| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
3. д̇ад̇ияабаарааж̇игаван̣н̣анаа
3. Tatiyapārājikavaṇṇanā
яат̇аа н̃аад̇абарин̃н̃аа д̇хаммаанам̣ сабхааваж̇аананамзва ‘‘ид̣̇ам̣ руубам̣, аяам̣ взд̣̇анаа’’д̇и, д̇ийран̣абарин̃н̃аа бана д̇хаммасабхаавзна сад̣̇д̇хим̣ анижжаад̣̇ивасзна бавад̇д̇амаанам̣ ‘‘руубам̣ анижжанд̇и ваа’’д̇иаад̣̇и, звамид̇ха сад̣̇д̇хим̣ жзд̇зд̇ваа згад̇д̇знааби баан̣аад̇ибаад̇аабхааваа ‘‘ж̇ийвид̇аа воробзяяаа’’д̇и вуд̇д̇ам̣. ‘‘мануссавиг̇г̇аха’’нд̇и вуд̇д̇ад̇д̇аа г̇аб̣бхасзяяагаанам̣ васзна саб̣б̣асукумаад̇д̇абхаавад̇о бадтааяа д̣̇ассзд̇ум̣ ‘‘галалад̇о бадтааяаа’’д̇и ааха. зд̇т̇а ж̇ийвид̇аа воробзнд̇о бажжуббаннад̇о вияож̇зд̇и. д̇ад̇т̇а кан̣абажжуббаннам̣ на саггаа воробзд̇ум̣, санд̇ад̇ибажжуббаннам̣ ваа ад̣̇д̇хаабажжуббаннам̣ ваа саггаа. гат̇ам̣? д̇асмин̃хи убаггамз гад̇з лад̣̇д̇хуубаггамам̣ ж̇ийвид̇ад̣̇асагам̣ нируж̇жхамаанам̣ д̣̇уб̣б̣аласса барихийнавзг̇асса бажжаяо ход̇и. санд̇ад̇ибажжуббаннам̣ яат̇аа д̣̇вз д̇аяо ж̇аванаваарз ж̇авид̇ваа нируж̇жхад̇и, ад̣̇д̇хаабажжуббаннан̃жа д̇ад̣̇ануруубам̣ гад̇ваа нируж̇жхад̇и, д̇ат̇аа бажжаяо ход̇и. д̇ад̇о санд̇ад̇ибажжуббаннам̣ ваа ад̣̇д̇хаабажжуббаннам̣ ваа яат̇аабарижчиннагаалам̣ абад̇ваа анд̇араава нируж̇жхад̇и. звам̣ д̇ад̣̇убхаяамби воробзд̇ум̣ саггаа. д̇асмаа бажжуббаннам̣ вияож̇зд̇и.
Yathā ñātapariññā dhammānaṃ sabhāvajānanameva ‘‘idaṃ rūpaṃ, ayaṃ vedanā’’ti, tīraṇapariññā pana dhammasabhāvena saddhiṃ aniccādivasena pavattamānaṃ ‘‘rūpaṃ aniccanti vā’’tiādi, evamidha saddhiṃ cetetvā ekattenāpi pāṇātipātābhāvā ‘‘jīvitā voropeyyā’’ti vuttaṃ. ‘‘Manussaviggaha’’nti vuttattā gabbhaseyyakānaṃ vasena sabbasukhumaattabhāvato paṭṭhāya dassetuṃ ‘‘kalalato paṭṭhāyā’’ti āha. Ettha jīvitā voropento paccuppannato viyojeti. Tattha khaṇapaccuppannaṃ na sakkā voropetuṃ, santatipaccuppannaṃ vā addhāpaccuppannaṃ vā sakkā. Kathaṃ? Tasmiñhi upakkame kate laddhūpakkamaṃ jīvitadasakaṃ nirujjhamānaṃ dubbalassa parihīnavegassa paccayo hoti. Santatipaccuppannaṃ yathā dve tayo javanavāre javitvā nirujjhati, addhāpaccuppannañca tadanurūpaṃ katvā nirujjhati, tathā paccayo hoti. Tato santatipaccuppannaṃ vā addhāpaccuppannaṃ vā yathāparicchinnakālaṃ apatvā antarāva nirujjhati. Evaṃ tadubhayampi voropetuṃ sakkā. Tasmā paccuppannaṃ viyojeti.
