| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
3. ததியபாராஜிகஸிக்கா²பத³ங்
3. Tatiyapārājikasikkhāpadaṃ
669. ததியே அஸ்ஸாதி ‘‘த⁴ம்மேன வினயேனா’’தி பத³ஸ்ஸ. பத³பா⁴ஜனங் வுத்தந்தி ஸம்ப³ந்தோ⁴. ஞத்திஸம்பதா³ சேவ அனுஸாவனஸம்பதா³ ச ஸத்து²ஸாஸனங் நாமாதி த³ஸ்ஸெந்தோ ஆஹ ‘‘ஞத்தி…பே॰… ஸம்பதா³ய சா’’தி. ஸத்து²ஸாஸனேனாதி ச ஸத்து² ஆணாய. கம்மந்தி உக்கே²பனீயகம்மங். தத்தா²தி ஸங்கே⁴. ‘‘வசனங் நாதி³யதீ’’திஆதீ³ஸு விய ஸங்க⁴ங் வா நாதி³யதீதி எத்த² நாதி³யனங் நாம நானுவத்தனமேவாதி ஆஹ ‘‘நானுவத்ததீ’’தி. தத்தா²தி ஸங்கா⁴தீ³ஸு. அயங் தாவ ஸங்வாஸோதி ஸஹ பி⁴க்கூ² வஸந்தி எத்தா²தி ஸங்வாஸோதி அத்தே²ன அயங் ஏககம்மாதி³ ஸங்வாஸோ நாம. ‘‘ஸஹ அயனபா⁴வேனா’’திஇமினா ஸஹ அயந்தி பவத்தந்தீதி ஸஹாயாதி வசனத்த²ங் த³ஸ்ஸேதி. தேதி பி⁴க்கூ². யேஹி சாதி பி⁴க்கூ²ஹி ச. தஸ்ஸாதி உக்கி²த்தகஸ்ஸ. தேனாதி உக்கி²த்தகேன. அத்தனோதி உக்கி²த்தகஸ்ஸாதி. ததியங்.
669. Tatiye assāti ‘‘dhammena vinayenā’’ti padassa. Padabhājanaṃ vuttanti sambandho. Ñattisampadā ceva anusāvanasampadā ca satthusāsanaṃ nāmāti dassento āha ‘‘ñatti…pe… sampadāya cā’’ti. Satthusāsanenāti ca satthu āṇāya. Kammanti ukkhepanīyakammaṃ. Tatthāti saṅghe. ‘‘Vacanaṃ nādiyatī’’tiādīsu viya saṅghaṃ vā nādiyatīti ettha nādiyanaṃ nāma nānuvattanamevāti āha ‘‘nānuvattatī’’ti. Tatthāti saṅghādīsu. Ayaṃ tāva saṃvāsoti saha bhikkhū vasanti etthāti saṃvāsoti atthena ayaṃ ekakammādi saṃvāso nāma. ‘‘Saha ayanabhāvenā’’tiiminā saha ayanti pavattantīti sahāyāti vacanatthaṃ dasseti. Teti bhikkhū. Yehi cāti bhikkhūhi ca. Tassāti ukkhittakassa. Tenāti ukkhittakena. Attanoti ukkhittakassāti. Tatiyaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 3. ததியபாராஜிகங் • 3. Tatiyapārājikaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 3. ததியபாராஜிகஸிக்கா²பத³வண்ணனா • 3. Tatiyapārājikasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 3. ததியபாராஜிகஸிக்கா²பத³வண்ணனா • 3. Tatiyapārājikasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 2. வஜ்ஜபடிச்சா²தி³கஸிக்கா²பத³வண்ணனா • 2. Vajjapaṭicchādikasikkhāpadavaṇṇanā
