhu gilāno hoti. Taṃ bhikkhū sedesuṃ. So bhikkhu kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ । ਤਂ ਭਿਕ੍ਖੂ ਮਰਣਾਧਿਪ੍ਪਾਯਾ ਸੇਦੇਸੁਂ। ਸੋ ਭਿਕ੍ਖੁ ਕਾਲਮਕਾਸਿ।…ਪੇ॰… ਸੋ ਭਿਕ੍ਖੁ ਨ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññataro bhikkhu gilāno hoti . Taṃ bhikkhū maraṇādhippāyā sedesuṃ. So bhikkhu kālamakāsi.…Pe… so bhikkhu na kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, pārājikassa; āpatti thullaccayassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਸੀਸਾਭਿਤਾਪੋ ਹੋਤਿ। ਤਸ੍ਸ ਭਿਕ੍ਖੂ ਨਤ੍ਥੁਂ ਅਦਂਸੁ। ਸੋ ਭਿਕ੍ਖੁ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

Tena kho pana samayena aññatarassa bhikkhuno sīsābhitāpo hoti. Tassa bhikkhū natthuṃ adaṃsu. So bhikkhu kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਸੀਸਾਭਿਤਾਪੋ ਹੋਤਿ। ਤਸ੍ਸ ਭਿਕ੍ਖੂ ਮਰਣਾਧਿਪ੍ਪਾਯਾ ਨਤ੍ਥੁਂ ਅਦਂਸੁ। ਸੋ ਭਿਕ੍ਖੁ ਕਾਲਮਕਾਸਿ…ਪੇ॰… ਸੋ ਭਿਕ੍ਖੁ ਨ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññatarassa bhikkhuno sīsābhitāpo hoti. Tassa bhikkhū maraṇādhippāyā natthuṃ adaṃsu. So bhikkhu kālamakāsi…pe… so bhikkhu na kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, pārājikassa; āpatti thullaccayassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ। ਤਂ ਭਿਕ੍ਖੂ ਸਮ੍ਬਾਹੇਸੁਂ। ਸੋ ਭਿਕ੍ਖੁ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

Tena kho pana samayena aññataro bhikkhu gilāno hoti. Taṃ bhikkhū sambāhesuṃ. So bhikkhu kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ। ਤਂ ਭਿਕ੍ਖੂ ਮਰਣਾਧਿਪ੍ਪਾਯਾ ਸਮ੍ਬਾਹੇਸੁਂ। ਸੋ ਭਿਕ੍ਖੁ ਕਾਲਮਕਾਸਿ…ਪੇ॰… ਸੋ ਭਿਕ੍ਖੁ ਨ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññataro bhikkhu gilāno hoti. Taṃ bhikkhū maraṇādhippāyā sambāhesuṃ. So bhikkhu kālamakāsi…pe… so bhikkhu na kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, pārājikassa; āpatti thullaccayassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ। ਤਂ ਭਿਕ੍ਖੁ ਨ੍ਹਾਪੇਸੁਂ। ਸੋ ਭਿਕ੍ਖੁ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

Tena kho pana samayena aññataro bhikkhu gilāno hoti. Taṃ bhikkhu nhāpesuṃ. So bhikkhu kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ। ਤਂ ਭਿਕ੍ਖੂ ਮਰਣਾਧਿਪ੍ਪਾਯਾ ਨ੍ਹਾਪੇਸੁਂ। ਸੋ ਭਿਕ੍ਖੁ ਕਾਲਮਕਾਸਿ…ਪੇ॰… ਸੋ ਭਿਕ੍ਖੁ ਨ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññataro bhikkhu gilāno hoti. Taṃ bhikkhū maraṇādhippāyā nhāpesuṃ. So bhikkhu kālamakāsi…pe… so bhikkhu na kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, pārājikassa; āpatti thullaccayassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ। ਤਂ ਭਿਕ੍ਖੂ ਤੇਲੇਨ ਅਬ੍ਭਞ੍ਜਿਂਸੁ। ਸੋ ਭਿਕ੍ਖੁ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

Tena kho pana samayena aññataro bhikkhu gilāno hoti. Taṃ bhikkhū telena abbhañjiṃsu. So bhikkhu kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ। ਤਂ ਭਿਕ੍ਖੂ ਮਰਣਾਧਿਪ੍ਪਾਯਾ ਤੇਲੇਨ ਅਬ੍ਭਞ੍ਜਿਂਸੁ। ਸੋ ਭਿਕ੍ਖੁ ਕਾਲਮਕਾਸਿ…ਪੇ॰… ਸੋ ਭਿਕ੍ਖੁ ਨ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññataro bhikkhu gilāno hoti. Taṃ bhikkhū maraṇādhippāyā telena abbhañjiṃsu. So bhikkhu kālamakāsi…pe… so bhikkhu na kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, pārājikassa; āpatti thullaccayassā’’ti.

੧੮੫. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ। ਤਂ ਭਿਕ੍ਖੂ ਉਟ੍ਠਾਪੇਸੁਂ। ਸੋ ਭਿਕ੍ਖੁ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

185. Tena kho pana samayena aññataro bhikkhu gilāno hoti. Taṃ bhikkhū uṭṭhāpesuṃ. So bhikkhu kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ। ਤਂ ਭਿਕ੍ਖੂ ਮਰਣਾਧਿਪ੍ਪਾਯਾ ਉਟ੍ਠਾਪੇਸੁਂ। ਸੋ ਭਿਕ੍ਖੁ ਕਾਲਮਕਾਸਿ…ਪੇ॰… ਸੋ ਭਿਕ੍ਖੁ ਨ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ ।

Tena kho pana samayena aññataro bhikkhu gilāno hoti. Taṃ bhikkhū maraṇādhippāyā uṭṭhāpesuṃ. So bhikkhu kālamakāsi…pe… so bhikkhu na kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, pārājikassa; āpatti thullaccayassā’’ti .

