| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
3. තතියපාරාජිකසික්‌ඛාපදං
3. Tatiyapārājikasikkhāpadaṃ
669. තතියෙ අස්‌සාති ‘‘ධම්‌මෙන විනයෙනා’’ති පදස්‌ස. පදභාජනං වුත්‌තන්‌ති සම්‌බන්‌ධො. ඤත්‌තිසම්‌පදා චෙව අනුසාවනසම්‌පදා ච සත්‌ථුසාසනං නාමාති දස්‌සෙන්‌තො ආහ ‘‘ඤත්‌ති…පෙ.… සම්‌පදාය චා’’ති. සත්‌ථුසාසනෙනාති ච සත්‌ථු ආණාය. කම්‌මන්‌ති උක්‌ඛෙපනීයකම්‌මං. තත්‌ථාති සඞ්‌ඝෙ. ‘‘වචනං නාදියතී’’තිආදීසු විය සඞ්‌ඝං වා නාදියතීති එත්‌ථ නාදියනං නාම නානුවත්‌තනමෙවාති ආහ ‘‘නානුවත්‌තතී’’ති. තත්‌ථාති සඞ්‌ඝාදීසු. අයං තාව සංවාසොති සහ භික්‌ඛූ වසන්‌ති එත්‌ථාති සංවාසොති අත්‌ථෙන අයං එකකම්‌මාදි සංවාසො නාම. ‘‘සහ අයනභාවෙනා’’තිඉමිනා සහ අයන්‌ති පවත්‌තන්‌තීති සහායාති වචනත්‌ථං දස්‌සෙති. තෙති භික්‌ඛූ. යෙහි චාති භික්‌ඛූහි ච. තස්‌සාති උක්‌ඛිත්‌තකස්‌ස. තෙනාති උක්‌ඛිත්‌තකෙන. අත්‌තනොති උක්‌ඛිත්‌තකස්‌සාති. තතියං.
669. Tatiye assāti ‘‘dhammena vinayenā’’ti padassa. Padabhājanaṃ vuttanti sambandho. Ñattisampadā ceva anusāvanasampadā ca satthusāsanaṃ nāmāti dassento āha ‘‘ñatti…pe… sampadāya cā’’ti. Satthusāsanenāti ca satthu āṇāya. Kammanti ukkhepanīyakammaṃ. Tatthāti saṅghe. ‘‘Vacanaṃ nādiyatī’’tiādīsu viya saṅghaṃ vā nādiyatīti ettha nādiyanaṃ nāma nānuvattanamevāti āha ‘‘nānuvattatī’’ti. Tatthāti saṅghādīsu. Ayaṃ tāva saṃvāsoti saha bhikkhū vasanti etthāti saṃvāsoti atthena ayaṃ ekakammādi saṃvāso nāma. ‘‘Saha ayanabhāvenā’’tiiminā saha ayanti pavattantīti sahāyāti vacanatthaṃ dasseti. Teti bhikkhū. Yehi cāti bhikkhūhi ca. Tassāti ukkhittakassa. Tenāti ukkhittakena. Attanoti ukkhittakassāti. Tatiyaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 3. තතියපාරාජිකං • 3. Tatiyapārājikaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā / 3. තතියපාරාජිකසික්‌ඛාපදවණ්‌ණනා • 3. Tatiyapārājikasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 3. තතියපාරාජිකසික්‌ඛාපදවණ්‌ණනා • 3. Tatiyapārājikasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 2. වජ්‌ජපටිච්‌ඡාදිකසික්‌ඛාපදවණ්‌ණනා • 2. Vajjapaṭicchādikasikkhāpadavaṇṇanā
