| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
၃. တတိယပာရာဇိကသိက္ခာပဒဝဏ္ဏနာ
3. Tatiyapārājikasikkhāpadavaṇṇanā
၆၆၉. ဣမံ အဓိပ္ပာယမတ္တန္တိ ‘‘စောဒေတ္ဝာ သာရေတ္ဝာ’’တိ ဧတံ။ ဧတ္ထာယံ ဝိစာရဏာ – ယော ဘိက္ခု ဥက္ခိတ္တကဘိက္ခုနာ သမာနဒိဋ္ဌိကော လဒ္ဓိနာနာသံဝာသကော ဟောတိ, သော အဝန္ဒနီယော, ကမ္မာကမ္မေ ဥက္ခိတ္တကော ဝိယ န ဂဏပူရဏော, သဟသေယ္ယမ္ပိ န လဘတိ, န တထာ ဘိက္ခုနီ။ သာ ဟိ ယာဝ န သမနုဘဋ္ဌာ, တာဝ ဂဏပူရကာ စ ဟောတိ, သံဝာသဉ္စ လဘတိ။ လဒ္ဓိနာနာသံဝာသိကာနုဝတ္တိကာပိ ဥက္ခိတ္တာနုဝတ္တိကာဝ ဟောတိ။ ဥက္ခိတ္တော စေ ကာလင္ကတော, တဒနုဝတ္တကော ဘိက္ခု လဒ္ဓိနာနာသံဝာသကော ဟောတိယေဝ။ တထာ ဝိဗ္ဘန္တေပိ တသ္မိံ တိတ္ထိယပက္ကန္တကေပိ သိက္ခံ ပစ္စက္ခာယ သာမဏေရဘူမိယံ ဌိတေပီတိ ဧကေ။ တေသံ မတေန ဥက္ခိတ္တကေ တထာဘူတေပိ ဘိက္ခုနီ တဒနုဝတ္တိကာ သမနုဘာသိတဗ္ဗာဝာတိ အာပဇ္ဇတိ။ သမနုဘာသနကမ္မံ သင္ဃာယတ္တံ, သင္ဃေန သဉ္စိစ္စ ပုရိမကာပတ္တိံ အပနေတုံ န ယုတ္တံ ဝိယ ခာယတိ။ ဥက္ခေပနီယကမ္မဉ္စ အာပတ္တိအဒသ္သနမတ္တေ, အပ္ပဋိကမ္မမတ္တေ, ကုဒိဋ္ဌိအပ္ပဋိနိသ္သဇ္ဇနမတ္တေ စ ကရိယတိ, တသ္သ အနုဝတ္တနမတ္တေန သမနုဘာသိတ္ဝာ သာသနတော စာဝေတဗ္ဗာနီတိ န ယုတ္တန္တိ စေ? န ဝတ္တဗ္ဗမေဝ, ဣဒံ အပာရာဇိကဝတ္ထူသုပိ တပ္ပသင္ဂတော, အနညဝိသယတ္တာ စ ဝိနယသ္သ။
669.Imaṃ adhippāyamattanti ‘‘codetvā sāretvā’’ti etaṃ. Etthāyaṃ vicāraṇā – yo bhikkhu ukkhittakabhikkhunā samānadiṭṭhiko laddhinānāsaṃvāsako hoti, so avandanīyo, kammākamme ukkhittako viya na gaṇapūraṇo, sahaseyyampi na labhati, na tathā bhikkhunī. Sā hi yāva na samanubhaṭṭhā, tāva gaṇapūrakā ca hoti, saṃvāsañca labhati. Laddhinānāsaṃvāsikānuvattikāpi ukkhittānuvattikāva hoti. Ukkhitto ce kālaṅkato, tadanuvattako bhikkhu laddhinānāsaṃvāsako hotiyeva. Tathā vibbhantepi tasmiṃ titthiyapakkantakepi sikkhaṃ paccakkhāya sāmaṇerabhūmiyaṃ ṭhitepīti eke. Tesaṃ matena ukkhittake tathābhūtepi bhikkhunī tadanuvattikā samanubhāsitabbāvāti āpajjati. Samanubhāsanakammaṃ saṅghāyattaṃ, saṅghena sañcicca purimakāpattiṃ apanetuṃ na yuttaṃ viya khāyati. Ukkhepanīyakammañca āpattiadassanamatte, appaṭikammamatte, kudiṭṭhiappaṭinissajjanamatte ca kariyati, tassa anuvattanamattena samanubhāsitvā sāsanato cāvetabbānīti na yuttanti ce? Na vattabbameva, idaṃ apārājikavatthūsupi tappasaṅgato, anaññavisayattā ca vinayassa.
တတိယပာရာဇိကသိက္ခာပဒဝဏ္ဏနာ နိဋ္ဌိတာ။
Tatiyapārājikasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၃. တတိယပာရာဇိကံ • 3. Tatiyapārājikaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā / ၃. တတိယပာရာဇိကသိက္ခာပဒဝဏ္ဏနာ • 3. Tatiyapārājikasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၂. ဝဇ္ဇပဋိစ္ဆာဒိကသိက္ခာပဒဝဏ္ဏနာ • 2. Vajjapaṭicchādikasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၃. တတိယပာရာဇိကသိက္ခာပဒံ • 3. Tatiyapārājikasikkhāpadaṃ