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ। ਤਂ ਭਿਕ੍ਖੂ ਨਿਪਾਤੇਸੁਂ। ਸੋ ਭਿਕ੍ਖੁ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

Tena kho pana samayena aññataro bhikkhu gilāno hoti. Taṃ bhikkhū nipātesuṃ. So bhikkhu kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ। ਤਂ ਭਿਕ੍ਖੂ ਮਰਣਾਧਿਪ੍ਪਾਯਾ ਨਿਪਾਤੇਸੁਂ। ਸੋ ਭਿਕ੍ਖੁ ਕਾਲਮਕਾਸਿ…ਪੇ॰… ਸੋ ਭਿਕ੍ਖੁ ਨ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññataro bhikkhu gilāno hoti. Taṃ bhikkhū maraṇādhippāyā nipātesuṃ. So bhikkhu kālamakāsi…pe… so bhikkhu na kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, pārājikassa; āpatti thullaccayassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ। ਤਸ੍ਸ ਭਿਕ੍ਖੂ ਅਨ੍ਨਂ ਅਦਂਸੁ। ਸੋ ਭਿਕ੍ਖੁ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

Tena kho pana samayena aññataro bhikkhu gilāno hoti. Tassa bhikkhū annaṃ adaṃsu. So bhikkhu kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ। ਤਸ੍ਸ ਭਿਕ੍ਖੂ ਮਰਣਾਧਿਪ੍ਪਾਯਾ ਅਨ੍ਨਂ ਅਦਂਸੁ। ਸੋ ਭਿਕ੍ਖੁ ਕਾਲਮਕਾਸਿ…ਪੇ॰… ਸੋ ਭਿਕ੍ਖੁ ਨ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññataro bhikkhu gilāno hoti. Tassa bhikkhū maraṇādhippāyā annaṃ adaṃsu. So bhikkhu kālamakāsi…pe… so bhikkhu na kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, pārājikassa; āpatti thullaccayassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ। ਤਸ੍ਸ ਭਿਕ੍ਖੁ ਪਾਨਂ ਅਦਂਸੁ। ਸੋ ਭਿਕ੍ਖੁ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

Tena kho pana samayena aññataro bhikkhu gilāno hoti. Tassa bhikkhu pānaṃ adaṃsu. So bhikkhu kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ। ਤਸ੍ਸ ਭਿਕ੍ਖੂ ਮਰਣਾਧਿਪ੍ਪਾਯਾ ਪਾਨਂ ਅਦਂਸੁ। ਸੋ ਭਿਕ੍ਖੁ ਕਾਲਮਕਾਸਿ…ਪੇ॰… ਸੋ ਭਿਕ੍ਖੁ ਨ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ , ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññataro bhikkhu gilāno hoti. Tassa bhikkhū maraṇādhippāyā pānaṃ adaṃsu. So bhikkhu kālamakāsi…pe… so bhikkhu na kālamakāsi. Tesaṃ kukkuccaṃ ahosi…pe… ‘‘anāpatti, bhikkhave , pārājikassa; āpatti thullaccayassā’’ti.

੧੮੬. ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਪવੁਤ੍ਥਪਤਿਕਾ ਜਾਰੇਨ ਗਬ੍ਭਿਨੀ ਹੋਤਿ। ਸਾ ਕੁਲੂਪਕਂ ਭਿਕ੍ਖੁਂ ਏਤਦવੋਚ – ‘‘ਇਙ੍ਘਾਯ੍ਯ ਗਬ੍ਭਪਾਤਨਂ ਜਾਨਾਹੀ’’ਤਿ। ‘‘ਸੁਟ੍ਠੁ, ਭਗਿਨੀ’’ਤਿ ਤਸ੍ਸਾ ਗਬ੍ਭਪਾਤਨਂ ਅਦਾਸਿ। ਦਾਰਕੋ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।

186. Tena kho pana samayena aññatarā itthī pavutthapatikā jārena gabbhinī hoti. Sā kulūpakaṃ bhikkhuṃ etadavoca – ‘‘iṅghāyya gabbhapātanaṃ jānāhī’’ti. ‘‘Suṭṭhu, bhaginī’’ti tassā gabbhapātanaṃ adāsi. Dārako kālamakāsi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਪੁਰਿਸਸ੍ਸ ਦ੍વੇ ਪਜਾਪਤਿਯੋ ਹੋਨ੍ਤਿ – ਏਕਾ વਞ੍ਝਾ, ਏਕਾ વਿਜਾਯਿਨੀ। વਞ੍ਝਾ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦવੋਚ – ‘‘ਸਚੇ ਸਾ, ਭਨ੍ਤੇ, વਿਜਾਯਿਸ੍ਸਤਿ ਸਬ੍ਬਸ੍ਸ ਕੁਟੁਮ੍ਬਸ੍ਸ ਇਸ੍ਸਰਾ ਭવਿਸ੍ਸਤਿ। ਇਙ੍ਘਾਯ੍ਯ, ਤਸ੍ਸਾ ਗਬ੍ਭਪਾਤਨਂ ਜਾਨਾਹੀ’’ਤਿ ।‘‘ਸੁਟ੍ਠੁ, ਭਗਿਨੀ’’ਤਿ ਤਸ੍ਸਾ ਗਬ੍ਭਪਾਤਨਂ ਅਦਾਸਿ। ਦਾਰਕੋ ਕਾਲਮਕਾਸਿ, ਮਾਤਾ ਨ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।