‘‘имасса банад̇т̇ассаа’’д̇и вохааравасзна вуд̇д̇амад̇т̇ам̣ барамад̇т̇авасзна аавибхаавад̇т̇ам̣ ‘‘баан̣о взд̣̇ид̇аб̣б̣о’’д̇иаад̣̇и вуд̇д̇ам̣. гааяавин̃н̃ад̇д̇исахид̇ааяа жзд̇анааяа баяуж̇ж̇ад̇ийд̇и баяог̇о, го со? сарийрз сад̇т̇аад̣̇ийнам̣ г̇аманам̣ бахаран̣анд̇и гааяаважийвин̃н̃ад̇д̇исахид̇ааяа жзд̇анааяа барасарийрз сад̇т̇абаад̇анам̣. д̣̇уурз тид̇анд̇и д̣̇уурз ваа д̇идтад̇у, самийбз ваа. хад̇т̇ад̇о муд̇д̇зна бахааро ниссаг̇г̇ияо. д̇ад̇т̇аад̇и ниссаг̇г̇ияаббаяог̇з. яо гожи марад̇ууд̇и зд̇т̇а махааж̇анасамуухз на саггаа. яассуубари саро бад̇ад̇и, д̇ассзва ж̇ийвид̇амаран̣ам̣ гаад̇ум̣, на яасса гассажи ж̇ийвид̇амаран̣ам̣. аан̣аабананд̇и важийвин̃н̃ад̇д̇исахид̇ааяа жзд̇анааяа ад̇хиббзд̇ад̇т̇асаад̇ханам̣. д̇знзва ‘‘саавзд̇угаамо на саавзд̇ий’’д̇и (баараа. 54) вуд̇д̇ам̣. аан̣ад̇д̇инияаамагаад̇и аан̣ад̇д̇игаббаяог̇асаад̇хигаа. зд̇зсу хи авираж̇жхид̇зсу зва аан̣ад̇д̇ибаяог̇о ход̇и, на ан̃н̃ат̇аа.
‘‘Imassa panatthassā’’ti vohāravasena vuttamatthaṃ paramatthavasena āvibhāvatthaṃ ‘‘pāṇo veditabbo’’tiādi vuttaṃ. Kāyaviññattisahitāya cetanāya payujjatīti payogo, ko so? Sarīre satthādīnaṃ gamanaṃ paharaṇanti kāyavacīviññattisahitāya cetanāya parasarīre satthapātanaṃ. Dūre ṭhitanti dūre vā tiṭṭhatu, samīpe vā. Hatthato muttena pahāro nissaggiyo. Tatthāti nissaggiyappayoge. Yo koci maratūti ettha mahājanasamūhe na sakkā. Yassūpari saro patati, tasseva jīvitamaraṇaṃ kātuṃ, na yassa kassaci jīvitamaraṇaṃ. Āṇāpananti vacīviññattisahitāya cetanāya adhippetatthasādhanaṃ. Teneva ‘‘sāvetukāmo na sāvetī’’ti (pārā. 54) vuttaṃ. Āṇattiniyāmakāti āṇattikappayogasādhikā. Etesu hi avirajjhitesu eva āṇattipayogo hoti, na aññathā.
руубуубахаарод̇и зд̇т̇а –
Rūpūpahāroti ettha –
‘‘мамаалаабхзна зсид̇т̇ий, марад̇уу’’д̇и самийбаг̇о;
‘‘Mamālābhena esitthī, maratū’’ti samīpago;
д̣̇удтажид̇д̇о сажз яаад̇и, ход̇и со ид̇т̇имаараго.
Duṭṭhacitto sace yāti, hoti so itthimārako.
бхигкад̇т̇ааяа сажз яаад̇и, ж̇аананд̇оби на маараго;
Bhikkhatthāya sace yāti, jānantopi na mārako;
анад̇т̇иго хи со д̇ассаа, маран̣зна убзгкаго.
Anatthiko hi so tassā, maraṇena upekkhako.
вияог̇зна жа мз ж̇ааяаа, ж̇ананий жа на ж̇ийвад̇и;
Viyogena ca me jāyā, jananī ca na jīvati;
ид̇и ж̇аанам̣ вияун̃ж̇анд̇о, д̇ад̣̇ад̇т̇иго ход̇и маараго.
