| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৩. ততিযপাটিদেসনীযসিক্খাপদং
3. Tatiyapāṭidesanīyasikkhāpadaṃ
৫৬২. ততিযে ‘‘উভতো’’তি এত্থ করণত্থে তোতি আহ ‘‘দ্ৰীহী’’তি। ‘‘উভতোপসন্ন’’ন্তি ব্যাসোপি সমাসোপি যুত্তোযেৰ, সমাসে তোপচ্চযস্স অলোপো হোতি। ‘‘উভতো’’তিপদস্স সরূপং দস্সেতুং ৰুত্তং ‘‘উপাসকেনপি উপাসিকাযপী’’তি। কস্মা উভতো পসন্নং হোতীতি আহ ‘‘তস্মিং কিরা’’তিআদি। যস্মা তস্মিং কুলে…পে॰… সোতাপন্নাযেৰ হোন্তি কির, তস্মা ‘‘উভতোপসন্ন’’ন্তি ৰুত্তং হোতি। ‘‘সচেপী’’তি এত্থ পিসদ্দেন অসীতিকোটিধনতো অধিকম্পি সম্পিণ্ডেতি। হাযনস্স কারণং দস্সেতি ‘‘যস্মা’’তিআদিনা।
562. Tatiye ‘‘ubhato’’ti ettha karaṇatthe toti āha ‘‘dvīhī’’ti. ‘‘Ubhatopasanna’’nti byāsopi samāsopi yuttoyeva, samāse topaccayassa alopo hoti. ‘‘Ubhato’’tipadassa sarūpaṃ dassetuṃ vuttaṃ ‘‘upāsakenapi upāsikāyapī’’ti. Kasmā ubhato pasannaṃ hotīti āha ‘‘tasmiṃ kirā’’tiādi. Yasmā tasmiṃ kule…pe… sotāpannāyeva honti kira, tasmā ‘‘ubhatopasanna’’nti vuttaṃ hoti. ‘‘Sacepī’’ti ettha pisaddena asītikoṭidhanato adhikampi sampiṇḍeti. Hāyanassa kāraṇaṃ dasseti ‘‘yasmā’’tiādinā.
৫৬৯. ‘‘ঘরতো নীহরিত্ৰা’’তি এত্থ ‘‘নীহরিত্ৰা’’তি পদস্স কম্মং দস্সেতুং ৰুত্তং ‘‘আসনসালং ৰা ৰিহারং ৰা’’তি। ‘‘আনেত্ৰা’’তিইমিনা নীপুব্বহরধাতুযা অত্থং দস্সেতি। দ্ৰারেতি অত্তনো গেহদ্ৰারেতি। ততিযং।
569. ‘‘Gharato nīharitvā’’ti ettha ‘‘nīharitvā’’ti padassa kammaṃ dassetuṃ vuttaṃ ‘‘āsanasālaṃ vā vihāraṃ vā’’ti. ‘‘Ānetvā’’tiiminā nīpubbaharadhātuyā atthaṃ dasseti. Dvāreti attano gehadvāreti. Tatiyaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৩. ততিযপাটিদেসনীযসিক্খাপদং • 3. Tatiyapāṭidesanīyasikkhāpadaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৩. ততিযপাটিদেসনীযসিক্খাপদৰণ্ণনা • 3. Tatiyapāṭidesanīyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / পাটিদেসনীযসিক্খাপদৰণ্ণনা • Pāṭidesanīyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ২. দুতিযপাটিদেসনীযসিক্খাপদৰণ্ণনা • 2. Dutiyapāṭidesanīyasikkhāpadavaṇṇanā