Tena kho pana samayena aññatarassa purisassa dve pajāpatiyo honti – ekā vañjhā, ekā vijāyinī. Vañjhā itthī kulūpakaṃ bhikkhuṃ etadavoca – ‘‘sace sā, bhante, vijāyissati sabbassa kuṭumbassa issarā bhavissati. Iṅghāyya, tassā gabbhapātanaṃ jānāhī’’ti .‘‘Suṭṭhu, bhaginī’’ti tassā gabbhapātanaṃ adāsi. Dārako kālamakāsi, mātā na kālamakāsi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਪੁਰਿਸਸ੍ਸ ਦ੍વੇ ਪਜਾਪਤਿਯੋ ਹੋਨ੍ਤਿ – ਏਕਾ વਞ੍ਝਾ, ਏਕਾ વਿਜਾਯਿਨੀ। વਞ੍ਝਾ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦવੋਚ – ‘‘ਸਚੇ ਸਾ, ਭਨ੍ਤੇ, વਿਜਾਯਿਸ੍ਸਤਿ ਸਬ੍ਬਸ੍ਸ ਕੁਟੁਮ੍ਬਸ੍ਸ ਇਸ੍ਸਰਾ ਭવਿਸ੍ਸਤਿ। ਇਙ੍ਘਾਯ੍ਯ, ਤਸ੍ਸਾ ਗਬ੍ਭਪਾਤਨਂ ਜਾਨਾਹੀ’’ਤਿ। ‘‘ਸੁਟ੍ਠੁ, ਭਗਿਨੀ’’ਤਿ ਤਸ੍ਸਾ ਗਬ੍ਭਪਾਤਨਂ ਅਦਾਸਿ। ਮਾਤਾ ਕਾਲਮਕਾਸਿ, ਦਾਰਕੋ ਨ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññatarassa purisassa dve pajāpatiyo honti – ekā vañjhā, ekā vijāyinī. Vañjhā itthī kulūpakaṃ bhikkhuṃ etadavoca – ‘‘sace sā, bhante, vijāyissati sabbassa kuṭumbassa issarā bhavissati. Iṅghāyya, tassā gabbhapātanaṃ jānāhī’’ti. ‘‘Suṭṭhu, bhaginī’’ti tassā gabbhapātanaṃ adāsi. Mātā kālamakāsi, dārako na kālamakāsi. Tassa kukkuccaṃ ahosi…pe… ‘‘anāpatti, bhikkhu, pārājikassa ; āpatti thullaccayassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਪੁਰਿਸਸ੍ਸ ਦ੍વੇ ਪਜਾਪਤਿਯੋ ਹੋਨ੍ਤਿ – ਏਕਾ વਞ੍ਝਾ , ਏਕਾ વਿਜਾਯਿਨੀ। વਞ੍ਝਾ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦવੋਚ – ‘‘ਸਚੇ ਸਾ, ਭਨ੍ਤੇ, વਿਜਾਯਿਸ੍ਸਤਿ ਸਬ੍ਬਸ੍ਸ ਕੁਟੁਮ੍ਬਸ੍ਸ ਇਸ੍ਸਰਾ ਭવਿਸ੍ਸਤਿ। ਇਙ੍ਘਾਯ੍ਯ, ਤਸ੍ਸਾ ਗਬ੍ਭਪਾਤਨਂ ਜਾਨਾਹੀ’’ਤਿ। ‘‘ਸੁਟ੍ਠੁ, ਭਗਿਨੀ’’ਤਿ ਤਸ੍ਸਾ ਗਬ੍ਭਪਾਤਨਂ ਅਦਾਸਿ। ਉਭੋ ਕਾਲਮਕਂਸੁ…ਪੇ॰… ਉਭੋ ਨ ਕਾਲਮਕਂਸੁ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññatarassa purisassa dve pajāpatiyo honti – ekā vañjhā , ekā vijāyinī. Vañjhā itthī kulūpakaṃ bhikkhuṃ etadavoca – ‘‘sace sā, bhante, vijāyissati sabbassa kuṭumbassa issarā bhavissati. Iṅghāyya, tassā gabbhapātanaṃ jānāhī’’ti. ‘‘Suṭṭhu, bhaginī’’ti tassā gabbhapātanaṃ adāsi. Ubho kālamakaṃsu…pe… ubho na kālamakaṃsu. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti thullaccayassā’’ti.

੧੮੭. ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਗਬ੍ਭਿਨੀ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦવੋਚ – ‘‘ਇਙ੍ਘਾਯ੍ਯ, ਗਬ੍ਭਪਾਤਨਂ ਜਾਨਾਹੀ’’ਤਿ। ‘‘ਤੇਨ ਹਿ, ਭਗਿਨਿ, ਮਦ੍ਦਸ੍ਸੂ’’ਤਿ। ਸਾ ਮਦ੍ਦਾਪੇਤ੍વਾ ਗਬ੍ਭਂ ਪਾਤੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।

187. Tena kho pana samayena aññatarā gabbhinī itthī kulūpakaṃ bhikkhuṃ etadavoca – ‘‘iṅghāyya, gabbhapātanaṃ jānāhī’’ti. ‘‘Tena hi, bhagini, maddassū’’ti. Sā maddāpetvā gabbhaṃ pātesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਗਬ੍ਭਿਨੀ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦવੋਚ – ‘‘ਇਙ੍ਘਾਯ੍ਯ, ਗਬ੍ਭਪਾਤਨਂ ਜਾਨਾਹੀ’’ਤਿ। ‘‘ਤੇਨ ਹਿ, ਭਗਿਨਿ, ਤਾਪੇਹੀ’’ਤਿ। ਸਾ ਤਾਪੇਤ੍વਾ ਗਬ੍ਭਂ ਪਾਤੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।