Iti jānaṃ viyuñjanto, tadatthiko hoti mārako.
баб̣б̣аж̇ж̇аад̣̇инимид̇д̇ан̃жз, яаад̇и ж̇аанам̣ на маараго;
Pabbajjādinimittañce, yāti jānaṃ na mārako;
анад̇т̇иго хи со д̇ассаа, маран̣зна убзгкаго.
Anatthiko hi so tassā, maraṇena upekkhako.
хаарагасад̣̇д̣̇асса бхзд̣̇ад̇о ад̇т̇ам̣ вид̇т̇аарзд̇ваа убхаяамби згамзваад̇и д̣̇ассзд̇ум̣ ‘‘сад̇т̇ан̃жа д̇ам̣ хаараган̃жаа’’д̇иаад̣̇и вуд̇д̇ам̣. зд̇зна т̇аавараббаяог̇ам̣ д̣̇ассзд̇и саахад̇т̇игаад̣̇ийсу баяог̇зсу. ‘‘ид̇и жид̇д̇амано’’д̇и уд̣̇д̇харид̇вааби ид̇исад̣̇д̣̇асса ад̇т̇о на д̇аава вуд̇д̇о. гин̃жааби на вуд̇д̇о, ад̇хигааравасзна бана ааг̇ад̇ам̣ ид̇исад̣̇д̣̇ам̣ яож̇зд̇ваа ид̇и жид̇д̇асан̇габбод̇и зд̇т̇а ‘‘маран̣асан̃н̃ий маран̣ажзд̇ано маран̣аад̇хиббааяо’’д̇и вуд̇д̇ад̇д̇аа маран̣ам̣язва вагкад̇ийд̇и взд̣̇ид̇аб̣б̣о. вуд̇д̇анаязнаад̇и чаббаяог̇авасзна. саахад̇т̇иганиссаг̇г̇ияаббаяог̇зсу саннидтаабагажзд̇анааяа сад̇д̇амааяа саха уббаннагааяавин̃н̃ад̇д̇ияаа саахад̇т̇игад̇аа взд̣̇ид̇аб̣б̣аа. аан̣ад̇д̇игз бана сад̇д̇ахиби жзд̇анаахи саха важийвин̃н̃ад̇д̇исамбхавад̇о сад̇д̇а сад̇д̇а сад̣̇д̣̇аа згад̇о худ̇ваа згзгагкарабхаавам̣ г̇анд̇ваа яад̇д̇агзхи агкарзхи ад̇д̇ано ад̇хиббааяам̣ вин̃н̃аабзнд̇и, д̇ад̣̇авасаанагкарасамудтаабигааяа сад̇д̇амажзд̇анааяа сахаж̇аад̇аважийвин̃н̃ад̇д̇ияаа аан̣ад̇д̇игад̇аа взд̣̇ид̇аб̣б̣аа.
Hārakasaddassa bhedato atthaṃ vitthāretvā ubhayampi ekamevāti dassetuṃ ‘‘satthañca taṃ hārakañcā’’tiādi vuttaṃ. Etena thāvarappayogaṃ dasseti sāhatthikādīsu payogesu. ‘‘Iti cittamano’’ti uddharitvāpi itisaddassa attho na tāva vutto. Kiñcāpi na vutto, adhikāravasena pana āgataṃ itisaddaṃ yojetvā iti cittasaṅkappoti ettha ‘‘maraṇasaññī maraṇacetano maraṇādhippāyo’’ti vuttattā maraṇaṃyeva vakkhatīti veditabbo. Vuttanayenāti chappayogavasena. Sāhatthikanissaggiyappayogesu sanniṭṭhāpakacetanāya sattamāya saha uppannakāyaviññattiyā sāhatthikatā veditabbā. Āṇattike pana sattahipi cetanāhi saha vacīviññattisambhavato satta satta saddā ekato hutvā ekekakkharabhāvaṃ gantvā yattakehi akkharehi attano adhippāyaṃ viññāpenti, tadavasānakkharasamuṭṭhāpikāya sattamacetanāya sahajātavacīviññattiyā āṇattikatā veditabbā.
д̇ад̇ияабаарааж̇игаван̣н̣анаа нидтид̇аа.
Tatiyapārājikavaṇṇanā niṭṭhitā.
