| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੩. ਤਤਿਯਪਾਰਾਜਿਕਸਿਕ੍ਖਾਪਦਂ
3. Tatiyapārājikasikkhāpadaṃ
੬੬੯. ਤਤਿਯੇ ਅਸ੍ਸਾਤਿ ‘‘ਧਮ੍ਮੇਨ વਿਨਯੇਨਾ’’ਤਿ ਪਦਸ੍ਸ। ਪਦਭਾਜਨਂ વੁਤ੍ਤਨ੍ਤਿ ਸਮ੍ਬਨ੍ਧੋ। ਞਤ੍ਤਿਸਮ੍ਪਦਾ ਚੇવ ਅਨੁਸਾવਨਸਮ੍ਪਦਾ ਚ ਸਤ੍ਥੁਸਾਸਨਂ ਨਾਮਾਤਿ ਦਸ੍ਸੇਨ੍ਤੋ ਆਹ ‘‘ਞਤ੍ਤਿ…ਪੇ॰… ਸਮ੍ਪਦਾਯ ਚਾ’’ਤਿ। ਸਤ੍ਥੁਸਾਸਨੇਨਾਤਿ ਚ ਸਤ੍ਥੁ ਆਣਾਯ। ਕਮ੍ਮਨ੍ਤਿ ਉਕ੍ਖੇਪਨੀਯਕਮ੍ਮਂ। ਤਤ੍ਥਾਤਿ ਸਙ੍ਘੇ। ‘‘વਚਨਂ ਨਾਦਿਯਤੀ’’ਤਿਆਦੀਸੁ વਿਯ ਸਙ੍ਘਂ વਾ ਨਾਦਿਯਤੀਤਿ ਏਤ੍ਥ ਨਾਦਿਯਨਂ ਨਾਮ ਨਾਨੁવਤ੍ਤਨਮੇવਾਤਿ ਆਹ ‘‘ਨਾਨੁવਤ੍ਤਤੀ’’ਤਿ। ਤਤ੍ਥਾਤਿ ਸਙ੍ਘਾਦੀਸੁ। ਅਯਂ ਤਾવ ਸਂવਾਸੋਤਿ ਸਹ ਭਿਕ੍ਖੂ વਸਨ੍ਤਿ ਏਤ੍ਥਾਤਿ ਸਂવਾਸੋਤਿ ਅਤ੍ਥੇਨ ਅਯਂ ਏਕਕਮ੍ਮਾਦਿ ਸਂવਾਸੋ ਨਾਮ। ‘‘ਸਹ ਅਯਨਭਾવੇਨਾ’’ਤਿਇਮਿਨਾ ਸਹ ਅਯਨ੍ਤਿ ਪવਤ੍ਤਨ੍ਤੀਤਿ ਸਹਾਯਾਤਿ વਚਨਤ੍ਥਂ ਦਸ੍ਸੇਤਿ। ਤੇਤਿ ਭਿਕ੍ਖੂ। ਯੇਹਿ ਚਾਤਿ ਭਿਕ੍ਖੂਹਿ ਚ। ਤਸ੍ਸਾਤਿ ਉਕ੍ਖਿਤ੍ਤਕਸ੍ਸ। ਤੇਨਾਤਿ ਉਕ੍ਖਿਤ੍ਤਕੇਨ। ਅਤ੍ਤਨੋਤਿ ਉਕ੍ਖਿਤ੍ਤਕਸ੍ਸਾਤਿ। ਤਤਿਯਂ।
669. Tatiye assāti ‘‘dhammena vinayenā’’ti padassa. Padabhājanaṃ vuttanti sambandho. Ñattisampadā ceva anusāvanasampadā ca satthusāsanaṃ nāmāti dassento āha ‘‘ñatti…pe… sampadāya cā’’ti. Satthusāsanenāti ca satthu āṇāya. Kammanti ukkhepanīyakammaṃ. Tatthāti saṅghe. ‘‘Vacanaṃ nādiyatī’’tiādīsu viya saṅghaṃ vā nādiyatīti ettha nādiyanaṃ nāma nānuvattanamevāti āha ‘‘nānuvattatī’’ti. Tatthāti saṅghādīsu. Ayaṃ tāva saṃvāsoti saha bhikkhū vasanti etthāti saṃvāsoti atthena ayaṃ ekakammādi saṃvāso nāma. ‘‘Saha ayanabhāvenā’’tiiminā saha ayanti pavattantīti sahāyāti vacanatthaṃ dasseti. Teti bhikkhū. Yehi cāti bhikkhūhi ca. Tassāti ukkhittakassa. Tenāti ukkhittakena. Attanoti ukkhittakassāti. Tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੩. ਤਤਿਯਪਾਰਾਜਿਕਂ • 3. Tatiyapārājikaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ੩. ਤਤਿਯਪਾਰਾਜਿਕਸਿਕ੍ਖਾਪਦવਣ੍ਣਨਾ • 3. Tatiyapārājikasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੩. ਤਤਿਯਪਾਰਾਜਿਕਸਿਕ੍ਖਾਪਦવਣ੍ਣਨਾ • 3. Tatiyapārājikasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੨. વਜ੍ਜਪਟਿਚ੍ਛਾਦਿਕਸਿਕ੍ਖਾਪਦવਣ੍ਣਨਾ • 2. Vajjapaṭicchādikasikkhāpadavaṇṇanā