Tena kho pana samayena aññatarā gabbhinī itthī kulūpakaṃ bhikkhuṃ etadavoca – ‘‘iṅghāyya, gabbhapātanaṃ jānāhī’’ti. ‘‘Tena hi, bhagini, tāpehī’’ti. Sā tāpetvā gabbhaṃ pātesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ વਞ੍ਝਾ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦવੋਚ – ‘‘ਇਙ੍ਘਾਯ੍ਯ, ਭੇਸਜ੍ਜਂ ਜਾਨਾਹਿ ਯੇਨਾਹਂ વਿਜਾਯੇਯ੍ਯ’’ਨ੍ਤਿ। ‘‘ਸੁਟ੍ਠੁ, ਭਗਿਨੀ’’ਤਿ ਤਸ੍ਸਾ ਭੇਸਜ੍ਜਂ ਅਦਾਸਿ । ਸਾ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।

Tena kho pana samayena aññatarā vañjhā itthī kulūpakaṃ bhikkhuṃ etadavoca – ‘‘iṅghāyya, bhesajjaṃ jānāhi yenāhaṃ vijāyeyya’’nti. ‘‘Suṭṭhu, bhaginī’’ti tassā bhesajjaṃ adāsi . Sā kālamakāsi. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti dukkaṭassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ વਿਜਾਯਿਨੀ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦવੋਚ – ‘‘ਇਙ੍ਘਾਯ੍ਯ, ਭੇਸਜ੍ਜਂ ਜਾਨਾਹਿ ਯੇਨਾਹਂ ਨ વਿਜਾਯੇਯ੍ਯ’’ਨ੍ਤਿ। ‘‘ਸੁਟ੍ਠੁ, ਭਗਿਨੀ’’ਤਿ ਤਸ੍ਸਾ ਭੇਸਜ੍ਜਂ ਅਦਾਸਿ। ਸਾ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ , ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।

Tena kho pana samayena aññatarā vijāyinī itthī kulūpakaṃ bhikkhuṃ etadavoca – ‘‘iṅghāyya, bhesajjaṃ jānāhi yenāhaṃ na vijāyeyya’’nti. ‘‘Suṭṭhu, bhaginī’’ti tassā bhesajjaṃ adāsi. Sā kālamakāsi. Tassa kukkuccaṃ ahosi…pe… ‘‘anāpatti , bhikkhu, pārājikassa; āpatti dukkaṭassā’’ti.

ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਸਤ੍ਤਰਸવਗ੍ਗਿਯਂ ਭਿਕ੍ਖੁਂ ਅਙ੍ਗੁਲਿਪਤੋਦਕੇਨ ਹਾਸੇਸੁਂ। ਸੋ ਭਿਕ੍ਖੁ ਉਤ੍ਤਨ੍ਤੋ ਅਨਸ੍ਸਾਸਕੋ ਕਾਲਮਕਾਸਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਾਰਾਜਿਕਸ੍ਸਾ’’ਤਿ ²⁵।

Tena kho pana samayena chabbaggiyā bhikkhū sattarasavaggiyaṃ bhikkhuṃ aṅgulipatodakena hāsesuṃ. So bhikkhu uttanto anassāsako kālamakāsi. Tesaṃ kukkuccaṃ ahosi…pe… ‘‘anāpatti, bhikkhave, pārājikassā’’ti ²⁶.

ਤੇਨ ਖੋ ਪਨ ਸਮਯੇਨ ਸਤ੍ਤਰਸવਗ੍ਗਿਯਾ ਭਿਕ੍ਖੂ ਛਬ੍ਬਗ੍ਗਿਯਂ ਭਿਕ੍ਖੁਂ ਕਮ੍ਮਂ ਕਰਿਸ੍ਸਾਮਾਤਿ ਓਤ੍ਥਰਿਤ੍વਾ ਮਾਰੇਸੁਂ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਾਰਾਜਿਕਸ੍ਸਾ’’ਤਿ।

Tena kho pana samayena sattarasavaggiyā bhikkhū chabbaggiyaṃ bhikkhuṃ kammaṃ karissāmāti ottharitvā māresuṃ. Tesaṃ kukkuccaṃ ahosi…pe… ‘‘anāpatti, bhikkhave, pārājikassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭੂਤવੇਜ੍ਜਕੋ ਭਿਕ੍ਖੁ ਯਕ੍ਖਂ ਜੀવਿਤਾ વੋਰੋਪੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññataro bhūtavejjako bhikkhu yakkhaṃ jīvitā voropesi. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti thullaccayassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਂ ਭਿਕ੍ਖੁਂ વਾਲ਼ਯਕ੍ਖવਿਹਾਰਂ ਪਾਹੇਸਿ। ਤਂ ਯਕ੍ਖਾ ਜੀવਿਤਾ વੋਰੋਪੇਸੁਂ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

Tena kho pana samayena aññataro bhikkhu aññataraṃ bhikkhuṃ vāḷayakkhavihāraṃ pāhesi. Taṃ yakkhā jīvitā voropesuṃ. Tassa kukkuccaṃ ahosi…pe… ‘‘anāpatti, bhikkhu, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਅਞ੍ਞਤਰਂ ਭਿਕ੍ਖੁਂ વਾਲ਼ਯਕ੍ਖવਿਹਾਰਂ ਪਾਹੇਸਿ। ਤਂ ਯਕ੍ਖਾ ਜੀવਿਤਾ વੋਰੋਪੇਸੁਂ…ਪੇ॰… ਤਂ ਯਕ੍ਖਾ ਜੀવਿਤਾ ਨ વੋਰੋਪੇਸੁਂ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ ।

Tena kho pana samayena aññataro bhikkhu maraṇādhippāyo aññataraṃ bhikkhuṃ vāḷayakkhavihāraṃ pāhesi. Taṃ yakkhā jīvitā voropesuṃ…pe… taṃ yakkhā jīvitā na voropesuṃ. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti thullaccayassā’’ti .

