| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
3. ததியபாராஜிகஸிக்கா²பத³வண்ணனா
3. Tatiyapārājikasikkhāpadavaṇṇanā
669. இமங் அதி⁴ப்பாயமத்தந்தி ‘‘சோதெ³த்வா ஸாரெத்வா’’தி ஏதங். எத்தா²யங் விசாரணா – யோ பி⁴க்கு² உக்கி²த்தகபி⁴க்கு²னா ஸமானதி³ட்டி²கோ லத்³தி⁴னானாஸங்வாஸகோ ஹோதி, ஸோ அவந்த³னீயோ, கம்மாகம்மே உக்கி²த்தகோ விய ந க³ணபூரணோ, ஸஹஸெய்யம்பி ந லப⁴தி, ந ததா² பி⁴க்கு²னீ. ஸா ஹி யாவ ந ஸமனுப⁴ட்டா², தாவ க³ணபூரகா ச ஹோதி, ஸங்வாஸஞ்ச லப⁴தி. லத்³தி⁴னானாஸங்வாஸிகானுவத்திகாபி உக்கி²த்தானுவத்திகாவ ஹோதி. உக்கி²த்தோ சே காலங்கதோ, தத³னுவத்தகோ பி⁴க்கு² லத்³தி⁴னானாஸங்வாஸகோ ஹோதியேவ. ததா² விப்³ப⁴ந்தேபி தஸ்மிங் தித்தி²யபக்கந்தகேபி ஸிக்க²ங் பச்சக்கா²ய ஸாமணேரபூ⁴மியங் டி²தேபீதி ஏகே. தேஸங் மதேன உக்கி²த்தகே ததா²பூ⁴தேபி பி⁴க்கு²னீ தத³னுவத்திகா ஸமனுபா⁴ஸிதப்³பா³வாதி ஆபஜ்ஜதி. ஸமனுபா⁴ஸனகம்மங் ஸங்கா⁴யத்தங், ஸங்கே⁴ன ஸஞ்சிச்ச புரிமகாபத்திங் அபனேதுங் ந யுத்தங் விய கா²யதி. உக்கே²பனீயகம்மஞ்ச ஆபத்திஅத³ஸ்ஸனமத்தே, அப்படிகம்மமத்தே, குதி³ட்டி²அப்படினிஸ்ஸஜ்ஜனமத்தே ச கரியதி, தஸ்ஸ அனுவத்தனமத்தேன ஸமனுபா⁴ஸித்வா ஸாஸனதோ சாவேதப்³பா³னீதி ந யுத்தந்தி சே? ந வத்தப்³ப³மேவ, இத³ங் அபாராஜிகவத்தூ²ஸுபி தப்பஸங்க³தோ, அனஞ்ஞவிஸயத்தா ச வினயஸ்ஸ.
669.Imaṃ adhippāyamattanti ‘‘codetvā sāretvā’’ti etaṃ. Etthāyaṃ vicāraṇā – yo bhikkhu ukkhittakabhikkhunā samānadiṭṭhiko laddhinānāsaṃvāsako hoti, so avandanīyo, kammākamme ukkhittako viya na gaṇapūraṇo, sahaseyyampi na labhati, na tathā bhikkhunī. Sā hi yāva na samanubhaṭṭhā, tāva gaṇapūrakā ca hoti, saṃvāsañca labhati. Laddhinānāsaṃvāsikānuvattikāpi ukkhittānuvattikāva hoti. Ukkhitto ce kālaṅkato, tadanuvattako bhikkhu laddhinānāsaṃvāsako hotiyeva. Tathā vibbhantepi tasmiṃ titthiyapakkantakepi sikkhaṃ paccakkhāya sāmaṇerabhūmiyaṃ ṭhitepīti eke. Tesaṃ matena ukkhittake tathābhūtepi bhikkhunī tadanuvattikā samanubhāsitabbāvāti āpajjati. Samanubhāsanakammaṃ saṅghāyattaṃ, saṅghena sañcicca purimakāpattiṃ apanetuṃ na yuttaṃ viya khāyati. Ukkhepanīyakammañca āpattiadassanamatte, appaṭikammamatte, kudiṭṭhiappaṭinissajjanamatte ca kariyati, tassa anuvattanamattena samanubhāsitvā sāsanato cāvetabbānīti na yuttanti ce? Na vattabbameva, idaṃ apārājikavatthūsupi tappasaṅgato, anaññavisayattā ca vinayassa.
ததியபாராஜிகஸிக்கா²பத³வண்ணனா நிட்டி²தா.
Tatiyapārājikasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 3. ததியபாராஜிகங் • 3. Tatiyapārājikaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 3. ததியபாராஜிகஸிக்கா²பத³வண்ணனா • 3. Tatiyapārājikasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 2. வஜ்ஜபடிச்சா²தி³கஸிக்கா²பத³வண்ணனா • 2. Vajjapaṭicchādikasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 3. ததியபாராஜிகஸிக்கா²பத³ங் • 3. Tatiyapārājikasikkhāpadaṃ