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਂ ਭਿਕ੍ਖੁਂ વਾਲ਼ਕਨ੍ਤਾਰਂ ਪਾਹੇਸਿ । ਤਂ વਾਲ਼ਾ ਜੀવਿਤਾ વੋਰੋਪੇਸੁਂ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

Tena kho pana samayena aññataro bhikkhu aññataraṃ bhikkhuṃ vāḷakantāraṃ pāhesi . Taṃ vāḷā jīvitā voropesuṃ. Tassa kukkuccaṃ ahosi…pe… ‘‘anāpatti, bhikkhu, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਅਞ੍ਞਤਰਂ ਭਿਕ੍ਖੁਂ વਾਲ਼ਕਨ੍ਤਾਰਂ ਪਾਹੇਸਿ। ਤਂ વਾਲ਼ਾ ਜੀવਿਤਾ વੋਰੋਪੇਸੁਂ…ਪੇ॰… ਤਂ વਾਲ਼ਾ ਜੀવਿਤਾ ਨ વੋਰੋਪੇਸੁਂ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññataro bhikkhu maraṇādhippāyo aññataraṃ bhikkhuṃ vāḷakantāraṃ pāhesi. Taṃ vāḷā jīvitā voropesuṃ…pe… taṃ vāḷā jīvitā na voropesuṃ. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti thullaccayassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਂ ਭਿਕ੍ਖੁਂ ਚੋਰਕਨ੍ਤਾਰਂ ਪਾਹੇਸਿ। ਤਂ ਚੋਰਾ ਜੀવਿਤਾ વੋਰੋਪੇਸੁਂ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

Tena kho pana samayena aññataro bhikkhu aññataraṃ bhikkhuṃ corakantāraṃ pāhesi. Taṃ corā jīvitā voropesuṃ. Tassa kukkuccaṃ ahosi…pe… ‘‘anāpatti, bhikkhu, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਅਞ੍ਞਤਰਂ ਭਿਕ੍ਖੁਂ ਚੋਰਕਨ੍ਤਾਰਂ ਪਾਹੇਸਿ। ਤਂ ਚੋਰਾ ਜੀવਿਤਾ વੋਰੋਪੇਸੁਂ…ਪੇ॰… ਤਂ ਚੋਰਾ ਜੀવਿਤਾ ਨ વੋਰੋਪੇਸੁਂ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññataro bhikkhu maraṇādhippāyo aññataraṃ bhikkhuṃ corakantāraṃ pāhesi. Taṃ corā jīvitā voropesuṃ…pe… taṃ corā jīvitā na voropesuṃ. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti thullaccayassā’’ti.

੧੮੮. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਤਂ ਮਞ੍ਞਮਾਨੋ ਤਂ ਜੀવਿਤਾ વੋਰੋਪੇਸਿ…ਪੇ॰… ਤਂ ਮਞ੍ਞਮਾਨੋ ਅਞ੍ਞਂ ਜੀવਿਤਾ વੋਰੋਪੇਸਿ…ਪੇ॰… ਅਞ੍ਞਂ ਮਞ੍ਞਮਾਨੋ ਤਂ ਜੀવਿਤਾ વੋਰੋਪੇਸਿ…ਪੇ॰… ਅਞ੍ਞਂ ਮਞ੍ਞਮਾਨੋ ਅਞ੍ਞਂ ਜੀવਿਤਾ વੋਰੋਪੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।

188. Tena kho pana samayena aññataro bhikkhu taṃ maññamāno taṃ jīvitā voropesi…pe… taṃ maññamāno aññaṃ jīvitā voropesi…pe… aññaṃ maññamāno taṃ jīvitā voropesi…pe… aññaṃ maññamāno aññaṃ jīvitā voropesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਮਨੁਸ੍ਸੇਨ ਗਹਿਤੋ ਹੋਤਿ। ਅਞ੍ਞਤਰੋ ਭਿਕ੍ਖੁ ਤਸ੍ਸ ਭਿਕ੍ਖੁਨੋ ਪਹਾਰਂ ਅਦਾਸਿ। ਸੋ ਭਿਕ੍ਖੁ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ , ਨਮਰਣਾਧਿਪ੍ਪਾਯਸ੍ਸਾ’’ਤਿ।

Tena kho pana samayena aññataro bhikkhu amanussena gahito hoti. Aññataro bhikkhu tassa bhikkhuno pahāraṃ adāsi. So bhikkhu kālamakāsi. Tassa kukkuccaṃ ahosi…pe… ‘‘anāpatti, bhikkhu , namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਮਨੁਸ੍ਸੇਨ ਗਹਿਤੋ ਹੋਤਿ। ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਤਸ੍ਸ ਭਿਕ੍ਖੁਨੋ ਪਹਾਰਂ ਅਦਾਸਿ। ਸੋ ਭਿਕ੍ਖੁ ਕਾਲਮਕਾਸਿ…ਪੇ॰… ਸੋ ਭਿਕ੍ਖੁ ਨ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññataro bhikkhu amanussena gahito hoti. Aññataro bhikkhu maraṇādhippāyo tassa bhikkhuno pahāraṃ adāsi. So bhikkhu kālamakāsi…pe… so bhikkhu na kālamakāsi. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti thullaccayassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਕਲ੍ਯਾਣਕਮ੍ਮਸ੍ਸ ਸਗ੍ਗਕਥਂ ਕਥੇਸਿ। ਸੋ ਅਧਿਮੁਤ੍ਤੋ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

Tena kho pana samayena aññataro bhikkhu kalyāṇakammassa saggakathaṃ kathesi. So adhimutto kālamakāsi. Tassa kukkuccaṃ ahosi…pe… ‘‘anāpatti, bhikkhu, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਕਲ੍ਯਾਣਕਮ੍ਮਸ੍ਸ ਸਗ੍ਗਕਥਂ ਕਥੇਸਿ। ਸੋ ਅਧਿਮੁਤ੍ਤੋ ਕਾਲਮਕਾਸਿ…ਪੇ॰… ਸੋ ਅਧਿਮੁਤ੍ਤੋ ਨ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññataro bhikkhu maraṇādhippāyo kalyāṇakammassa saggakathaṃ kathesi. So adhimutto kālamakāsi…pe… so adhimutto na kālamakāsi. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti thullaccayassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਨੇਰਯਿਕਸ੍ਸ ਨਿਰਯਕਥਂ ਕਥੇਸਿ। ਸੋ ਉਤ੍ਤਸਿਤ੍વਾ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

Tena kho pana samayena aññataro bhikkhu nerayikassa nirayakathaṃ kathesi. So uttasitvā kālamakāsi. Tassa kukkuccaṃ ahosi…pe… ‘‘anāpatti, bhikkhu, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਨੇਰਯਿਕਸ੍ਸ ਨਿਰਯਕਥਂ ਕਥੇਸਿ। ਸੋ ਉਤ੍ਤਸਿਤ੍વਾ ਕਾਲਮਕਾਸਿ…ਪੇ॰… ਸੋ ਉਤ੍ਤਸਿਤ੍વਾ ਨ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena aññataro bhikkhu maraṇādhippāyo nerayikassa nirayakathaṃ kathesi. So uttasitvā kālamakāsi…pe… so uttasitvā na kālamakāsi. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti thullaccayassā’’ti.

੧੮੯. ਤੇਨ ਖੋ ਪਨ ਸਮਯੇਨ ਆਲ਼વਕਾ ਭਿਕ੍ਖੂ ਨવਕਮ੍ਮਂ ਕਰੋਨ੍ਤਾ ਰੁਕ੍ਖਂ ਛਿਨ੍ਦਨ੍ਤਿ। ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਂ ਭਿਕ੍ਖੁਂ ਏਤਦવੋਚ – ‘‘ਆવੁਸੋ, ਅਤ੍ਰਟ੍ਠਿਤੋ ਛਿਨ੍ਦਾਹੀ’’ਤਿ। ਤਂ ਤਤ੍ਰਟ੍ਠਿਤਂ ਛਿਨ੍ਦਨ੍ਤਂ ਰੁਕ੍ਖੋ ਓਤ੍ਥਰਿਤ੍વਾ ਮਾਰੇਸਿ । ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

189. Tena kho pana samayena āḷavakā bhikkhū navakammaṃ karontā rukkhaṃ chindanti. Aññataro bhikkhu aññataraṃ bhikkhuṃ etadavoca – ‘‘āvuso, atraṭṭhito chindāhī’’ti. Taṃ tatraṭṭhitaṃ chindantaṃ rukkho ottharitvā māresi . Tassa kukkuccaṃ ahosi…pe… ‘‘anāpatti, bhikkhu, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਆਲ਼વਕਾ ਭਿਕ੍ਖੂ ਨવਕਮ੍ਮਂ ਕਰੋਨ੍ਤਾ ਰੁਕ੍ਖਂ ਛਿਨ੍ਦਨ੍ਤਿ। ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਅਞ੍ਞਤਰਂ ਭਿਕ੍ਖੁਂ ਏਤਦવੋਚ – ‘‘ਆવੁਸੋ, ਅਤ੍ਰਟ੍ਠਿਤੋ ਛਿਨ੍ਦਾਹੀ’’ਤਿ। ਤਂ ਤਤ੍ਰਟ੍ਠਿਤਂ ਛਿਨ੍ਦਨ੍ਤਂ ਰੁਕ੍ਖੋ ਓਤ੍ਥਰਿਤ੍વਾ ਮਾਰੇਸਿ…ਪੇ॰… ਰੁਕ੍ਖੋ ਓਤ੍ਥਰਿਤ੍વਾ ਨ ਮਾਰੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena āḷavakā bhikkhū navakammaṃ karontā rukkhaṃ chindanti. Aññataro bhikkhu maraṇādhippāyo aññataraṃ bhikkhuṃ etadavoca – ‘‘āvuso, atraṭṭhito chindāhī’’ti. Taṃ tatraṭṭhitaṃ chindantaṃ rukkho ottharitvā māresi…pe… rukkho ottharitvā na māresi. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti thullaccayassā’’ti.

੧੯੦. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਦਾਯਂ ਆਲਿਮ੍ਪੇਸੁਂ ²⁷; ਮਨੁਸ੍ਸਾ ਦਡ੍ਢਾ ਕਾਲਮਕਂਸੁ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ।

190. Tena kho pana samayena chabbaggiyā bhikkhū dāyaṃ ālimpesuṃ ²⁸; manussā daḍḍhā kālamakaṃsu. Tesaṃ kukkuccaṃ ahosi…pe… ‘‘anāpatti, bhikkhave, namaraṇādhippāyassā’’ti.

ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਮਰਣਾਧਿਪ੍ਪਾਯਾ ਦਾਯਂ ਆਲਿਮ੍ਪੇਸੁਂ। ਮਨੁਸ੍ਸਾ ਦਡ੍ਢਾ ਕਾਲਮਕਂਸੁ…ਪੇ॰… ਮਨੁਸ੍ਸਾ ਦਡ੍ਢਾ ਨ ਕਾਲਮਕਂਸੁ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖવੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।

Tena kho pana samayena chabbaggiyā bhikkhū maraṇādhippāyā dāyaṃ ālimpesuṃ. Manussā daḍḍhā kālamakaṃsu…pe… manussā daḍḍhā na kālamakaṃsu. Tesaṃ kukkuccaṃ ahosi…pe… ‘‘anāpatti, bhikkhave, pārājikassa; āpatti thullaccayassā’’ti.

੧੯੧. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਆਘਾਤਨਂ ਗਨ੍ਤ੍વਾ ਚੋਰਘਾਤਂ ਏਤਦવੋਚ – ‘‘ਆવੁਸੋ, ਮਾਯਿਮਂ ਕਿਲਮੇਸਿ। ਏਕੇਨ ਪਹਾਰੇਨ ਜੀવਿਤਾ વੋਰੋਪੇਹੀ’’ਤਿ। ‘‘ਸੁਟ੍ਠੁ, ਭਨ੍ਤੇ’’ਤਿ ਏਕੇਨ ਪਹਾਰੇਨ ਜੀવਿਤਾ વੋਰੋਪੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।

191. Tena kho pana samayena aññataro bhikkhu āghātanaṃ gantvā coraghātaṃ etadavoca – ‘‘āvuso, māyimaṃ kilamesi. Ekena pahārena jīvitā voropehī’’ti. ‘‘Suṭṭhu, bhante’’ti ekena pahārena jīvitā voropesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਆਘਾਤਨਂ ਗਨ੍ਤ੍વਾ ਚੋਰਘਾਤਂ ਏਤਦવੋਚ – ‘‘ਆવੁਸੋ, ਮਾਯਿਮਂ ਕਿਲਮੇਸਿ । ਏਕੇਨ ਪਹਾਰੇਨ ਜੀવਿਤਾ વੋਰੋਪੇਹੀ’’ਤਿ। ਸੋ – ‘‘ਨਾਹਂ ਤੁਯ੍ਹਂ વਚਨਂ ਕਰਿਸ੍ਸਾਮੀ’’ਤਿ ਤਂ ਜੀવਿਤਾ વੋਰੋਪੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।

Tena kho pana samayena aññataro bhikkhu āghātanaṃ gantvā coraghātaṃ etadavoca – ‘‘āvuso, māyimaṃ kilamesi . Ekena pahārena jīvitā voropehī’’ti. So – ‘‘nāhaṃ tuyhaṃ vacanaṃ karissāmī’’ti taṃ jīvitā voropesi. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti dukkaṭassā’’ti.

੧੯੨. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪੁਰਿਸੋ ਞਾਤਿਘਰੇ ਹਤ੍ਥਪਾਦਚ੍ਛਿਨ੍ਨੋ ਞਾਤਕੇਹਿ ਸਮ੍ਪਰਿਕਿਣ੍ਣੋ ਹੋਤਿ। ਅਞ੍ਞਤਰੋ ਭਿਕ੍ਖੁ ਤੇ ਮਨੁਸ੍ਸੇ ਏਤਦવੋਚ – ‘‘ਆવੁਸੋ, ਇਚ੍ਛਥ ਇਮਸ੍ਸ ਮਰਣ’’ਨ੍ਤਿ? ‘‘ਆਮ, ਭਨ੍ਤੇ, ਇਚ੍ਛਾਮਾ’’ਤਿ। ‘‘ਤੇਨ ਹਿ ਤਕ੍ਕਂ ਪਾਯੇਥਾ’’ਤਿ। ਤੇ ਤਂ ਤਕ੍ਕਂ ਪਾਯੇਸੁਂ। ਸੋ ਕਾਲਮਕਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ।

192. Tena kho pana samayena aññataro puriso ñātighare hatthapādacchinno ñātakehi samparikiṇṇo hoti. Aññataro bhikkhu te manusse etadavoca – ‘‘āvuso, icchatha imassa maraṇa’’nti? ‘‘Āma, bhante, icchāmā’’ti. ‘‘Tena hi takkaṃ pāyethā’’ti. Te taṃ takkaṃ pāyesuṃ. So kālamakāsi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪੁਰਿਸੋ ਕੁਲਘਰੇ ਹਤ੍ਥਪਾਦਚ੍ਛਿਨ੍ਨੋ ਞਾਤਕੇਹਿ ਸਮ੍ਪਰਿਕਿਣ੍ਣੋ ਹੋਤਿ। ਅਞ੍ਞਤਰਾ ਭਿਕ੍ਖੁਨੀ ਤੇ ਮਨੁਸ੍ਸੇ ਏਤਦવੋਚ – ‘‘ਆવੁਸੋ, ਇਚ੍ਛਥ ਇਮਸ੍ਸ ਮਰਣ’’ਨ੍ਤਿ? ‘‘ਆਮਯ੍ਯੇ, ਇਚ੍ਛਾਮਾ’’ਤਿ। ‘‘ਤੇਨ ਹਿ ਲੋਣਸੋવੀਰਕਂ ਪਾਯੇਥਾ’’ਤਿ। ਤੇ ਤਂ ਲੋਣਸੋવੀਰਕਂ ਪਾਯੇਸੁਂ। ਸੋ ਕਾਲਮਕਾਸਿ। ਤਸ੍ਸਾ ਕੁਕ੍ਕੁਚ੍ਚਂ ਅਹੋਸਿ। ਅਥ ਖੋ ਸਾ ਭਿਕ੍ਖੁਨੀ ਭਿਕ੍ਖੁਨੀਨਂ ਏਤਮਤ੍ਥਂ ਆਰੋਚੇਸਿ। ਭਿਕ੍ਖੁਨਿਯੋ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸੁਂ। ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਆਪਤ੍ਤਿਂ ਸਾ, ਭਿਕ੍ਖવੇ, ਭਿਕ੍ਖੁਨੀ ਆਪਨ੍ਨਾ ਪਾਰਾਜਿਕ’’ਨ੍ਤਿ।

Tena kho pana samayena aññataro puriso kulaghare hatthapādacchinno ñātakehi samparikiṇṇo hoti. Aññatarā bhikkhunī te manusse etadavoca – ‘‘āvuso, icchatha imassa maraṇa’’nti? ‘‘Āmayye, icchāmā’’ti. ‘‘Tena hi loṇasovīrakaṃ pāyethā’’ti. Te taṃ loṇasovīrakaṃ pāyesuṃ. So kālamakāsi. Tassā kukkuccaṃ ahosi. Atha kho sā bhikkhunī bhikkhunīnaṃ etamatthaṃ ārocesi. Bhikkhuniyo bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ. ‘‘Āpattiṃ sā, bhikkhave, bhikkhunī āpannā pārājika’’nti.

ਤਤਿਯਪਾਰਾਜਿਕਂ ਸਮਤ੍ਤਂ।

Tatiyapārājikaṃ samattaṃ.

Next: ੪. ਚਤੁਤ੍ਥਪਾਰਾਜਿਕਂ • 4. Catutthapārājikaṃ

Footnotes:

1. ਇਦਂ વਤ੍ਥੁ ਸਂ॰ ਨਿ॰ ੫.੯੮੫

2. ( ) (?) ਏવਮੁਪਰਿਪਿ ਈਦਿਸੇਸੁ ਠਾਨੇਸੁ

3. ਲੋਹਿਤਗਤਂ (ਕ॰)

4. idaṃ vatthu saṃ. ni. 5.985

5. ( ) (?) evamuparipi īdisesu ṭhānesu

6. lohitagataṃ (ka.)

7. ਊਹਤਂ (ਕ॰)

8. ūhataṃ (ka.)

9. ਭੇਨ੍ਦਿਂ વਾ (ਕ॰)

10. ਸੂਲਂવਾ ਲਗੁਲ਼ਂવਾ (ਸ੍ਯਾ॰)

11. bhendiṃ vā (ka.)

12. sūlaṃvā laguḷaṃvā (syā.)

13. ਦ੍વੇਧਾ ਭਿਨ੍ਨਾ (ਸ੍ਯਾ॰)

14. dvedhā bhinnā (syā.)

15. ਉਪਸਂਹਰਤਿ ਪੇਮਨੀਯਂ ਹਦਯਙ੍ਗਮਂ (ਸ੍ਯਾ॰)

16. upasaṃharati pemanīyaṃ hadayaṅgamaṃ (syā.)

17. ਪਟਿਕੂਲਂ (?)

18. paṭikūlaṃ (?)

19. ਪਟਿਕੂਲਂ (?)

20. paṭikūlaṃ (?)

21. ਉਮ੍ਮਤ੍ਤਕਸ੍ਸ ਖਿਤ੍ਤਚਿਤ੍ਤਸ੍ਸ વੇਦਨਾਟ੍ਟਸ੍ਸ (ਸ੍ਯਾ॰)

22. ummattakassa khittacittassa vedanāṭṭassa (syā.)

23. ਆਲ਼વਿਕਾ (ਸ੍ਯਾ॰)

24. āḷavikā (syā.)

25. ਪਾਰਾਜਿਕਸ੍ਸ, ਆਪਤ੍ਤਿ ਪਾਚਿਤ੍ਤਿਯਸ੍ਸਾਤਿ (ਸ੍ਯਾ॰)

26. pārājikassa, āpatti pācittiyassāti (syā.)

27. ਆਲ਼ਿਮ੍ਪੇਸੁਂ (ਸ੍ਯਾ॰ ਕ॰)

28. āḷimpesuṃ (syā. ka.)

Related texts:

ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੩. ਤਤਿਯਪਾਰਾਜਿਕਂ • 3. Tatiyapārājikaṃ

ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
ਪਠਮਪਞ੍ਞਤ੍ਤਿਨਿਦਾਨવਣ੍ਣਨਾ • Paṭhamapaññattinidānavaṇṇanā
ਆਨਾਪਾਨਸ੍ਸਤਿਸਮਾਧਿਕਥਾવਣ੍ਣਨਾ • Ānāpānassatisamādhikathāvaṇṇanā
ਪਠਮਪਞ੍ਞਤ੍ਤਿਕਥਾવਣ੍ਣਨਾ • Paṭhamapaññattikathāvaṇṇanā
ਅਨੁਪਞ੍ਞਤ੍ਤਿਕਥਾવਣ੍ਣਨਾ • Anupaññattikathāvaṇṇanā
ਪਦਭਾਜਨੀਯવਣ੍ਣਨਾ • Padabhājanīyavaṇṇanā
ਦੂਤਕਥਾવਣ੍ਣਨਾ • Dūtakathāvaṇṇanā
વਿਨੀਤવਤ੍ਥੁવਣ੍ਣਨਾ • Vinītavatthuvaṇṇanā

ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā
ਪਠਮਪਞ੍ਞਤ੍ਤਿਨਿਦਾਨવਣ੍ਣਨਾ • Paṭhamapaññattinidānavaṇṇanā
ਆਨਾਪਾਨਸ੍ਸਤਿਸਮਾਧਿਕਥਾવਣ੍ਣਨਾ • Ānāpānassatisamādhikathāvaṇṇanā
ਪਦਭਾਜਨੀਯવਣ੍ਣਨਾ • Padabhājanīyavaṇṇanā
વਿਨੀਤવਤ੍ਥੁવਣ੍ਣਨਾ • Vinītavatthuvaṇṇanā

ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā
ਪਠਮਪਞ੍ਞਤ੍ਤਿਨਿਦਾਨવਣ੍ਣਨਾ • Paṭhamapaññattinidānavaṇṇanā
ਆਨਾਪਾਨਸ੍ਸਤਿਸਮਾਧਿਕਥਾવਣ੍ਣਨਾ • Ānāpānassatisamādhikathāvaṇṇanā
ਪਦਭਾਜਨੀਯવਣ੍ਣਨਾ • Padabhājanīyavaṇṇanā
વਿਨੀਤવਤ੍ਥੁવਣ੍ਣਨਾ • Vinītavatthuvaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact